ST. LUKE 12 - Ottawa New Testament Penteteuch and Psalms 1874

¹ Magwah dush oo‐oo keëzhewabudenig, kahpemahwunjeëdenid quatahmegweenoonejin ahneshenahban, ewh apeech kesinsekoodahdewaud ketuhtuhkookahnedewug, netum oogemahje‐guhnoonaun enewh ookekenooähmahgunun, oo‐oo keënaud, Mewetooyook oodoombejeshke-wugesecheguuewaun egewh Phariseeg, me ewh ahnuhmeäkahzoowin.

² Kah muh gagoo kahjegahdasenoon, me atuh ewh kamezheshahwejegahdag; kah dush gagoo kemooduhsenoon, me atuh kapuggukanjegahdag.

³ Me dush oonoo uhyeëen kahdebahdooduhmagoon emuh puhsuhgishkezewining emuh wahsayahzewining tahnoonjegahdawun; kuhya dush ewh kahekedooyag emuh ootahwuhgahmaung emuh ahbenahsoowining tahwahweenjegahda emuh oogeduhkummig.

⁴ Kedenenim suh kenuhwah neejekewaëdoog, Kagoo koosahkagoon egewh natoojig ewh weyowemah, kah dush gagoo ahwahshema ookushketoosenahwah chedoodahgawaud.

⁵ Kegahweenduhmoonenim suh dush kakoosag: koosik owh kashketood, keneeshewad cheähpuhgezhewad emuh mujje‐ishkootang; kagate, kedenenim, koosik suh wah‐owh.

⁶ Kah nuh ween neezh shoomahnekansun aneginzoosewug nahnun penaseyug, kah dush pazhik oogoo wuhnanemahse emuh anahsuhmuhbid owh Kesha‐Muhnedoo?

⁷ Pooch edush kuhkenuh kenesesewaun oogij‐kesh-tequaunewaun uhginjegahdawun. Kagoo dush sagezekagoon: ahwahshema kenuhwah kedahpetandahgoozeem dush ween nebewah penaseyug.

⁸ Kedenenim suh dush, Kuhkenuh egewh kawahweezhejig emuh anahsuhmuhbenid enenewun, mesuh enewh kawahweenahjin owh Enene Oogwissun anahsuhmuhbenid Kesha‐Muhnedoo oodangenemun:

⁹ Kuhya dush owh kaähgoonwayanemid emuh anahsuhmuhbenid enenewun tahahgoonwayanemah anahsuhmuhbenid Kesha‐Muhnedoo oodangenemun.

¹⁰ Ahwagwan dush kamujje‐duhzhemahgwan enewh Enene Oogwissun, tahwabenuhmahwah: owh dush ween kahmujje‐duhzhemahgwan Keche Oojechaugwun kahween tahwabenuhmahwahse.

¹¹ Uhpe ezhewenenagwah emuh oodahnuhmeä‐weguhmigoowaung, kuhya emuh anuhsuhmuhbewaud egewh tebahkoonega‐wenenewug, kuhya oogemaug, kagoo nahnahgahdahwandunkagoon ewh kaëzhenuhquatuhmoowagwah, gamuh ewh kaëkedooyag:

¹² Owh muh Keche‐Oojechaug kegahkekenooähmahgoowah ewh uhpe kaëkedooyag.

¹³ Pazhik dush egewh ahnishenahbag kahoooquenoojig oo‐oo oogeëgoon, Kakenooähmahgayun guhnoozh owh nejekewa, chetaushkenuhmahwid ewh debandahzoowin.

¹⁴ Oo‐oo dush oogeënaun, Enene, ahwanan kahezheïd chetebahkoonuhmoonuhgoog gamuh chenuhnahwenuh-moonuhgoog?

¹⁵ Oo‐oo dush oogeenaun, Aungwahmezeyook, kuhya mewetooyook owh shoobeëgoowin; Kah muh bahtuhenudenig ahweyah enene ootebenuhwawezewinun tahoonjebemahdezese.

