ST. LUKE 10 - Ottawa New Testament Penteteuch and Psalms 1874

¹ Uhpe dush kahishquah‐ezhewabuk oonoo, owh Tabaningad oogeënahkoonaun neezhwahswe‐meduhnuh bakahnezenejin, keëzhenahzhahwaud, naneezh ewede enahkuhkayah wahuhneëzhaud, emuh anduhching enewh oodanahwun kuhya tebe wahuhneëzhahgoobunan.

² Me dush oo‐oo keënaud, Kagate ewh keeshkushkezhegawin kechemechahmahgud, egewh dush ahnooke‐wenenewug pungeshawugezewug; ahnuhmeätuhwik suh owh dabandung ewh keeshkushkezhegawin ewh dush chepeëzhenahzhahwaud ahnooke‐wenenewun emuh ookeeshkushkezhegawining.

³ Mahjahyook; benuh, kemahjenahzhahoonenim debishkoo mahnishtahnisheensug emuh magwa maheengunekaug.

⁴ Kagoo pemewetookagoon ewh shooneyah‐mushkemood kuhya nuhwuhpoowine‐mushkemood, kuhya muhkissenun, kagoo kuhya ahnahmekahwahkagoon ahweyah enene emuh meekunaung.

⁵ Tebe dush paundegawagwan emuh wegewauming netum oo‐oo ekedoon, Mahnoo ewh pezaunewawin tahahyahmahgud oomuh wegewauming.

⁶ Kishpin dush owh pezaunewawine‐wagwissemind ahyaud emuh, mahnoo kepezaunewawinewah tahahyahmahgud emuh: kishpin dush ween ahyahsig, nayaub kegahpeöodissegoonahwah.

⁷ Me dush emuh wegewauming cheduhnezeyag, meejeyag kuhya menequayag enewh egoo uhyeëen kaähshummegooyagoon: kagate muh ahpeetandahgooze owh ahnooke‐wenene chetebahahmahwind. Kagoo papuhkaunuk wegewauming ezhekoozekagoon.

⁸ Tebe dush kapeendegawagwan keche‐oodanaung, kishpin oodahpenenagwah, meejeyook enewh uhyeëen ashummegooyagoon.

⁹ Noojemooïk dush egewh ahyahkoozejig emuh dabandahgoozejig, oo‐oo dush enik, Gagah zhuhyegwah kedoodissegoonahwah oodoogemahwewin owh Kesha‐Muhnedoo.

¹⁰ Tebe dush emuh oodanaung kapeendegawagwan, oodahpenesenoowagwan edush, sahguhumoog emuh meekunaung, oo‐oo dush ekedooyook.

¹¹ Pooch weyuggussaëwung ewh kedoodanahwewah, ewh agokamahguk emuh neyowenaung newabenahmin: kekanduhmook suh dush, Gagah zhuhyegwah kepeoödissegoonahwah ewh oodoogemahwewin owh Kesha‐Muhnedoo.

¹² Kedenenim suh, Nahwuj puhbanug tahdoodahjegahda ewh Sodom, ewh uhpe kekezheguk, dush ween ewh oodanah,

¹³ Kuhgwahnesugguhkummig keen Chorazin! kuhgwahnesugguhkummig keen Bethsaida! kishpin muh emuh Tyreing kuhya emuh Sidoning keëzhechegahdagebun enewh keche‐mushkahwezewinun kahezhechegahdagin oomuh keen ahyahyun, mawezhah tahgeäunwanindezoowug chegenuhmuhduhbewahpun emuh mushkemoodagining kuhya emuh peengweeng.

¹⁴ Nahwuj dush puhbanug tahdoodahjegahda ewh Tyre kuhya ewh Sidon uhpe tebahkoonegang kenuhwah dush ween.

¹⁵ Keen dush Capernaum, peenish keche‐kezhegoong wambenegahzooyun, emuh mujje‐ishkootang kegahneswabenegoo.

