ST. LUKE 15 - Ottawa New Testament Penteteuch and Psalms 1874

¹ Oogepenaunzekahgoon dush kuhkenuh enewh mahwunjechega‐wenenewun kuhya majeëzhewabezenejin chebezindahgood.

² Egewh dush Phariseeg kuhya egewh oozhebeëga‐wenenewug kenahnahpuhgahzetahgoozewug oo‐oo keëkedoowaud, Mahbah enene oodoodahpenaun majeëzhewabezenejin kuhya oowedoopuhmaun.

³ Oo‐oo dush keëzheähwajega oo‐oo keëkedood,

⁴ Ahwanan kenuhwah auduhcheyag ahyahwaud ningoodwauk mahnishtahneshun, kishpin wuhneäud pazhik, kah nuh ween oogahnuhguhnahseen enewh shaungusswe‐meduhnuh‐ahshe‐shaungusswe emuh puhgwuhduhkuhmig, ahwenundoonawaud dush enewh kahwuhneähjin nahnauzh mekahwaud?

⁵ Uhpe dush kahmekahwaud, oopemenegahnaun, wahwezhandung.

⁶ Uhpe dush tagwishing emuh wegewauming oomahwunzoomaun enewh oowejekewaün kuhya ooweejduhnuhkeewamahgunun, oo‐oo dush enaud, Weejmoojegezetuhweshig; ningemekahwah muh nemahnishtahnisheem kahwuhnishingebun.

⁷ Kedenenim edush, mesuh oo‐oo ahwahshema keëzhemoojegezewaud keche‐kezhegoong ayahjig uhpe pazhik majeëzhewabezid ahyaunwanindezoojin, dush ween shaungusswe‐meduhnuh‐ahshe‐shaungusswe manoo‐ezhewabezejig nanduhwandahgoozesegoog cheäunwanindezoowahpun.

⁸ Gamuh ahwanan owh equa metaus‐wahbik shooneyaun ayahwaud, kishpin pazhik‐wahbik wuhneäud, sakuhunsig ewh wahsuhkoonanjegun kuhya cheguhduhung ewh wegewaum, wawane chenunduhwahbunjegad, peenish egoo mekahwaud.

⁹ Uhpe dush kahmekahwaud, oomahwunzoomaun oodaungwaün kuhya ooweej‐duhnuhkeewamahgunun, oo‐oo dush oodenaun, Weejmoojegezetuhweshig ningemekahwah muh owh shooneyah kahwuhneüg.

¹⁰ Me nahsaub enenuhgoog moojeguhkummegudemuh anduhzhe‐ahyahnid Kesha‐Muhnedoo oodangemun, uhpe pazhik maje‐ezhewabezid ahyaunwanindezoojin.

¹¹ Oo‐oo dush keëkedoo, Pazhik enene keneezhewun oogwissun:

¹² Owh dush ooshemaëmah oogeënaun enewh oosun, Noosa, meezheshin ewh menik neen kadebanduhmaun keduhyeem. Oogemahduhoonaun dush enewh oogwissun kuhkenuh ewh ootebenuhwawezewin.

¹³ Kahween dush nebewah keduhsoogoonuhguhsenoon, uhpe owh ooshemaëmah kemahwundoonung ahnooj gagoo, kemahjaud dush, emuh wahsuh uhkeeng keëzhaud; ewede dush oogebahnahjetoon ooduhyeemun emuh kuhkebahdezewining keëzhebemahdezid.

¹⁴ Uhpe dush kahchahgenung kuhkenuh ootebenuhwawezewinun, kemahje‐puhkuhdawenahgud emuh uhkeeng, kuhya dush ween kemahje‐ketemahgeze.

¹⁵ Keëzhah dush ahwewedookahwaud pazhik anduhnuhkeejin ewede uhkeeng, oogeëzhenahzhahoogoon dush emuh ooketegauning cheähshummaud enewh kookooshun.

