ST. JOHN 18 - Ottawa New Testament Penteteuch and Psalms 1874

¹ Uhpe Jesus kahekedood oonoo ekedoowinun, kesahguhum uhneweejewaud enewh ookekenooähmahgunun emuh ahgahming ewh sebewesha Cedron, keähta dush ewh ketegaunans, emuh keëzhaud kuhya ookekenooähmahgunun.

² Judas, owh kahbahtahaud, oogekekandaun emuh ahtanig: mesuh oomah Jesus ahyahpe kahezhaud keweejewaud enewh ookekenooähmahgunun.

³ Judas dush kahoodahpenaud shemahguneshun kuhya tuhkoonewa‐wenenewun wandenahmahgoojin keche‐sahsahgahwejega‐wenenewun kuhya Phariseen, tuhgwishin emuh, bahbahwahsunjegunun kuhya wahsuhkoonanjegunun kuhya ushwewinun pegegezewaud.

⁴ Jesus dush kekandung ahnooj gagoo kapuhguhmishkahgoojin, kesahguhum, oo‐oo dush keënaud, Ahwanan nanduhwahbuhmag?

⁵ Oogenuhquatuhwahwaun, Jesus Nazareth duhzhe enene. Jesus dush oo‐oo oodenaun, Neen suh nindow. Judas dush, enewh kahbahtahegoojin, oogeweejekahbahwemaun.

⁶ Uhpe dush kahenaud, Neen nindow, keähzhasawug, kekahwesawaud emuh metushkuhkummig.

⁷ Menuhwah dush oogekuhgwajemaun, Ahwanan nanduhwahbuhmag? Oo‐oo dush keëkedoowug, Jesus owh Nazareth duhzhe enene.

⁸ Jesus dush oogenuhquatuhwaun, Ahzhuh kegeweenduhmoonenim neen cheähweyaun: kishpin dush nunduhwanemeyag, puhgedenik suh oogoo chemahjahwaud.

⁹ Cheöonjedebishkoosanig ewh ekedoowin, kahekedood, Egewh kahmeezeyun kahween kuhnuhga pazhik ningewuhneähse.

¹⁰ Simon Peter dush ayaud ewh ahzhahwashk, oogekejekoopetoon, kepuhkittawaud dush enewh keche‐sahsahgewejega‐wenenewun oobuhmeetahgunene, kekishketahwugagunahmaud ewh ookechetahwugahne. Malchus dush ezhenekahzoobun owh buhmeetahgun.

¹¹ Jesus dush oo‐oo oogeënaun enewh Peterun, Peendahun ewh kedahzhahwashkoom emuh peenduhoojeguning, kah nuh ween ningahmenequaseen ewh menequahjegun kahmeezhid owh Noos.

¹² Egewh dush shemahguneshug kuhya owh menesenoo‐oogemah kuhya ootuhkoonewa‐wenenemewaun egewh Jewyug, oogetuhkoonahwaun enewh Jesusun, keminjemahpenahwaud dush.

¹³ Netum dush oogeëzhewetuhmoowahwaun Anasun, me muh enewh kahoozhenemahjin owh Caiaphas kahkeche-sahsahgewejega‐wenenewid ewh uhpe kekenoonoowining.

¹⁴ Mesuh owh Caiaphas kahenaud enewh Jewyun, chenundahwandahgwuk pazhik enene chenebootahwaud enewh ahnishenahban.

¹⁵ Simon Peter dush oogenoopenuhnaun enewh Jesusun, kuhya menuhwah pazhik kekenooähmahgun: owh kekenooähmahgun oogekekanemegoon enewh keche‐sahsahgewejega‐wenenewun, oogeweejepeendegamaun enewh Jesusun emuh oowegewauming owh keche‐sahsahgewejega‐wenene.

¹⁶ Peter dush ahgwahjeeng kenebahwe emuh ishquaundang. Kesahgahum dush owh bakahnezid kekenooähmahgun kahkekanemegood enewh Keche‐sahsahgewejega‐wenenewun, oogeguhnoonaun dush enewh equazansun kahguhnuhwanduhmenejin ewh ishquaundam, kepeendeguhnaud dush enewh Peterun.

¹⁷ Owh dush equazans ganuhwandung ewh ishquaundam oo‐oo oogeënaun enewh Peterun, Kah nuh ween kuhya keen kedookekenooähmahgunemegoose wah‐owh enene? Oo‐oo dush oodenaun, Kahween nindahwese.

¹⁸ Kenebahwewug dush egewh buhmeetahgunug kuhya egewh tuhkoonewa‐wenenewug, oogepootahwanahwah dush ewh ahkahkunzhan (kesenahmahgudoobun muh) keähwuhzoowaud: kuhya ween dush owh Peter oogeweejekahbahwetahwaun, keähwuhzood.

¹⁹ Owh dush keche‐sahsahgewejega‐wenene oogekuhgwajemaun enewh Jesusun, keduhzhemaud ookekenooähmahgunun, kuhya ookekenooahmahgawin.

²⁰ Jesus dush oogenuhquatuhwaun, Mezheshuh ningeguhnoonaug egewh akeewejig: moonzhug ningekekenooähmahga emuh ahnuhmeä‐weguhmigoong kuhya emuh keche‐ahnuhmeä‐weguhmigoong moonzhug anduhzhe mahoonjeedewaud egewh Jewyug, kah dush gagoo keemooj ningeëkedoose.

