ST. JOHN 8 - Ottawa New Testament Penteteuch and Psalms 1874

¹ Jesus dush keëzhah emuh Olives wahjewing.

² Keekezhab dush menuhwah kepeëzhah emuh keche‐ahnuhmeä‐weguhmigoong, kuhkenuh dush ahnishenahban oogepenahzekahgoon; kenuhmuhduhbe dush kekenooähmahwaud.

³ Egewh dush oozhebeëga‐wenenewug kuhya egewh Phariseeg oopeetahwahwaun enewh equawun kahtuhkoonemindjin magwah pezhigwahdezenid; nahwuhyeëeng dush keähsahwaud.

⁴ Oo‐oo dush oodenahwaun, Kakenooähmahgayun, wah‐owh equa ketuhkoonah magwah kepezhigwahdezid.

⁵ Emuh Moses ootebahkoonegawining ningekuhgeke-megoonaun oo‐oo azhewabezejig chepemoosenuhindwah; ahneen dush keen akedooyun?

⁶ Oo‐oo keëkedoowug, kuhgwatebanemahwaud, gagoo cheähyahmoowaud kaöonjebahtahmahwaud. Jesus dush kenuhwatah, ooninjeeng dush keöozhebeëga emuh metushkuhkummig.

⁷ Uhpe dush menuhwah kahkuhgwajemegood enewh, keöombetah, oo‐oo dush keënaud, Ahwagwan majeëzhe wabezesigwan kenuhwah anduhcheyag mahnoo netum oogahpemoosenuhaun.

⁸ Menuhwah dush kenuhwatah keöozhebeëgad emuh metushkuhkummig.

⁹ Uhpe dush kahnoonduhmoowaud, keähnahmuhmegoowaud tebenuhwa ookekanindezoowinewaun, keühnesahguhuhmoog papazhig, netum kesahguhumoog egewh katezejig peenish egoo egewh ashquayandahgoozejig: kenezhekanuhguhnah dush owh Jesus, kuhya owh equa nebahwid emuh nahwuhyeëeng.

¹⁰ Jesus dush keöombetaud, kewahbuhmahsig dush ahweyah enewh atuh equawun, oo‐oo keënaud, Equa, ahneende dush egewh buhyahtahmikig? kah nuh ahweyah kegenahneboomegoose?

¹¹ Equa dush keëkedoo, Kah ahweyah, nindoogemaum. Jesus dush oo‐oo oogeënaun, Kah kuhya neen kenahneboomesenoon, mahjaun, kagoo menuhwah mujje‐ezhechegakan.

¹² Jesus dush menuhwah oo‐geguhnoonaun, oo‐oo keëkedood, Neen suh nindow oomah uhkeeng duhzhe wahsayahzewin: owh nwahpenuhzid kahween emuh puhsuhgishkezewining tahbemoosase, oogahahyaun suh bemahdezewine‐wahsayahzewin.

¹³ Oo‐oo dush oogeëgoon enewh Phariseen, Kedebahjindiz suh; kahween dabwamahgussenoon ketebahjemoowin.

¹⁴ Jesus dush oogenuhquatuhwaun oo‐oo keënaud, Ahnoo ween goo debahjindezooyaun dabwamahgud dush ween goo ewh nindebahjemoowin; nekekandaun muh wanjebahyaun, kuhya azhahyaun; kah dush kenuhwah kekekanduhsenahwah e‐ewh wahjebahyaun kuhya azhahyaun.

¹⁵ Weyausing suh kedezhetebahkoonegam; kahween neen netebahkoonahse ahweyah.

¹⁶ Kishpin dush tebahkoonegayaun, dabwamahgud suh netebahkoonegawin; kah muh nenezhekawezese, neen suh kuhya dush owh Wayoosemind kahpeëzhenahzhahood.

¹⁷ Oo‐oo kuhya ezhebeëgahda emuh ketebahkoonegawining, dabwamahgudene oodebahjemoowinewaun neezh enenewug.

¹⁸ Neen suh nindebahjindiz, kuhya dush owh Noos kahpeëzhenahzhahood nedebahjemik.

¹⁹ Oo‐oo dush keënahwaud, Ahneende ahyaud owh Koos? Jesus dush oo‐oo oogenuhquatuhwaun, Kah suh ween kekekanemeseem, kah kuhya kekekanemahsewah owh Noos; kishpin ween kekekanemeyagoobun, kedahgekekanemahwah kuhya owh Noos.

²⁰ Oonoo ekedoowinun kahuhyekedood owh Jesus emuh shooneäh‐weguhmigoong, kekenooähmahgad emuh keche‐ahnuhmeä‐weguhmigoong: kah dush ahweyah oogetuhkoonegooseen: kah muh muhshe ketebishkoosasenegoobun ookezhegudoomun.

