ST. LUKE 2 - Ottawa New Testament Penteteuch and Psalms 1874

¹ Kepuhgummeähyah dush uhpe oonoo kezheguddoon, keënahkoonega owh Cæsar Augustus, kuhkenuh akeewejig cheoozhebeëgahzoowaud.

² (Maunduh dush oozhebeëgawin netum keoozhechegahda magwah owh Cyrenias keöogemahkundung ewh Syria.)

³ Kuhkenuh dush keëzhahwug cheoozhebeëgahzoowaud, emuh tebenuhwa oodoodanahwewaung.

⁴ Kuhya ween Joseph keöonjemahjah emuh Galileenaung ewh oodanah Nazereth aduhming, ewede dush Judeaing keëzhaud, emuh David oodoodanuhwing, ewh Bethlehem anduhming; kedebandahgooze gooshah emuh oowegewauming owh David.

⁵ Cheoozhebeëgahzood, keweejewegood Maryun enewh wahweewejin, kache‐unjekoonid.

⁶ Kepuhgummeähyah dush, magwah ewede keähyahwaud, kedebishkoosane ewh chenegeähwuhsoonid.

⁷ Oogenegeäun dush oonetummoozhaunun oogwissun, oogetuhkoobenaun dush, kuhya oogeähsaun emuh anduhzhe‐wesenenid enewh ahwahkaunun; kah muh kemeenahsewug uhbenahsoowin emuh ahshunde‐weguhmigoong.

⁸ Keähyahwug ewede duhzhe uhkeeng egewh mahnishtahnishe‐wenenewug, ahgwahjeeng ketegauning nebabetuhmoowaud, guhnuhwanemahwaud oomahnishtahnishemewaun tabekudenig.

⁹ Benuh dush, Jehovah oodangenemun kepenebahwewun emuh ahyahwaud, kuhya oopeshegandahgoozewin owh Jehovah kesahgahtane kewetuhyeëe emuh ahyahwaud: kekeche‐sagezewug dush.

¹⁰ Angenun dush oogeëgoowaun, Kagoo sagezekagoon. Benuh gooshah, kewahweenduhmoonim kache‐moojegandahgwuk minwahjemoowin, chedebahjemootahwindwah kuhkenuh ahnooj azheweenzoojig ahnishenahbag.

¹¹ Kenegetahmahgoom suh noongoom kezheguk emuh oodoodanuhwing owh David Bamahjeëwad, mesuh owh Christ owh Tabaningad.

¹² Mesuh maunduh kekenoowahjechegun kaähyahmag; kegahmekahwahwah owh ahbenooje takoobezood, kuhya shangeshing emuh anduhzhe‐wesenewaud egewh ahwahkaunug.

¹³ Chasekah dush owh angen oogepemeweejewegoon nebewah keche‐kezhegoong wanjebahnejin wahwezhanemahnid enewh Kesha‐Muhnedoon, oo‐oo ekedoonid,

¹⁴ Tahpeshegandahgooze suh owh Kesha‐Muhnedoo ewede keche‐ishpeming kuhya oomuh uhkeeng pezaunewawin, kuhya shahwanjegawin anduhzhe‐ahyahwaud egewh enenewug.

¹⁵ Kepuhgummeähyahmahgud, uhpe egewh angenug kahmahjahwaud keche‐kezhegoong enuhkuhkayah, egewh mahnishtahnishe‐wenenewug oo‐oo keëdewaud, Umba ezhahdah ewede Bethleheming, chewahbunduhmung oo‐oo pagummishkahmahguk, owh Tabaningad kahkekanduhmoonenung.

¹⁶ Medush kepewaweebishkahwaud, kemekahwahwaud dush enewh Maryun, kuhya Josephun, kuhya ahbenoojeün shingeshinenid emuh anduhzhe‐wesenenid ahwahkaunun.

¹⁷ Uhpe dush kahwahbunduhmoowaud, oogesuhswa-debahdoodaunahwah ewh ekedoowin kahwahweenduhmoowindwah, anandahgoozid owh ahbenooje.

¹⁸ Kuhkenuh dush kahnoondungig oogemahmahkahdandahnahwah enewh keënahjemoowaud egewh mahnishtahnishe‐wenenewug.