²¹ Ahneeshwin kuhgwajemeyun? kuhgwajim egewh kahnoondahwejig, ewh kahenugwah: benuh, ookekandahnahwah ewh kahekedooyaun.

²² Uhpe dush oo‐oo kahekedood; pazhik tuhkoonewa‐wenene pashoo wanjekahbahwid oogenahbugushkeneenjetahwaun enewh Jesusun, oo‐oo keëkedood. Me nuh oo‐oo azhenuhquatuhwud owh keche‐sahsahgewejega‐wenene?

²³ Jesus dush oogenuhquatuhwaun, Kishpin kahmujje‐kekedoowaunan, debahdoodun ewh mujje‐uhyeweesh: kishpin dush quuhyuk kahkekedoowaunan, ahneeshwin puhked-daöoyun?

²⁴ Annas dush oogeëzhenahzhahwaun ewh minjemahpezoonid emuh andahnid Caiaphasun keche‐sahsahgewejega‐wenenewun.

²⁵ Simon Peter dush kenebahwe keähwuhzood. Oo‐oo dush oogeënahwaun, Kah nuh ween kuhya keen kedookekenooähmahgunemegoose wah‐owh? Keähgoonwatum dush ween, oo‐oo keëkedood, Kahween nindahwese.

²⁶ Enewh dush pazhik oobuhmeetahgunun, oodenahwamahgunun enewh kahkishketahwugagunahmahjin owh Peter, oo‐oo keëkedoowun, Kah nuh ween kegewahbuhmesenoon keweejewud emuh ketegaunansing.

²⁷ Menuhwah dush keähgoonwatum owh Peter: bahbega dush kenoondahgooze owh nahba‐pahkahahqua.

²⁸ Emuh dush Caiaphas andaud oodoonjemahjewenahwaun enewh Jesusun, keëzhewenahwaud emuh tebahkoonede‐weguhmigoong: keekezhabahwahgudoobun: Kah dush wenuhwah tebenuhwa kepeendegasewug emuh tebahkoonede‐weguhmigoong, oodahgeweenishkahgoonahwah muh, cheöonjemeejewahpun dush ewh kuhbekoosa‐wekoondewin.

²⁹ Kepesahguhum dush owh Pilate, oo‐oo keëkedood, Ahneen azheähnahmemag wah‐owh enene?

³⁰ Oogenuhquatuhwahwaun dush oo‐oo keënahwaud, Kishpin suh mujje‐ezhechegasigoobun, kahween kedahgepuhgedenemahgoose weyowh.

³¹ Pilate dush oo‐oo oogeënaun, Kenuhwah oodahpenik, kuhya tebahkoonik debishkoo anandahgwuk ketebahkoonegawinewah. Egewh dush Jewyug oo‐oo oogeënahwaun, Kahween nenuhwind nindenandahgoozesemin chenesungid ahweyah.

³² Chedebishkoosanig ewh oodekedoowin owh Jesus kahekedood, kedebahdoodung ewh kaënahpenad.

³³ Menuhwah dush kepeendega owh Pilate emuh tebahkoonede‐weguhmigoong, kenundoomaud dush enewh Jesusun, oo‐oo dush keënaud, Keen enuh kedow oodoogemahmewaun egewh Jewyug?

³⁴ Jesus dush oogenuhquatuhwaun, Keen enuh tebenuhwa kedekid, gamuh ahnind nuh kegeweenduhmahgoog ewh anandahgoozeyaun?

³⁵ Pilate dush oogenuhquatuhwaun, Neen enuh nin‐Jewewh? Keejeduhnuhkeewamahgunug kuhya egewh keche‐sahsahgewejega‐wenenewug ningemeenegoog keyowh: wagoonash kahezhechegayun?

³⁶ Jesus dush oogenuhquatuhwaun, Kahween oomah uhkeeng debandahgwussenoon ewh nindoogemahwewin; kishpin oomah uhkeeng debandahgwukebun ewh nindoogemahwewin, tahgemegahzoowug egewh nebuhmeetahgunug, chepuhgedenegoosewaunbaun emuh ooneenjewaung egewh Jewyug: noongoom dush kahween oomah debandahgwussenoon ewh nindoogemahwewin.

³⁷ Pilate dush oo‐oo oogeënaun, Kagate nuh kekeche‐oogemowh? Jesus dush oogenuhquatuhwaun, Kedekid suh chekeche‐oogemahweyaun. Me suh kahoonjenegeyaun, me suh dush kahoonjetuhgwishenaun oomah uhkeeng, chedebahdooduhmaun ewh dabwawin. Kuhkenuh egewh dabandahgoozejig emuh dabwawining nebezindahgoog ewh anwayaun.

³⁸ Pilate dush oo‐oo oogeënaun, Wagoonan ewh dabwawin? Uhpe dush oo‐oo kahekedood, menuhwah kesahguhum, keëzhaud dush emuh ahyahnid enewh Jewyun, oo‐oo dush oodenaun, Kahween gagoo nemekunse oomujje‐ezhewabezewin.

³⁹ Kedenandahgoozim suh, chepuhgedenuhmoonuhgoog pazhik, uhpe kabekoosa‐wekoondingin: kedenandaum nuh chepuhgedenuhmoonuhgoog owh ookeche‐oogemahmewaun egewh Jewyug?

⁴⁰ Menuhwah dush kepepahgewug kuhkenuh, oo‐oo keëkedoowaud, Kahween mahbuh, Barabbas suh atuh: kemuhkundwashke suh owh Barabbas.