ST. JOHN 12 - Ottawa New Testament Penteteuch and Psalms 1874

¹ Jesus dush ningoodwauswe kezhik chebwah kuhbekoosa‐wekoonding ketuhgwishin emuh Bethanyïng, emuh keähyaud owh Lazarus kahneboopun, enewh kahahbejebahahjin.

² Oogeöozhetahmahwahwaun dush emuh ewh wekoongawin, Martha dush kemahdahookee; kuhya dush ween Lazarus oogeweedoopuhmaun.

³ Owh dush Mary oogeöodahpenaun ningoo‐tebahbish-koojegun ewh spikenard noomenegun, kache‐ahpeetandahgwuk, oogenoomesittanaun dush enewh Jesusun, oomenesissun dush oogeähyoonun kekahzesittawaud: kemooshkenasin dush ewh noomenegun emuh wegewauming.

⁴ Pazhik dush enewh ookekenooähmahgunun, Judas Iscariot, oogwissun owh Simon, enewh wahbahtahegoojin, oo‐oo keëkedoowun,

⁵ Ahneeshwin oo‐oo noomenegun kepwah‐ahtahwahgang, nishwauk duswahbik tahgeënuhginda, tahgemeenahwug dush egewh katemahgezejig?

⁶ Kahween oo‐oo keöonjekekedoose kepahbahmanemaud enewh katemahgezenejin; ewh suh atuh kekemoodishkid, keguhnuhwandung dush ewh shooneäh‐mooshkemood, keoodahpenemahdezood dush ewh kahahchegahdag emuh.

⁷ Jesus dush oo‐oo keëkedoo, Pooneïk; nahnauzh egoo neningwahegoowine‐kezhegudoom oogeguhnuhwandaun oo‐oo.

⁸ Kahgenig suh kedahyahwahwaug egewh katemahgezejig anduhzhe‐ahyahyag, neen dush ween kahween kahgenig kedahyahweseem.

⁹ Nebewah dush egewh Jewyug oogekekanemahwaun emuh ahyahnid: kahween dush atuh enewh Jesusun kepeöonje‐ezhahsewug, chewahbuhmahwaud suh kuhya enewh Lazarusun, enewh kahahbejebahahjin.

¹⁰ Kekahkekedoowug dush egewh keche‐sahsahgewejega‐wenenewug chenesahwaud kuhya ween Lazarusun;

¹¹ Me muh ween nebewah egewh Jewyug keöonjemahjahwaud, kedabwayanemahwaud enewh Jesusun.

¹² Wuhyahbung dush nebewah egewh ahnishenahbag kahpeëzhahjig emuh wekoondewining, uhpe kahnoonduhmoowaud ewh wepeëzhahnid enewh Jesusun emuh Jerusaleming,

¹³ Oogeöodahpenahwaun enewh palm‐menahgahwunzhe‐oodikwaunun, kesahguhahmoog dush cheähwenuhquashkahwahwaud, oo‐oo dush keëzhe‐pepahgewaud, Hosannah! Tahwahwezhanemah owh pahezhaud emuh oodezhenekahzoowining owh Tabaningad, ookeche‐oogemahmun owh Israel.

¹⁴ Uhpe dush Jesus, kahmekahwaud mamaungeshansun, oogepemebuhegoon, debishkoo azhebeëgahdag.

¹⁵ Kagoo sagezekan keen, Zioning duhzhe wadahnesemegooyun; benuh owh kekeche‐oogemaum peëzhah, pemebuhegood enewh mamaungeshaün oomahnisheensun.

¹⁶ Kahween oonoo uhyeëen wuhyashkud oogekekanduhsenene enewh ookekenoöahmahgunun: bahmuh atuh kahpeshegandahgooïnd owh Jesus, me dush uhpe kemequanduhmoowaud oonoo keöozhebeëgahdanig, kuhya oonoo kedoodahwahwaud enewh.

¹⁷ Egewh dush ahnishenahbag kahweejewahjig enewh Jesusun uhpe kahoonjenundoomahnid Lazarusun emuh chebaguhmigoong, kuhya keähbejebahahnid, kedebahjemoowug.

