ST. LUKE 16 - Ottawa New Testament Penteteuch and Psalms 1874

¹ Jesus dush oo‐oo oogeënaun ookekenooahmahgunun, Keähyah suh pazhik kachetwahwezid enene kahahyahwahgoobunan guhnuhwanjega‐wenenewun, kahmahnahdahjemootahwind kenishwuhnahjetoonid ooduhyeemun.

² Oogenundoomaun edush, oo‐oo keënaud, Ahneeshwin anetuhmaun ewh agooyun? weenduhmooweshin kahezhe guhnuhwandahsooyun, kah muh kayahbe kegahguhnuhwanjegase.

³ Owh dush ganuhwandahsood oo‐oo keëzheguhnoonindezoo peenjenah, Ahneen kaëzhechegayaun? nindoogemaum muh newemuhkummik ewh guhnuhwandahsoowin; kahween nindahkushketooseen chewahnekayaunbaun, kuhya dush chepahgoosanjegayaunbaun nindahguj.

⁴ Nekekandaun kaëzhechegayaun e‐ewh uhpe kesahgeje‐wabenegooyaun ewh kahguhnuhwanjegayaunbaun, cheöonjepeendeguhzhewaud emuh oowegewaumewaung.

⁵ Oogenundoomaun dush kuhkenuh enewh mazenuhahmahwahnejin oodoogemahmun; oogeënaun dush enewh netum, Ahneen keen menik mahzenuhahmuhwud nindoogemaum?

⁶ Oo‐oo dush oogeëgoon, Ningoodauk duhsoo‐tebahëgun pemeda. Oodenaun dush, Oodahpenun kemuhzeneëgun, waweeb nuhmuhduhbin, kuhya oozhebeün nahnemeduhnuh.

⁷ Medush oo‐oo keënaud bakahnezenejin, Ahneen keen menik, mazenuhahmahgayun? oo‐oo dush oogeëgoon, Nigoodwauk duhsoo tebahegun mezemenansun; oo‐oo dush oogeënaun, Oodahpenun kemuzzeneëgun, oozhebeün dush neshwauswe‐meduhnuh.

⁸ Owh dush oogemah oogemuhmeekwahnaun enewh maje‐guhnuhwandahsoonejin e‐ewh kahezhenebwahkahnid; egewh mahween oomah uhkeeng dabandahgoozejig nahwuj nebwahkahwug emuh tebenuhwa oodenahdezewinewaung, dush ween egewh dabandahgoozejig emuh wahsayahzewining.

⁹ Kedenenim dush neen, Oozhetuhmahdezooyook suh egewh kaweejekewayanemagoog ewh maje‐ezhewabuk mammon; uhpe dush noondasayag cheöodahpenenagwahpun emuh kahgega‐duhnuhkewining.

¹⁰ Owh kaäungwahme‐guhnuhwandung ewh kache‐noondaush ahpetandahgwuk, mesuh owh kaäungwahme‐guhnuhwandung nebewah; kuhya owh ahyaungwahme‐guhnuhwanduhsig ewh kache‐noondaush ahpeetandahgwuk, mesuh owh kaäungwahme‐guhnuhwanduhsig nebewah.

¹¹ Kishpin dush augwahme‐guhnuhwanduhsewag ewh maje‐ezhewabuk mammon, ahwanan kameenenag ewh wanjedah kache‐ahpeetandahguk.

¹² Kishpin dush aungwahmezesewag, guhnuhwanduhmag bakahnezejig ooduhyeemewaun, ahwanan kameenenag tebenuhwa keduhyeemewah?

¹³ Kahween ahweyah buhmeetahgun oodahkushketooseen chebuhmetuhwaud neezh oogemaun, koonemah oogahsheenganemaun ewewh pazhik, oogahsahgeäun dush menuhwah pazhik, gamuh oogahminjemenaun enewh pazhik kuhya oogahahgahsanemaun pazhik. Kahween kekushketoosenahwah chebuhmeetuhwag Kesha‐Muhnedoo kuhya mammon.

¹⁴ Egewh Phariseeg oogenoondahnahwah kuhkenuh oonoo uhyeëen, sahgeähwaud shooneyah oogekau njbah-peähwaun.