²¹ Menuhwah dush Jesus oo‐oo oogeënaun, Nemahjah suh, kegahnunduhwahbuhmim dush, emuh kemujje‐ezhewabezewinewaung kegahneboom; azhahyaun kahween kekushketoosenahwah chepeëzhahyag.

²² Oo‐oo dush keëkedoowug egewh Jewyug, Tahnesedezoo nuh? oo‐oo ayekedood, Azhahyaun kahween kekushketoosenahwah chepeëzhahyag.

²³ Oo‐oo dush oogeënaun, Neseeühyeëe suh kenuhwah kedoonjebaum: ishpeming suh neen nindoonjebah; oomah uhkeeng kedebandahgoozeem: kahween oomah uhkeeng neen netebandahgoozese.

²⁴ Mesuh kahoonjeënenuhgoog, Kegahneboom emuh kemujje‐ezhewabezewinewaung; kishpin muh dabwayanemesewag ewh ahweyaun, kegahneboom emuh kemujje‐ezhewabezewinewaung.

²⁵ Oo‐oo dush oogeënahwaun, Ahwanan keen ahweyun? Jesus dush oo‐oo oogeënaun, Owh nahsaub wuhyashkud kahweenduhmoonenuhgoog.

²⁶ Nebewah nindahyaunun cheënenuhgoog kuhya chedebahkoonenuhgoog: dabwa suh owh kahpeëzhenahzhahood; kahenetuhwug mesuh azheguhnoonugwah egewh akeewejig.

²⁷ Kah dush oogekekanduhsenahwah ewh keduhzhemaud enewh Wayoosemindjin.

²⁸ Jesus dush oo‐oo oogeënaun, Uhpe dush keöombenag owh Enene Oogwissun, me dush kakekanduhmag neen ahweyaun; kah dush gagoo neen tebenuhwa nindezhechegase; debishkoo azhekekenuhahmoowid owh Noos, mesuh azhekekedooyaun.

²⁹ Owh dush kahezhenahzhahood neweejewik: kahween nenezheka‐nuhguhnegoose owh Noos; kahgenig muh nindezhecheganun enewh manwandungin.

³⁰ Magwah uhyekedood oonoo ekedoowinun, nebewah oogedabwayanemegoon.

³¹ Jesus dush oo‐oo oogeënaun enewh Jewyun kahduhyabwayanemegoojin, Kishpin aunwahjeyag emuh nindekedoowining, mesuh kagate kaëzheookekenooähmahgunemenuhgoog;

³² Kegahkekandahnahwah dush ewh dabwawin, kuhya dabwawining kaöonjepuhgedenegooyag.

³³ Oogenuhquatuhwahwaun dush, Abraham suh nindoonejahnesemegoonaun, kah dush wekah ningedebaneme-goosenaun ahweyah: ahneeshwin dush ekedooyun, kegahpuhgedenegoom?

³⁴ Jesus dush oogenuhquatuhwaun, Kagate, kagate, kedenenim, Kuhkenuh egewh mujje‐ezhewabezewin mahkindungig oodoobuhmeetahgunemegoonahwah ewh mujjeezhewabezewin.

³⁵ Owh dush buhmeetahga‐wenene kahween kahgenig dahse emuh wegewauming; Wagwissemind dush ween kahgenig dah.

³⁶ Kishpin dush puhgedenenag owh Wagwissemind, mesuh kagate kaëzhepuhgedenegahzooyag.

³⁷ Ninkekandaun suh owh Abraham oonejahnesemenag; kenunduhnesheem dush ween, kah muh dahgoomahgussenoon nindekedoowin emuh keyowewaung.

³⁸ Kahwahbunduhmaun ewede Noos anduhzhe‐ahyaud me suh ewh waunduhmaun: kahwahbunduhmag dush kenuhwah ewede koosewah anduhzhe‐ahyaud mesuh anuhnookeeyag.

³⁹ Oogenuhquatuhwahwaun dush oo‐oo keënahwaud, Nindoonejahnesemegoonaun owh Abraham. Jesus dush oo‐oo oodenaun, Kishpin oonejahnesemenagoobun owh Abraham, kedahgeënuhnookeem enewh oodahnookewinun owh Abraham.

⁴⁰ Noongoom dush kenunduhnesheem, ahnoo goo keweenduhmoonenuhgoog ewh dabwawin, ewh kahenettahwug owh Kesha‐Muhnedoo: kahween oo‐oo keëzhechegase owh Abraham.

⁴¹ Kedenuhnookeem suh ween oodahnookewinun owh koosewah. Oo‐oo dush oogeënahwaun, Kahween peshegwahdezewining nindoondahdezesemin; pazhegoo suh owh Wayoosemungid, mesuh owh Kesha‐Muhnedoo.

