ST. LUKE 14 - Ottawa New Testament Penteteuch and Psalms 1874

¹ Kepuhgummeähyahmahgud dush egoo magwah uhnepeendegad Jesus emuh andaud pazhik nahgahnezid Pharisee‐wenene cheäumwaud puhquazhegun aunwabe‐kezhegudenig, keduhnezewun ahnind enewh kahahkahwahbuhmegoojin.

² Benuh dush, pazhik enene keähyah enahsuhmuhbid kahpeshwayahbahwegoobunan.

³ Jesus dush oogenuhquatuhwaun oo‐oo keënaud enewh tebahkoonega‐wenenewun kuhya Phariseen, Oonesheshin muh chenuhnaundahweëwangebun aunwabe‐kezheguk?

⁴ Kah dush ningoodenoo keëkedoosewug. Oogeoodahpenaun enewh ayahkoozenejin, kuhya kenoojemooäud, kuhya kepuhgedenaud;

⁵ Oogenuhquatuhwaun, oo‐oo keënaud, Ahwanan kenuhwah menik anducheyag ayahwaud mamaungeshaün gamuh ahnooke‐pezhekewun peenjepezoonid emuh wahnekauning, kah nuh ween kazhetena oodahwekoobenahseen, ahnoo goo aunwabe‐kezhegudenig?

⁶ Kah suh dush oogekushketoosenahwah chenuhquatuhmoowaud oonoo uhyeëen.

⁷ Keähwajega dush, kuhya keguhnoonaud enewh kahnundoomeminjin, uhpe wahyahbuhmaud ewh kewuhwanahbunduhmenid enewh kache‐ahpeetandahgwukin ahbenahsoowinun oo‐oo keënaud,

⁸ Uhpe nandoomikin ahweyah enene emuh anduhzhe‐wewekoodahding, kagoo nuhmuhduhbekan emuh kache‐ishpandahgwuk ahbenahsoowining; mahgeshah ahweyah nahwuj kache‐enandahgoozid keen dush ween apetandahgoozeyun tahwekoomah.

⁹ Owh dush kahnundoomenag tahpeëzhah oo‐oo chepeënik, Meezh mahbah enene chenuhmuhduhbid: kegahahguj chemahje‐oodahpenahmun noondaush apetandahgwuk ahbenahsoowin.

¹⁰ Uhpe dush ween wahkoomegooyunin, ezhaun chenuhmuhduhbeyun emuh ewh noondaush apeetandahgwuk ahbenahsoowining, uhpe dush owh kahwekoomik peëzhaud, oo‐oo cheënik, Neeje ewede nahwuj ishpeming ezhaun; kegahkechetwahwanemegoo dush emuh anahsuhmuhbewaud egewh wahdoopuhmudjig.

¹¹ Ahwagwan muh ashpandahgooëdezoogwan tahtahbussandahgoozeäh, owh dush dabussanindezood tahishpandahgooäh.

¹² Oo‐oo dush oogënaun enewh kahnundoomegoojin, Uhpe wahkoongayunin nuhyahwuhquag gamuh wanahgooshig, kagoo nundoomahkan egewh keejekewaüg gamuh egewh suhyahgeïkig gamuh wuhyahnuhdezejig keejduhnuhkewamahgunug; koonemah mamashquaud kegahnundoomegoog, chetebahahmookwah dush.

¹³ Uhpe dush wahkoongayunin, nundoom egewh katemahgezejig, egewh mayahkezejig, kuhya egewh achahoosajig, kuhya egewh kakepeengwajig:

¹⁴ Kegahshahwandahgooz dush ween; kah muh gagoo oodahyaunsenahwah chetebahahmookwah: kegahtebahahmahgoo suh goo uhpe ahbejebahwaud egewh manooëzhewabezejig.

¹⁵ Uhpe dush pazhik enenewun wahdoopuhmegoojin kahnooduhmenid oonoo, oo‐oo oogeëgoon, Shahwandahgooze suh owh kameejid buhquazhegun emuh oodoogemahwewining owh Kesha‐Muhnedoo.

¹⁶ Oo‐oo dush oogeënaun, Pazhig enene kekeche-wekoonga, kuhya nebewah oogenundoomaun;

¹⁷ Oogemahjenahzhahwaun dush enewh oobuhmeetahgunun uhpe wahwesening, cheënahnid enewh kahnundoomemindjin, Umba pemahjaug, kuhkenuh muh ahzhegwah kekezhesenoon.