¹⁶ Ahwajeguning suh oogeëzheguhnoonaun, oo‐oo keënaud, Pazhik wuhyahnuhdezid enene ooketegaun kekeche‐mekoogemahgudene:

¹⁷ Kenahnahgahdahwandum dush peenjenuh, oo‐oo keëkedood, Ahneen kaëzhechegayaun? kah muh nindahyaunseen ewh ahtahsoowin kaähtooyaunbaun enewh nemenewinun?

¹⁸ Oo‐oo dush keëkedoo, Oo‐oo ningahdoodum: ningahbahnahjetoonun nindahtahsoowinun, kuhya ningahoozhetoonun nahwuj machaugin; mesuh emuh kaähtooyaun kuhkenuh nemenewinun kuhya netebenuhwawezewinun.

¹⁹ Ningahenah dush ninjechaug, Ninjechaug, kedahyaunun nebewah tebenuhwawezewinun nebewah duhsoo pepoon katabesag; aunwabin, wesenin, menequan, moojegezin.

²⁰ Kesha‐Muhnedoo dush oo‐oo oogeënaun, Kakebahdezeyun, noongoom tebekuk kegahnunduhwanduhmahgoo owh kejechaug; oonoo dush uhyeëen kahkushkittuhmah-dezooyunin, ahwanan kadebandung?

²¹ Mesuh azheähyaud owh atahmahdezood enewh ahsunjegunun, ayaunsig dush Kesha‐Muhnedoo oowahnuhdezewin.

²² Oo‐oo dush oogeënaun enewh ookekenooähmahgunun, Me dush wanje‐enenuhgoog, Kagoo nahnahgahdahwanduhmookagoon enewh kebemahdezewinewah, wagoodoogwan kameejewagwan, gamuh weyowemaun, wagoodoogwan kapesuhkuhmoowagwan.

²³ Nahwuj suh ahpetandahgwud bemahdezewin ewh dush ween meejim, kuhya weyowemah ewh dush ween ahgwewin.

²⁴ Nahnahgahdahwanemik egewh aundagwug; kah muh ketegasewug, kah kuhya kishkezhegasewug; kah dush oodahyaunsenahwah ewh ahtahsoowin gamuh mejimegummig: pooch owh Kesha‐Muhnenoo oodahshummaun; ahneen menik ahwahshema ahpeetandahgoozeyag kenuhwah, dush ween penaseyug.

²⁵ Ahwanan kenuhwah anduhcheyag kakushketood ahnoo nahnahgahdahwandung, ningoo‐tebahegun ahwahshema cheähpeetezid?

²⁶ Kishpin dush kushketoosewag oo‐oo noondaush apeetandahgwuk, ahneeshwin oondummanduhmag enewh pakaunukkin?

²⁷ Nahnahgahdahwahbunduhmoog enewh mushkoota-benebuggoon azhemahjeging: kahween ahnookesewug, kah kuhya pemuhtuhegasewug; kedenenim suh, owh Solomon uhpe kahkeche‐ahpeetandahgoozejin kahween keëzheöose azheöod pazhik oonoo.

²⁸ Kishpin suh dush owh Kesha‐Muhnedoo oo‐oo ezhekoonuhyawetood enewh mezhushkoon, noongoom ayahmahgukin emuh ketegauning, wahbung dush kaähpuhgejegahdagin emuh buhquazhegunekauning, ahneen menik ahwahshema kegahdoodahgoowah kenuhwah, Oh ahgahwah, tuhyabwayanduhmag?

²⁹ Kenuhwah dush kagoo nunduhwandunkagoon, wagoonan kameejeyaun gamuh wagoonan kamenequayaun, kagoo kuhya oojahnemandunkagoon.

