ST. JOHN 15 - Ottawa New Testament Penteteuch and Psalms 1874

¹ Neen suh nindow ewh quuhyuk shooweminuhgahwunzh, Noos dush ketega‐wenene ahwe.

² Anduhsoo puhkatequunuhgezeyaun suh menik mahnewunsenook oowabenaun: kuhkenuh enewh dush mahnewungin opeenetoonun, ashkum chemeenewung.

³ Noongoom suh dush kepeenezeem oonje ewh ekedoowin kahenenuhgoog.

⁴ Duhnezeyook emuh neyowing, kuhya neen dush cheduhnezeyaun emuh keyowewaung. Debishkoo kaëzhemeenewunsenoogebun ewh ootikwun, kishpin ahyahsenook emuh shooweminahgahwunzheeng, mesuh kuhya kenuhwah kaëzhemenewesewag kishpin ahyahsewag emuh neyowing.

⁵ Neen suh nindow ewh shooweminahgahwunzh, kenuhwah dush ootikwaunun kedahwim: owh suh ayaud emuh neyowing, kuhya neen dush ahyahyaun emuh weyowing, me suh owh kache‐menewid: duhnezesewag muh emuh neyowing kahween gagoo kedahkushketoosenahwah.

⁶ Kishpin ahweyah ahyahsig emuh neyowing, wabenegahzoo suh debishkoo azhewabenegahdag ewh ootikwun, naboodamahguk dush, oomahwundoonahwaun dush egewh enenewug, ahpuhgeduhmoowaud dush emuh ishkootang, chahgetag dush.

⁷ Kishpin ahyahyag emuh neyowing, kuhya nindekedoowinun emuh keyowewaung ahyahmahguk, wagoodoogwan wahnundooduhmoowagwan, me ewh kadoodahgooyag.

⁸ Mesuh oo‐oo azhepeshegandahgooïnd Noos, nebewah chemeneweyag, me dush ewh kaöokekenooähmahgunemenuhgoog.

⁹ Debishkoo kahezhesahgeïd owh Noos, me ewh kuhya neen kahezhesahgeënenuhgoog: ahyahyook emuh nesahgeëwawining.

¹⁰ Kishpin guhnuhwanduhmag nekuhgequawinun, kegahahyaum emuh nesahgeëwawining, debishkoo kuhya neen kahezheguhnuhwanduhmaun Noos ookuhgequawinun, kuhya ahyahyaun emuh oosahgeëwawining.

¹¹ Kegeëzheguhnoonenim suh oonoo, ewh dush nuh nindoonahnegoozewin cheähyahmahguk emuh keyowewaung, kuhya chemooshkenamahguk kedoonahnegoozewinewah.

¹² Mesuh oo‐oo nekuhgequawin, kenuhwah chesahgeëdeyag, debishkoo neen kahezhesahgeënenuhgoog.

¹³ Kahween ahweyah gagoo ahwahshema apetandahgwuk sahgeëwawin ooduhyaunseen dush ween oo‐oo, ahweyah chepuhgedenuhmahwaud ewh oobemahdezewin enewh ooweejekewaün.

¹⁴ Kenuhwah suh kedooweejekewaëmenim, kishpin ezhechegayag e‐ewh azhekuhgekemenenuhgoog.

¹⁵ Noongoom kahween kayahbe buhmeetahgunug kedezheweenesenoonim; kah muh owh buhmetahgun ookekanduhseen ewh azhecheganid oodoogemahmun; nejekewaëdoog kegeëzheguhnoonenim; kuhkenuh muh kahenetahwug owh Noos kegeëzhekekanduhmoonenim.

¹⁶ Kahween kenuhwah kegewahwanabuhmeseem, neen atuh kegewahwanahbuhmenim, kuhya kegeënahkoonenenim, chepahbahmeneweyag, uhpena dush cheduhgoomahguk kemenewinewah: wagoodoogwan dush kanundooduhmoowagwan owh Wayoosemind emuh nindezhenekahzoowining, chemeenenag suh.

¹⁷ Mesuh oonoo azhekuhgekemenuhgoog, chesahgeëdeyag.

¹⁸ Kishpin sheenganemenagwah egewh akeewejig, kekekandaum suh ewh kesheenganemewaud chepwah kesheenganemenagwah kenuhwah.

¹⁹ Kishpin oomah uhkeeng debandahgoozeyagoobun, oodahsahgeähwaun egewh akeewejig enewh tabanemahwahjin; kah suh ween kedebandahgoozeseem oomah uhkeeng; neen suh uhkeeng kegeöonjewuhwanahbuhmenim, mesuh ewh wanjesheenganemenagwah egewh akeewejig.

²⁰ Mequanduhmook ewh ekedoowin kahenenuhgoogebun, Kahween ahwahshema ahpeetandahgoozese owh buhmeetuhgun dush ween oodoogemahmun. Kishpin suh kekooduggeëwahgwan, kuhya kenuhwah kegahkooduggeegoowaug; kishpin keguhnuhwanduhmoowahgwan nindekedoowin, kuhya kenuhwah kedekedoowinewaun oogahguhnuhwandahnahwah.

²¹ Kuhkenuh suh oonoo nindezhenekahzoowining kegahoonjedoodahgoowaug, kah muh oogekekanemahsewaun enewh kahezhenahzhahoojin.

²² Kishpin suh kepeguhnoonahsewugwahpun, kahween oodahgeähyaunsenahwah ewh mnjje‐ezhewabezewin; noongoom dush kahween oodahyaunsenahwah ewh kaöonje-kahdoowahpun oomujje‐ezhewabezewinewaun.

²³ Owh suh shaunganemid oosheenganemaun kuhya enewh Noosun.

²⁴ Kishpin suh anuhnookesewaunbaun emuh anduhzhe‐ahyahwaud enewh ahnookewinun wekah anuhnookesigebun ahweyah bakahnezid, kahween ooodahgeähyaunsenahwah ewh mujjeëzhewabezewin; noongoom dush ningewahbuhme-goonahnig, kuhya dush ningesheenganemegoonahnig neen kuhya dush owh Noos.

²⁵ Oo‐oo suh ezhewabud, ewh ekedoowin chedebishkoosag emuh ootebahkoonegawinewaung wazhebeëgahdag, Ningepeneshe‐sheenganemegoog.

²⁶ Uhpe suh ketuhgwishing owh Manoodaäshkahgad kapeöonje‐ezhenahzhahmoonenuhgoog emuh anduhzhe‐ahyaud owh Wayoosemind, owh dabwawine‐Oojechaug, Wayoosemind pahoonjebaud, ningahdebahjemik suh goo.

²⁷ Kenuhwah dush goo kegahdebahjemoom, wahyashkud muh kegeöonje‐weejewim.