ST. LUKE 11 - Ottawa New Testament Penteteuch and Psalms 1874

¹ Kepuhgummeähyah dush, magwah ningooche kenahkoowa‐ahnuhmeäud, uhpe kahishquahtaud, oo‐oo oogeëgoon pazhik enewh ookekenooähmahgunun, Tabaningayun, kekenooähmahweshenaum cheähnuhmeähyaung, debishkoo kuhya owh John kahezhekekenooähmahwaud enewh ookekenooähmahgunun.

² Oo‐oo dush oogeënaun, Uhpe anuhmeähyagoon, oo‐oo ekedoog, Wayoosemegooyun keche‐kezhegoong ayahyun, Tahkecheähpetandahgwud kedezhenakahzoowin. Tahtuhgwishenoomahgud kedoogemahwewin. Azhenunduhwanduhmun tahdoodaum oomah uhkeeng, debishkoo ewede keche‐kezhegoong.

³ Meezheshenaum anduhsoo‐kezheguk menik kaoonje-bemahdezeyaung buhquazhegun.

⁴ Ahbwayanemeshenaum enewh kahmujje‐doodahgooyunin; nenuhwind muh newabenuhmahwahnahnig kuhkenuh egewh mazenuhahmahweyummingejig. Kagoo kuhya ezhewezheshekaunkan emuh kuhgwatebanedewining; ekooneshenaum atuh mujje‐uhyeewishing.

⁵ Oo‐oo dush oogeënaun, Ahwanan kenuhwah anduhcheyag, kaähyahwaud enewh wejekewaün, kaëzhaud dush nebah‐tebik, oo‐oo kaënaud, Neeje ahweëshin neswe buhquazhegunug.

⁶ Ningeoodessik muh pazhik neejekewa, pabahmahdezid, kah dush nindahyaunseen cheähshummug.

⁷ Owh dush peendig ayaud oogahnuhquatauhwaun, oo‐oo akedood, Kagoo oondumeëshekan, ahzhe muh kebahquahegahda ishquaundam, kuhya newepamegoog nindahbenoojeëmug, kahween nekushketooseen cheoonishkahyaun chemeenenaunbaun dush.

⁸ Kedenenim suh, Ahnuhween goo enanduhsig cheoonishkaud kuhya chemeenaud ooweejekewaëdewinewah oonje, ahpeche‐wedabwanid tahoonjeoonishkah chemeenaud menik egoo muhnazenid.

⁹ Kedenenim kuhya, Nundoodahmahgayook, kegahmeenegoom dush; nundooneëgagook, kegahmekaunahwah dush; pahpahgesuhgeëgayook, kegahnesahkoonahmahgoom edush.

¹⁰ Kuhkenuh muh nandooduhmahgajig meenahwug; kuhya owh nandooneëgad oomekaun; kuhya owh puhyahpahgesugeëgad tahnesahkoonahmahwah.

¹¹ Ahwanan kenuhwah wanejahneseyag, kishpin nundoodahmahgood enewh oogwissun ewh buhquazhegun, kameenaud ahsin? gamuh kishpin gegooyun nundooduhmahgood, mujje kenabegoon nuh mashquud oogahmeenaun?

¹² Gamuh kuhya kishpin nundooduhmahgood ewh wahwun, oogahmeenaun nuh ookahde‐kenabegoon?

¹³ Kishpin dush kenuhwah ahnahween goo maje‐ezhewabezeyag, kekanduhmag chemeenagwah egewh kenejahnesewaug enewh wanesheshingin meegewawinun; ahwahshema suh owh keche‐kezhegoong duhzhe‐Koosewah oogahmeenaun enewh Keche Oojechaugun enewh nandoodahmahgoojin.

¹⁴ Oosahgeje‐wabenahmahgoobunan mujje‐muhnedoon, kahnetuh‐kekedoosenegoon. Kepuhgummeähyahmahgud, uhpe owh mujje‐mnhnedoo kahsahgahung, own kahnetuh‐kekedoosig kekekedoo; egewh dush ahnishenabbag kemahmahkahdanduhmoog.