⁴² Jesus dush oo‐oo oogeënaun, Kishpin ooyoosemagoobun owh Kesha‐Muhnedoo, kedahgesahgeïm: Kesha‐Muhnedoong muh ningeöonjebah oomah peëzhahyaun; kahween neen uhyenanduhmaun ningeöonjetuhgwishinse, ningeëzhenahzhahook suh goo owh Noos.

⁴³ Ahneeshwin nesetootuhwesewag azhekekedooyaun? oonje kushketoosewag chebezinduhmag nindekedoowin.

⁴⁴ Kenuhwah kedooyoosemahwah owh mujje‐muhnedoo, kuhya ewh uhyenandung owh koosewah kedezhechegam. Wahyashkud kemahje‐neshewa owh, kah dush keähyahse emuh dabwawining, kah muh ookekishkunseen ewh dabwawin. Uhpe kakenuhwishkejin, ooduhzhindaun tebenuhwa ooduhyeemun: netuh‐kuhkenuhwishke muh, kuhya dush oodooyoosemegoon ewh kuhkenuhwishkewin.

⁴⁵ Weenduhmoonenuhgoog ewh dabwawin, mesuh wanje‐dabwatuhwesewag.

⁴⁶ Ahwanan anduhcheyag katabemepun ewh mujjeezhewabezewin? Kishpin dush weenduhmoonenuhgoog ewh dabwawin, ahneeshwin dabwatuhwesewag?

⁴⁷ Owh suh Kesha‐Muhnedoong wanjebaud oobezindaun oodekedoowinun owh Kesha‐Muhnedoo: mesuh kenuhwah wanjebezinduhsewag, ewh wanjebahsewag Kesha‐Muhnedoong.

⁴⁸ Egewh dush Jewyug oogenuhquatuhwahwaun oo‐oo keënahwaud, Kah nuh ween quuhyuk nindekedoosemin, keSamaria‐wenenewh, kuhya dush kedahyahwah mujje‐muhnedoo?

⁴⁹ Jesus dush oogenuhquatuhwaun, Kahween nindahyahwahse mujje‐muhnedoo; nekechetwahwanemah suh owh Noos, kah dush kenuhwah kekechtwahwanemeseem.

⁵⁰ Kahween nenunduhwanduhse chekechetwahwanindezooyaun: owh suh Noos ahwe nanduhwandung kuhya tabahkoonewad.

⁵¹ Kagate, kagate, kedenenenim, Kishpin ahweyah guhnuhwandung nindekedoowin, kah wekah oogahwahbunduhseen ewh neboowin.

⁵² Egewh dush Jewyug oo‐oo oogeënahwaun, Noongoom suh kekekanemegoo ahyahwud mujje‐muhnedoo. Ahzhuh keneboo owh Abraham, kuhya keneboowug egewh aunwahjega‐wenenewug; keen dush ween kedekid, Kishpin ahweyah guhnuhwandung nindekedoowin, kah wekah oogahtaungoondunseen ewh neboowin.

⁵³ Ahwahshema nuh keen kedahpetandahgooz dush ween Koosenaun Abraham, kahnebood? kuhya dush keneboowug egewh aunwahjega‐wenenewug: Ahneen dush anahjindezooyun?

⁵⁴ Jesus dush oogenuhquatuhwaun, Kishpin peshegandahgooëdezooyaun, kahween ningood enahbuhtussenoon nepeshegandahgoozewin; Noos suh nepeshegandahgooïk: mesuh owh Ninkesha‐Muhnedoomenaun anag.

⁵⁵ Kah dush kegekekanemahsewah; nekekanemah suh neen; kishpin, kahween nekekanemahse keëkedooyaunbaun, nindahgekuhkenuhwishk debishkoo kenuhwah; nekekanemah suh, kuhya neguhnuhwanduhmoowah oodekedoowin.

⁵⁶ Koosewah Abraham kemoojegeze kewahbundung nekezhegudoom, Oogewahbundaun suh; keoonahnegwandum dush.

⁵⁷ Egewh dush Jewyug oo‐oo oogeënahwaun, Kah muhshe kenahnemeduhnuh‐duhsoo‐pepoon‐uhgezese kegewahbuhmah dush nuh owh Abraham?

⁵⁸ Jesus dush oo‐oo oogeënaun, Kagate, kagate, kedenenim chepwah kenegid owh Abraham, neen nindow.

⁵⁹ Me dush uhpe keoodahpenahwaud ahsineen chepemwoosenuhahwaud: kekahzoo dush owh Jesus, keoonjesahguhum dush oonje keche‐ahnuhmeä‐weguhmigoong nahwuhyeëe ahyahnid enewh ahnishenahban kebemoosa, kekuhbekoosa dush.