ST. LUKE 18 - Ottawa New Testament Penteteuch and Psalms 1874

¹ Keahwachega dush guhnoonaud chenunduhwandahgoozewaud moonzhug cheähnuhmeähwaud, kuhnuhga dush cheähnezheetunsigwah:

² Oo‐oo keëkedood, Keähyah pazhik tebahkoonega‐wenene emuh pazhik keche‐oodanaung, owh quasahsig Kesha‐Muhnedoon kuhya babahmanemahsig enenewun:

³ Keähyah dush pazhik shegah ewede keche‐oodanaung; oogepenaunzekahwaun dush, oo‐oo keënaud, Tebahkoonuhmahweshin owh maje‐doodahwid.

⁴ Kahween dush netum keënanduhse: nahgujeesh dush oo‐oo keëkedoo peenjenuh oodaïng, Mesuhwah goo koosahsewug owh Kesha‐Muhnedoo, kuhya bahbahmanemahsewug enene;

⁵ Nemegooshkahjeïk mahbuh shegah, mesuh kaöonje-tebahkoonuhmuhwug, koonemah moonzhug peëzhaud ningahmegooshkahjeïk.

⁶ Oo‐oo dush keëkedoo owh Tabaningad, Bezinduhmook ewh ayekedood owh quuhyuk‐azhewabezesig tebahkoonega‐wenene.

⁷ Kah nuh ween owh Kesha‐Muhnedoo oogahtebahkoonuhmuhwahseen enewh kahwuhwanahbuhmahjin, anegook ahnuhmeätahgoojin, kezhegudenegin, kuhya tebekudenenegin, ahnuhween goo zebishkahje‐kedahzood?

⁸ Kedenenim suh, waweeb oogahtebahkoonuhmahwaun. Uhpe dush Enene Oogwissun kapeëzhaud oogahmekaun enuh ewh tabwayanduhmoowin oomah uhkeeng?

⁹ Oo‐oo dush ahwajegun oogeëzheguhnoonaun ahnind kahahpanindezoonejin ewh quuhyuk ezhewabezewaud, kuhya dush kenishebahpenuhduhwahwaud bakahnezenejin:

¹⁰ Neezh enenewug keëzhahwug cheähnuhmeähwaud emuh keche‐ahnuhmeä‐weguhmigoong; pazhik kePhariseewenenewe, ewade dush pazhik kemahwunjechega‐wenenewe.

¹¹ Owh Pharisee‐wenene kenebahwe oo‐oo ezheähnuhmeäud emuh oodaïng, Kesha‐Muhnedoo, kemuhmooyahwahmin, ewh azhewabezesewaun debishkoo ahnind enenewug azhewabezewaud, makundwajig, quuhyuk azhewabezesegoog, pazhigwahdezejig, kuhya wah‐owh mahwunjechega‐wenene azhewabezid.

¹² Neezhing nekeëkwishim ningoo‐aunwabe‐kezhig, pazhik suh nemeegewa anduhsoo metahching kuhkenuh nekushkechegunug.

¹³ Owh dush mahwunjechega‐wenene wahsuh nahbahwid kahween kuhnuhga oogeoombenunsenun enewh ooshkeenzhegoon ewede kezhegoong, kepuhkedaähkegunaëdezoo oo‐oo keëkedood, Kesha‐Muhnedoo shahwanemeshin neen majeëzhewabezeyaun.

¹⁴ Kedenenim, wah‐owh enene anekewad keminwandahgooze, kah dush ween owh bakahnezid: kuhkenuh ashpanindezoojig tahtahbussandahgooähwug, owh dush katah-bussanindezood tahishpandahgooäh.

¹⁵ Oogepeetahmahwahwaun dush enewh ooshke‐ahbenoojeyun chetaungenahnid: egewh dush kekenooähmahgunug uhpe wuhyahbuhmahwaud, oogekenahahmahwaun.

¹⁶ Jesus dush oogenundoomaun, oo‐oo keëkedood, Puhgedenuhmow egewh ahbenoojeyug chepenaunzahkahwewaud, kagoo kuhya kenuhahmahwahkagoon, me muh oogoo denoowug debandahgoozewaud emuh oodoogemahwewining owh Kesha‐Muhnedoo.

¹⁷ Kagate kedenenim, Ahwagwan ahbenoojeëeng kaëzheöodahpenunsegwan ewh oodoogemahwewin owh Kesha‐Muhnedoo kah‐bahpish tahpeendegase emuh.

¹⁸ Pazhik dush oogemaun oogeguhgwajemegoon, oo‐oo keëgood, Manoo‐ezhewabezeyun Kakenooahmahgayun, ahneen kadezhechegayaun cheoonjeähyahmaun ewh kahgega‐bemahdezewin?

¹⁹ Jesus dush oo‐oo oogeënaun, Ahneeshwin manoo‐ezhewabezeyun ezheyun? kahween ahweyah menoo‐ezhewabezese pazhik atuh, mesuh Kesha‐Muhnedoo.

²⁰ Kekekandaunun enewh kuhgequawinun, Kahween kegahpezhigwahdezese, Kahween kegahneshewase, Kahween kegahkeemoodese, Kahween kegahkuhkenuhwishke‐bahtahewase, Kechetwahwanim koos kuhya keguh.

