ST. LUKE 17 - Ottawa New Testament Penteteuch and Psalms 1874

¹ Oo‐oo dush oogeënaun enewh ookekenooähmahgunun, Enandahgwud suh chepuhgummishkahgooyung enewh mujje‐doodahgoowinun, kuhgwahnesuhgandahgoozewug suh egewh wanjepuhguhmishkahgooyung.

² Ahwahshema tahgemenoo‐ahyah kishpin ahgoojinnegebun emuh ooquagunaung ewh peseboojegun‐ahbik kuhya kishpin ahpuhgenindebun emuh kechegummeeng, dush ween chemujjedoodahwaud pazhik oonoo agahsheënejin

³ Aungwahmezeyook, kishpin mujje‐doodook owh kejekewa weenduhmow; kishpin dush aunwanindezood, kegahwabenuhmoowah.

⁴ Kishpin dush neezhwahcheeng mujje‐doodook pazhik kezheguk, neezhwahcheeng dush nayaub penaunzekook oo‐oo cheënik, Nindaunwanindez, kegahwabenuhmowah.

⁵ Egewh dush kekenooähmahgunug oo‐oo ogeënahwaun enewh Tabaninganejin, Nahwuj nebewah meezheshenaum ewh dabwayanduhmoowin.

⁶ Owh dush Tabaningad oo‐oo keëkedoo, Kishpin ahyahmagoobun dabwayanduhmoowin debishkoo pazhegoomenug wazahwahnushkuk, kedahenahwah mahbuh sycaminahgahwunzh, Pahquahkoojebekishkaun, puhtukkezoon kush emuh kechegummeeng; kedahgebezindahgoowah dush.

⁷ Ahwanan kenuhwah anduhcheyag ahyahwaud buhmeetahgun pegoobejeganid gamuh ahshummahnid enewh ahwahkahnun, oogahenaun nuh ketegauning kahoonje-bahnid, Ahwenuhmuhduhbin cheweseneyun.

⁸ Kah nuh ween oo‐oo oogahenahseen, Wahwazhetuhmahweshin ewh cheweseneyaun, kuhya kechepezoon, chebuhmetahweyun nahnauzh kuhya keïshquah‐menequayaun keïshquah‐weseneyaun neen: me uhpe keen kaweseneyun, kuhya kamenequayun?

⁹ Oomegwachewanemaun nuh enewh buhmeetahgun, keëzhecheganid ewh kahezhekuhgaunzoomemind? Kahween nindenanduhse.

¹⁰ Mesuh nahsaub kuhya kenuhwah uhpe keëzhechegayag kuhkenuh menik kagaunzoomegooyag, ekedoog, Ningood anahbuttesesegoog buhmeetahgunug nindahwemin, menik atuh nandahwandahgoozeyaung cheëzhechegayaung ningeëzhechegamin.

¹¹ Kepuhguhmeähyahmahgud dush, magwah Jesus ezhaud ewede Jerusaleming, keühneëzhaud emuh quuhyuk nesuhwuhyeëe Samariaïng kuhya Galileeïng.

¹² Anetuhgwishing emuh pazhik oodanaunsing, oogenuhquashkahgoon metahswe enenewun wamegeenejin, wahsuh nahbahwenejin:

¹³ Kepepahgewug, oo‐oo dush keëkedoowug, Jesus, kakenooähmahgayun, ketemahganemeeshenaum.

¹⁴ Uhpe dush kahwahbuhmaud, oo‐oo oogeënaun, Mahjaug ahwewahbunduhik keyowewaun egewh sahsahgewejega‐wenenewug. Kepuhgummeähyahne, magwah kahuhnebemoosawaud, kepeeneähwug.

¹⁵ Pazhik dush anduhchewaud, uhpe kahkekandung kenoojemooïnd, nayaub kepekewa, kuhya anegook oogewahwezhanemaun Kesha‐Muhnedoon.

¹⁶ Keähpuhgezoo emuh oosittahning, kemahmooyahwuhmaud edush; Samariaïng duhzhe‐enenewegoobun dush wah‐owh.

¹⁷ Jesus dush oogenuhquatuhwaun, oo‐oo keënaud, Kah nuh ween kemetahchesewug kahpeeneïndjig? Ahneende dush egewh shaungusswe?

