ST. JOHN 3 - Ottawa New Testament Penteteuch and Psalms 1874

¹ Keähyah suh Pharisee‐wenene, Nicodemus azhenenekahzood, ootebahkoonega‐wenenemewah egewh Jewyug:

² Wah‐owh oogepenaunzekahwaun enewh Jesusun magwah tebekudenig, oo‐oo keënaud, Rabbi, nekekandahmin keen ahweyun owh kakenooähmahgad Kesha‐Muhnedoong pahoojebaud, kah muh ahweyah oodahkushketoosenun oonoo mahmaundahwejegunun keen azhechegayun, Kesha‐Muhnedoon atuh weejewegood.

³ Jesus dush oogenuhquatuhwaun oo‐oo keënaud, Kagate, kagate, kedenin, Kishpin ahweyah aunjnegesig, kahween oodahwahbunduhseen ewh Kesha‐Muhnedoo oodoogemahwewin.

⁴ Nicodemus dush oo‐oo oodenaun, Ahneen dush owh enene kaëzhenegepun uhpe ahzhuh kekekaud? Nayaub nuh tahkushketoo chepeendegad emuh ooweyowening oogeen, chenegepun dush?

⁵ Jesus dush oogenuhquatuhwaun, Kagate, kagate, kedenin, Kishpin ahweyah negesig emuh nebeeng kuhya emuh Keche‐Oojechaugoong, kahween tahkushketoose chepeendegad emuh Kesha‐Muhnedoo oodoogemahwewining.

⁶ Ewh suh weyausing wanjenegemahguk, weyaus suh ewh; ewh dush Oojechaugoong wanjenegemahguk, Oojechaug suh ewh.

⁷ Kagoo mahmahkahdandunkan ewh keënenaun, Kenundahwandahgoozeem cheäunjnegeyag.

⁸ Ewh noodin uhyenahnemud wahenahnemuk, kenoondaun dush muhtwayahnemuk, kah suh dush kekekanduhse tebe pahoonjebahmahgudoogwan, kuhya tebe azhahmahgudoogwan: mesuh azheähyahwaud kuhkenuh egewh Keche‐Oojechaugoong wanje‐negejig.

⁹ Nicodemus oogenuhquatuhwaun, oo‐oo dush keënaud, Ahneen kaëzheähyaugebun oonoo?

¹⁰ Jesus dush oogenuhquatuhwaun, oo‐oo keënaud, Keen nuh kedow owh kakenooähmahga‐wenene emuh Israeling, kekanduhsewun dush oonoo?

¹¹ Kagate, kagate suh kedenin, Ninduhzhindahmin ewh kakandahmaung, kuhya nindebahdoodahmin ewh kahwahbunduhmaung; kah dush kedoodahpenunsenahwah nedebahjemoowinenaun.

¹² Kishpin keweenduhmoonenuhgoog uhkeeng duhzhe uhyeëen, dabwayanduhsewag dush, Ahneen kaëzhedabwayanduhmag, kishpin, weenduhmoonuhgoog keche‐kezhegoong duhzhe uhyeëen?

¹³ Kah dush ahweyah Keëzheoombishkahse ewede keche‐kezhegoong ween atuh keche‐kezhegoong kahpeöonjenesid, owh Enene oogwissun keche‐kezhegoong ayaud.

¹⁴ Kahezheöombahkoonaud suh owh Moses enewh kenabigoon emuh buhgwuhduhkummig, me suh ewh nahsaub kaëzheöombahkoonind owh Enene oogwissun:

¹⁵ Kuhkenuh dush egewh duhyabwayanemahjig chebahnahdezesigwah, cheähyahmoowaud dush goo ewh kahgega‐bemahdezewin.

¹⁶ Kahahpeech‐shahwandung owh Kesha‐Muhnedoo ewh uhkee oogeöonjemeegewanun tebenuhwa oogwissun nuhyatahwezenejin, ahwagwan dush duhyabwayanemahgwan chebahnahdezesig, cheähyaung suh dush ewh kahgega‐bemahdezewin.

¹⁷ Kah muh Kesha‐Muhnedoo oogeöonjeëzhenahzhahwahseen enewh Oogwissun oomah uhkeeng chenahneboondung ewh uhkee, ewh suh dush uhkee chebemahdudenig ween oonje.

¹⁸ Owh suh duhyabwayanemaud kahween nahneboomahse: owh suh duhyabwayanduhsig ahzhuh suh kenahneboomah, kah muh oogedabwayanduhseen oodezhenekahzoowin enewh puhyazhegoonejin wagwissejin owh Kesha‐Muhnedoo.

