ROMANUN 8 - Ottawa New Testament Penteteuch and Psalms 1874

¹ Kah dush kayahbe nahneboomahsewug egewh dabandahgoozejig emuh Christ Jesusing, anoosasejig azhewabuk weyausemah, anoosawaud atuh azhewabezid Keche‐oojechaug.

² Ootebahkoonegawin owh bemahdezewine‐oojechaug emuh Christ Jesusing ningepuggedenegoon debandahgoozeyaunbaun emuh mujje‐ezhewabezewine kuhya neboowine‐tebahkoonegawining.

³ Ewh muh kepwahnuhwetoomahguk ewh tebahkoonegawin, ewh keshahgwewemahguk oonje weyausing, Kesha‐Muhnedoo kepeëzhenahzhahwaud enewh tebenuhwa oogwissun maje‐ezhewabuk weyausing keëzhenahgoozenid, ewh mujje‐ezhewabezewining kahoonjenahneboondung ewh mujje‐ezhewabezewin emuh weyausemaung:

⁴ Ewh tebahkoonegawine quuhyuk‐ezhewabezewin chedebishkoosag emuh keyowenaung kenuhwind, anoosasewung ewh azhekuhgaundwamahguk weyausemah, azhekuhgaundwad atuh oojechaugoomah.

⁵ Egewh muh azhewabezejig azhekuhgaundwamahguk ewh weyausemah oobahbahmandaunahwah weyausewe uhyeëen; egewh azhewabezejig azhekuhgaundwad owh oojechaugoomah oobahbahmandaunahwah enewh Oojechaugoowine‐uhyeëen.

⁶ Bahbahmanduhming ewh weyausemah mesuh neboowin; bahbahmanemind dush owh Oojechaugoomah mesuh ewh bemahdezewin kuhya pezaunewawin.

⁷ Ewh weyausewe‐bahbahmanduhmoowin me ewh mahgahnegood owh Kesha‐Muhnedoo: kah mah puggedenedezoomahgussenoon emuh oodebahkoonegawining owh Kesha‐Muhnedoo, kah dush kagate tahkushketoomahgussenoon.

⁸ Mesuh dush ween egewh emuh weyahsewe‐bahbahmanduhmoowining ayahjig kahween kushkeöosewug cheminwanduhmooähwaud enewh Kesha‐Muhnedoon.

⁹ Kahween kenuhwah kedahyahseem emuh weyahsewe‐bahbahmanduhmoowining, emuh atuh oojechaugoowine‐bahbahmanduhmoowining, kishpin kagate Kesha‐Muhnedoo Oojechaugwun anduhnezenid emuh keyowewaung. Kishpin gooshah ahweyah enene kekishkewahsig enewh Christ oojechaugwun kahween oodebanemegooseen enewh Christun.

¹⁰ Kishpin dush kekishkahwag owh Christ, neboomahgud suh weyowemah, mujje‐ezhewabezewin oonje; owh dush ween Oojechaugoomah bemahdezewinewe quuhyuk‐ezhewabezewin oonje.

¹¹ Kishpin dush Oojechaugwun owh kahahbejebahaud enewh Jesusun duhnezenid emuh keyowewaung, owh kahahbejebahaud enewh Christun oogahahbejebahtoonun natuh‐neboomahgukkin keyowewaug oonje enewh Oojechaugwun ayahwag emuh keyowewaung.

¹² Nejekewaëdoog nemuzzeneëgamin gooshah, kah, nahsaub azhekuhgaundwamahguk‐weyausemah, cheëzhebemahdezeyungoobun.

¹³ Kishpin mahween azhebemahdezeyag azhekuhgaundwamahguk weyausemah, kegahneboom: kishpin dush ween owh Oojechaugoomah oonje‐netooyag enewh weyowe-ezhechegawinun, kegahbemahdezeem.

¹⁴ Menik suh goo kakenoowenegoojig enewh Oojechaugwun owh Kesha‐Muhnedoo, oodoogwissemegoowaun enewh Kesha‐Muhnedoon.

¹⁵ Kahween dush kegeöodahpenahsewah owh buhmeetahgawine‐oojechaugoomah menuhwah chesagezeyag; kegeöodahpenahwah suh atuh oogwissewine‐oojechaugoomah, wanje‐enung Kesha‐Muhnedoo anuhmeätuhwungoon, Abba, Noosa.

¹⁶ Keche‐Oojechaug tebenuhwa mahmahwe kuhya kenuhwind kechechaugoonahnig kedenahjemegoonahnig ewh oonejahnesemenung owh Kesha‐Muhnedoo:

¹⁷ Kishpin dush oonejahnesemegooyung, me ewh kaoonje‐debandahzooyung; chedebanduhmung Kesha‐Muhnedoo ooduhyeemun kuhya cheweej‐debandahsoomung owh Christ; kishpin dush oo‐oo azheähyahyung cheweeje‐kooduggetoomung, ewh edush nuh kuhya kenuhwind mahmahwe cheweeje‐peshegandahgoozemung.

¹⁸ Nindenandum suh dush enewh kootuggetoowinun noongoom ayaugin kah taähpeetandahgussenoon chetuhgoo‐ahginjegahdag e‐ewh peshegandahgoozewin kamezheshuh‐wahbunduhegooyung.

¹⁹ Ewh muh ookeche‐nunduhwanduhmoowin owh kahoozheïnd nundahwanduhmoomahgudene chemezheshuh‐wahbuhmenahgoozenid oonejahnesun owh Kesha‐Muhnedoo.