¹⁶ Owh bazindoonag nebezindaug suh goo; owh dush kabahbahmanemesenoowag kahween nebahbahmanemegoose; kuhya owh kabahbahmanemesig, kahweenoobah-bahmanemahseen enewh kahahnoozhenejin.

¹⁷ Kepiskahbewug dush egewh neezhwahswe‐meduhnuh moojegezewaud, oo‐oo keëkedoowaud, Tabaningayun kedabwatahgoonahnig pooch egewh mujje‐muhnedoog, kedezhenekahzoowining oonje.

¹⁸ Oo‐oo dush oogeënaun, Ningewahbuhmah owh Satan debishkoo wahwahsuhmoowining, keche‐kezhegoong cheöonjepungeshing.

¹⁹ Benuh, kemeenenim ewh kushkeäwezewin chetuhtuhkookahnagwah egewh kenabigoog kuhya mujje kenabegoonshishug, kuhya dush kuhkenuh oomushkahwezewin owh shaunganingad; kah dush gagoo kegahmujje‐doodahgoosenahwah.

²⁰ Kagoo dush ween oonje‐moojegezekagoon, tabwatoonagwah egewh mujje‐muhnedoog; oo‐oo atuh oonje‐moojegezeyook, oozhebeëgahdag kedoonoozoowinewah ewede keche‐kezhegooug.

²¹ Ewh uhpe kekezheguk Jesus kemoojegandum emuh oojechaugoong, oo‐oo dush keëkedood, kemahmooyahwuhmin, Oh Noosa, keen tabanduhmun ewh kezhik kuhya ewh uhkee, kekahduhmahwudwah oonoo uhyeëen egewh nabwahkahjig kuhya natuh‐kekanjegajig, kegewahweenduhmahwaug dush egewh ahbenoojeensug: mesuh goo, Noosa, azheminwandahgwuk emuh anahsuhmuhbeyun.

²² Kuhkenuh ahnooj gagoo negepuhgedenuhmaug owh Noos; kah dush ahweyah ookekanemahseen enewh Wagwissememindjin me atuh owh Wayoosemind; kah dush ahweyah ookekanemahseen enewh Wayoosemindjin me atuh Wagwissemind, kuhya dush ahwagwanun owh Wagwissemind kawahwanahbundahahgwanun.

²³ Oogequakekahbahwetahwaun enewh kekenooähmahgunun oo‐oo dush keënaud keemooj, Shahwandahgwudoon enewh ooshkinzhegoomaun wuhyahbunduhmoomahgukkin oonoo uhyeëen kenuhwah wuhyahbunduhmagoon.

²⁴ Kedenenim muh, nebewah aunwahjega‐wenenewug kuhya keche‐oogemaug oogenundahwandahnahwah chewahbundahmoowaud enewh uhyeëen kenuhwah wuhyahbunduhmagoon, kah dush oogewahbunduhsenahwah; kuhya chenoonduhmoowaud oonoo uhyeëen kenuhwah nwaunduhmagoon, kah dush oogenoonduhsenahwah.

²⁵ Benuh dush, pazhik tebahkoonega‐wenene kepuhsegwe, kuhya kekuhgwajeäud, oo‐oo dush keënaud. Kakenooähmahgayun, Wagoonan kaëzhechegayaunbaun cheähyahmaun ewh kahgega‐bemahdezewin?

²⁶ Oo‐oo dush oogeënaun, Ahneen azhebeëgahdag emuh tebahkoonegawining? ahneen azheähginduhmun?

²⁷ Oogenuhquatuhwaun dush oo‐oo keënaud, Kegahezhesahgeäh Jehovah Kekesha‐Muhnedoom, anegookoo daäyun, kuhya anegookoojechaugooweyun, kuhya kuhkenuh kemushkahwezewining, kuhya kuhkenuh kedenanduhmoowining: kegahdezhesahgeäh dush owh keejduhuuhkewamahgun azhesahgeëdezooyun.

