ROMANUN 9 - Ottawa New Testament Penteteuch and Psalms 1874

¹ Nindabwa emuh Christing, kahween nekuhkenuhwishkese, nekekandezoowin nedebahjemegoon emuh Keche‐Oojechaugoong.

² Ninkeche‐kushkandum kuhya moonzhug nekesahdandum emuh nindaïng.

³ Nindahnunduhwandum neen chepukkawenegooyaun emuh oonje Christing nejekewaüg oonje, puhyazhigwung neweyausenahnin:

⁴ Israelitewewug suh; oodebandahnahwah ewh oonejahnesemegoowin, kuhya peshegandahgoozewin, kuhya kekindewinun, kuhya meegewang ewh tebahkoonegawin, kuhya oobuhmeetahgoowin owh Kesha‐Muhnedoo, kuhya wahweendahmahgawinun;

⁵ Mesuh oogoo dabanemahjig enewh kooseminahbuneen, mesuh kuhya oogoo kahoonjeemahguk ooweyow owh Christ, owh wagemahkundung ahnooj gagoo, Kesha‐Muhnedoo kahyahgega‐shahwandahgoozid. Amen.

⁶ Kahween neweëkedoose ningood enahbuttesenenig oodekedoowin owh Kesha‐Muhnedoo. Kah muh kuhkenuh Israël ahwesewug, emuh Israëling wandahdezejig.

⁷ Kah kuhya oomenekauning owh Abraham oondahdezewaud, oonje‐oonejahnesemahsewug: emuh atuh Isaacing kaöonje‐wahweenindwah kenejahnesug.

⁸ Mesuh oo‐oo azhenesettootahgwuk, Egewh weyausing wanjenegejig, kahween oogoo oodoonejahnesemegoosewaun enewh Kesha‐Muhnedoon: egewh atuh emuh wahweendahmahgawining wanje‐negejig mesuh oogoo oonejahnesemahwug ananemindjig.

⁹ Mesuh oo‐oo wahweendahmahgawine‐ekedoowin, Noongoom apeechaug ningahpetuhgwishin, Sarah dush oogahahyahwaun enewh quewezansun.

¹⁰ Kahween atuh oo‐oo; kuhya dush uhpe Rebecca oonje kahoodahbenoojeëwid pazhik, koosenaun Isaac;

¹¹ (Pwah muhshe negewaud egewh ahbenoojeeyug, kuhya chepwah ezhechegawaud wanesheshing gamuh mujje‐uhyeeweesh, cheöonje‐soongekahbahwemahgudenig oodenahduhmoowin owh Kesha‐Muhnedoo emuh wuhwanahbunduhmoowining, kahween ahnookeewinun oonje, owh atuh nandoongad oonje;)

¹² Oo‐oo keënah, Owh sasekezid oogahbuhmeetuhwaun enewh agahsheënejin.

¹³ Debishkoo azhebeëgahdag, Ningesahgeäh owh Jacob, ningesheenganemah owh Esau.

¹⁴ Ahneen dush kaëkedooyung? Mujje‐doodum nuh Kesha‐Muhnedoo? Kah bahpish ezhewabussenoon.

¹⁵ Oo‐oo muh oodenaun enewh Mosesun, Ningahshahwanemah owh wahshahwanemug kuhya ningahketemahganemah owh wahketemahganemug.

¹⁶ Kah suh dush shahwanemahse owh kache‐nunduhwandung, gamuh bamebuhtood, owh atuh kashahwanemegood enewh Kesha‐Muhnedoon.

¹⁷ Oo‐oo muh akedoomahguk ewh kechetwah‐oozhebeegawin, guhnoonind owh Pharaoh, Mesuh oo‐oo kahoonje-puhsegwindenenaun, cheöonje‐wahbundahewayaun ewh nemushkahwezewin emuh keyowing, cheöonjewahweenjegahdag nindoonoozoowin emuh anegookookummegaug ewh uhkee.

¹⁸ Mesuh dush shahwanemaud enewh wahshahwanemahjin, kuhya oomushkahwedaääun enewh wahmushkah-wedaäähjin.

