ST. JOHN 16 - Ottawa New Testament Penteteuch and Psalms 1874

¹ Oonoo suh kegeënenim, cheöosittahwanduhsewag.

² Kegahoonjesahgeje‐wabenegoowaug emuh ooduhnuhmeä‐weguhmigoowaung: kagate, suh tahpuhgummeähyahmahgud, ewh uhpe ahwagwan kanesenenoowagwan, ninduhnookeetahwah Kesha‐Muhnedoo, tahenanindezoo.

³ Mesuh oonoo kadoodoonagwah, kah muh ookekanemahsewaun enewh Wayooseminjin, kuhya neen kekanemesigwah.

⁴ Oonoo suh kegeweenduhmoonenim, ewh dush uhpe kepuhgummeähyaug, chemequanduhmag keweenduhmoonenuhgoogebun. Kuhya oonoo uhyeëen kah kegeënesenoonim wahyashkud, kegeweejewinenim suh goo.

⁵ Noongoom dush nindezhahnun owh kahpeëzhenahzhahood; kah dush ahweyah anduhcheyag nekuhgwajemegoose, Ahneende azhahyun?

⁶ Oonoo keënenuhgoog, kegeöonjemooshkenashkah-goonahwah ewh nuhneenuhwanduhmoowin emuh kedaëwaung.

⁷ Ahnahwe dush ween keweenduhmoonenim ewh dabwawin; nundahwandahgwud kenuhwah oonje chemahjahyaun; kishpin muh mahjahsewaun kahween kegahpenaunzekahgoosewah owh Manoodaäshkahgad; kishpin dush mahjahyaun, kegahezhenahzhahmoonenim.

⁸ Uhpe dush ketuhgwishing, oogahwahweenduhmoowaun enewh akeewenejin ewh mujje‐ezhewabezewin, ewh quuhyuk‐ezhewabezewin, kuhya ewh tebahkoonegawin:

⁹ Ewh mujje‐ezhewabezewin, kah muh nindabwayanemegooseeg;

¹⁰ Ewh quuhyuk‐ezhewabezewin, nindezhahnun muh Noos, kah dush kayahbe kewahbuhmeseem;

¹¹ Ewh tebahkoonegawin, tebahkoonah muh owh wagemahkundung maunduh uhkee.

¹² Nebewah kayahbe keweweenduhmoonenim, kah dush noongoom muhshe kekushkoonduhsenahwah.

¹³ Uhpe dush ween ketuhgwishing owh dabwawine‐Oojechaug, kegahkekenooähmahgoowah ewh kuhkenuh dabwawin; kah muh ween uhyenandung tahezhekekedoose; wagoodoogwan dush ween kanoonduhmoogwan, mesuh kaëzhekekedood: kegahwahbunduhegoowah dush enewh nahguj kaühneëzhewabukin.

¹⁴ Ween ningahpeshegandahgooïk: oogahoodahpenaunun muh ninduhyeemun, kegahwahbunduhegoowah dush.

¹⁵ Kuhkenuh enewh ayaungin owh Wayoosemind neen nindebandahnun: mesuh kahoonjeëkedooyaun, Oogahoodahpenaunun ninduhyeemun, kegahwahbundahegoowah dush.

¹⁶ Nahguj, kahween kegahwahbuhmeseem: menuhwah dush nahguj, kegahwahbuhmim, nindezhahnun muh Wayoosemind.

¹⁷ Ahnind dush ookekenooähmahgunun oo‐oo keëzheguhnoonedewun, Wagoonan oo‐oo anenung; nahguj, kahween kegahwahbuhmeseem: menuhwah dush nahguj, kegahwahbuhmim: kuhya, oonje ezhahyaun owh Wayoosemind?

¹⁸ Oo‐oo dush keëkedoowug, Wagoonan oo‐oo adung, ewh nahguj ekedood? kahween nekekanduhsemin wagoodoogwan aduhmoogwan.