¹⁸ Medush kuhkenuh kahezhemahje‐oonduhmetahkahzoowaud. Wah‐owh netum oogeënaun, Punge uhkee ningekishpenuhtoon, ketwa dush neweëzhah chewahbunduhmaun: kepahgoosanemin cheweenduhmahwud cheöonduhmetahyaun.

¹⁹ Menuhwah pazhik keëkedoo, Ningekishpenuhnaug naunwawaun ahnooke‐pezhekewug, nindahwekuhgwajeäug: kepuggoosanemin cheweenduhmahwud cheöonduhmetahyaun.

²⁰ Menuhwah dush bakahnezid keëkedoo, ningewedegamah equa: kah dush nindahkushketoose cheëzhahyaun.

²¹ Owh dush buhmeetahgun kepekewa, oogeweenduhmahwaun dush oodoogemahmun oonoo uhyeëen. Me dush owh tabandung ewh wegewaum kenishkahdezid oo‐oo keënaud oobuhmeetahgun, Ezhaun waweeb emuh mekunahwung kuhya emuh mekaunsewung ewh keche‐oodanah, peëzheweezh edush oomah egewh katemahgezejig, kuhya egewh mahyahkezejig, kuhya egewh achahwashkahjig, kuhya egewh kakepeengwajig.

²² Owh dush buhmeetahgun oo‐oo keëkedoo Tabaningayun kahekedooyun ezhesamahgud, kayahbe dush ween tuhwuhtamahgud.

²³ Owh dush tabaningad oogeënaun oobuhmeetahgun, Ezhaun emuh keche‐meekunaung kuhya emuh metikoonse-wahkaheguning, ketwa pepeendeganahzhuh, ewh dush chemooshkenag newegewaum.

²⁴ Kedenenim muh, Oogoo enenewug kahnundoomindjig kah kuhnuhga ahweyah oogahtaungoondunseen ewh newekoongawin.

²⁵ Oogeweejewegoon dush nebewah enewh ahnishenahban, kequakekahbahwe dush, oo‐oo keënaud,

²⁶ Kishpin ahweyah benaunzekahwid, sheenganemahsig dush enewh oosun kuhya enewh oogeen, kuhya wewun, kuhya oonejahnesun, kuhya wejekewaün, kuhya oodahwamaun, aahe kuhya tebenuhwa oobemahdezewin, kahween nindahookekenooähmahgunesenun.

²⁷ Ahwagwan dush kaöodahpenunsegwan ewh oodahzhedayahtegoomun chenoopenuhzhid, kahween ningahookekenooahmahgunesenun.

²⁸ Ahwanan kenuhwah anduhcheyag wahoozhetood ewh ahkahwahbe‐weguhmig, netum kanuhmuhduhbesig, cheähgindung menik kaënuhgindag, kishpin ahtanegwan ewh menik katabesag chetakezhechegahdag?

²⁹ Koonemah kahahtood ewh natum‐ahchegahdag ahsin tahgepwahnuhwetoon chewekezhetoong, kuhkenuh menik wahyahbundumenejin oogahmahje‐bahpeëgoon,

³⁰ Oo‐oo ekedoonid, Mahbuh enene kemahje‐ooshega, kah dush oogekushketooseen chetakezhetood.

³¹ Gamuh ahwanan owh keche‐oogemah, wahnundoobunid chemegahnaud bakahnezenejin keche‐oogemaun, kanuhmuhduhbesig netum, chenahnahguhdahwandung kishpin kushketoogwan ayahwaud metahching metauswauk enenewun, chenundoobunid wemegahnaud enewh pahmegahnegoojin neshtuhnuh duhswaukoozenid ooshemahgun eshemun.

³² Kishpin dush kushketoosig, magwah kayahbe wahsuh ahyahnid, oodezhenahzhahahmahwaun oomeezhenahwamun, chenundooduhmenid ewh poonanindewin.

³³ Ahwagwan dush kenuhwah anduhcheyag kawabenunsegwan kuhkenuh enewh ooduhyeemun, kahween ningahookekenooähmahgunesenun.

³⁴ Oonesheshin suh ewh shewetahgun; kishpin dush ishquah‐shewung ewh shewetahgun wagoonash kaoonjeshewungebun?

³⁵ Kahween ningood enahbuttussenoon, kahween emuh uhkeeng, kah kuhya moong cheduhgooneming ahpetandahgussenoon; enenewug suh oosahgeje‐wabenahnahwaun. Ahwagwan watuhwuggahgwan chebezindung mahnoo tahbezindum.