ST. JOHN 11 - Ottawa New Testament Penteteuch and Psalms 1874

¹ Keähkooze suh pazhik, Lazarus azhenekahzood, emuh Bethanyïng kahoodatood, oodoodanahwewaung owh Mary kuhya enewh wedegequaun Marthaün.

² (Mesuh goo owh Mary kahnuhmuhkoonahpun enewh Tabaninganejin ewh nuhmuhquewin keähyood, kuhya dush kekahsesittawaud enewh wenesissun keähyoopun; me suh enewh kahoodahwamahjin Lazarusun uhyahkoozenid.)

³ Kemejejedwawun dush enewh oodahwamaun, oo‐oo keëkedoonid, Tabaningayun, benuh, ahkooze owh suhyahgeüd.

⁴ Uhpe kahnoondung owh Jesus, oo‐oo keëkedoo, Kahween cheneboong enandahgwussenoon oo‐oo ahkoozewin, cheöonjepeshegandahgooïnd atuh Kesha‐Muhnedoo, kuhya Oogwissun Kesha‐Muhnedoochetuhgoo‐peshegandahgooïnd emuh.

⁵ Jesus dush oogesahgeäun enewh Marthaün, kuhya enewh oowedegequaunene, kuhya enewh Lazarusun.

⁶ Uhpe dush kahnoondung ewh ahkoozenid, kayahbe neezhoogoon keduhneze emuh ayahpun.

⁷ Me dush uhpe oo‐oo enaud enewh ookekenooähmahgunun, Umba menuhwah ezhahdah ewede Judeäïng.

⁸ Oo‐oo dush oodegoon enewh kekenooähmahgunun, Rabbi, noomuhyuh kegenunduhpemwahsenuhegoog egewh Jewyug, menuhwah dush kedezhah ewede?

⁹ Jesus dush oogenuhquatuhwaun, Kah nuh ween metauswe‐ahshe‐neezhoo tebahegunasenoon pazhik kezhegud? Kishpin ahweyah bemoosad magwah kezheguk, kahween puhkedashinse, ewh wahbundung oomah uhkeeng duhzhe wahsayahzewin.

¹⁰ Kishpin dush ahweyah bemoosad magwah tebekudenig, puhkedashin suh, kah muh ookekishkunseen ewh wahsayahzewin.

¹¹ Oonoo uhyeëen keëkedoo: nahguj dush oo‐oo oodenaun enewh, Nebah suh kejekewaënaun Lazarus; neen dush nindezhah, cheähmuddenug.

¹² Oo‐oo dush oogeëgoon enewh ookekenooähmahgunun, Tabaningayun, kishpin nebahgwan, tahmenoo‐bemahdeze.

¹³ Jesus dush oogeduhzhindaun ewh ooneboowin: keenanduhmoog dush wenuhwah, emuh nebahwining keäunwabenid keëkedood.

¹⁴ Me dush uhpe Jesus mezheshuh keëkedood, Keneboo owh Lazarus.

¹⁵ Ahnahwe dush newahwezhandum kenuhwah oonje ewede keähyahsewaun, cheöonjedabwayanduhmag; umba dush ezhahdah ewede.

¹⁶ Thomas dush Didymus azhenekahzood oo‐oo oogeënaun enewh weejekekenooähmahgunun, Ezhahdah kuhya kenuhwind cheweejeneboomung.

¹⁷ Uhpe dush kahtuhgwishing owh Jesus, oogemekahwaun ahzhuh newoogoon keshingeshenenid emuh chebaguhmigoong.

¹⁸ Cheguhyeëe dush keduhgoomahgud ewh Bethany emuh Jerusaleming, koonemah metauswe‐ahshe‐naunoo‐tebahbaunsun apeechaug:

¹⁹ Nebewah dush egewh Jewyug oogepenaunzekahwahwaun enewh Marthaün kuhya Maryun, cheöonjemenoodaäähwaud, ewh keneboonid enewh oodahwamahne.

²⁰ Martha dush, uhpe kahnoondung ketuhgwishenenid Jesusun, oogeähwenuhquashkahwaun: Mary dush ween kepezaunuhbe peendig emuh wegewauming.

²¹ Martha dush oo‐oo oogeënaun enewh Jesusun, Tabaningayun, kishpin oomah ahyahyunbun, kahween tahgeneboose nindahwamahbun.

