ROMANUN 7 - Ottawa New Testament Penteteuch and Psalms 1874

¹ Kah nuh ween kekekanduhsenahwah, nejekewaëdoog, (neguhnoonaug muh egewh kakandungig ewh tebahkoonegawin,) ewh enene oogemahkundahgood ewh tebahkoonegawin menik bemahdezid?

² Owh gooshah equa wanahbamid oodebanemegoon enewh oonahbamun, debishkoo ekedoomahguk ewh tebahkoonegawin, menik bemahdezenid; kishpin dush keneboonid enewh oonahbamun, puhgedenah kahezhedebanemegoopun enewh oonahbamebuneen emuh tebahkoonegawining.

³ Kishpin dush, magwah bemahdezenid oonahbamun, wedegamaud enewh pakahnezenejin enenewun, peshigwahdeze tahenah: kishpin dush keneboonid oonahbamun puhgedenegahzoo emuh oonje ewh tebahkoonegawining; kah dush pezhigwahdezese, ahnoo goo wedegamaud pakahnezenejin enenewun.

⁴ Mesuh, nejekewaëdoog, kuhya kenuhwah azhenebootuhmag ewh tebahkoonegawin oonje ooweyowing owh Christ; cheweedegamag pakahnezid, me suh owh kahahbejebahind oonje neboong, cheöonje‐mekoogeetuhmoowung owh Kesha‐Muhnedoo ewh meenewinun.

⁵ Uhpe kahdebandahgoozeyung emuh weyahsemaung, enewh kemujje‐nunduhwanduhmoowenenahin kahahyahgin oonje ewh tebahkoonegawin, keähnookeemahgudoon emuh kepukkawezewinenahning chemahjegetooyung enewh neboowine‐meenewinun.

⁶ Noongoom dush kepuggezekahgoomin emuh oonje tebahkoonegawining, keneboomahguk ewh kahminjemene-gooyungoobun; cheëzhebuhmeetahgayung emuh ooshke-enahdezewining kahween emuh kata ezhetwahwining.

⁷ Ahneen dush kaëkedooyung? mujje‐ezhewabud nuh ewh tebahkoonegawin? Kah bahpish ezhewabussenoon. Kahween nindahgekekanduhseen ewh mujje‐ezhewabezewin, me atuh oonje tebahkoonegawining: kah muh nindahgekedanduhseen ewh shoobeëgoowin, pwah ekedoomahgukebun ewh tebahkoonegawin, Kahween kegahshoobeëgooseen gagoo.

⁸ Mujje‐ezhewabezewin suh, oonje ewh tebahkoonegawin, keähnookeemahgud emuh peenjenuh cheühchegahdag ahnooj mujje‐nundahwanduhmoowin. Keähyahsenoogebun ewh tebahkoonegawin tahgeneboomahgud ewh mujje‐ezhewabezewin.

⁹ Kuhyet kekekanduhsewaunbaun ewh tebahkoonegawin ningebemahdezenahbun, uhpe dush kahöodissegooyaun ewh tebahkoonegawin, mujje‐ezhewabezewin nayaub kebemahdezemahgud, me dush kenebooyaun neen.

¹⁰ Kuhya ewh enahkoonegawin, kahoonje‐oozhechegahdag chebemahdezing, ningemekaun neboowining cheenandahgwuk.

¹¹ Mujje‐ezhewabezewin muh oonje ewh tebahkoonegawin ningewuhyazhemegoon, me dush kahezhenesegooyaun.

¹² Benuh dush, ewh tebahkoonegawin peenud, kuhya ewh kuhgequawin peenud, kuhya quuhyukwud, kuhya oonesheshin.

¹³ Menuh ewh wanesheshing kahoonjenebooyaun? Kah bahpish. Ewh suh mujje‐ezhewabezewin, chekekandahgwuk azhemujje‐ezhewabuk, keähnookeemahgud chenebooyaun oonje ewh wanesheshing; ewh mujjeëzhewabezewin chekuhgwahnesugge‐mujje‐ezhewabuk ewh enahkoonegawin oonje.

¹⁴ Kekekandahmin suh ewh tebahkoonegawin oojechaugwandahgwuk: neen dush ninduhkeewandahgooz, ahpeche debandahgoozeyaun emuh mujje‐ezhewabezewining.

¹⁵ Kah muh neminwanduhseen ewh azhechegayaun: ewh manwanduhmaun kahween nindezhechegase; ewh shaunganduhmaun nindezhechega.

¹⁶ Kishpin dush azhechegayaun ewh manwanduhsewaun, nedebahdoodaun ewh tebahkoonegawin cheöonesheshing.

¹⁷ Kah suh kayahbe neen nindahwese owh azhechegad, ewh suh mujjeëzhewabezewin peenjenuh neyowing anduhnezemahguk.

¹⁸ Nekekandaun muh ewh kekishkunsewaun gagoo wanesheshing emuh neweyausing; ahnoo goo nindenandum, ewh suh chekeezhetooyaun ewh wanisheshing kahween nemekunseen.

¹⁹ Ewh muh wanisheshing nanduhwanduhmaun, kahween nindoodunse, ewh atuh mujje‐uhyeewish manwanduhsewaun, me ewh andooduhmaun.

²⁰ Benuh dush dooduhmaun ewh manwanduhsewaun, kah neen kayahbe nindahwese owh andoodung, mujje‐ezhewabezewin atuh peenjenuh neyowing anduhnezemahguk.

²¹ Nemekaun dush pazhik tebahkoonegawin, uhpe nanduhwanduhmaunin chemenoo‐dooduhmaun, mujjeëzhewabezewin pashoo peähyahmahgud.

²² Neminwandaun ewh ootebahkoonegawin owh Kesha‐Muhnedoo peenjenuh nindezhetwahwining:

²³ Newahbundaun pakahnuk tebahkoonegawin emuh nepukkawezewining, mahgahduhmoomahguk nindenanduhmoowining duhzhe‐tebuhkoonegawin, ezheweenegooyaun dush emuh kadebanemegooyaun ewh mujje‐ezhewabezewine tebahkoonegawin emuh nepukkawezewining anduhgoomahguk.

²⁴ Oh katemahgezeyaun aneneweyaun! ahwanan kawabenuhmahwid maunduh neboowine‐weyowemah?

²⁵ Nemahmooyahwahmah owh Kesha Muhnedoo oonje owh Jesus Christ Tabanemenung. Emuh dush nindenanduhmoowining nebuhmeetaun ewh ootebahkoonegawin owh Kesha‐Muhnedoo; emuh dush neweyausing nebuhmeetaun ewh mujje‐ezhewabezewine tebahkoonegawin.