²⁸ Oo‐oo dush oogeënaun, Quuhyuk suh kegeëzhenuhquatum; oo‐oo ezhechegan, me dush chebemahdezeyun.

²⁹ Ewh dush wahquuhyukwandahgweëdezood oo‐oo oogeënaun enewh Jesusun, Ahwanan dush owh neejduhnuhkewamahgun?

³⁰ Owh dush Jesus dush oo‐oo oogenuhquatuhwaun oo‐oo keënaud, Pazhik suh enene, Jerusaleming keöoejekewa, ezhaud dush Jerichoïng, oogemagwaushkahwaun enewh kamoodishkenejin, kahkesekoonuhyabenegoojin kuhya kahmezhahganemegoojin, mahyahjahnid oogenuhguhnegoon ahgahwah bemahdezid.

³¹ Kepuhgummeähyahmahgud edush nuheddah emuh enuhkukkayah pebemoosagoobun pazhik sahsahgahwejega‐wenene; uhpe dush wuhyahbuhmaud, ahgahmekunah kepeëzhebemoosa.

³² Kuhya dush pazhik Levite, uhpe petuhgwishing, oogepewahbuhmaun, ahgaumekunah dush kepeëzhebemoosa.

³³ Pazhik dush Samaria duhzhe enene, magwah bahbahmahdezid, oogepenaunzekahwaun: uhpe dush kahwahbuhmaud, oogeketemahganemaun.

³⁴ Pashoo dush anduhzhe shingeshinenid kepenebahwe, kuhya oogezensoopetuhmahwaun kahenuhguhnahmemind, keseegenuhmoowaud pemeta kuhya shooweminahboo, kuhya oogenuhmuhduhbeäun emuh pequunahning tebenuhwa oodahwahkaunun, kepeëzhëwenaud dush emuh ahshunde‐weguhmigoong, oogeguhnuhwanemaun dush.

³⁵ Kuhya dush uhpe wuhyahbunenig mahyahjaud, oogekedenaun neezh shooneäunsun, oogemeenaun dush enewh wawegewaumenejin, kuhya oo‐oo keënaud, Guhnuhwanim; wagoodoogwan kabahnahjetoowunan ahwahshema uhpe menuhwah tagwishenaun kegahtebahahmoon.

³⁶ Ahwanan dush oonoo neswe, ananduhmun kahoowee-jeduhnuhkewamahgunenewemegoojin owh kahmagwaush-kahwaud enewh kamoodishkenejin?

³⁷ Oo‐oo dush keëkedoo, Enewh kahshahwanemegoojin; ween dush Jesus oo‐oo oogeënaun, Mahjaun, kuhya keen edush nahsaub ezhechegan.

³⁸ Kepuhgummeähyahmahgud, magwah pahbahmahdezewaud, ketuhgweshing emuh pazhik oodanaunsing; pazhik dush equan Martha azhenekahzooonejin oogezheoödahpenegoon emuh oowegewaumening.

³⁹ Keähyahwun enewh oowedegequaunun Mary kahezhenekahzoonejin, owh suh kahnuhmuhnuhbid emuh oosettahning Jesusun, bezindung oodekedoowinun.

⁴⁰ Martha dush oogeöondummeëgoon nebewah buhmeetahgawin, oogepenaunzekahwaun, oo‐oo dush keënaud, Tabaningayun, kah nuh ween kepahbahmanduhse, ewh newedegequaun nuhguhzhid chenezheka‐buhmeetahgayaun? weenduhmowh suh dush chewedookahwid.

⁴¹ Jesus dush oogenuhquatuhwaun oo‐oo keëkedood, Martha, Martha, kebahbahmandaunun kuhya kedoondum-meëgoonun nebewah uhyeëen:

⁴² Pazhik atuh nundahwandahgwud: Mary oogewuhwanahbundaun ewh wanesheshing uhyeëe kamuhkum-mahsewind.