ST. JOHN 2 - Ottawa New Testament Penteteuch and Psalms 1874

¹ Nasoogoonahguk dush kewewekoodahdim emuh Canaïng ewh Galileeng anduhgoog; oogeen dush owh Jesus emuh keähyahwun:

² Ween dush Jesus kewekoomah, kuhya ookekenooähmahgunun, emuh anduhzhe‐wewekoodahding.

³ Uhpe dush manazewaud ewh shooweminahboo, Jesus dush oo‐oo oogeëgoon enewh oogeen, Kah oodahyaunsenahwah ewh shooweminahboo.

⁴ Jesus dush oo‐oo oodenaun, Equa, ahneen kadoodahdeyung? kahween muhshe debishkoosasenoon chemahje-ahnookeeyaun.

⁵ Enewh dush oogeen oogeënahne buhmeetahgunun, Nuhmunj suh kaënenoowagwan, ezhechegayook.

⁶ Keähtamahgudoon dush emuh ningoodwauswe nebee‐ahtahsoowinun ahsine‐uhyeëen kahenahbujjetoowahpuneen kepeeneëdezoowaud egewh Jewyug, koonemah goo neezh koonemah kuhya goo neswe tebahegunun tabushkenagoobun papazhik.

⁷ Jesus dush oodenaun, Mooshkenabuhtooyook enewh nimbahgunun ewh nebe Oogetebebahtoonahwaun dush.

⁸ Oo‐oo dush oodenaun, Segenuhmook zhuhyegwah, mahjeetuhwik edush owh wagemahkundung ewh wekoongawin. Oogemahjeetahwahwaun dush.

⁹ Uhpe dush owh wagemahkundung ewh wekoongawin kahkootuhguhmundung ewh nebee kahshoowemenahboo-wejegahdag, kah dush oogekekanduhseen tebe kahoonzekahnegwan: (egewh dush buhmeetahgunug kahseegenungig ewh nebee oogekekandahnahwah); owh wagemahkundung ewh wekoongawin oogenundoomaun enewh nahaungishun,

¹⁰ Oo‐oo dush oodenaun, Anduhchid enene netum oopuggedenaun wanesheshenig shooweminahboo; uhpe dush enenewug nebewah kahmenequawaud, ewh dush goo nahwuj mahyahnahduk; keen dush kegeguhnuhwandaun ewh wanesheshing shooweminahboo nahnauzh egoo noongoom.

¹¹ Me maunduh netum mahmaundahwejegun kahmahmaundahwejegad Jesus Canaïng Galileeng anduhgoog, oogemezheshahwesetoon dush oopeshegandahgoozewin; enewh dush ookekenooähmahgunun oogedabwayanemegoon.

¹² Kahishquahahyaug edush oonoo, keëzhah emuh Capernauming, ween, kuhya enewh oogeen, kuhya enewh wejekewaün, kuhya enewh ookekenooähmahgunun: kahween dush nebewah duhsoogoon keähyahsewug emuh.

¹³ Kagah dush zhuhyegwah wetebishkoosagoobun ewh ookuhbekoosa‐wekoondewinewah egewh Jewyug, Jesus dush keëzhah ewede Jerusaleming.

¹⁴ Oogemekahwaun dush emuh keche‐ahnuhmeä‐weguhmigoong enewh atahwaganejin pezhekewun kuhya mahnishtahnishun kuhya keche‐oomemeen, kuhya enewh shooneyaun mahyashquahdoonanejin nuhmuhduhbenid.

¹⁵ Uhpe dush kahoozhetood ewh puhzhunzhaëgun oonje ahsubaubeensun, kuhkenuh oogesahgeje‐wabenaun oonje keche‐ahmuhmeä‐weguhmigoong kuhya enewh mahnishtahnishun, kuhya enewh pezhekewun; kuhya oogesegwabenuhmahwaun enewh muhyashquahdoonahnejin ooshooneähmene, kuhya uhdoopoowinun oogeähnemekoo‐wabenaunun.

¹⁶ Oo‐oo dush oogeënaun enewh keche‐oomemeen atahwaganejin, Mahjetooyook oonoo uhyeëen; kagoo ahtahwa‐weguhmigoowetookagoon Noos oowegewaum.

¹⁷ Enewh dush ookekenooähmahgunun oogemequanduhmine oo‐oo ezhebeëgahdag, Ahpeech sahgetooyaun suh ewh kewegewaum nekedahmoogoon.

¹⁸ Oogenuhquatuhwahwaun dush egewh Jewyug oo‐oo keënahwaud, Wagoonan kekenoowahjechegun kawahbunduheyaung, oonoo wanjeëzhechegawunan?

¹⁹ Jesus dush oogenuhquatuhwaun, oo‐oo keënaud, Bahnahjetooyook maunduh kechetwah‐weguhmig, nasoogoonuhguk dush ningahmahyahwenaun.

²⁰ Oo‐oo dush keëkedoowug egewh Jewyug, Nemeduhnuh ahshe ningoodwauswe kekenoonoowinun keähnookeem cheöozhechegahdag maunduh ahnuhmeä‐weguhmig, nasoogoonuhguk nuh dush keen kegahmahyahwenaun?

²¹ Me suh ewh tebenuhwa weyow kechetwah‐weguhmig keëdung.

²² Uhpe dush kahahbejebaud, enewh ookekenooähmahgunun kemequanduhmoon keëkedoonid, kuhya oogedabwayandahnahwah ewh kechetwah‐oozhebeëgun, kuhya ewh ekedoowin kahekedoonid Jesusun.

²³ Uhpe dush keähyaud emuh Jerusaleming magwah kekuhbekoosa‐wekoonding, wekoondewine‐kezheguk, nebewah oogetabwayandahnahwah oodoonoozoowin, wuhyahbunduhmoowaud oomahmaundahwejegunun kahezhechegad.

²⁴ Kahween dush ween owh Jesus oogeähpanemahseen enewh, oogekekanemaun muh kuhkenuh enenewun.

²⁵ Kah dush oogenundahwanduhseen ahweyah chedebahjemootahgood azhewabezenid enenewun, ween muh oogekekandaun peenjenuh atagin emuh eneneeng.