ST. JOHN 9 - Ottawa New Testament Penteteuch and Psalms 1874

¹ Uhnekuhbekoosad dush owh Jesus, oogewahbuhmaun enewh enenewun kahkuhkepeengwa‐negenejin.

² Ookekenooähmahgunun dush oogekuhgwajemegoon, oo‐oo keëgood, Rabbi, Ahwanan kahmujje‐ezhechegad, wah‐owh enene, gamuh ooketezemun, ewh kahoonjekuhkepeengwa‐negegoobunan?

³ Jesus dush oogenuhquatuhwaun, Kahween wah‐owh kemujje‐ezhechegase, kuhya goo enewh ooketezemun; cheöonjewahbunjegahdanig atuh oodahnookewinun owh Kesha‐Muhnedoo emuh ooweyowing.

⁴ Nenundahwandahgooz suh cheënuhnookeyaun enewh oodahnookewinun owh kahpeëzhenahzhahood magwah kezheguk; petebikud suh, uhpe ahweyah kushketoosig cheähnookeed.

⁵ Apeech ahyahyaun emuh uhkeeng, newahsashkaun suh ewh uhkee.

⁶ Uhpe dush oo‐oo keëkedood, kesekoo emuh metushkuhkummig, oogewahzhushkekahdaun ewh sekoowahgun, kuhya oogeähtahwaun ewh wahzhushkee emuh ooshkeenzhegooning enewh kakepeengwanejin.

⁷ Oo‐oo dush oogeënaun, Ezhaun, ahwekesebegenedezoon emuh wahzhebeäunsing Siloam ahzenekahdag, mesuh uhnekenootuhming, azhenahzhuhegahdag; kemahjah dush, keähwekesebegenedezood, pekewad dush kewahbe.

⁸ Egewh dush pashoo andahjig kuhya dush egewh wahyashkud kahwahbuhmahpuneeg kekuhkepeengwanid oo‐oo keëkedoowug, Kah nuh ween wah‐owh ahwese owh kahnuhmuhduhbid ewh pahgoosanjegad,

⁹ Ahnind dush keëkedoowug, Me suh wah‐owh; ahnind dush, Mesuh azhenahgoozid; ween dush keëkedoo, Nindow suh.

¹⁰ Oo‐oo dush oogeënahwaun, Ahneen dush kahezhepahkahkoonegahdag enewh kishkinzhegoon.

¹¹ Ween dush oogenuhquatuhwaun oo‐oo dush keëkedood, Pazhik enene Jesus azhenekahzood oogeöozhetoon wahzhushke, ningeähtaug dush emuh nishkeenzhegoong, oo‐oo dush keëzhid, Ezhaun emuh wahzhebeäunsing Siloam azhenekahdag, kesebegenedezoon dush, Ningeëzhah dush ahwekesebegenedezooyaun, me dush wahbeyaun.

¹² Oo‐oo dush oogeënahwaun, Ahneende ahyaud? Oo‐oo dush keëkedoo, Kahween nekekanduhse.

¹³ Oogepeëzhewetahmahwahwaun enewh Phariseen enewh kahkuhkepeengwanepuneen.

¹⁴ Aunwabe‐kezhegudoobun dush ewh uhpe Jesus keoozhetood ewh wahzhushke kenesahkoonuhmahwaud oo‐ooshkinzhegoone.

¹⁵ Menuhwah dush egewh Phariseeg oogekuhgwajemahwaun kahezhewahbegwan. Oo‐oo dush oogeënaun, Oogeähtoon ewh wahzhushke emuh nishkinzhegoong, ningekesebegenediz dush, me dush wahbeyaun.

¹⁶ Ahnind dush egewh Phariseeg oo‐oo oogeënahwaun, Kahween Kesha‐Muhnedoong peöonjebahse wah‐owh enene, kah mah ooguhnuhwanduhseen ewh aunwabe‐kezhik. Ahnind dush ween oo‐oo keëkedoowug, Ahneen kaëzhekushketoopun ahweyah majeëzhewabezid cheëzhechegad oonoo mahmaundahwejegunun? Papuhkaun dush keühyenanduhmoog.

¹⁷ Menuhwah dush oo‐oo oogeënahwaun enewh kakepeengwanepuneen, Keen dush ahneen anahjemud ewh kepahkahkoonung enewh kishinzhegoon? Ween dush keëkedoo, Aunwahjega‐wenenewe suh.

¹⁸ Kah dush egewh Jewyug kedabwatunsewug ewh kekuhkepeengagoobun kewahbeïnd edush; bahmah atuh kahnundoomahwaud enewh ooketezemun owh kahwahbeïnd.

¹⁹ Oogeguhgwajemahwaun dush oo‐oo keënahwaud, Me nuh wah‐owh kegwissewah, owh anahjemag ewh kekuhkeepeengwa‐negid? ahneen dush noongoom azhewahbid?

²⁰ Oogenuhquatahgoowaun dush enewh ooketezemun oo‐oo keëgoowaud, Nekekanemahnaun mahbuh ningwissenaun cheähwid, kuhya ewh kekuhkepeengwa‐negid.