¹⁵ Ahnind dush keëkedoowug, Wedookahgood enewh Beëlzebubun mujje‐muhnedoog oodoogemahmewah, oodoonje‐sahgeje‐wabenaun enewh mujje‐muhnedoon.

¹⁶ Ahnind dush kuhya oogeguhgwajeëgoon, nunduhwanduhmahgood ewh kezhegoong duhzhe kekenoowahjechegun.

¹⁷ Ween kekandung e‐ewh ananduhmenid, oo‐oo oogeënaun Anduhchid mahgahdezoomahguk oogemahwewin tahnishwahnahdud, kuhya mahgahdezoomahguk wegewaum kahwesamahgud.

¹⁸ Kishpin dush owh Satan megahdezood, ahneen kaëzheminjemoosenenig oodoogemahwewin? Kedekedoom mahween, owh Beëlzebub wedookahwid, wanjesahgeje‐wabenugwah egewh mujje‐muhnedoog.

¹⁹ Kishpin dush ween neen Beëlzebub wedookahwid wanje‐sahgeje‐wabenugwah egewh mujje‐muhnedoog, ahwanan dush wanje‐sahgechewabenahwaud egewh kegwissewaug? medush kaöonjetebahkoonenagwah.

²⁰ Kishpin dush neen weedookahgooyaun Kesha‐Muhnedoo ooneenj, wanjesahgeje‐wabenugwah mujje‐muhnedoog, kagate ewh Kesha‐Muhnedoo oodoogemahwewin ahzhe kepeödessigoonahwah.

²¹ Uhpe mashkahwezid enene ashweed guhnuhwandung oowegewaum, pezaunahtane ooduhyeemun.

²² Uhpe dush nahwuj mashkahwezenejin peöodissegood, mahmahzheëgood edush, oomuhkummegoon kuhkenuh oodushwewin enewh kahahpanemoojin, kuhya oomahdahookenun kuhkenuh ooduhyeemun.

²³ Owh wahjewesig nemegahnik suh; owh dush mahyahdahmahwesig chemahwundoonegayaun suhswa‐wabenega.

²⁴ Uhpe owh wahnezid muhnedoo kahsahgahunzetahwahjin enenewun, pahbahmoosa emuh pangookummegahnig, nunduhwahbundung ewh aunwabewin; mekunsig edush oo‐oo ekedoo, Nayaub ningahkewa emuh newegewauming kahoonje‐sahguhmaun.

²⁵ Uhpe dush tagwishingin, oomekaun kecheguhduhe-gahdanig kuhya kewahwazhechegahdanig.

²⁶ Uhnemahjaud, oodoodahpenaun neezhwahswe muhnedoon ahwahshema kagwahnesuggandahgoozenejin ewh ween azheähyaud, peendegawug dush, medush emuh andahwaud: ewh ishquauj azhewabezid wah‐owh enene ahwahshema koopuddeze ewh dush ween netum kahdid.

²⁷ Kepuhgummeähyahmahgud, oo‐oo uhyekedood, pazhik equa egewh mahyahmahwenoojig anegook kekekedoo, oo‐oo dush keënaud, Shahwandahgwud emuh kahoonjenegeyun, kuhya shahwandahgwudoon enewh doodooshun kahnooneëgooyun.

²⁸ Oo‐oo dush keëkedoo, Kagate ahwahshema shahwandahgoozewug egewh nwaundungig Kesha‐Muhnedoo oodekedoowin, kuhya ganuhwandungig.

²⁹ Uhpe egewh ahnishenahbag kahpekechemahoonjeëdewaud, kemahje‐ekedoo, Mujje‐ëzhewabezewug oogoo noongoom bamahdezejig: oonunduhwandahnahwah ewh kekenoowahjechegun, kahween gagoo kekenoowahjechegun tahmeenahsewug, me atuh ookekenoowah echegun owh Jonah aunwahjega‐wenene.

