ST. LUKE 19 - Ottawa New Testament Penteteuch and Psalms 1874

¹ Jesus dush keühnepeendega kuhya oogeühneshahbooshkaun ewh Jericho.

² Benuh dush, pazhik enene Zacchaias azhenekahzood: kekeche‐mahwunjechega‐wenenewe suh, kewahnuhdeze dush.

³ Kenunduhwandum chewahbuhmaud enewh Jesusun ahwanan ahyahwegwan; kahween dush oogekushketooseen oonzaum bahteenenid ahnishenahban, ketuhkooze muh.

⁴ Negaun dush keähbuttoo, keähquaunduhwa dush emuh wegoobemeeshing, chewahbuhmaud keühnebemoosanid ewede.

⁵ Uhpe dush Jesus uhnetahgwishing emuh, keöombequane, kewahbuhmaud dush, oo‐oo dush oogeënaun, Zacchaias, waweeb nesaunduhwan; noongoom muh ningahduhniz andahyun.

⁶ Waweeb dush kenesaunduhwa, oogeöodahpenaun dush wahwezhandung.

⁷ Uhpe dush kahwahbunduhmoowaud, kuhkenuh kenishkahzetahgoozewug, oo‐oo keëkedoowaud, Kepeendega cheduhnezid emuh majeëzhewabezid enene oowegewauming.

⁸ Zacchaias dush kenebahwe, oo‐oo dush keënaud enewh Tabaninganejin, Benuh, Tabaningayun, ahbetah menik dabanduhmaun nemeenaug egewh katemahgezejig; kishpin dush kewahyazhemug ahweyah enene gagoo, newing ahwahshema menik ningahtebahahmahwah.

⁹ Jesus oogeënaun, Noongoom kezheguk, bemahjeëwawin ketuhgwishenoomahgud oomah wegewauming, kuhya dush wah‐owh oodoogwissemegoon enewh Abrahamun.

¹⁰ Owh muh Enene Oogwissun kepeöonjeëzhah chenundoonaäud kuhya chebemahjeäud enewh kahwuhneshe-nenejin.

¹¹ Magwah egewh ahnishenahbag noonduhmoowaud oonoo, menuhwah oogeguhnoonaun keähwajegad, pashoo uhneähyaud emuh Jerusaleming, kenunduhwanduhmoowaud dush bahbega chepenahgwuk ewh oodoogemahwewin owh Kesha‐Muhnedoo.

¹² Oo‐oo dush keëkedoo, Pazhik kachetwahwezid enene keëzhah emuh wahsuhwakummig, cheöodahpenung ewh oogemahwewin, chepeskahbid dush.

¹³ Uhpe dush kahnundoomaud metahswe oobuhmeetahgunun, oogemeenaun metauswahbik oozahwah‐shooneäun, oo‐oo oogeënaun, Ahtahwayook nahnauzh egoo tuhgwishenaun.

¹⁴ Egewh dush wahdatoojig oogesheenganemahwaun, oogeëzhenahzhahwahwaun enewh mezhenahwan cheweenduhmoowahnid, oo‐oo keëkedoowaud, Kahween nemenwanemahsenaun mahbuh cheoogemahkundahweyungid.

¹⁵ Kepuhguhmeähmahgud dush uhpe kahkewad, kahoodahpenung ewh oogemahwewin, keëkedood chenundoomindwah oogoo buhmeetahgunug, enewh kahmeenahjin shooneyaun, cheoonjekekanemaud menik kekushkechegawahgwan anduhchewaud, ewh keähtahwawaud.

¹⁶ Kepeëzhah suh owh netum, oo‐oo keëkedood, Tabaningayun, ewh kedoozahwah‐shooneyaum metauswahbik kekushkechegamahgud.

¹⁷ Oo‐oo dush oogeënaun, Wawane, manoo‐ezhewabezeyun bahmeetahguneweyun, kegeäungwahme‐guhnuhwandaun keche‐punge, kegahoogemahkundaunun metahswe keche‐oodanahwun.

¹⁸ Kepeëzhah dush menuhwah pazhik, oo‐oo keëkedood, Tabaningayun, kedoozahwah‐shooneyaum kekushkejegamahgud naunwahbik.

¹⁹ Oo‐oo dush oogeënaun, Oogemahkundun kuhya keen nahnun keche‐oodanahwun.

²⁰ Menuhwah dush pazhik kepeëzhah, oo‐oo keëkedood, Tabaningayun, wahbundun kedoozahwah‐shooneyaum, ningeähtoon suh emuh keseengwaoowining:

²¹ Kegekoosin gooshuh, oonje suhnug‐eneneweyun; kemahmoon muh ewh kahahtoosewun, kuhya kesuhgukkenaun ewh kahketegahdunsewun.

²² Oo‐oo dush oodenaun, Tebenuhwa kedooning kegahoonjetebahkoonin, maje‐buhmeetahguneweyun, kegekekanim muh chesuhnug‐eneneweyaun, mahmooyaun ewh kahahtoosewaun, kuhya suhgukkenuhmaun ewh kahketegahdunsewaun:

²³ Ahneeshwin dush keähtoosewun ewh neshooneyaum emuh shooneyah‐weguhmigoong, petuhgwishenaun nindahgeöodahpenaun ewh neshooneyaum kuhya dush netebahahmahgoowin?

²⁴ Oo‐oo dush oogeënaun enewh pashoo nahbahwenejin, Muhkuhmik ewh pazhik oozahwah‐shooneyah, meenik owh ayahwaud metausweoozahwah‐shooneyaun.

