ST. JOHN 7 - Ottawa New Testament Penteteuch and Psalms 1874

¹ Kahishquah‐ahyaug dush oonoo uhyeëen Jesus kepahbahmoosa emuh Galileeïng; kah dush keënanduhse chepemoosad emuh Judeaïng, oogeündoonawahwaun muh egewh Jewyug wenesahwaud.

² Gagah kedebishkoosane ookuhbashewine‐wekoondewinewah egewh Jewyug.

³ Enewh dush wejekewaün oo‐oo oogeëgoon, Oomah oonjemahjaun, ezhaun dush emuh Judeä duhzhe uhkeeng, egewh kekekenooähmahgunug cheöonjewahbunduhmoowaud enewh ahnookewinun anuhnookeyun.

⁴ Kahween ahweyah gagoo keemooj ezhechegase, kishpin nunduhwandung mezheshuh chekekandahgoozid. Kishpin ezhechegayun oonoo, wahbunduhowh ewh keyow egewh akeewejig.

⁵ Kah muh oogedabwayanemegooseen enewh wejekewaun.

⁶ Jesus dush oo‐oo keënaud, Kahween muhshe debishkoosasenoon nekezhegudoom, ahpena suh debishkoosamahgud kekezhegudoomewah.

⁷ Kahween ookushketoosenahwah egewh akeewejig chesheenganemenagwah; nesheenganemegoog suh, nindebahjemaug muh, mujje‐ezhewabudenig enewh oodahnookeewinewah.

⁸ Kenuhwah ezhaug emuh oo‐oo wekoondewining: kahween muhshe nindezhahse neen emuh oo‐oo wekoondewining; kah muh muhshe tadebishkoosasenoon ewh nekezhegudoom.

⁹ Uhpe dush oo‐oo kahenaud, kayahbe keduhneze emuh Galileeïng.

¹⁰ Uhpe dush kahmahjahnid enewh wejekewaün, me dush kuhya ween keëzhaud emuh wekoondewining; kahween mezheshuh, keemooj suh goo.

¹¹ Egewh dush Jewyug oogenundahwahbuhmahwaun emuh wekoondewining, oo‐oo dush keëkedoowaud, Ahneende ahyaud?

¹² Kekeche‐mahmaunwawatuhmoog egewh ahnishenahbag keduhzhemahwaud Jesusun; ahnind muh oo‐oo keëkedoowug, Menoo‐ezhewabeze suh; ahnind dush keëkedoowug, Kahween; oowuhyazhemaun suh enewh ahnishenahban.

¹³ Kahween ahweyah mezheshuh oogeduhzhemahseen, kekoosahwaud enewh Jewyun.

¹⁴ Uhpe dush ahyahbetah‐wekoonding, Jesus keëzhah emuh keche‐ahnuhmeä‐weguhmigoong, kekekenooähmahga dush.

¹⁵ Kemahmahkahkanduhmoog dush egewh Jewyug, oo‐oo keëkedoowaud, Ahneen mahbuh azhekekandung ewh muzzeneëgun wekah kekenooähmahgoozesig?

¹⁶ Jesus dush oogenuhquatuhwaun oo‐oo keënaud, Nekekenooähmahgawin kahween neen nedebanduhseen, owh suh goo kahezhenahzhahood.

¹⁷ Kishpin ahweyah weëzhechegad azhenunduhwandung owh kahezhenahzhahood, oogahkekandaun ewh kekenooähmahgawin, kishpin Kesha‐Muhnedoong wanjebahmahgudoogwan, gamuh neen ahyenanduhmaun azhekekedoowaunan.

¹⁸ Owh suh ween tebenuhwa ahyenandung azhekekedood nundahwandahmahdezoo tebenuhwa oopeshegandahgoozewin; owh dush nanduhwandung ewh oopeshegandahgoozewinene enewh kahezhenahzhahoogoojin, mesuh owh duhyabwad, kah dush ookekishkunseen ewh mujjeëzhewabezewin.