¹⁸ Me dush egewh ahnishenahbag kahoonjeähwenuh-quashkahwahwaud, kenoonduhmoowaud ewh keëzhechenid oo‐oo mahmaundahwejegun.

¹⁹ Egewh dush Phariseeg oo‐oo keëzheguhnoonindewug, Kewahbundahnahwah nuh ewh kuhnuhga gagoo kushketoosewag? benuh, oonoopenuhnegoon kuhkenuh enewh bamahdezenejin.

²⁰ Ahnind dush egewh Greekug kepetuhgwishenoog cheähnuhmeähwaud uhpe wekoonding:

²¹ Oogoo dush oogepenaunzekahwahwaun enewh Philipun, enewh kahoonjebahnejin ewede Bethsaidaïng Galileeïng duhzhe oodanaung: oogeguhgwajemahwaun oo‐oo keëkedoowaud, Oogemah, nenundahwandahmin chewahbuhmungid owh Jesus.

²² Philip dush oogepeweenduhmahwaun enewh Andrewun: menuhwah dush Andrew kuhya Philip oopeweenduh-mahwahwaun enewh Jesusun.

²³ Jesus dush oogenuhquatuhwaun, oo‐oo keëkedood, Tuhgwishenoomahgud suh ewh kezhik, uhpe chepeshegandahgooïnd owh enene Oogwissun.

²⁴ Kagate, kagate, kedenenim, kishpin pazhigoomenug ewh mezemenans pungesinsenook emuh uhkeeng kuhya neboomahgussenook, pezheshigwuhta: kishpin dush neboomahguk keche‐mekoogemahgud.

²⁵ Owh suhyahgetood ewh oobemahdezewin oogahwuhnetoon; owh dush shaungandung ewh oobemahdezewin oomah uhkeeng oogahguhnuhwandaun cheöonjekahgega‐bemahdezid.

²⁶ Kishpin ahweyah buhmetuhwid, mahnoo ningahnoopenuhnik; emuh dush neen anduhzhe‐ahyahyaun, mesuh kaähyaud owh nebuhmeetahgun; kishpin ahweyah buhmetuhwid, mesun enewh Noos kakechetwahweähjin.

²⁷ Noongoom suh ninjechaug megooshkahje‐ahyah; Ahneen dush kaëkedooyaun? Noosa, metahgwanemooweshin oo‐oo kezhik. Nindahwauj edush goo ningahpuhguh-mishkahgoon, me muh wanjeoodissahbundahmaun oo‐oo kezhik.

²⁸ Noosa, pezhegandahgootoon ewh kedezhenekahzoowin. Kezhegoong dush kepeöonzetahgwud inwawin oo‐oo keëkedoomahguk, Ahzhuh suh ningepeshegandahgootoon, kuhya menuhwah ningahpeshegandahgootoon.

²⁹ Egewh dush ahnishenahbag kahnebahwejig, kahnoondungig dush, oo‐oo keëkedoowug, Noondahgooze ahnemikee: ahnind dush keëkedoowug, Oogepeguhnoonegoon enewh angenun.

³⁰ Jesus dush oogenuhquatuhwaun oo‐oo keëkedood, Kahween neen kepeöonjenoondahgwussenoon oo‐oo inwawin, kenuhwah suh goo atuh.

³¹ Noongoom suh debishkoosamahgud chetebahkoonegahdag oo‐oo uhkee; noongoom dush tahsahgeje‐wabenah owh wagemahkundung oo‐oo uhkee.

³² Neen dush, kishpin uhkeeng oonjeöombenegooyaun, ningahezhewekoobenaug kuhkenuh enenewug emuh ahyahyaun.

³³ Oo‐oo dush keëkedoo, wahbunduhewad ewh wahenahpenad.

³⁴ Egewh dush ahnishenahbag oogeëzhenuhquatuhwahwaun, Emuh suh tebahkoonegawining ningeöonjenoondahmin ewh kahgenig ahyah owh Christ; ahneen dush keen wanjeëkedooyun, Nundahwandahgoozid owh Enene Oogwissun cheöombenind? ahwanan wah‐owh Enene Oogwissun?