²² Noongoom dush nekekandaun kishpin gagoo nundooduhmahwud owh Kesha‐Muhnedoo, kegahmeenik Kesha‐Muhnedoo.

²³ Jesus dush oo‐oo oodenaun, Tahahbejebah suh kedahwamahbun.

²⁴ Martha dush oo‐oo oodenaun, Nekekandaun cheähbejebaud emuh ahbejebahwining uhpe ashquah‐kezheguk.

²⁵ Jesus dush oo‐oo oogeënaun, Neen suh nindow ewh ahbejebahwin, kuhya ewh bemahdezewin: owh dush duhyabwanemid, ahnoo ween goo kenebood tahbemahdeze,

²⁶ Ahwagwan dush bamahdezegwan, kuhya duhyabwanemegwan, kah wekah tahneboose. Kedabwataun nuh oo‐oo?

²⁷ Oo‐oo oodenaun, Aahe, Tabaningayun, nindabwayandum keen cheähweyun owh Christ, Oogwissun owh Kesha‐Muhnedoo, wahpeëzhahgoobunan oomah uhkeeng.

²⁸ Uhpe dush oo‐oo kahekedood, keemooj oogeähwenundoomaun enewh wedegequaun Maryun, oo‐oo ekedood, Ketuhgwishin suh owh kakenooähmahgad, kenundoomik dush.

²⁹ Uhpe dush nwaundung, waweeb kepuhsegwe oogepenaunzekahwaun dush.

³⁰ Kah muhshe ketuhgwishinsebun owh Jesus emuh oodanaung, kayahbe ahyahbun emuh kahnuhquashkahgood enewh Marthaün.

³¹ Egewh dush Jewyug kahweeduhbemahjig emuh wegewauming, kemenoodaähwaud dush, wuhyahbuhmahwaud enewh Maryun waweeb kepuhsegwenid, kesahguhumenid dush, oogenoopenuhnahwaun, oo‐oo keëkedoowaud, Ezhah suh ewede chebaguhmigoong cheduhzhe‐mahwid emuh.

³² Uhpe dush owh Mary kahtuhgwishing anduhzhe‐ahyahnid Jesusun, wuhyahbuhmaud dush, keähpuggezoo emuh oosittahning, oo‐oo keënaud, Tabaningayun, kishpin oomah ahyahyunbun, kahween tahgeneboose nindahwamahbun.

³³ Jesus dush uhpe wuhyahbuhmaud ewh mahwenid, kuhya enewh Jewyun waujewegoojin mahwenid, kemahmahdwa emuh oojechaugoong kuhya kemegooshkahdandum.

³⁴ Oo‐oo dush keëkedoo, Ahneende keähsag? Oo‐oo oodenahwaun, Tabaningayun, pewahbundun.

³⁵ Jesus kemahwe.

³⁶ Me dush Jewyug keëkedoowaud, Benuh suh menik kahsahgeäud!

³⁷ Ahnind dush oo‐oo keëkedoowug, Kah nuh ween wah‐owh enene, kahwahbetood ooshkinzhegoone enewh kakepeenganejin, oodahgekushketooseen cheënahkoonegad chegeneboosigebun wah‐owh enene?

³⁸ Jesus dush menuhwah mahmahdwa peenjenuh, ketuhgwishin emuh chebaguhmigoong. Weembahnekahdanebun dush, kuhya ahsin ahtabun emuh.

³⁹ Jesus dush oo‐oo ekedoo, Ekoonahmook ewh ahsin. Oo‐oo dush oodegoon enewh Marthaün oodahwamaun owh kahnebood, Tabaningayun, ahzhuh suh menahgoozedoog: newoogoonuhgud muh kahahkoo‐nebood.

⁴⁰ Jesus dush oo‐oo oodenaun, Kah nuh ween kegeënesenoon, Kishpin dabwayanduhmun kegahwahbundaun ewh Kesha‐Muhnedoo oopeshegandahgoozewin?

⁴¹ Oogeëkoonahnahwah dush ewh ahsin emuh shingeshinenid enewh kahneboonejin. Jesus dush oogeöombenaunun ooshkinzhegoon kezhegoong enuhkuhkayah, oo‐oo dush keëkedood, Noosa, kemahmooyahwuhmin ewh kebezinduhweyun.