²⁵ (Oo‐oo dush oogeënahwaun, Tabaningayun, ween oodahyahwaun metauswe oozahwah‐shooneyaun.)

²⁶ Kedenenim gooshuh, Kuhkenuh ayaungig tahmeenahwug; owh dush ayaunsig tahmuhkummah, ewh menik ayaung.

²⁷ Oogoo dush ween shaunganemejig, kahenanduhsegoog cheöogemahkunduhwugwah, peenik kuhya nesik oomah enahsuhmuhbeyaun.

²⁸ Magwah dush oo‐oo uhyekedood keühnenegahne, uhneëzhaud emuh Jerusaleming.

²⁹ Kepuhguhmeähyahmahgud, uhpe pazhoo uhneduhnezid emuh Bethpageïng kuhya Bethanying, emuh wahjewing Olives azhenekahdag, oogemahjenahzhahwaun neezh ookekenooähmahgunun,

³⁰ Oo‐oo keënaud, Ezhaug emuh oodanaunsing enahsuhmuhkahbahweyung; uhpe dush kepeendegayag, kegahmekahwahwah mahnesheens tuhkoobezood wekah kahpemoomahsig enewh enenewun; ahbahook, peenik edush oomah.

³¹ Kishpin dush ahweyah kuhgwajemenag, Ahneeshwin ahbahwag? oo‐oo kegahenahwah, Owh Tabaningad ooweähwaun.

³² Egewh dush kahezhenahzhahoondjig kemahjahwug, keëzhemekahwahwaud dush ewh keëgoowaud.

³³ Magwah dush ahbahwahwaud enewh mahnesheensun, enewh waduhyahmenejin oo‐oo keëgoowaud, Wagoonash wanje‐ahbahwag owh mahnesheens?

³⁴ Oo‐oo dush keëkedoowug, Owh suh Tabaningad ooweähwaun.

³⁵ Oogepeetahmahwahwaun enewh Jesusun; kahahtoowaud dush enewh oodahgwewinewaun emuh oopikwunening enewh mahnesheensun, kuhya oogenuhmuhduhbeähwaun enewh Jesusun emuh.

³⁶ Uhnepahbahmahdezenid dush oogeähtoonahwah oodahgwewinewaun emuh meekunaung.

³⁷ Uhpe dush pashoo uhneduhnezid, anenesahkewung ewh Olives wahjewh, kuhkenuh anduhchewaud egewh kekenooähmahgunug kemahje‐wahwezhanduhmoog, anegook kewahwezhanemahwaud enewh Kesha‐Muhnedoon, oonje enewh kuhkenuh keche‐mushkahwezewinun kahwahbunduhmoowahjin;

³⁸ Oo‐oo keëkedoowaud, Shahwandahgooze owh Keche‐oogemah tagwishing emuh oodezhenekahzoowining owh Tabaningad, pezaunewawin ewede keche‐kezhegoong, kuhya wahwezhanduhmoowin ewede keche ishpeming.

³⁹ Ahnind dush egewh Phariseeg kahweejewahjig enewh ahnishenahban, oo‐oo oogeënahwaun, Kakenooähmahgayun, kenahahmow egewh kekekenooähmahgunug.

⁴⁰ Oogenuhquatuhwaun dush, oo‐oo keënaud, Kedenenim, Kishpin oogoo pwah‐kekedoowaud, tahgepepahgewug egewh ahsineeg.

⁴¹ Uhpe dush pashoo kahuhnetuhgwishing, oogewahbundaun ewh oodanah, kuhya dush kemuhweendung.

⁴² Oo‐oo dush keëkedood, Kishpin kekanduhmunbun, keen egoo oo‐oo kekezhegoom enewh uhyeëen dabandahgwukkin emuh kepezaunewawining! noongoom dush ween kekahzootahgoonun cheöonjewahbunduhsewun.

⁴³ Enewh muh kezhegudoon kegahpuhguhmishkahgoonun, ewh uhpe egewh nashkanemikig chekewetah‐kahbahwetookwah, kuhya kewetuhyeëe cheähkahwahbuhmikwah,

⁴⁴ Debishkoo dush uhkeeng cheëzhetahbussekumme-gishkemikwah kuhya kenejahnesug peendig ayahjig; kah dush kuhnuhga kegahezhenuhguhnegoose pazhik ahsin cheähgwetooyahbikeshingebun; kah muh kegekekanduhseen ewh uhpe moowuddesegooyun.

⁴⁵ Kepeendega dush emuh keche‐ahnuhmeä‐weguhmigoong, kemahje‐sahgeje‐wabenaud enewh atahwaganejin kuhya enewh kaushpenuhjeganejin emuh;

⁴⁶ Oo‐oo dush keënaud, Ezhebeëgahda suh, Newegewaum ahnuhmeä‐weguhmigoowun, Kenuhwah dush ween, keemoode‐weguhmig kedenahwamekahdahnahwah.

⁴⁷ Anduhsoo kezhegudenig kekekenooähmahga emuh keche‐ahnuhmeä‐weguhmigoong. Keche‐sahsahgewejega‐wenenewug kuhya oozhebeëga‐wenenewug kuhya ahnisheenahbag nahgahnezejig keënanduhmoog wenesahwaud,

⁴⁸ Kah dush oogemekunsenahwah wahezhechegawaud: kuhkenuh muh bamahdezejig oogenahnahgahzootahwahwaun.