²¹ Ewh dush noongoom wanjewahbegwan kahween nekekanduhsemin; ahwagwanun dush kahpahkahkoonuh-mahgoogwanun enewh ooshkeenzhegoon kahween nekekanduhsemin: ahzhuh suh keëzhenetuhwuhge, kuhgwajemik, tahdebahjindezoo.

²² Me suh oo‐oo keöonjekedoonid enewh ooketezemun kekoosahnid enewh Jewyun; keënahkoonegagwahpun mah egewh Jewyug, kishpin ahweyah wahweenduhmahwaud cheähwenid Christ, emuh ahnuhmeä‐weguhmigoong tahoonjesahgeje‐wabenah.

²³ Mesuh kahoonjeëkedoonid enewh ooketezemun, Ahzhuh keëzhenetahwuhge, kuhgwajemik.

²⁴ Menuhwah dush oogenundoomahwaun enewh kahkuhkepeengwanepuneen, oo‐oo dush oogeënahwaun Meezh owh Kesha‐Muhnedoo ewh mahmooyahwawin, Ninkekanemahnaun suh wah‐owh enene chemujje‐ezhewabezid.

²⁵ Oogenuhquatuhwaun dush oo‐oo keëkedood, Kishpin maje‐ezhewabezegwan kahween nekekanduhse: pazhik atuh gagoo nekekandaun, ninkuhkepeengwanahbun, noongoom dush newaub.

²⁶ Menuhwah oo‐oo oogeënahwaun, Ahneen dush kahdoodook? ahneen dush kahezhepahkahkoonung enewh kishkinzhegoon?

²⁷ Oogenuhquatuhwaun dush, Ahzhuh kegeweenduhmoonenim, kah dush kegebezinduhsenahwah; wagoonash menuhwah wahoonjenoonduhmag? kedenandaum nuh kuhya kenuhwah cheookekenooähmahgunemenag?

²⁸ Oogenuhneebekemahwaun dush oo‐oo keëkedoowaud, Keen suh kedookekenooähmahgunemik wah‐owh; nenuhwind dush Moses nindookekenooähmahgunemigoonaun.

²⁹ Nekekandahmin ewh Kesha‐muhnedoo keguhnoonaud enewh Mosesun: wah‐owh dush kahween nekekanduhsemin tebe wandahdezegwan.

³⁰ Owh dush enene oogenuhquatuhwaun oo‐oo keënaud, Mahmaundahwuhkummig suh ewh, kekanduhsewag tebe wandahdezegwan, ahnoo ween goo kepahkahkoonung nishkinzhegoon.

³¹ Kekekandahmin ewh bezindahwahsig owh Kesha‐Muhnedoo enewh majeëzhewabezenejin: kishpin dush ahweyah ahnuhmeätuhwaud enewh Kesha‐Muhnedoon, ezhechegad dush ewh uhyenanduhmenid, mesuh enewh kabezindahwahjin.

³² Pahahkoo‐mahje‐uhkewung kahwekah kenoondahgaseem ahweyah chepahkahkoonahmahwaud ooshkeenzhegoone enewh kahkuhkepeegwa‐negenejin.

³³ Kishpin suh wah‐owh oonjebahsigoobun emuh Kesha‐Muhnedoong, kahween ootahgekushketooseen gagoo cheëzhechegad.

³⁴ Oogenuhquatuhwahwaun dush oo‐oo keënahwaud, Emuh mujjeëzhewabezewining kegeöondahdiz, kekenooähmahwemin enuh dush? me dush kesahgeje‐wabenahwaud.

³⁵ Jesus dush kenoondum kesahgeje‐wabenahwaud; uhpe dush kahmekahwaud, oo‐oo oogeënaun, Kedabwayanemah nuh Kesha‐Muhnedoo Oogwissun?

³⁶ Oogenuhquatuhwaun oo‐oo keëkedood, Ahwanan ahyahwid, nindoogemaum, cheoonjedabwayanemug?

³⁷ Jesus dush oo‐oo oogeënaun, Kegewahbuhmah suh, mesuh owh noongoom ganoonik.

³⁸ Oo‐oo dush keëkedoo, Tabaningayun nedabwayandum. Oogeshahgushketahwaun dush.

³⁹ Jesus dush keëkedoo, Nahneboondewin ninpeöonjeëzhah oomah uhkeeng, chewahbewaud egewh wuhyahbesigoog chekuhkepeengwaïndwah dush egewh wuhyahbejig.

⁴⁰ Ahnind dush egewh Phariseeg kahweejewahjig oogenoondahnahwah oonoo ekedoowinun, oo‐oo dush keënahwaud, Nekuhkepeengwamin nuh kuhya nenuhwind?

⁴¹ Jesus oo‐oo oogeënaun, Kishpin kuhkepeengwayagoobun, kahween mujje‐ezhewabezewin kedahgeähyaunsenahwah, Noongoom dush kedekedoom, Newahbemin; mesuh kayahbe wanjeähyahmag ewh kemujjeëzhewabezewinewah.