¹⁹ Mary dush oogeguhnuhwandaunun kuhkenuh oonoo uhyeëen, kuhya oogenahnahgahdahwandaunun emuh oodaïng.

²⁰ Egewh dush mahnishtahnishe‐wenenewug kekewawug, wahwezhanemahwaud kuhya mahmooyahwahmahwaud enewh Kesha‐Muhnedoon oonje oonoo uhyeëen kahezhenoonduhmoowaud kuhya dush kahezhewahbunduhmoowaud debishkoo kahezhewahweenduhmoowindwahpun.

²¹ Uhpe dush neshwausoo‐kezhiguk kahtebishkoosag wekekenoowahje‐keshkizhoond owh ahbenooje, JESUS keëzhenekahzoo, ewh egoo kahezheweenegood enewh angenun chepwah kekishkahgood enewh oogeen.

²² Uhpe dush oonoo kezhegudoon, chepeneëdezood ketebishkoosanig, ewh egoo akedoomahguk owh Moses ookuhgequawin, oogepeenahwaun emuh Jerusaleming chepuhgedenahmahwahwaud ewh weyow enewh Tabaninganejin;

²³ (Debishkoo azhebeëgahdag emuh ootebahkoonegawining owh Tabaningad, Kuhkenuh egewh netum nahgejig quewezansug tahuhyenanemahwu chepuggedenuhmuhwind owh Tabaningad;)

²⁴ Kuhya dush chemeegewawaud ewh sahsahgewejegun, ewh goo akedoong emuh Tabaningad ootebahkoonegawining, Ningoodwawaun egewh keche‐oomemeeg, gamuh neezh oomemeensug.

²⁵ Benuh dush, keähyah pazhik enene emuh Jerusaleming, Simeon kahezhenekahzood; medush owh enene quuhyuk kahezhewabezid kuhya kahmenoo‐ahnuhmeäud, kebeetood dush ooshahwandahgoozewin owh Israel: Keche Oojechaugwun dush oogekekishkahgoon.

²⁶ Kuhya dush oogewahweendahmahgoon enewh Keche‐Oojechaugwun, chewahbunduhsig ewh neboowin, chepwah wahbuhmaud oo‐Christemun owh Jehovah.

²⁷ Kuhya emuh Keche‐Oojechaugoong kepeëzhah emuh keche‐ahnuhmeä‐weguhmigoong: uhpe dush enewh oonegeëgoon kahpeendeguhnegood owh ahbenooje Jesus, chedoodahgood debishkoo akedoomahguk ewh tebahkoonegawin,

²⁸ Me dush keöodahpenaud emuh oonikaung, kemahmooyahwahmaud enewh Kesha‐Muhnedoon, oo‐oo dush keëkedood.

²⁹ Jehovah, noongoom kepuggedenah kebuhmeetahgun chemahjaud emuh pezaunewawining, debishkoo kahekedooyun.

³⁰ Neeshkinzhegoong muh ningeöonjewahbundaun ewh kebemahjeëwawin,

³¹ E‐ewh kahwahwazhesittooyun, emuh anahsuhmingwawaud kuhkenuh bamahdezejig;

³² Wahsayahzewin chewahsashkahgoowaud egewh mayug‐ahnishenahbag, kuhya oopeshegandahgoozewinewah kedahnishenahbamug Israel.

³³ Joseph dush kuhya oogeen owh Jesus kemahmahkahdanduhmoog oonje enewh uhyeëen kahenind.

³⁴ Kuhya dush owh Simeon oogeshahwanemaun, kuhya oogëenaun enewh oogene Maryun, Benuh, wah‐owh ahbenooje peöonjepuggedenah chepungeshenid kuhya dush nayaub chepuhsegwenid nebewah emuh Israeling; kuhya tahahwe ewh kekenoowahjechegun kamujje‐duhzhinchegahdag;

³⁵ (Ahzhahwashk dush kegahpuhjebuhöogoon kuhya tebenuhwa kejechaugoong,) enewh dush oonahnahgahdahwanduhmoowinewaun nebewah oodaëmaun chemezheshah-kekanjegahdag.