¹⁹ Me suh oo‐oo nahneboondewin, ewh wahsayahzewin kepetuhgwishenoomahguk oomah uhkeeng, enenewug dush ahwahshema oogesahgetoonahwah ewh puhsuhgish‐tebik dush ween azhesahgetoowaud ewh wahsayahzewin, kemujje-uhyeëewenenewun muh oodezhechegawinewaun.

²⁰ Anduhchid muh owh maje‐ezhechegad oosheengandaun ewh wahsayahzewin, kah dush oopenaunzekunseen ewh wahsayahzewin, kootung suh chekekanjegahdanig oodezhechegawinun.

²¹ Owh dush mahkindung ewh dabwawin oopenaunz e kaun ewh wahsayahzewin, chemezheshuh‐wahbunjegahdanig oodezhechegawinun, emuh Kesha‐Muhnedoong keëzhechegahdanig.

²² Kahishquah‐ahyaug oonoo, Keëzhah owh Jesus kuhya enewh ookekenooähmahgunun emuh Judeä duhzhe uhkeeng. Ewede dush oogeweej‐ahyahwaun enewh, kebaptizooëwa dush.

²³ Keähyah kuhya ween owh John Baptizooëwa‐wenene emuh Enoning pashoo ewh Salem keduhzhe‐baptizooëwad, emuh nebekahgoobun muh, kapeëzhahwug dush chebaptizooïndwah.

²⁴ Kah muh muhshe keähpuggenahsebun owh John emuh kebahquahoode‐weguhmigoong.

²⁵ Kekuhgwajindewug dush ahnind owh John ookekenooähmahgunun kuhya dush egewh Jewyug, keduhzhinduhmoowaud ewh peeneëdezoowin.

²⁶ Oogepenaunzekahwahwaun dush enewh Johnun, oo‐oo dush keënahwaud, Rabbi, owh kahweejewud ewede ahgahme‐seebe Jordan, kahdebahjemud, benuh, ween baptizooëwa, kuhkenuh dush oopenaunzekahgoon.

²⁷ John dush oogenuhquatuhwaun, oo‐oo keënaud, Kahween ookushketooseen ahweyah gagoo chëoodahpenung, bahnemah atuh keche‐kezhegoong keöonjemeenind.

²⁸ Kenuhwah tebenuhwa suh kekekanemin, oo‐oo keëkedooyaun, Kahween nindahwese owh Christ, ninpeöonjeäh-noonegoo chepenegahneetuhwug.

²⁹ Owh ayahwaud enewh nahaungequan me suh owh nahaungeshewid: enewh oowejekewaün owh nahaungish nahbahwid kuhya nwaunduhwaud, keche moojegezewun oonje oodinwawin owh nahaungish: mesuh maunduh nemoojegezewin ketebishkoosag.

³⁰ Ween ashkum tahkechetwahwandahgooze, neen dush ween ashkum noondaush ningahahpetandahgooz.

³¹ Owh ishpeming wanjebaud ahwahshema ahpetandahgooze dush ween kuhkenuh: Owh dush uhkeeng wanjebaud uhkeewe suh, me dush goo uhkee anduhzhindung: owh dush keche‐kezhegoong wanjebaud ahwahshema keche‐ahpeetandahgooze dush ween kuhkenuh.

³² Ewh dush kahwahbundung kuhya kahnoondung, me suh ewh dabahdoodung; kah dush ahweyah oodoodahpenahmahwahseen oodebahjemoowin.

³³ Owh dush ween wadahpenuhmahwaud ewh oodebahjemoowin oogeähtoon ookookoowuhsuhgun chedabwad owh Kesha‐Muhnedoo.

³⁴ Enewh mahween Kesha‐Muhnedoo kahpeëzhenahzhahwahjin, oodebahdoodaunun Kesha‐Muhnedoo oodekedoowinun: Kah muh kekenuhwauj menik oogemeenahseen owh Kesha‐Muhnedoo enewh Oojechaugwun.

³⁵ Owh Wayoosemind oosahgeäun enewh Wagwissemindjin, oogepuhgedenuhmoowaun dush ween ahnooj gagoon emuh ooneenjening.

³⁶ Owh duhyabwayanemaud enewh Wagwissemindjin oodahyaun ewh Kahgega‐bemahdezewin; Owh dush duhyabwayanemahsig enewh Wagwissemindjin kahween oogahwahbunduhseen ewh bemahdezewin, ookekishkaun Kesha‐Muhnedoo oonishkahdezewin.