³⁵ Jesus dush oo‐oo oogeënaun, Kayahbe wanebik kedahyahnahwah ewh wahsayahzewin, bemoosag magwah ahyahmag ewh wahsayahzewin, koonemah gooshah ewh puhsuhgishtebik kegahnoonda‐puhgummishkahgoonahwah; owh dush bamoosad magwah puhsuhgishtebik kahween ookekanduhseen tebe azhahgwan.

³⁶ Magwah suh ahyahmag ewh wahsayahzewin, dabwayanduhmook ewh wahsayahzewin, cheöonejahnesemegooyag dush wahsayahzewin. Mesuh oonoo kahekedood owh Jesus, medush kemahjaud, kekahzootuhmahwaud enewh.

³⁷ Ahnoo ween goo keëzhechegad nebewah mahmaundahwejegunun emuh anahsuhmuhbenid, kah dush oogedabwayanemegooseen.

³⁸ Cheöonjedebishkoosanig ewh oodekedoowin owh Esaias aunwahjega‐wenene, oo‐oo kahekedood, Tabaningayun, ahwanan kedabwatung ewh nindebahjemoowinenaun? kuhya ahwanan kewahbunduhind ewh oonik owh Jehovah?

³⁹ Mesuh kahoonjekushketoosigwah chedabwayanduhmoowaud, menuhwah oo‐oo keëkedood owh Esaias,

⁴⁰ Oogekuhkepeengwatoonun enewh oozhkinzhegoone kuhya oogemushkahwetoonun enewh oodaëne, chewahbemahgussenook dush enewh ooshkinzhegoowaun, kuhya nesitootumoomahgussenig oodaëwaun, chegeäunjeïndwahpun, kuhya chenoojemooügwahpun.

⁴¹ Oonoo keëkedood owh Esaias, uhpe kahwahbundung ewh oopeshegandahgoozewin, kedebahdoodung dush.

⁴² Ahnoo suh nebewah egewh wagemahwejig oogedabwayanemahwaun, koosahwaud enewh Phariseen kahoonje-wahweenemahsigwah: tahgeöonjesahgeje‐wabenahwug muh emuh ahnuhmeä‐weguhmigoong.

⁴³ Ahwahshema muh oogesahgetoonahwah ewh enene oowahwezhanduhmoowin dush ween ewh Kesha‐Muhnedoo oowahwezhanduhmoowin.

⁴⁴ Jesus dush kepewahge, oo‐oo dush keëkedood, Owh duhyabwayanemid, kahween neen nedabwayanemegoose, oodabwayanemaun enewh kahpeëzhenahzhahoonejin.

⁴⁵ Owh dush wuhyahbuhmid oowahbuhmaun enewh kahpeëzhenahzhahoonejin.

⁴⁶ Ninpeöonjeëzhah suh chewahsayahzewineweyaun oomah uhkeeng, kuhkenuh dush egewh duhyabayanemejig cheähyahsigwah emuh puhsuhgishkezewining.

⁴⁷ Kishpin dush ahweyah noondung enewh nindekedoowinun, dabwayandunsig dush, kahween neen nenahne-boomahse: kah muh nimpeöonjeëzhahse chenahneboonduhmaun ewh uhkee, chebemahjeügwah atuh egewh akeewejig.

⁴⁸ Owh suh ahyahgoonwatuhmahwid wadahpenunsig dush nindekedoowinun, oodahyahwaun suh enewh pazhik kanahneboomegoojin: ewh suh ekedoowin kahweenduhmaun, mesuh enewh kanahneboomegood uhpe ashquah‐kezheguk.

⁴⁹ Kah muh neen uhyenanduhmaun ningeöonjekekedoose; Owh suh Wayoosemind kahpeëzhenahzhahood, mesuh owh kahgahgaunzoomid, kaëkedooyaun kuhya kaëzhekuhgequayaun.

⁵⁰ Nekekandaun suh ewh ookuhgequawin chekahgega‐bemahdezewinewemahgudenig: enewh dush uhyekedooyaunin, kahezhid suh owh Wayoosemind, mesuh ewh azhekekedooyaun.