³⁰ Me muh oonoo uhyeëen nanduhwanduhmoowahjin egewh dabandahsoojig emuh uhkeeng: kekekanemegoowah suh Koosewah, e‐ewh chemuhnazeyag oonoo uhyeëen.

³¹ Nunduhwanduhmook atuh oodoogemahwewin owh Kesha‐Muhnedoo, kegahtuhgoo‐meenegoowah dush ween kuhkenuh oonoo uhyeëen.

³² Kagoo sagezekagoon, pangeshawugezeyag mahnishtahnishedoog, enandum suh owh Koosewah chemeenenag ewh oogemahwewin.

³³ Ahtahwayook enewh keduhyeemewaug, kuhya shahwaninga‐meegewayook; oozhetahmahdezooyook shooneyah‐mushkemoodoon kabahnahduhsenoogin, kuhya ahsunjegoon ewede keche‐kezhegoong kanoonda‐chahgenegahdasenoogig kaduhzhe‐peendegasig ahweyah kamoodishkid, kuhya kaduhzhe‐bahnahjechegasig ooguhwase.

³⁴ Tebe muh ahtagwan kedahsunjegoonewah, mesuh emuh kaähtag kedaëwah.

³⁵ Mahnoo kechepezooyook kuhya tahpeskunawun kewahsuhkoonanjegunewah;

³⁶ Kuhya dush kenuhwah ezheähyahyook debishkoo enenewug nanduhwahbuhmahjig oodoogemahmewaun, uhpe tagwishenenid oonje wewekoodahde‐wekoongawining kuhya pahpahguhsuhgeëganid, bahbega oopahgahkoonahmahwahwaun.

³⁷ Shahwandahgoozewug suh oogoo buhmeetahgunug owh oogemah kamekahwahjin ahkahwahbenid, uhpe pahtuhgwishing: kagate kedenenim, tahkechepezoo kuhya oogahnuhmuhduhbeäun chewesenenid, tahpeëzhah dush chebuhmeetuhwaud.

³⁸ Kishpin dush petuhgwishing neezhoo‐tebahegunadenig gamuh nesoo‐tebahegunadenig, kuhya mekung oo‐oo ezhewabuk, shahwandahgoozewug suh oogoo buhmeetahgunug.

³⁹ Oo‐oo kekanduhmook, kishpin kekekandungebun owh wawegewaumid apeeche‐tebikuk wetuhgwishing owh kamoodishkid, tahgeähkahwahbe, kah dush oodahgepuggedenunseen ewh oowegewaum chepegoobejegahdanig.

⁴⁰ Kezhetahyook suh kuhya kenuhwah, uhpe muh nunduhwahbuhmahsewag, tuhgwishin owh Enene Oogwissun.

⁴¹ Oo‐oo dush oogeëgoon Peterun, Tabaningayun, nenuhwind enuh atuh guhnoozheyaung oo‐oo ezheähwajegayun, gamuh kuhya kuhkenuh?

⁴² Keëkedoo dush owh Tabaningad, Ahwanan dush ahyaungwahmezid buhmeetahgun kuhya nabwahkaud, kapuhgedenuhmahgood enewh oodoogemahmun cheguhnuhwanemaud oobuhmeetahgunene chemuhmeenaud oomeejimene uhpe tabishkoosanegin?

⁴³ Shahwandahgooze suh owh buhmeetahgun kemekahgood enewh oodoogemahmun peëzhahnid oo‐oo uhyezhechegad.

⁴⁴ Kagate kedenenim, oogahpuhgedenuhmoowaun kuhkenuh ooduhyeemun cheguhnuhwanduhmenid.

⁴⁵ Kishpin dush oo‐oo akedood owh buhmeetahgun emuh oodaïng, Kenooazh pwah‐tuhgwishin owh nindoogemaum; mahjepuhketawaud dush enewh buhmeetahgunun kuhya buhmeetahgun‐equan, wesenid dush kuhya menequad, kuhya keöoshquabid.

