ST. JOHN 13 - Ottawa New Testament Penteteuch and Psalms 1874

¹ Chepwah dush kuhbekoosa‐wekoonding, Jesus kekandung kedebishkoosanig ewh ookezhegudoom cheoönje-mahjaud emuh uhkeeng, cheëzhaud dush enewh Wayoosememindjin, kesahgeäud enewh oodahnishenahbamun uhkeeng ayahnejin, nahnauzh ishquah‐bemahdezid oomah uhkeeng oogesahgeäun.

² Kahishquah‐wesenewaud, ahzhuh kahahtuhmuhwaud owh mujje‐muhnedoo emuh oodaëning Judas Iscariotun, Simon oogwissun, chebahtahahnid;

³ Jesus dush kekandung ahnooj gagoo kemeenegood enewh Oosun emuh ooneenjeeng, kuhya Kesha‐Muhnedoong keöonjebaud, kuhya weëzhaud emuh ahyahnid Kesha‐Muhnedoon;

⁴ Kepuhsegwe dush magwah wesenewaud, oogekesekaunun enewh oodahgwewinun; oogeöodahpenaun dush kesingwaöon, kekechepezood dush.

⁵ Oogesegenaun dush ewh nebe emuh kesingwa‐oonahguning, kemahje‐kesebegesittanaud dush enewh kekenooähmahgunun, kuhya dush kekahzesittawaud keähyood ewh kesingwaöon kahkechepezood.

⁶ Oogeöodissaun dush enewh Simon Peterun, oo‐oo dush oodegoon, Tabaningayun, kewekesebegenun enuh nesittun?

⁷ Jesus dush oogenuhquatuhwaun oo‐oo keënaud, Azhechegayaun kahween noongoom kekekanduhseen, bahmah nahguj kegahkekandaun.

⁸ Peter dush oo‐oo oodenaun, Kah wekah kegahkesebegenunsenun neen nesittun. Jesus dush oogenuhquatuhwaun, Kishpin kesebegenesenoowaun, kahween kedebandahgoozese emuh neyowing.

⁹ Simon Peter dush oo‐oo oodenaun. Tabaningayun, kahween nesittun atuh, kuhya dush neneenjeen kuhya nishtequaun.

¹⁰ Jesus dush oo‐oo oodenaun, Owh kahkesebegenind kahween nundahwandahgoozese chekesebegenind me atuh oosittun, medush wawane tapeenezid; kenuhwah dush kepeenezim, kahween goo kuhkenuh.

¹¹ Oogekekanemaun muh enewh kabahtahegoojin; me suh kahoonjeëkedood, Kahween kuhkenuh kepeenezeseem.

¹² Uhpe dush kahkesebegenesittanaud, kuhya kahoodahpenung enewh oodahgwewinun, menuhwah dush kenuhmuhduhbe, oo‐oo keënaud, Kekekandahnahwah nuh ewh kahdoodoonenuhgoog?

¹³ Kakenooähmahgad kuhya Tabaningad kedezheweenzhim: quuhyuk suh kedekedoom; me muh anandahgoozeyaun.

¹⁴ Kishpin dush neen, Tabaningayaun kuhya kakenoöahmahgayaun, kekesebegenesittanenuhgoog, kuhya kenuhwah kedahkesebegenesittanedim.

¹⁵ Kekenoowahbunjegun suh kegemeenenim, neen suh kahdoodoonuhgoog kuhya dush kenuhwah cheëzhechegayag.

¹⁶ Kagate, kagate, kedenenim, Owh buhmeetahgun kahween ahwahshema ahpetandahgoozese dush ween oodoogemahmun; kuhya owh anoonind kahween ahwahshema ahpetandahgoozese dush ween enewh anoonegoojin.

¹⁷ Kishpin kekanduhmag oonoo, keshahwandahgoozeem, kishpin ezhechegayag.

¹⁸ Kahween kuhkenuh keduhzhemesenoonim: neke kanemaug muh egewh kahwahwanahbuhmugig: chedebishkoosag dush ween ewh oozhebeëgun, Owh suh buhquazhegunun amwaud wahdoopuhmid nindoombetuhmaug oodoondun.

¹⁹ Noongoom dush keweenduhmoonenim chepwah oojechesag, uhpe dush keöojechesag, chedabwayanemeyag neen ahweyaun.

