ST. JOHN 10 - Ottawa New Testament Penteteuch and Psalms 1874

¹ Kagate, kagate, kedenenim, Owh paundegasig emuh ashquaundamewung ewh mahnishtahnishe‐weguhmig, ningooje dush enaunduhwad, kemoodishke suh owh, kuhya muhkundwashke.

² Owh suh paundegad emuh ishquaundaming mesuh owh wamahnishtahnishe‐wenenemegood enewh mahnishtahneshun.

³ Oonesahkoonahmahgoon suh enewh ganuhwanduhmenejin ewh ishquaundam, oonoonduhmahgoon dush enewh mahnishtahnishun ewh oodinwawin; oodezhenundoomaun tebenuhwa oomahnishtahnishemun azhenekahzoonid, sahgejewenaud dush.

⁴ Uhpe dush suhyahgejenahzhahwahjin enewh tebenuhwa oomahnishtahnishemun, uhnenegahne goo, oonoopenuhnegoon dush enewh mahnishtahnishun: ewh nesittootahgood anwad.

⁵ Kahween oogahnoopenuhnahsewaun enewh mayuggezenejin, oogahkemeähwaun ween enewh: kah muh oonesittootahwahsewaun anwanid enewh mayuggezenejin.

⁶ Me suh oo‐oo ahwajegun owh Jesus kahweenduhmahwaud: kah dush oogenesittootunsenahwah wagoodoogwan kahegoowahgwan.

⁷ Me dush menuhwah oo‐oo keënaud owh Jesus, Kagate, kagate, kedenenim, Neen suh nindow oodishquaundamewaun egewh mahnishtahnishug.

⁸ Kuhkenuh egewh kahpeëzhahjig chepwah neen peëzhahyaun kemoodishke‐wenenewewug kuhya muhkundwashke‐wenenewewug, kah dush oogebezindahgoosewaun enewh mahnishtahnishun.

⁹ Neen suh nindow ewh ishquaundam: kishpin ahweyah emuh neen oonjepeendegad, tahbemahjeäh, tahpuhpeendega dush kuhya tahsuhsahguhum, kuhya oogahmekaun wesenewin.

¹⁰ Chekemoodid atuh, kuhya cheneshewad, kuhya chebahnahjechegad peöonjeëzhah owh kamoodishkid: neen suh ween nimpeöonje‐ezhah cheähyahmoowaud bemahdezewin, kuhya ashkum chebahteënudenig.

¹¹ Neen nindow menoo‐mahnishtahnishe‐wenene: owh menoo‐mahnishtahneshe‐wenene oomeegewatahmahwaun ewh oobemahdezewin enewh mahnishtahnishun.

¹² Owh dush ween anooketahgunewid, mahyahnishtahnishe‐wenenewesig dush, tabanemahsig enewh mahnishtahnishun, oowahbuhmaun maheengunun peëzhahnid, oonuhguhnaun dush enewh mahnishtahnishun, oozhemood dush: owh dush maheengun oogekkumaun kuhya oosuhswashkahwaun enewh mahnishtahnishun.

¹³ Ahnooketahgunewid wanje‐oozhemood owh ahnooketahgun, bahbahmanemahsig dush enewh mahnishtahnishun.

¹⁴ Neen suh nindow owh menoo‐mahnishtahnishe‐wenene, nekekanemaug ninduhyahahmug kuhya dush ninkekanemegoog egewh nindahyahahmug.

¹⁵ Azhekekanemid suh owh Noos mesuh kuhya neen azhekekanemug Noos; nepuggedenuhmahwaug dush egewh nemahnishtahnishemug ewh ninbemahdezewin.

¹⁶ Bakahnezejig dush mahnishtahnishug nindahyahwaug, tabandahgoozesigoog oomah mahnishtahnishe‐weguhmigoong; ningahpeenaug suh kuhya egewh, oogahbezindahnahwah nindinwawin, tahpazhikwun dush mahnishtahnishe‐weguhmig, kuhya tahpazhikoo mahnishtahnishe‐wenene.

¹⁷ Mesuh wanjesahgeïd owh Noos, puhgedenuhmaun ewh ninbemahdezewin, nayaub dush cheöodahpenuhmaun.

¹⁸ Kahween ahweyah nemuhkummegoose, nepuggedenaun suh goo: nindahyaun suh kushkeäwezewin chepuhgedenuhmaun, kuhya nindahyaun kushkeäwezewin nayaub cheoödahpenuhmaun. Me suh kahezhekuhgekemid owh Noos.

¹⁹ Menuhwah dush papuhkaun keühyenanduhmoog egewh Jewyug oonoo ekedoowinun oonje.