¹⁵ Oo‐oo dush oogeënaun, Kenuhwah kedahwim egewh manoo‐ezhewabezekahzoojig enahsuhmuhbewaud egewh enenewug; Kesha‐Muhnedoo dush ween ookekandaunun kedaëwaun: ewh mahween kache‐ishpandahgwuk emuh ahyahwaud enenewug, kuhgwahnesuhgandahgwud enahsuhmuhbid owh Kesha‐Muhnedoo.

¹⁶ Ewh tebahkoonegawin kuhya egewh aunwahjega wenenewug keähyahwug nahnauzh egoo John; me goo uhpe mahyahje‐wahweenjegahdag ewh oodoogemahwewin owh Kesha Muhnedoo, kuhkenuh dush bamahdezejig ketwa peendegawug emuh.

¹⁷ Nahwuj tahwanepunud chemahjahmahgukebun ewh kezhig kuhya ewh uhkee dush ween ewh chepungesingebun kuhnuhga punge ewh tebahkoonegawin.

¹⁸ Kuhkenuh egewh wuhyabenahjig oowewewaun, weedegamahwaud dush bakahnezenejin pezhegwahdezewug; owh dush kaweedegamaud enewh wuhyabeneminjin equawun pezhigwahdeze.

¹⁹ Keähyah pazhik kachetwahwezid enene, kahmiskookoonuhyad kuhya wanesheshenig wahbishkegin kahahgwid, kuhya kahmenoo‐wesenid anduhsoo‐kezhegudenig:

²⁰ Pazhik dush keähyah pahgoosanjega‐wenene Lazarus kahezhenekahzood, emuh oodeshquaundaming keähsahwindebunan mezewa‐oomegeed,

²¹ Oogenundahwandaun dush ewh cheähshummind enewh pewunjegunun kahpungesingin emuh oowesenewahguning owh kachetwahwezid: benuh dush, oogebenaun-zekahgoon uhnemooshun kahnooshquahduhmenid oodoomegeewinun.

²² Kepuhguhmeähyah dush wah‐owh pahgoosanjega‐wenene keneboo, keëzhewenegood dush enewh angenun emuh Abrahmun oopeendoomoonening: kuhya owh kachetwahwezid enene keneboo, kuhya kepuggedanemah;

²³ Ewede dush mujje‐ishkootang keöombishkinzhegwane kekooduggetood, oogewahbuhmaun dush Abrahamun wahsuh ahyahnid, kuhya Lazarusun emuh oopeendoomoowining.

²⁴ Kepepahge dush, oo‐oo keëkedood, Noosa Abraham, shahwanemeshin, kuhya dush peëzhenahzhow owh Lazarus chetaung‐ahgweenjetood ewh ooneenj emuh nebeeng chetahkahbahwahtood nindanuhnewh, ninkooduggeëgoon gooshah maunduh ishkootan.

²⁵ Abraham dush keëkedoo, Ningwis mequandun e‐ewh magwah bemahdezeyunbun keähyahmun enewh wanesheshingin, kuhya ween dush owh Lazarus ketemahgezewin; noongoom dush, ween menoo‐ahyah, keen dush kekooduggeëgoo.

²⁶ Menuhwah dush, ewede ahyahyun kuhya oomah ahyahyaung nesuhwuhyeëe ahtuhgahmahgeshenoowin ahchegahda; egewh edush wahezhahjig ewede ahyahyun kahween tahkushkeöosewug; kuhya dush egewh oomah kawepeähzhahwahoojig ewede oonje kahween tahkushkeöosewug.

²⁷ Oo‐oo dush keëkedoo, Kepahgoosanemin suh dush noosa, chëezhenahzhahwud, ewede noos andaud:

²⁸ Nahnunewug muh nejekewaüg; ewh chedebahjemootahwaud, mahgeshah kuhya wenuhwah tahpeendegawug oomah kooduggezewining.

²⁹ Abraham dush oo‐oo oodenaun, Oodahyahwahwaun sah Mosesun kuhya aunwahjega‐wenenewun, oodahbezindahwahwaun enewh.

³⁰ Oo‐oo dush oogeënaun, Kahween, noosa Abraham; kishpin suh pazhik oodissegoowaud kahahbejebahnejin, tahgeäunwanindezoowug.

³¹ Oo‐oo dush oogeënaun, Kishpin bezindahwahsigwah enewh Mosesun kuhya aunwahjega‐wenenewun, kahween tahkushkemahsewug mesuhwah pazhik keähbejebaud.