³⁰ Debishkoo muh kahahwid owh Jonah ookekenoowahjechegunewah egewh Ninevitug, mesuh kaähwid owh Enene Oogwissun ookekenoowahjechegunewah egewh enenewug noongoom bamahdezejig.

³¹ Owh shahwuhnoong duhzhe oogemahqua, uhpe tabahkoonegang oogahweeje‐puhsegwemaun enewh enenewun noongoom bamahdezenejin, kuhya dush oogahnahneboomaun; ahpeche muh wahsahwakummig kepeöonjebah chebezindung oonebwahkahwin owh Solomon; benuh dush, ahwahshema ahpetandahgooze owh oomah ayaud, dush ween owh Solomon.

³² Egewh dush Nineveh duhzhe enenewug uhpe tebahkoonegang oogahweeje‐puhsegwemahwaun oonoo noongoom bamahdezenejin oogahnahneboomahwaun dush: keäunwanindezoowug muh, uhpe kahkuhgequanid Jonahun; benuh dush ahwahshema ahpetandahgooze owh oomah ayaud dush ween Jonah.

³³ Kahween ahweyah, kahsuhkuhungin ewh wahsuhkoonanjegun, emuh kemoodezewining oodahtooseen, gamuh ahnaumuheëe tebahega‐muhkukoong, emuh suh oogejeëe wahsuhkoonanjegun‐ahbikoong, egewh paundegajig chewahbunduhmoowaud wahsayahzewin.

³⁴ Ewh weyowing duhzhe wahsayahzewin me ewh ooshkinzhegoomah; kishpin kuhyundahwezemahguk keshkinzhik, kemooshkenashkahgoon anegookwaug keyow ewh wahsayahzewin; kishpin dush mahkezemahguk keshkinzhik, kemooshkenashkahgoon anegookwaug keyow ewh puhsuhgishkezewin.

³⁵ Nahnahgahdahwanindezoon koonemah ewh wahsayahzewin ayahmun puhsuhgishkahmahgud.

³⁶ Kishpin dush kuhkenuh anegookwaug keyow wahsayahmahguk, kuhnuhga ahtasenook ewh puhsuhgishkezewin, kuhkenuh tahwahsayahmahgud debishkoo uhpe ewh wahsuhkoonanjegun‐ahbik azhewahsuhkoonamahguk chewahsashkahgooyun.

³⁷ Magwah dush kekekedood, pazhik Pharisee‐wenenewun oogenundoomegoon cheweedoopuhmegood; kepeendega dush kuhya kenuhmuhduhbe chewesenid.

³⁸ Owh dush Pharisee‐wenene uhpe wahyahbuhmaud kesebegesenid chepwah wesenenid, kemahmahkahdandum.

³⁹ Owh dush Tabaningad oo‐oo oogeënaun, Noongoom kenuhwah Phariseeweyag kepeenetoonahwah ewh menequahjegun kuhya ewh oonahgun ahgwahjuheëeng, peenjenuh dush kemooshkenashkahgoonahwah kuhkenuh muhkundwawin kuhya mujjeëzhewabezewin.

⁴⁰ Kakebahdezeyag, kah nuh ween owh kahoozhetood ewh ahgwahjuheëeng atag kuhya oogeöozhetooseen ewh peenjenuh atag?

⁴¹ Meegewayook dush enewh meegewawinun menik ayahmagoon; benuh dush, kuhkenuh keduhyeemewah tahpeeneähyahnoon.

⁴² Kekuhgwahnesuhgandahgooseem kenuhwah Phariseeweyag! kedezhetebahahmahgam emuh ahnuhmeähwining ewh manoo‐mahgwuk ahnebeshun, kuhya pahbahmanduhsewag ewh tebahkoonegawin kuhya oosahgeëwawin owh Kesha‐Muhnedoo: kedahgeëzhechegam suh oonoo, enewh bakahnukkin dush ween kahween kedahkuhbekunsenahwaun.