³⁶ Keähyah dush pazhik equa, Anna kahezhenekahzood, aunwahjega‐equa, oodaunun owh Phanuel, keëzheöodoodamid debishkoo owh Aser, kekeche‐kekah, neezhwahswe pepoon dush menik ahnoo kewedegagoobunan pahahkookegaungooquawid;

³⁷ Kuhya dush keshegahwe koonemah neswahsweme-duhnuh‐ahshe‐newin kekenoonoowinun, kah wekah oogenuhguddunseen ewh keche‐ahnumeä‐weguhmig, ewh dush ween kebuhmeetahwaud enewh Jehovahun kekeëquishemood kuhya keähnuhmeäud tabekudenig kuhya kahzhegudenig.

³⁸ Kepeendega dush kuhya ween ewh uhpe, oogemahmooyahwahmaun dush enewh Tabaninganejin, kuhya dush kewahweenduhmahwaud kuhkenuh enewh nanduhwahbunduhmenejin ewh shahwandahgoozewin emuh Jerusaleming.

³⁹ Uhpe dush kuhkenuh kahkezhetoowaud, azheähyahnig ewh ootebahkoonegawin owh Jehovah, keëzhekewawug ewede Galileenaung, emuh ewh tebenuhwa oodoodanahwewaung Nazareth aduhming.

⁴⁰ Kemahjege dush owh ahbenooje, kuhya kekenebege emuh mushkahwanduhmoowining, kuhya oogemooshkenashkahgoon ewh nebwahkahwin: kuhya dush ooshahwanjegawin owh Kesha Muhnedoo oogeweejewegoon.

⁴¹ Ooketezemun dush keëzhahwun emuh Jerusaleming anduhsoo‐pepoonenig, uhpe kuhbekoosa‐wahkoondingin.

⁴² Uhpe dush kahmetahsoo‐ahzhe‐neezhoo‐pepoon‐uhgezid, keëzhahwug emuh Jerusaleming, ewh egoo azhechegagoobunan uhpe wahkoondingin.

⁴³ Uhpe dush kahtebishkoosittoowaud enewh kezhegudoon, uhpe kewawaud, owh quewezans Jesus keëshque emuh Jerusaleming; owh dush Joseph kuhya oogeen owh quewezans kahween oogekekanduhsenahwah.

⁴⁴ Oogeënanemahwaun suh cheweejewahnid enewh pabahmahdezenejin, ningoo‐kezhik kebemoosawug; oogenundoonawahwaun dush emuh ahyahnid enewh anuhwamahwahjin kuhya kakanemahwahjin.

⁴⁵ Uhpe dush kahmekahwahsigwah, nayaub keëzhekewawug emuh Jerusaleming, keündoonawahwaud.

⁴⁶ Kepuhgummeähyahmahgud, nasoogoonahgudenig oogemekahwahwaun emuh keche‐ahnuhmeä‐weguhmigoong, nuhmuhduhbenid nesuhwuhyeëe keähyahnid kekenooahmahga‐wenenewun, bezindahwahnid, kuhya kuhgwajemahnid

⁴⁷ Kuhkenuh dush kahnoondahwahjig oogemahmahkahdanemahwaun kahezhenesittootummenid kuhya kahezhenuhquatuhmenid.

⁴⁸ Uhpe dush kahwahbuhmahwaud, kemahmahkahdanduhmoog: oo‐oo dush oogeëgoon enewh oogeen, Ningwis, ahneeshwin oo‐oo kedoodahweyaung? Benuh koos kuhya neen kegenundoonaöogoo kesahdanduhmaung.

⁴⁹ Oo‐oo dush oogeënaun, Ahneeshwin kegwenuhwahbuhmeyag? Kah nuh ween kekekanduhsenahwah, duhnezeyaunbaun emuh Noos oowegewauming?

⁵⁰ Kah dush oogenesittootunsenahwah ewh ekedoowin kahezheguhnoonegoowaud.

⁵¹ Oogeühnewejewaun dush, ketuhgwishing dush ewede Nazarething, oogenuhittahwaun dush: oogeen dush oogeguhnahwandaunun oonoo kuhkenuh ekedoowinun emuh oodaïng.

⁵² Jesus dush kemahjege emuh nebwahkahwining kuhya emuh weyowing, kuhya ashkum oogeminwanemegoon enewh Kesha‐Muhnedoon, kuhya enewh enenewun.