¹⁹ Kah nuh ween owh Moses kegemeenegoosewah ewh tebahkoonegawin, kah dush ahweyah menik anduhcheyag ooguhnuhwanduhseen ewh tebahkoonegawin? Wagoonan wanjenunduhwanduhmag chenesheyag?

²⁰ Egewh dush ahnishenahbag oogenuhquatuhwahwaun oo‐oo keënahwaud, Kekekishkahwah suh mujje‐muhnedoo: ahwanan nunduhwandung chenesik?

²¹ Jesus dush oogenuhquatuhwaun oo‐oo keënaud, Pazhik suh ahnookewin ningeëzhechega, kuhkenuh dush kenuhwah kemahmahkahdandahnahwah.

²² Owh suh Moses kegemeenegoowah ewh kekenoowahje‐kishkezhegahzoowin; (kahween dush Mosesun oonjebahmahgussenoon, egewh suh goo katezejig:) aunwabe‐kezheguk dush kekekenoowahje‐mahdezhwahwah enene.

²³ Kishpin dush kekenoowahje‐mahdezhoond enene aunwabe‐kezheguk, cheöonjebahnahdussenook Moses ootebahkoonegawin, kedoosittah‐wanemim nuh dush, quuhyuk kenoojemooüg owh enene aunwabe‐kezheguk?

²⁴ Kagoo ezhetebahkoonegakagoon ewh azhenuhmag, quuhyuk suh tebahkoonegawin ezhetebahkoonegayook.

²⁵ Ahnind dush egewh Jerusaleming duhzhe wenenewug oo‐oo keëkedoowug, Kah nuh ween wah‐owh ahwese enewh nandahnesahwahjin?

²⁶ Benuh dush mezheshuh kekedoo, kah dush ningood oodenahsewaun, Kagate nuh kekanduhmoog egewh oogemaug, wah owh ahyahwegwan owh Christ?

²⁷ Nekekanemahnaun suh mahbuh wandahdezid, uhpe dush tagwishing owh Christ, kahween ahweyah ookekanemahseen tebe wandahdezegwan,

²⁸ Jesus dush kepepahge emuh keche‐ahnuhmeä‐weguhmigoong magwah kekenooahmahgad, oo‐oo keëkedood, Kekekanemim suh, kuhya wandahdezeyaun kekekandahnahwah; Kahween neen uhyenanduhmaun ningeöonjetuhgwishinse, netuh‐tabwa suh owh pahahnoozhid owh kakanemahsewag kenuhwah.

²⁹ Nekekanemah dush neen, me mahween wandahdezeyaun, me dush wah‐owh kahpeëzhenahzhahood.

³⁰ Oogenundah‐tuhkoonahwaun dush, kah dush ahweyah oogetaungenahseen, kah muh muhshe kedebishkoosa-senenegoobun ewh ookezhegudoom.

³¹ Nebewah dush egewh ahnishenahbag oogedabwayanemahwaun, oo‐oo dush keëkedoowaud, Uhpe tagwishing owh Christ, nuhwuj nuh nebewah mahmaundahwejegunun tahezhechega, azhechegad dush ween wah‐owh?

³² Egewh dush Phariseeg kenoonduhmoog, oo‐oo keëkedoonid enewh ahnishenahban, keduhzhemahnid; egewh Phariseeg kuhya egewh keche‐suhsahgewejega‐wenenewug oogeëzhenahzhahwahwaun enewh tuhkoonewa‐wenenewun chetuhkoonahnid.

³³ Jesus dush oo‐oo keënaud, Kayahbe wanebik kegahweejahyahwenenim, me uhpe kaëzhahyaun owh kahpeëzhenahzhahood.

³⁴ Kegahnunduhwahbuhmim, kah dush kegahmekahwesim: anduhzhe‐ahyahyaun dush kahween kekushketoosenahwah chepeëzhahyag.

