ST. LUKE 20 - Ottawa New Testament Penteteuch and Psalms 1874

¹ Kepuhguhmeahyahmahgud dush uhpe pazhik oonoo kezhegudoon, magwah kekekenooähmahwaud enewh ahnishenahban emuh ahnuhmeä‐weguhmigoong, kuhya dush kedebahdoodung ewh minwahjemoowin, enewh dush keche‐sahsahgewejega‐wenenewun, kuhya oozhebeëga‐wenenewun, kuhya enewh katezenejin kepenaunzekahgood,

² Oogeguhnoonahwaun dush, oo‐oo keëkedoowaud, Weenduhmooweshenaum, wagoonan ewh mushkahwezewin wanjeëzhechegayun oonoo uhyeëen? ahwanan dush owh kahmeenik maunduh kushkeäwezewin?

³ Oogenuhquatuhwaun dush oo‐oo keënaud, Kuhya neen suh kegahguhgwajemenim gagoo, weenduhmahweshig:

⁴ Ewh oobaptizooëwawin owh John, keche‐kezhegoong enuh keoönjebahmahgudene, gamuh eneneeng?

⁵ Keguhnoonindewug dush, oo‐oo keëkedoowaud, Kishpin ekedooyung keche‐kezhegoong; oo‐oo tahekedoo, Wagoonan dush kahoonjedabwatahwahsewag?

⁶ Kishpin dush ekedooyung, Eneneeng; kuhkenuh ahnishenahbag kegahpemwuhsenuhegoonahnig, ooduhyenanemahwaun Johnun cheäunwahjega‐wenenewenid.

⁷ Oogenuhquatuhwahwaun dush, kekanduhsigwah tebe wanjebahmahgudenegwan.

⁸ Jesus dush oo‐oo oogeënaun, Kuhya neen, kahween kegahweenduhmoosenoonim ewh mushkahwezewin wanje-ezhechegayaun oonoo.

⁹ Oogemahje‐guhnoonaun dush enewh ahnishenahban, oo‐oo keëzheähwajegad; Pazhik enene oogeöozhetoon ewh shoowemine‐ketegaun, keähweäud dush enewh ketega‐wenenewun, keëzhaud dush emuh wahsuhwakuhmig, kenooazh keöondande.

¹⁰ Uhpe dush kahtebishkoosanig, oogeëzhenahzhahwaun enewh oobuhmeetahgun emuh andahnid enewh ketega‐wenenewun, ewh dush chemeenegood enewh shoowemine‐ketegauning duhzhe meenewinun: egewh dush ketega‐wenenewug oogepuhzhunzhawahwaun, oogemahjenahzhahwahwaun dush pezheshig.

¹¹ Menuhwah dush pazhik buhmeetahgun oogeëzhenahzhahwaun: kahpuhzhunzhawahwaud dush, kuhya kahpahpenoodahwahwaud, oogemahjenahzhahwahwaun pezheshig.

¹² Menuhwah dush pazhik oogeëzhenahzhahwaun; kahmahkeähwahwaud kuhya ween oogesahgeje‐wabenahwaun.

¹³ Oo‐oo dush keëkedoo owh tabandung ewh shoowemine‐ketegaun, Ahneen kaëzhechegayaun? Ningahezhenahzhahwah ningwis owh suhyahgeüg, koonemah suh oogahkechetwahwanemahwaun uhpe kewahbuhmahwaud.

¹⁴ Uhpe dush kahwahbuhmahwaud egewh ketega‐wenenewug, keguhnoonindewug, oo‐oo keëkedoowaud, Me suh wuh‐owh kadebandahsood, umba nesahdah, kenuhwind dush chedebandahsooyung.

¹⁵ Oogesahgeje‐wabenahwaun dush oonje shoowemine‐ketegauning kuhya oogenesahwaun, Ahneen dush kadoodahwaud owh tabandung ewh shoowemine‐ketegaun?

¹⁶ Tahpeëzhah chenesaud oonoo ketega‐wenenewun, oogahmeenaun dush bakahnezenejin ewh ketegaun. Uhpe dush kahnoonduhmoowaud, oo‐oo keëkedoowug, Kahween tahezhewabussenoon.

¹⁷ Oogenuhnahguhduhwahbuhmaun dush, oo‐oo keëkedood, Ahneeshwin oo‐oo azhebeëgahdag, Ewh ahsin kahwabenuhmoowaud egewh wazhegajig, me suh ewh nahgaunandahgwuk ahsin?

¹⁸ Ahwagwan dush kapungeshinoogwan emuh ahsineeng tahmahkegunahmah; ahwagwan dush katuhsoone-googwan, oogahpesekahgoon debishkoo peseboojegahzood.

¹⁹ Egewh dush keche‐sahsahgewejega‐wenenewug kuhya oozhebeëga‐wenenewug oogenunduhwanemahwaun ewh uhpe chetuhkoonahwaud; oogekoosahwahwaun dush ahnishenahban: oogekekanemahwaun muh wenuhwah kahoonjeähwajegad.

²⁰ Oogeähkahwahbuhmahwaun dush, kuhya keëzhenahzhahwahwaud enewh enenewun, keemooj cheähkahwahbenid, chemenooëzhewabezekahzoonid cheoonjemekahwahnid gagoo cheëkedoonid, cheöonjepuggedenuhwaud emuh oomushkahwezewinening kuhya ookushkeäwezewinening enewh oogemaun.

²¹ Oogeguhgwajemahwaun dush, oo‐oo keëkedoowaud, Kakenooähmahgayun, ninkekandahmin, quuhyuk kekedooyun kuhya kekenooähmahgayun, kah dush kekoosahse ahweyah, emuh suh tabwawining kedezhekekenooähmahga ewh oodezhetwahwin owh Kesha‐Muhnedoo.