²⁰ Owh muh kahoozheïnd ketahquahkoonah emuh ketemahgezewining, kahween egoo ween tebenuhwa keënanduhse, owh suh ween egoo kahtahquahkoonegad emuh ahpanemoowining.

²¹ Owh muh kahoozheïnd tahpuggedenegahzoo noongoom azhedebandahgoozid emuh bahnahdezewining cheähyaud emuh‐kachetwahwandahgwudenig oopuggedenegah-zoowinewaung oonejahnesun owh Kesha‐Muhnedoo.

²² Kekekandahmin muh kuhkenuh egewh kahoozheindjig mahmahpenawaud kuhya wesugganduhmoowaud mahmahwe peenish egoo noongoom.

²³ Kahween dush wenuhwah atuh, kuhya suh kenuhwind, ayahyung ewh netum oomeenewewin owh Oojechaugoomah, pooch kuhya kenuhwind kemahmahtwamin peenjenuh, beetooyung ewh tahquahkoonegawin, me suh ewh cheäunjechegahdag keyowenahnin.

²⁴ Ahpanemoowin suh kegebemahjeëgoonaun: ewh dush ahpanemoowin wahyahbunjegahdag kahween ahpanemoowin ahwunsenoon: ewh muh enene wuhyahbundung, wagoonan kayahbe kaöonje‐ahpanemood?

²⁵ Kishpin atuh ahpanemooyung ewh wuhyahbunduhsewung, me dush emuh sheebanduhmoowining kedezhebeetoomin.

²⁶ Mesuh kuhya owh Keche‐Oojechaug wahdookung kenuhneenemezewinenahnin; kah muh kekekanduhsemin kanundooduhmung kaëzhenundooduhmahgayungoobun: keguhnoodahmahgoonaun suh owh Keche‐oojechaug enewh nunduhwanduhmoowinun kakushketoosing cheëkedoong.

²⁷ Owh dush kakandung enewh oodaëmaun ookekandaun enanduhmenid Keche‐oojechaugwun, ooguhnoodahmahwaun muh enewh anuhmeähnejin debishkoo enanduhmenid enewh Kesha‐Muhnedoon.

²⁸ Kekekandahmin dush kuhkenuh enewh uhyeëen mahmahwe ahnookeemahgudoon cheöonjeshahwandahgoozewaud egewh suhyahgeähjig enewh Kesha‐Muhnedoon, mesuh egewh kahnundoomindjig emuh oodenanduhmoowining.

²⁹ Enewh muh kezhah kahkekanemahjin, mesuh enewh kezhah kahwuhwanahbuhmahjin cheëzhewabezeëmind debishkoo azhewabezenid Oogwissun chenetum‐negenid ahnoo bahtuheënid wejekewaün.

³⁰ Menuhwah enewh kezhah kahwuhwanahbuhmahjin, me enewh kahnundoomahjin: kuhya enewh kahnundoomahjin, me suh goo enewh kahquuhyuk‐ezbewabezeähjin: kuhya enewh kahquuhyuk‐ezhewabezeähjin mesuh enewh kahpeshegandahgooähjin.

³¹ Ahneen dush kaëkedooyung noonduhmung oonoo uhyeëen? Kishpin weedookoonung owh Kesha‐Muhnedoo, ahwanan kamegahnenung?

³² Owh muh kahsahgetuhmoosenoowung tebenuhwa oogwissun, kepuggedenaud dush ween kuhkenuh kenuhwind oonje, ahneen dush kaöonje‐meenissenoowung mahmahwe wanepuzh ahnooj gagoo?

³³ Ahwanan kaähnahmemaud gagoo enewh kahwuhwanahbuhmahjin owh Kesha‐Muhnedoo? Kesha‐Muhnedoo ahwe owh quuhyuk‐ezhewabezeëwad.

³⁴ Ahwanan owh kanahneboongad? Tahnahneboonga nuh Christ kahnebood, kagate dush nayaub kahahbejebaud, owh namuhduhbid emuh ookechenikaung owh Kesha‐Muhnedoo, mesuh kuhya owh ganooduhmoonenung?

³⁵ Ahwanan kapukkawenenung emuh oonje oosahgeëwawining owh Christ? kootugganduhmoowin nuh, gamuh ketemahgezewin, gamuh kooduggeëgoowin, gamuh pukkuddawin, gamuh pingwuhshahgedewin, gamuh nuhneezahnezewin, gamuh ewh ahzhahwashk?

³⁶ Debishkoo azhebeëgahdag, Keen oonje nenesegoomin kuhpa kezheguk; mahnishtahneshug wahnesindjig nindenanemegoonahnig.

³⁷ Menungakah! kuhkenuh oonoo uhyeëen ahwahshema kemahmauzhetwahmin oonje owh suhyahgeënung.

³⁸ Kagate gooshah nepuhgukkandaun, kahween neboowin, kuhya bemahdezewin, kuhya angenug, kuhya kachetwahwezejig, kuhya mashkahwezejig, kuhya enewh uhyeëen noongoom ayaugin, gamuh pecheenug wahpeäh-yaugin.

³⁹ Kuhya ishpahwin, kuhya keenweendeemahwin, kah kuhya gagoo wazhechegahdag, ningahtapuhkawenegoosenahnin oonje oosahgeëwawining owh Kesha‐Muhnedoo emuh Jesus Christing Tabanemenung.