²⁰ Kagate, kagate, kedenenim, Owh wadahpenaud enewh azhenahzhahug nindoodahpenik; owh dush wadahpenid oodoodahpenaun enewh kahpeëzhenahzhahoojin.

²¹ Uhpe dush Jesus kahekedood oonoo, kemegooshkahdandum, kedebahjemoo dush, oo‐oo keëkedood, Kagate, kagate, kedenenim, pazhik kenuhwah ningahbahtahik.

²² Egewh dush kekenooähmahgunug keguhnuhwahbundewug, kekanduhsigwah ahwagwanun enewh kahenahgwanun.

²³ Pazhik dush ookekenooähmahgunun owh Jesus, ashooshenoon emuh ookahkegunaung, enewh kahsahgeähjin owh Jesus.

²⁴ Me suh enewh kahuhyenenahmahwahjin owh Simon Peter cheguhgwajemahnid, ahwagwanun ahyahwenegwanun enewh kahenahjin.

²⁵ Owh kahahshooshing emuh ookahkegunaung owh Jesus, oo‐oo oodenaun, Tabaningayun, ahwanan ahyahwid?

²⁶ Jesus dush oogenuhquatuhwaun, Mesuh wah‐owh kameenug ewh ahpunjegun, uhpe kequahbuhahmaun. Uhpe dush kahquahbuhung ewh ahpunjegun, oogemeenaun enewh Judas Iscariotun Simon oogwissun.

²⁷ Kahmeenind dush ewh ahpunjegun oogepeendegashkahgoon Satanun. Jesus dush oo‐oo oodenaun, Nuhmunj suh wahezhechegawunan, waweeb ezhechegan.

²⁸ Kahween ahweyah kahduhchewaud egewh namuhduhbejig emuh wesenewahguning oogekekanduhseen wagoodoogwan oo‐oo kahoonjeënahgwan.

²⁹ Ahnind dush oo‐oo keënanduhmoog, Judas keguhnuhwandung ewh shooneäh‐mooshkemood, oo‐oo oogeöonjeënahdooganun owh Jesus, Kishpenetoon gagoo kamuh-nazeyung emuh wekoondewining; gamuh oo‐oo, Gagoo meezh egewh katemahgezejig.

³⁰ Uhpe dush kahoodahpenung ewh ahpunjegun, bahbega kesahgahum, tebekudoobun dush.

³¹ Uhpe dush kahsahgahung, Jesus dush oo‐oo keëkedoo, Mesuh zhuhyegwah peshegandahgooïnd owh Enene Oogwissun, kuhya dush owh Kesha‐Muhnedoo ween oonjepeshegandahgoöah.

³² Kishpin suh owh Kesha‐Muhnedoo ween oonjepeshegandahgooïnd, kuhya ween owh Kesha‐Muhnedoo oogahpeshegandahgooäun tebenuhwa oodenandahgoozewin, kazhetena dush oogahpeshegandahgooäun.

³³ Ahbenoojewedoog, kayahbe wanebik keweejewenenim. Kegahnunduhwahbuhmim: kuhya debishkoo kahenugwah egewh Jewyug, Azhahyaun, kahween kekushketoosenahwah chepeëzhahyag; mesuh noongoom anenuhgoog.

³⁴ Ooshke‐kuhgequawin kemeenenim, chesahgeëdeyag; debishkoo kahezhesahgeënuhgoog, kuhya kenuhwah cheëzhesahgeëdeyag.

³⁵ Mesuh kaöonjekekanemenagwah kuhkenuh egewh enenewug nekekenooähmahgunug cheähweyag, kishpin sahgeëdeyag.

³⁶ Simon Peter dush oo‐oo oodenaun, Tabaningayun, Ahneende azhahyun? Jesus dush oogenuhquatuhwaun, Ewede azhahyaun, kahween kekushketooseen chenoopenuhzheyun noongoom; bahmuh nahguj gegahnoopenuzh.

³⁷ Peter dush oo‐oo oodenaun, Tabaningayun, Ahneeshwin kushketoosewaun chenoopenuhnenaun noongoom? Ningahpuggedenaun ewh ninbemahdezewin keen oonje.

³⁸ Jesus dush oogenuhquatuhwaun, Kegahpuggedenaun nuh ewh kebemahdezewin neen oonje? Kagate, kagate, kedenin, Kahween tahnoondahgoozese owh nahba‐pahkahahqua, nahnauzh nesing keähgoonwatahweyun.