⁴³ Kekuhgwahnesuggandahgoozeem kenuhwah Phariseeweyag! kesahgetoonahwah muh enewh kache‐ishpandahgwukin ahbeewinun emuh ahnuhmeä‐weguhmigoong, kuhya ahnahmekoodahdewinun emuh ahtaundewining.

⁴⁴ Kekuhgwahnesuhgandahgooseem kenuhwah wazhebeëga‐weneneweyag kuhya Phariseeweyag anuhmeäkahzooyag! debishkoo muh kedezhewabezeem enewh chebaguhmigoon kekandahgwuhsenoogin, ahnahween goo oogeejuheëe bemoosawaud egewh enenewug kahween oowahbunduhsenahwah.

⁴⁵ Me dush kenuhquatahgood pazhik enewh tebahkoonega‐wenenewun, oo‐oo keëgood, Kakenooähmahgayun, oo‐oo ekedooyun, nenuhwind kuhya goo kemujje‐guhnoozhemin.

⁴⁶ Oo‐oo dush keëkedoo, Kuhya këkuhgwahnesuhgandahgooseem kenuhwah tabahkoonega‐weneneweyag! kepemoonduhahwaug muh egewh enenewug enewh quasegwungin mewunekaunun, kah kuhnuhga pazhik keneenjewaun ketaungenunsenahwah enewh mewunekaunun.

⁴⁷ Kekuhgwahnesuggandahgoozeem! kedoozhetoonahwah enewh oochebaguhmigoowaun egewh aunwahjega‐wenenewug, koosewahbuneeg oogenesahwaun enewh.

⁴⁸ Kagate kedebahjemoom cheminwanduhmoowagwah koosewahbuneeg oodahnookewinewaun: oogenesahwaun muh, kenuhwah dush kedoozhetuhmahwahwaug oochebaguhmigoowaun.

⁴⁹ Mesuh kahoonje‐ekedoomahguk oonebwahkahwin owh Kesha‐Muhnedoo, Negahmahjenahzhahahmahwaug egewh aunwahjega‐wenenewug, kuhya egewh apostleüg, ahnind dush oogahnesahwaun kuhya oogahnoosoonawahwaun:

⁵⁰ Cheöonjenunduhwanduhmahwindwah egewh noongoom bamahdezejig, oomesqueemewah kuhkenuh aunwahjega‐wenenewug, kahsegwabenegahdag pahahkoo‐oozhechegahdag ewh uhkee;

⁵¹ Ewh oomesqueem owh Abel nahnauzh edush oomesqueem owh Zacharias, kahduhpenad emuh nesuhwuheëeng anduhgoog ewh sahsahgewejegun‐ahbik kuhya ewh kechetwah‐ahnuhmeä‐weguhmig; kagate kedenenim, Tahnunduhwanduhmahwahwug oogoo noongoom bamahdezejig.

⁵² Kekuhgwahnesuhgandahgoozeem kenuhwah tabahkoonega‐weneneweyag! kegemahjetoonahwah muh ewh kekanjegawine ahbahpekuhegun: kahween kegepeendegaseem kenuhwah tebenuhwa, kah dush kepuhgedenuhmahwahsewaug egewh wahpeendegabuneeg.

⁵³ Magwah dush oo‐oo keënaud, egewh oozhebeëga‐wenenewug kuhya egewh Phariseeg ahpeche oogemahje-wekoojeähwaun kuhya oogekuhquatebanemahwaun cheduhzhinduhmenid nebewah gagoo.

⁵⁴ Ahkahwahbuhmahwaud, kuhya nunduhwanemahwaud gagoo cheoonzekahnig emuh oodoonening, ewh kaöonje‐bahtahmahwaud.