ST. JOHN 17 - Ottawa New Testament Penteteuch and Psalms 1874

¹ Oonoo suh kahekedood owh Jesus, keöombishkinzhegwane dush kezhegoong enuhkayah, oo‐oo keëkedood, Noosa, ketuhgwishenoomahgud ewh kezhik: peshegandahgoo owh kegwis, kuhya dush owh kegwis kegahpeshegandahgooïk kuhya keen.

² Debishkoo kahezhepuhgedenuhmahwud cheöogemahkundung kuhkenuh weyahsemah, kuhkenuh dush kahmeenudjin chemeenaud ewh kahgega‐bemahdezewin.

³ Mesuh oo‐oo kahgega‐bemahdezewin, chekekanemikwah keen atuh kagate Kesha‐Muhnedooweyun, kuhya enewh Jesus Christun kahezhenahzhahwud.

⁴ Kegepeshegandahgooïn oomah uhkeeng: ningekezhetoon ewh ahnookewin kahmeezheyun cheöozhetooyaun.

⁵ Noongoom dush, Noosa, pezhegandahgooëshin ewh nahsaub kepeshegandahgoozewin, kahahyahmaunbaun chepwah uhkeewung magwah weejewenaunbaun.

⁶ Ningewahbunduhaug ewh kedoonoozoowin egewh kahmeezheyun emuh uhkeeng keëkoonudwah: kegedebanemaug suh, kegemeezh dush egewh, oogeguhnuhwandahnahwah dush ewh kedekedoowin.

⁷ Noongoom dush oogekekandahnahwah ewh ahnooj gagoo kahmeezheyunin keen ahyahyun chepeöonjebah-mahguk.

⁸ Ningemeenaug muh enewh ekedoowinun kahmeezheyunin; oogeöodahpenahnahwah dush, kuhya oogekekekandahnahwah kagate keen kepeöonjebahyaun, kuhya oogedabwayandahnahwah ewh kepeëzhenahzhahooyun.

⁹ Ninguhnooduhmahwaug suh oogoo, kahween neguhnooduhmahwahseeg egewh akeewejig, egewh atuh kahmeezheyun, keen muh ketebanemaug.

¹⁰ Kuhkenuh ahnooj gagoo dabanduhmaunin, kuhya keen kedebandahnun, kuhya dush enewh dabanduhmunin kuhya neen nedebandaunun: mesuh enewh wanjepeshegandahgooëgooyaun.

¹¹ Kahween dush kayahbe nindahyahse oomah uhkeeng, oogoo atuh ahyahwug oomah uhkeeng, kuhya neen kepenaunzekoon. Pahnezeyun Wayoosemegooyun, guhnuhwanim emuh kedezhenekahzoowining egewh kahmeezheyun, chepazhegoowaud, debishkoo kuhya kenuhwind azhepazhegooyung.

¹² Magwah ween keweejewugwah emuh uhkeeng, ningeguhnuhwanemaug emuh kedezhenekahzoowining; ewewh dush kahmeezheyun (ningekezhahnaug,) kah dush ahweyah kewuhneähse, owh suh atuh nishwahnahdezewine Wagwissemind, cheöonjedebishkoosag ewh kechetwah‐oozhebëegun.

¹³ Noongoom dush kebenaunzekoon; oonoo dush nekekedoonun oomah uhkeeng, cheöonjemooshkenashkahwindwah ewh nindoonahnegoozewin.

¹⁴ Ningemeenaug suh ewh kedekedoowin, oogesheenganemegoowaun dush enewh akeewenejin, kah muh debandahgoozesewug oomah uhkeeng, debishkoo kuhya neen azhedebandahgoozesewaun oomah uhkeeng.

¹⁵ Kahween kedezhenundooduhmoosenoon cheëkoonudwah oomah uhkeeng, ewh suh ween goo chemeetahgwanemoowudwah mujje‐uhyeweesh.

¹⁶ Kahween debandahgoozesewug oomah uhkeeng, debishkoo kuhya neen azhedebandahgoozesewaun oomah uhkeeng.

¹⁷ Peeneh suh oonje kedabwawining: tabwawinewun ewh kedekedoowin.

¹⁸ Debishkoo kahpeëzhenahzhahooyun oomah uhkeeng, mesuh ewh kuhya neen kahezhenahzhahwugwah oogoo emuh uhkeeng.

¹⁹ Mesuh egewh wanjepeneëdezooyaun, kuhya wenuhwah chepeeneëgoowaud ewh dabwawin.

²⁰ Kahween oogoo atuh neguhnooduhmahwahseeg, neguhnooduhmoowaug kuhya egewh kadabwayanemejig wenuhwah oodekedoowinewah oonje:

²¹ Kuhkenuh chepazhegoowaud; debishkoo keen Noosa azhekekishkoonaun, kuhya azhekekishkahweyun, kuhya wenuhwah cheähyahwaud emuh kenuhwind: chedabwayanduhmoowaud egewh akeewejig ewh kepeëzhenahzhahooyun.

²² Ningemeenaug dush ewh peshegandahgoozewin kahmeezheyunbun, cheöonjepazhegoowaud debishkoo kenuhwind azhepazhegooyung.

²³ Neen suh chekekishkuhwugwah, kuhya keen chekekishkoonaun, quuhyuk suh chepazhegooïndwah, cheöonje‐kekanduhmoowaud egewh akeewejig ewh kepeëzhenahzhahooyun, kuhya dush kesahgeüdwah, debishkoo kahezhesahgeëyun.

²⁴ Noosa, nindenandum suh egewh kahmeezheyun cheweejewewaud anduhzhe‐ahyahyaun; cheöonjewahbunduhmoowaud ewh nepeshegandahgoozewin, kahmeezheyun; kegesahgeh muh chepwah mahje‐uhkeewung.

²⁵ Oh quuhyuk‐azhewabezeyun Wayoosemegooyun, kahween kegekekanemegooseeg egewh akeewejig: neen dush ween kegekekanemin, oogoo dush oogekekandahnahwah ewh keëzhenahzhahooyun.

²⁶ Ningewahweenduhmoowaug dush ewh kedoonoozoowin, kuhya dush ningahwahweenduhmahwaug: cheöonje-kekishkuhmoowaud ewh sahgeëdewin kahezhesahgeëyun, kuhya dush chekekishkahwewaud.