³⁵ Egewh dush Jewyug, oo‐oo keëzheguhnoonedewug, Ahneende wahezhaud, ewh chemekahwahsewung? tahezhah nuh anduhzhe ahyahwaud egewh saswashkahjig anduhnuhkeejig emuh mayug‐ahnishenahbakaug, chekekenooahmahwaud edush enewh mahyug‐ahnishenahban?

³⁶ Wagoonanedoog maunduh ekedoowin kahekedood, Kegahnunduhwahbuhmim, kah dush kegahmekahwesim: kuhya anduhzhe‐ahyahyaun, kahween kekushketoosenahwah chepeëzhahyag?

³⁷ Uhpe dush ashquah‐kezheguk uhpe kache‐wekoondewine‐kezheguk, kenebahwe owh Jesus, kuhya kekeche‐pepahge, oo‐oo keëkedood, Kishpin ahweyah kashkahbahgwad mahnoo ningahpenaunzekaug, chemenequad.

³⁸ Owh duhyabwayanemid, debishkoo akedoomahguk ewh kechetwah‐oozhebeëgun, Emuh oomesudaung tahoonjejewunenewun enewh bemahdezewine‐seebeen.

³⁹ Oo‐oo dush kekeëdoo kedebahjemaud enewh Oojechaugwun, enewh kaöodahpenahwahjin enewh duhyabwayanemegoojin: kah muh muhshe kemeegewaseem owh Keche‐Oojechaug, kah muh muhshe kepeshegandahgooähse owh Jesus.

⁴⁰ Nebewah dush egewh ahnishenahbag, uhpe kahnoondahmoowaud ewh ekedoowin keëkedoowug, Kagate suh owh aunwahjega‐wenene ahwe wah‐owh.

⁴¹ Ahnind dush keëkedoowug, Me suh mahbuh owh Christ? Ahnind dush keëkedoowug, Emuh nuh Galileeïng tahoonjebah owh Christ?

⁴² Kah nuh ween ekedoomahgussenoon ewh kechetwah‐muhzeneëgun, cheoondahdezid owh Christ oonje David oomenewining, kuhya emuh Bethlehem azhenekahdag oodanaung, emuh kahduhzhe‐ahyahgoobunan owh David?

⁴³ Papuhkaun keühyenanduhmoog egewh ahnishenahbag duhzhemahwaud enewh Jesusun.

⁴⁴ Ahnind dush keënanduhmoog chetuhkoonahwaud; kah dush ahweyah oogetaungenahseen enewh.

⁴⁵ Egewh dush tuhkoonewa‐wenenewug oogepenaunzekahwahwaun enewh keche‐sahsahgewejega‐wenenewun kuhya enewh Phariseen; oo‐oo dush keëgoowaud, Ahneeshwin kepenahsewag?

⁴⁶ Egewh dush tuhkoonewa‐wenenewug oogenuhquatuhwahwaun, Kahween wekah ahweyah enene keëzhekekedoose azhekekedood wah‐owh enene.

⁴⁷ Egewh dush Phariseeg oo‐oo oogeënahwaun, Kuhya kenuhwah nuh kewuhyazhemegoom?

⁴⁸ Ahweyah nuh oogemah gamuh Pharisee oogedabwayanemaun?

⁴⁹ Oogoo suh ahnishenahbag kakanduhsigoog ewh tebahkoonegawin kuhgwahnesuggandahgoozewug.

⁵⁰ Nicodemus dush oo‐oo oodenaun (Mesuh owh kahpenaunzekahwaud Jesusun magwah tebekudenig, kePhariseewe kuhya ween),

⁵¹ Enahkoonegamahgud nuh ketebahkoonegawinenaun chenahneboomind ahweyah enene, chepwah noonduhwind kuhya kekanemind wagoodoogwan azhechegagwan?

⁵² Oogenuhquatuhwahwaun dush oo‐oo keënahwaud, Kuhya keen nuh emuh Galileeïng kedoonjebah? nunduhkekandun, wahbundun dush, kahween ahweyah aunwahjega‐wenene emuh Galileeïng oonjebahse.

⁵³ Kuhkenuh dush keëzhekewawug emuh tebenuhwa andahwaud.