⁴⁶ Tahpeëzhahwun suh oodoogemahmun owh buhmeetahgun ningooding kezhegudenig uhpe nunduhwahbuhmahsig, kuhya apeech kezhegudenig kekanduhsig, oogahtaushkekezhkahoogoon dush, oogahpuhgedenegoon dush emuh ayahnid enewh tuhyabwayanduhsenejin.

⁴⁷ Owh dush buhmeetahgun kahkekandung oonunduhwanduhmoowinene enewh oodoogemahmun, oozheetahsig, kuhya azhechegasig e‐ewh azhenunduhwanemegood, nebewah tahpuhzhunzhawah.

⁴⁸ Owh dush kahkekanduhsig, kahezhechegad enewh uhyeëen kaöonjepuhzhunzhaoondebun, punge atuh tahpuhzhunzhawah. Kuhkenuh muh nebewah mahnindjig, nebewah tahnunduhwanduhmoowahwug, oogoo dush kahpuhgedenuhmoowindjig nebewah uhyeëen, nahwuj nebewah tahnunduhwanduhmoowahwug.

⁴⁹ Chesuhswa‐wabenuhmaun ewh ishkoota emuh uhkeeng nepeoonjeëzhah; nindenandum dush ahpakish zhuhyegwah chepeskuhnagebun.

⁵⁰ Nindahyaun suh ewh baptizooëwawin cheëzhebaptizooëgooyaun; ninkeche‐ahnemiz dush nahnauzh tatebishkoosag.

⁵¹ Kedenandaum enuh pezaunewawin chemeegewayaun oomah uhkeeng peoonjeëzhahyaun? Kahween, kedenenim, kekaundewin suh goo.

⁵² Zhuhyegwah tahnahnunewug emuh pazhik wegewauming, tahmaunanindewug suh, neswe oogahmaunanemahwaun enewh neezh, kuhya neezh oogahmahnanemahwaun enewh neswe.

⁵³ Owh wagwissid oogahmaunanemaun enewh oogwissun, kuhya owh wagwissemind oogahmaunanemaun enewh oosun; owh wageemind oogahmaunanemaun enewh oodahnun, kuhya owh wadahnemind oogahmaunanemaun enewh oogeen; owh waoosegwuhsesemind oogahmaunanemaun enewh oonahaungunequamun, kuhya owh nahaungunequa oogahmaunanemaun enewh oosegwuhsissun.

⁵⁴ Oo‐oo dush oogeënaun enewh ahnishenahban, Uhpe wuhyahbunduhmagoon ewh ahnuhquud mookuhung emuh ningahpaünnoong bahbega kedekedoom, Tahkemewun: me dush azhewabuk.

⁵⁵ Uhpe dush wuhyahbunduhmagoon ewh shahwane-nooting, kedekedoom, Tahkezhahta; medush azhewabuk.

⁵⁶ Ahnuhmeäkahzooyag, kekekandahnahwah ewh azheoodangwyëwung ewh uhkee kuhya ewh kezhik; ahneen dush wanjenesittootunsewag oonoo kezhegudoon?

⁵⁷ Ahneeshwin dush kenuhwah tebenuhwa tebahkoonegasewag ewh menoo‐tebahkoonegawin?

⁵⁸ Uhpe wahjewudjin owh azhewenik emuh tebahkoonegawining ezhahyag owh tebahkoonega‐wenene, magwa uhnebemoosayag wekoojetoon chepoonanemik; koonemah kegahezhewekoobenik emuh ahyaud owh tebahkoonega‐wenene, keguhpuggedenik emuh ayahnid tahkoonewa‐wenenewun, kuhya owh tahkoonewa‐wenene kegahahpuhgenik emuh kebahquahoode‐weguhmigoong.

⁵⁹ Kedenin suh goo, Kahween kegahoonjesahguhunse emuh, peenish egoo menik muhzenuhahmahgayun, takezhekahgayun.