¹⁸ Kahween ahweyah mekahwahse chepemahmooyah-wahmahpun Kesha‐Muhnedoon, mahbuh atuh mayuggezid.

¹⁹ Oo‐oo dush oogeënaun, Puhsegween, mahjaun: kedabwayanduhmoowin kegenoojemooëgoon.

²⁰ Kekuhgwajemegood dush enewh Phariseen, uhpe katuhgwishenoomahgudoogwan Kesha‐Muhnedoo oodoogemahwewin, oogenuhquatuhwaun, oo‐oo keënaud, Ewh oodoogemahwewin owh Kesha‐Muhnedoo kahween peëzhahmahgussenoon magwah nunduhwahbunduhming:

²¹ Kahween oo‐oo tahekedoosewug, Benuh oomah gamuh benuh ewede; anduhzhe‐ahyahyag gooshuh duhgoomahgud oodoogemahwewin owh Kesha‐Muhnedoo.

²² Oo‐oo dush oogeënaun enewh ookekenooähmahgunun, Tahtuhgwishenoomahgudoon enewh kezhegudoon uhpe chenunduhwahbunduhmag pazhik enewh ookezhegudoomun owh Enene Oogwissun, kah dush kegahwahbunduhsenahwah.

²³ Oo‐oo dush kegahegoowaug, Enahbin oomah; gamuh enahbin ewede; kagoo ezhahkagoon, kuhya kagoo noopenuhnuhkagoon.

²⁴ Debishkoo muh ahnemekeeg, azhewahwahsuhmoowaud nuhbunuhyeëe emuh kezhegoong condahtag, peenish egoo ahzhahwuhyeëeng; me suh nahsaub kaëzheähyaud owh Enene Oogwissun uhpe debishkoosanig ookekezhegudoomun.

²⁵ Netum dush nundahwandahgooze nebewah chekootuggandung, kuhya cheähgoonwayanemegood enewh noongoom bamahdezenejin.

²⁶ Debishkoo kahezhewabuk magwah kebemahdezid owh Noë, mesuh nahsaub kaëzhewabuk uhpe ookezhegudoomun owh Enene Oogwissun.

²⁷ Kewesenewug, kemenequawug, kewewewug, kuhya keweweähwug, nahnauzh ewh kezheguk uhpe kepoosid owh Noë emuh nahbequauning, kepuhgummishkahgoowaud dush ewh mooshkuhuhmoowin, kenesegoowaud dush kuhkenuh.

²⁸ Debishkoo dush kahezhewabuk magwah kebemahdezid owh Lot; kewesenewug, kemenequawug, kekishpenuhjegawug; keahtahwagawug, keketegawug, keöoshegawug;

²⁹ Ewh dush kezheguk uhpe owh Lot kahnuhguhdung Sodom kekemewun ewh ishkoota kezhegoong keöonje-pungesing, oogenesegoonahwah dush kuhkenuh.

³⁰ Mesuh nahsaub kaëzhewabuk ewh kezheguk, uhpe penahgoozeïnd Enene Oogwissun.

³¹ Ewh uhpe kekezheguk, kishpin ahweyah oogedeguhmig ahyaud, kuhya ooduhyeemun peendig wegewauming ahtanig, kahween tahnesaunduhwase cheöodahpenung: owh dush ketegauning ayaud, kahween menuhwah tahkewase.

³² Mequanemik owh Lot oowedegamahgun.

³³ Ahwagwan kanunduhbemahjetoogwan oobemahdezewin oogahwuhnahjetoon; ahwagwan dush kawuhnahjetoogwan oobemahdezewin, oogahbemahjetoon.

³⁴ Kedenenim suh goo ewh uhpe ketebikuk neezh tahwepanindewug; pazhik tahekoonah, menuhwah dush pazhik tahishkoonah.

³⁵ Tahneezhoo‐pootahgawug equawug; pazhik tahekoonah, menuhwah dush pazhik tahishkoonah.

³⁶ Tahneezhewug egewh enenewug emuh ketegauning; pazhik tahekoonah, menuhwah dush pazhik tahishkoonah.

³⁷ Oogenuhquatuhwahwaun dush oo‐oo keënahwaud, Ahneende Tabaningayun? Oo‐oo dush oogeënaun, Tebe atagwan weyowemah, me ewede kaduhzhe‐mahoonjeëdewaud egewh megezewug.