¹⁶ Kenunduhwandum dush chemooshkenuhtood oomesud enewh ookunahkwun kookooshun kahmeejenid: kah dush ahweyah enenewun oogemeenegooseen.

¹⁷ Uhpe dush kahmahje‐nebwahkaud, oo‐oo keëkedoo, Ahneen anduhchenid noos oobuhmeetahgunun tabesenenid buhquazhegun, neen dush ween oomah newenib apeech puhkuhdayaun!

¹⁸ Ningahpuhsegwe, kuhya ningahezhahnun noos, oo‐oo dush ningahenah, Noosa, ningemujje‐doodahwah owh keche‐kezhegoong ayaud, kuhya emuh enahsuhmuhbeyun,

¹⁹ Kah dush kayahbe nindaähpetandahgoozese ningwis cheëzheyunbun: enahkooneshin azheähyahwaud egewh kebuhmeetahgunug anoonindjig, nahsaub cheëzheähyahyaun neen.

²⁰ Kepuhsegwe dush keëzhaud enewh oosun. Kayahbe dush wahsuh aneduhnezid, oogewahbuhmegoon enewh oosun, kuhya oogeketemahganemegoon, kuhya kepemahje‐buttoonid, kuhya dush keoodahpequanegood, keöojeemegood edush.

²¹ Owh dush wagwissemind oo‐oo oogeënaun, Noosa, ningemujje‐doodahwah owh keche‐kezhegoong ayaud, kuhya anahsuhmuhbeyun, kah dush kayahbe nintaähpetandahgoozese ningwis cheëzheyunbun.

²² Owh dush wagwissid oogeënaun enewh oobuhmeetahgunun, Nahteyook ewh kache‐ahpeetandahgwuk puhpesekahwahgun pesekoonik edush, meenik dush ewh tuhteebeneenjeebezoon emuh ooneenjeeng, kuhya mukkis-senun emuh oosittaung:

²³ Kuhya nahnik owh pezhekeense kache‐weenenood, nesik edush; umba wesenedah kuhya moojegezedah:

²⁴ Benuh, mahbuh ningwis kahneboopun nayaub bemahdeze, kewuhneshenoobun, kemekahwah dush. Kemahje‐oonahnegwanduhmoog dush.

²⁵ Ahyahnegoobunan dush sasekezenejin oogwissun emuh ketegauning: pahkewanid dush: uhpe pashoo uhneduhnezid wegewauming, oogenoodaun ewh nuhguhmoowin kuhya nemeëdewin.

²⁶ Uhpe dush kahnundoomaud pazhik enewh buhmeetahgun, oogegahgwajemaun, wagoonanedoog maunduh.

²⁷ Oo‐oo dush oogeëgood, Keshema ketuhgwishin; koos edush oogenesaun enewh kache‐weenenoonejin pezhekeensun, keöodahpenaud enewh oogwissun menoo‐bemahdezenid.

²⁸ Kenishkahdeze dush, kah dush keënanduhse wepeendegad; oosun dush kesahgahumoon, kepahgoosanemegood dush.

²⁹ Oogenuhquatuhwaun enewh oosun oo‐oo keënaud, Benuh, nebewah duhsoo pepoon kebuhmetoon, kah dush wekah ningepegoobetooseen ewh kedekedoowin, kah dush wekah kegemeezhese mesahboozoonsun chewekoomugwahbun egewh suhyahgeügig.

³⁰ Uhpe dush tagwishing mahbuh kegwis kahbahnahjetood ewh ketebenuhwawezewin kepezhegwahdezid, kegenetumuhwah enewh pezhekeensun kache‐wenenoonejin.

³¹ Oo‐oo dush oogeënaun, Ningwissa keen kahgenig keweejewh, kuhkenuh dush nintebenuhwawezewinun kedebandaunun.

³² Kenundahwandahgwud chemoojegezeyungoobun kuhya cheoonahnegoozeyungoobun, neboopun muh mahbuh keshema, nayaub dush bemahdeze; kewuneshenoobun, kemekahwah dush.