²¹ Oo‐oo dush keëkedoowun, Kuhkenuh suh oonoo ningeguhnuhwandaunun pahahkoo‐ooshkenegeyaun.

²² Uhpe dush Jesus kahnoondahwaud, oo‐oo oogeënaun, Kayahbe suh pazhik kenoondasa; ahtahwahgan kuhkenuh ketebenuhwawezewinun, meezh edush egewh katemahgezejig, kegahahyaun edush tebenuhwawezewin ewede keche‐kezhegoong, penoopenuhzheshin dush.

²³ Uhpe dush kahnoondung oonoo, kekeche‐minjenuhwaze, kekeche‐tebenuhwaweze muh.

²⁴ Jesus dush uhpe wuhyahbuhmaud kecheminjenuh-wazenid, oo‐oo keëkedoo, Kagate ahgahwah tahpeendegawug egewh kache‐tebenuhwawezejig emuh oodoogemahwewining owh Kesha‐Muhnedoo!

²⁵ Nahwuj wanepunud owh pagwahwegung weshahbooshkung ewh puhgoona‐ahyahnig shahboonegauns, owh dush ween kache‐tebenuhwawezid enene chepeendegad emuh oodoogemahwewining owh Kesha‐Muhnedoo.

²⁶ Egewh dush kahnoondungig oo‐oo keëkedoowug, Ahwanan dush kakushketood chebemahjeïnd?

²⁷ Oo‐oo dush keëkedoo, Enewh uhyeëen kapwahnuhwetoowaud egewh enenewug, oogahnetuhwetoonun owh Kesha‐Muhnedoo.

²⁸ Peter dush oo‐oo oogeënaun, Benuh, nenuhwind ningenuhguhdahnahnin kuhkenuh, kegenoopenuhnegoo dush.

²⁹ Oo‐oo dush oogeënaun, Kagate kedenenim, Kahween ahweyah kahnuhguhdung oowegewaum gamuh ooketezemun, gamuh wejekewaün gamuh wewun gamuh oodahbenoojeëmun, oonje ewh oodoogemahwewin owh Kesha‐Muhnedoo,

³⁰ Kaöodahpenunsig nebewah ahwahshema duhching noongoom magwah bemahdezid, ketuhgwishenoomahguk dush bakaunuk uhkee kahgega‐bemahdezewin.

³¹ Puhkayeëe dush kahezheweenaud enewh matahswe‐ahshe‐neezhenejin, oo‐oo oogeënaun, Benuh, Jerusaleming kedezhahmin, kuhkenuh dush enewh ekedoowinun kahezhebeëgawaud egewh aunwahjega‐wenenewug keduhzhe-mind enewh Enene Oogwissun tahdebishkoosamahgudoon.

³² Tahpuggedenuhmahwahwug muh egewh mayug‐ahnishenahbag chebahpenoodahwind, kuhya chekooduggeïnd, kuhya chesikwahnind:

³³ Oogahpuhzhunzhawahwaun, kuhya oogahnesahwaun: nesoogoonuhgudenig dush tahahbejebah.

³⁴ Kah dush kuhnuhga oogenesitootunsenahwah oonoo uhyeëen: kuhya dush oo‐oo ekedoowin kekahjegahdamahgudene, kah dush oogekekanduhsenahwah, ewh kahekedoonid.

³⁵ Kepuhguhmeähyahmahgud edush, uhpe pashoo aneduhnezid emuh Jerichoïng, pazhik kakepeengwad enene kenuhmuhduhbe emuh mahyahwekuhnah pahgoosanjegad:

³⁶ Kenoonduhwaud dush ahnishenahban bemoosanid, kekuhgwadwa, wagoodoogwanedoog azhewabudenegwan.

³⁷ Oogeweenduhmahgoon enewh ahnishenahban, bemoosanid Jesusun Nazareth duhzhe‐wenenewun.

³⁸ Kepepahge dush, oo‐oo keëkedood, Jesus, keen wagwissemik owh David, shahwanemeshin.

³⁹ Egewh dush anenegahnejig oogenuhneebekemahwaun chepezaun‐ahyahnid: ahwunjeesh dush ween ashkum kekeche‐pepahge, Keen wagwissemik owh David, shahwanemeshin.

⁴⁰ Jesus dush kenooke‐kahbahwe, keëkedoo dush chepeetuhmuhwind: uhpe dush pashoo ahyahnid oogeguhgwajemaun,

⁴¹ Oo‐oo keëkedood, Wagoonan nanduhwanduhmun chedoodoonaun? Oo‐oo dush keëkedoo, Tabaningayun, chewahbeyaun.

⁴² Jesus dush oo‐oo oogeënaun, Howh wahbin: ketabwayanduhmoowin kegebemahjeëgoon.

⁴³ Kazhetena dush kewahbe, kuhya oogenoopenuhnaun, mahmooyahwahmaud Kesha‐Muhnedoon: kuhkenuh dush egewh ahnishenahbag, uhpe wuhyahbunduhmoowaud, oogewahwezhanemahwaun enewh Kesha‐Muhnedoon.