¹⁹ Oogekekandaun dush owh Jesus ewh kenunduhwanduhmenid ewh wekuhgwajemegood, oo‐oo dush oogeënaun, Kekuhgwajindim nuh ewh kahekedooyaun, nahguj, kahween kegahwahbuhmeseem: menuhwah dush, nahguj, kegahwahbuhmim?

²⁰ Kagate, kagate, kedenenim, Kenuhwah kegahmahwim kuhya kegahwesugguhdamoom, egewh dush akeewejig tahmoojegezewug: kenuhwah dush kegahnuhneenuhwandaum, kenuhneenuhwanduhmoowinewah tahquakenegahda mamashquaud dush cheoönahnegoozeyag.

²¹ Equa magwah nahgeähwuhsoojin oodahyaun suh nuhneenuhwanduhmoowin, oonje tuhgwishenoomahgudenig ewh ookezhegoom: kenegenid dush oonejahnesun, kah dush kayahbe oomequanduhseen ewh kootugganduhmoowin, apeech oonahnegwandung kenegenid enenewun oomah uhkeeng.

²² Noongoom suh dush kenuhwah kedahyahnahwah nuhneenuhwanduhmoowin: menuhwah kegahwahbuhmenim, kegahmoojegedaäm dush, kemoojegezewinewah kahween ahweyah kemukkummegoosewah.

²³ Ewh dush uhpe kezheguk kahween gagoo kegahnundoodahmahweseem. Kagate, kagate kedenenim, Wagoodoogwan kanundoodahmahwagwan owh Wayoosemind emuh nindezhenekahzoowining, kegahmeenegoowah.

²⁴ Kah muhshe gagoo kegenundoodahmahgaseem emuh nindezhenekahzoowining: nundoodahmahgayook, kegahmeenegoom dush, chemooshkenamahguk kemoojegezewinewah.

²⁵ Ahwacheguning kegeëzheweenduhmoonenim oonoo uhyeëen: tahpuhgummeähyah ween goo ewh uhpe emuh ahwacheguning cheëzheguhnoonesenenuhgoog, mezheshuh suh goo kegahwahbunduhenenim owh Wayoosemind azhewabezid.

²⁶ Ewh uhpe kezheguk kegahnundoodahmahgam emuh nindezhenekahzoowining: kah dush kegahenesenoonim, cheähnuhmeätuhmoonenuhgoog owh Wayoosemind:

²⁷ Ween muh tebenuhwa owh Wayoosemind kesahgeëgoowah, oonje kesahgeëyag, kedabwayanemeyag dush ewh Kesha‐Muhnedoong kepeöonjebahyaun.

²⁸ Ningepeöonjebahnun suh owh Wayoosemind, kuhya ningepetuhgwishin oomah uhkeeng: menuhwah dush nenuhguhdaun ewh uhkee, kuhya nindezhahnun owh Wayoosemind.

²⁹ Ookekenooähmahgunun oo‐oo oogeëgoon, Benuh, noongoom mezheshuh kekekid, kah dush ahwajeguning kedezhekekedoose.

³⁰ Noongoom nekekandahmin ewh ahnooj gagoo kekanduhmun, kuhya nunduhwanemahsewud ahweyah chekuhgwajemik: mesuh wanjedabwatuhmaung Kesha‐Muhnedoong keöonjebahyun.

³¹ Jesus dush oo‐oo oogeëzhenuhquatuhwaun, Kedabwayandaum suh noongoom.

³² Benuh, peëzhahmahgud kezhik, ahzhuh suh goo ketuhgwishenoomahgud, ewh uhpe kuhkenuh anduhcheyag cheëzhesuhswashkahyag emuh tebenuhwa keduhyeemewah atag, chenuhguhnuhzheyag chenezhekawezeyaun; kah suh dush nenezhekawezese, Wayoosemind muh neweejewik.

³³ Kegeëzheguhnoonenim oonoo, ewh dush nuh pezaunewawin cheähyahmag neen oonje. Emuh uhkeeng kegahahyahnahwah ewh megooshkahjeëwawin: bahpenanduhmook suh goo; neen ningemahmauzhetoon ewh uhkee.