¹⁹ Oo‐oo dush kegaheezh, Wagoonash kayahbe wanje-ahnahmingad? Ahwanan dush kaähgoonwatahwaud enewh?

²⁰ Kah suh ween ewh, ahwanan keen aneneweyun ahyahzhittah‐guhnoonud Kesha‐Muhnedoo? Oo‐oo nuh oogahegoon owh kahoozheëwad enewh kahoozhetoojin, ahneeshwin oo‐oo keëzheëyun?

²¹ Kah nuh ween kushketoose owh wahbegun‐oonahguneka‐wenene, pazhik‐wahtik wahbeguning cheöonje-oozhetood pazhik oonahgun chekeche‐peshegandahgwuk, kuhya menuhwah pazhik chedahbussandahgwuk?

²² Kishpin Kesha‐Muhnedoo, enandung wewahbundahewad oonishkahdezewin, kuhya cheöonje‐kanjegahdanig oomushkahwezewin, kinooäzh keminwahdandung enewh nishkahdezewine‐oonahgunun chebahnahjechegahdag anandahgwukin:

²³ Cheöonje‐wahbunduhewad azhemeshenudenig oopeshegandahgoozewin kahezheshahwandung enewh shahwandahgoozewine‐oonahgunun, chepeshegandahgwuk kahoonjeöozhechegahdagin.

²⁴ Mesuh kenuhwind kahnundoomenung, kahween atuh egewh Jewyug, kuhya suh goo egewh Mayuggezejig?

²⁵ Debishkoo akedood kuhya emuh oodaunwahjegawining owh Oosee. Nindahnishenahbamug ningahdenaug egewh kahoodahnishenahbawesewaumbauneeg; kuhya suhyahgeüg ningahenah owh equa kahsahgeähsewugebun.

²⁶ Kuhya tahezhewabud, ewede kahenindwahpun, Kahween kedoodahnishenahbamesenoonim, me emuh kaëzhenekahnindwah oonejahnesun owh bamahdezid Kesha‐Muhnedoo.

²⁷ Kuhya owh Esaias pepahge duhzhemaud enewh Israelun, Ahnoo goo ashenoonid oonejahnesun owh Israel nahsaub ashenuk nagow emuh kechegummeeng, punge atuh tahbemahjëähwug:

²⁸ Oogahkezhetoon muh ewh ahnookeewin, kuhya oogahwahyaquahsetoon emuh quuhyuk‐ezhewabezewining: oogahtuhquahtoon muh owh Jehovah oodahnookewin oomah uhkeeng.

²⁹ Kuhya debishkoo kuhyet kahekedoopun owh Esaias, Kishpin owh wadoogemahmegood enewh Waqueenoonejin, kenuhguhduhmoosenoowungebun ewh menekaun, kedahgeëzheähyahmin debishkoo Sodoming, kuhya debishkoo Gomorrhaïng.

³⁰ Ahneen dush kaëkedooyung? Egewh mayuggezejig, kahnoopenuhdunsegoog ewh quuhyuk ezhewabezewin, oogeähyahnahwah ewh quuhyuk‐ezhewabezewin, mesuh ewh quuhyuk‐ezhewabezewin dabwayanduhmoowining wanjeemahguk.

³¹ Israel dush kahnoopenuhdungebun ewh quuhyuk‐ezhewabezewine tebahkoonegawin kahween oogeähyaunsenahwah ewh quuhyuk‐ezhewabezewine‐tebahkoonegawin.

³² Ahneeshwin? Kahween emuh dabwayanduhmoowining oogeëzhenunduhwanduhsenahwah, emuh suh ween dush tebahkoonegawine‐ahnookeewining. Kepukkittashinoog muh emuh pukkittashine ahsineeng;

³³ Debishkoo azhebeëgahdag, Benuh nindahsah emuh Sioning ewh pukkittashine kuhya nishkeëwa ahzhebik: ahwagwan dush kadabwayanemahgwan kahween tahahgujjeähse.