²² Ezhesin enuh chetebahahmungid owh Cæsar ewh oogemah‐shooneyah, gamuh kuhya kahween?

²³ Kekekanemaud dush azhekuhkuhyanezenid, oo‐oo keënaud, Wagoonan wanjekuhgwatebanemeyaig?

²⁴ Wahbunduheshig shooneyauns. Ahwanan mahbuh mazenejegahzood kuhya wazhebeëgahzood? Oogenuhquatuhwahwaun dush, oo‐oo keënahwaud, Cæsar suh.

²⁵ Oo‐oo dush oogeënaun, Meenik dush owh Cæsar enewh Cæsar ooduhyeemun, meenik dush owh Kesha‐Muhnedoo enewh Kesha‐Muhnedoo ooduhyeemun.

²⁶ Kahween dush oogekushketoosenahwah chemahnah-jemootoowaud enewh oodekedoowinun anahsuhmenid ahnishenahban: oogemahmahkahdandahnahwah dush ewh kahnuhquatuhmenid, kah dush ningood keëkedoosewug.

²⁷ Kepeëzhahwug dush ahnind egewh Sadduceeg, ahyahgoonwatungig ewh ahbejebahwin; oogeguhgwajemahwaun dush,

²⁸ Oo‐oo keëkedoowaud, Kakenooähmahgayun, owh Moses, kegeëzhebeähmahgoonaun, kishpin ahweyah wejekewaün neboonid ahyahwahnid equawun, pwah‐oonejahnesenid dush, mahnoo owh wawejekewaëmind oogahoodahpenaun enewh wewene, cheoozhetuhmahwaud ahbenoojeyun enewh wejekewaëbuneen.

²⁹ Keneezhwahchewug suh egewh wawejekewaïndejig; owh netum oogewedegamaun enewh equawun, keneboo dush chepwah oonejahnesid.

³⁰ Menuhwah dush pazhik oogeöodahpenaun enewh wewene, kuhya ween keneboo chepwah oonejahnesid.

³¹ Menuhwah dush pazhik oogeöodahpenaun; me debishkoo kuhkenuh neezhwahswe kahezhechegawaud; kahween dush keöonejahnesewug, medush keneboowaud.

³² Ishquauch edush keneboo owh equa.

³³ Emuh ahbejebahwining ahwanan kaähyahwaud enewh equawun? kuhkenuh muh egewh neezhwahswe oogewedegamahwaun.

³⁴ Jesus dush oogenuhquatuhwaun oo‐oo keënaud, Egewh tabandahgoozejig oomah uhkeeng wewewug kuhya weedegamahwug:

³⁵ Egewh dush kahahpeetandahgoozejig chebemahdezewaud ewede kuhya cheähbejebahwaud kahween tahwewesewug kah kuhya tahwedegamahsewug:

³⁶ Kah dush menuhwah tahneboosewug: angening suh nahsaub ahpetandahgoozewug; kuhya oonejahnesemegoowaud enewh Kesha‐Muhnedoon, tebandahgoozewug muh emuh ahbejebahwining.

³⁷ Cheähbejebahwaud egewh naboojig, kewahbundahewa pooch owh Moses emuh ahnebeeshekaung, uhpe keëzheweenaud enewh Jehovahun, oo‐Kesha‐Muhnetoomun owh Abraham, kuhya oo‐Kesha‐Muhnetoomun owh Isaac, kuhya oo‐Kesha‐Muhnetoomun owh Jacob.

³⁸ Kahween oo‐Kesha‐Muhnetoomegooseen enewh naboonejin, enewh suh atuh bamahdezenejin: ween kuhkenuh wanjebemahdezewaud.

³⁹ Ahnind dush egewh oozhebeëga‐wenenewug oogenuhquatuhwahwaun oo‐oo keënahwaud, Kakenooähmahgayun, wawane suh kegeëkid.

⁴⁰ Keshahgwanemoowug menuhwah chekuhgwajemahwaud gagoo.

⁴¹ Oo‐oo dush oogeënaun, Ahneeshwin dush akedoowaud, ewh oogwissemegood owh Christ enewh Davidun?

⁴² David dush ween ekedoo emuh nuhguhmoowine-muhzenuheguning, Owh Tabaningad oo‐oo oogeënaun enewh Tabanemejin, Nuhmuhduhbin emuh nekechenikaung,

⁴³ Nahnauzh ezheügwah egewh shaunganemikig chetuhtuhkookahnudwah.

⁴⁴ David suh Tabaningayun oodezhenekahnaun, ahneen dush azheoogwissid?

⁴⁵ Magwah dush noonduhmenid kuhkenuh ahnishenahban, oo‐oo oogeënaun enewh ookekenooähmahgunun,

⁴⁶ Aungwahmezeyook chemewishkahwagwah egewh oozhebeëga‐wenenewug, nanduhwandungig chebemoosawaud ahgwewaud enewh kakaunwagudenejin ahgwewinun, kuhya cheähnemekahwindwah emuh anduhzhe‐ahtaunding, kuhya chenegaun‐uhbewaud emuh ahnuhmeä‐weguhmigoong, kuhya kache‐ahpetandahgwukin ahgweduhbewinun emuh anduhzhe‐wekoonding;

⁴⁷ Ookedahnahwah enewh shegaun oowegewaumene, kuhya ahnuhmeäkahzoowaud keche kenooazh ahnemetahgoozewug: ahwahshema tahkuhgwahnesugge‐nahneboo-mahwug.