⁴² Ningekekandaun suh moonzhug bezinduhweyun: ahnishenahbag kawetah‐kahbahwejig ningeöonjekekid, cheoonjedabwatuhmoowaud ewh keëzhenahzhahooyun.

⁴³ Uhpe dush kahekedood oonoo, kekeche‐pepahge, Lazarus, pesahguhun.

⁴⁴ Owh dush kahneboopun kesahguhum, minjemahpezood emuh oosittaung, kuhya emuh ooninjeeng enewh chebaguhmigoo‐ahgwewinun, kuhya keähgweengwabezood ewh kesingwaöon. Jesus dush oo‐oo oodenaun, Ahbahook, puhgedenik dush chemahjaud.

⁴⁵ Nebewah dush Jewyug kahpenaunzekahwahjig enewh Maryun, uhpe kahwahbunduhmoowaud ewh kahezheganid enewh Jesusun, oogedabwayanemahwaun.

⁴⁶ Ahnind dush ween oogeëzhahnahwaun enewh Phariseen, keweenduhmahwahwaud dush, ewh kahezhecheganid enewh Jesusun.

⁴⁷ Egewh dush keche‐sahsahgewejega‐wenenewug kuhya egewh Phariseeg oogemahwunzoomahwaun enewh kuhyahkekedoonejin, oo‐oo dush keëkedoowug, Ahneen azhechegayung? keche nebewah muh wah‐owh enene oodezhecheganun enewh mahmaundahwejegunun.

⁴⁸ Kishpin puggedenuhmoowung oo‐oo cheëzhechegad, oogahdabwayanemegoon suh kuhkenuh bamahdezenejin; tahpeëzhahwug dush egewh Romanug, oogahbahnahjetoonahwah dush maunduh kedoodanahwenaun, kuhya oogahmahjewenahwaun enewh ahnishenahban.

⁴⁹ Pazhik dush Caiaphas azhenekahzood, kahkeche‐sahsahgewejega‐wenenewid ewh uhpe kekenoonoowin, oo‐oo oogeënaun, Kah bahbahpish gagoo kekekanduhsenahwah.

⁵⁰ Kah dush kuhya kenahnahgahdahwanduhsenahwah, ewh nundahwandahgwuk pazhik enene chenebootahwaud enewh ahnishenahban, cheneboosigwah kuhkenuh egewh ahnishenahbag.

⁵¹ Kahween ween tebenuhwa oodekedoowin keähwunsenoon oo‐oo kahekedood; kekeche‐sahsahgawejega‐wenenewe ewh uhpe kekenoonoowining, keäunwahjegad ewh wenebootahwaud owh Jesus oonoo ahnishenahban.

⁵² Kah dush oonoo ahnishenahban atuh, chemahwunzoomaud dush ween kuhkenuh enewh saswashkahnejin oonejahnesun owh Kesha‐Muhnedoo.

⁵³ Me ewh uhpe kezheguk kemahje‐guhnoonindewaud ewh kaëzhenesahwaud.

⁵⁴ Jesus dush kahween menuhwah mezheshuh kebemoosase anduhzhe‐ahyahnid enewh Jewyun; ewede dush keöonjemahjah, keëzhah dush emuh cheguhyeëeng puhgwuhduhkummig emuh oodanaung Ephraim azhenekahdag; me dush emuh keähyaud kuhya ookekenooähmahgunun.

⁵⁵ Egewh dush Jewyug ookuhbekoosa‐wekoondewinewaun gagah wedebishkoosanegoobun, nebewah dush keëzhahwug ewede Jerusaleming, ooduhkemewaung keoonjeewaud chepwah kuhbekoosawine‐wekoonding, chepeneëdezoowaud.

⁵⁶ Medush keündoonawahwaud enewh Jesusun, kekuhgwajindewaud dush magwah nebahwewaud emuh keche‐ahnuhmeä‐weguhmigoong, oo‐oo keëkedoowaud, Ahneen ananduhmag? kah nuh tahpeëzhahse emuh wekoondewining?

⁵⁷ Egewh dush keche‐sahsahgewejega‐wenenewug kuhya egewh Phariseeg keënahkoonegagwahpun, kishpin ahweyah kekanemaud debe anduhnezegwan, chedebahjemood, cheoonjetuhkoonahwaud.