²⁰ Nebewah dush egewh oo‐oo keëkedoowug, Ookekishkahwaun enewh mujje‐muhnedoon, kewuhnahdeze dush, ahneeshwin bezinduhwag?

²¹ Ahnind dush ween oo‐oo keëkedoowug, Kahween oonoo ekedoowinun tahgeëkedoosenun owh kakishkahwaud enewh mujje‐muhnedoon. Ookushketoon nuh mujje‐Muhnedoo chepahkahkoonuhmahwaud ooshkinzhegoone enewh kakepeenganejin?

²² Ketebishkoosa dush uhpe kechetwahwejegahdag ewh Keche‐ahnuhmeä‐weguhmig ewede Jerusaleming; pepoonoobun dush.

²³ Kepahbahmoosa dush owh Jesus emuh keche‐ahnuhmeä‐weguhmigoong emuh Solomon ootasekauning.

²⁴ Egewh dush Jewyug oogekewetuh‐kahbahwetahwahwaun, oo‐oo dush keënahwaud, Ahneen menik kapwah-wahweenga‐weenduhmahweyaung? Kishpin kagate ahyahwewunan owh Christ, wahweenga weenduhmooweshenaum

²⁵ Jesus dush oogenuhquatuhwaun, Kegeweenduhmoonenimwahbun, kah dush kegedabwatunsenahwah, enewh ahnookewinun anuhnookeyaunin emuh Noos oodezhenekahzoowining, mesuh enewh dabahjemigooyaunin.

²⁶ Kah dush kenuhwah kedabwayanduhseem, kah muh kedahweseem nemahnishtahnishemug, debishkoo ewh kahenenuhgoog.

²⁷ Nemahnishtahnishemug oobezindahnahwah ewh nindinwawin, nenesittahwenahwaug dush, kuhya nenoopenuhnegoog.

²⁸ Neen dush nepuggedenahmahwaug ewh kahgega‐bemahdezewin, kah dush wekah tahbahnahdezesewug, kah kuhya ahweyah ningahmuhkummegoosenun oonoo.

²⁹ Owh suh Noos, kahmeezhejin mahmahwe ahpetandahgooze; kah dush ahweyah ookushketooseen chemuhkummaud enewh Noosun oonoo.

³⁰ Neen suh kuhya Wayoosemind nepazhikoomin.

³¹ Menuhwah dush egewh Jewyug oogeöodahpenahwaun enewh ahsineen chepemoosinnuhahwaud.

³² Jesus dush oogenuhquatuhwaun, Nebewah suh menoo‐ahnookewinun kegewahbundahenim oonje Noos; wagoonan dush enewh wahoonjepemoosinnaheyag?

³³ Egewh dush Jewyug oogenuhquatuhwahwaun, Kah suh ween menoo‐ahnookewin kedoonjepemoosinnuhegoose, mujje‐kezhwawin atuh, keen dush aneneweyun keKesha‐Muhnedooweëdiz.

³⁴ Jesus dush oogenuhquatuhwaun, Kah nuh ween oozhebeëgahdasenoon emuh ketebahkoonegawinewaung, Ningeëkid cheKesha‐muhnedooweyag.

³⁵ Kishpin dush muhnedoon ezhenekahnaud enewh kahpeöodissegoonejin ewh Kesha‐Muhnedoo oodekedoowin, kah dush tahbahnahjechegahdasenoon ewh kechetwah‐oozhebeëgun.

³⁶ Kedenahwah nuh enewh kahkechetwahweähjin owh Wayoosemind kuhya kahpeëzhenahzhahwahjin oomah uhkeeng, Kemujje‐kezhwa; oonje keëkedooyaun, Nindoogwissemik suh owh Kesha‐Muhnedoo.

³⁷ Kishpin suh ezhechegasewaun enewh oodahnookewinun owh Noos, kagoo dabwatuhwishekagoon.

³⁸ Kishpin dush ezhechegayaun, ahnoo ween goo dabwatuhwesewag, dabwatuhmook enewh ahnookewinun cheoonjekekanduhmag kuhya cheoonjedabwatuhmag ewh kekishkahwug owh Noos kuhya Noos kekishkahwid.

³⁹ Me dush menuhwah kahoonjenundah‐tuhkoonahwaud; emuh dush ooneenjewaung keöonjeöozhemoo.

⁴⁰ Menuhwah dush keëzhah ahgahming Jordan seebe, emuh wuhyashkud kahduhzhe‐baptizooëwad owh John; me dush emuh keduhnezid.

⁴¹ Nebewah dush oogepenaunzekahgoon, oo‐oo dush keëgood, Kahween kuhnuhga kemahmaundahwejegase owh John: kuhkenuh dush ween kahuhyenahjemaud owh John oonoo enenewun, kedabwamahgudoon.

⁴² Nebewah dush oogedabwayanemegoon ewede.