ROMANUN 5 - Ottawa New Testament Penteteuch and Psalms 1874

¹ Mesuh dush quuhyuk‐ezhewabezeëgoozeyung oonje ewh dabwayanduhmoowin, kepoonanemegoonaun owh Kesha‐Muhnedoo oonje owh Tabanemenung Jesus Christ:

² Mesuh wah‐owh wanjepuhgedenuhmahgooyung dabwayanduhmoowin oonje chepeendegayung emuh shahwandahgoozewining anduhzhe‐nebahweyung; kuhya wanje-moojezetuhmung ewh apanemoowin apanemooyung oopeshegandahgoozewin owh Kesha‐Muhnedoo.

³ Kahween atuh oo‐oo, nemoojegezetahnahnin gooshah ewh kooduggetoowinun: kekanduhmung kootuggetoowin ahnookeemahguk cheminwahdanduhmung;

⁴ Kuhya minwahdanduhmoowin ahnookeemahgud chenugguhdanduhmung; kuhya nuhguddanduhmoowin ahnookeemahgud cheähpanemooyung:

⁵ Kahween kedahgujjeëgoosenaun ewh ahpanemoowin; oosahgeëwawin muh owh Kesha‐Muhnedoo keseegenuhmahgoonaun emuh kedaënaung owh Keche‐Oojechaug kahmeenegooyung.

⁶ Uhpe kayahbe kuhnuhga ahyaunsewungoobun mushkahwezewin, uhpe dabishkoosanig Christ oogenebootahwaun enewh maje‐ezhewabezenejin.

⁷ Kah gwach ahweyah oogahnebootahwahseen enewh quuhyuk‐wahdezenejin enenewun: koonemah papazhig oodahgenebootahwaun enewh kashawahdezenejin enenewun.

⁸ Kesha‐Muhnedoo suh kewahbunduhewa azhesahgeënung, magwah kayahbe mujje‐ezhewabezeyungoobun, kegenebootahgoonaun owh Christ.

⁹ Ahwahshema dush, ahzhuh keminwandahgoozeyung oonje ewh oomisqueem, kegahbemahjeëgoomin ween oonje chenishkanemegoosewung.

¹⁰ Kishpin muh, magwah shinganjegayungoobun, kepoonanemenung owh Kesha‐Muhnedoo oonje ewh oonebootoowinening enewh oogwissun, ahwahshema kahpoonanemegooyung, kegahbemahjeëgoomin oobemahdezewin oonje.

¹¹ Kahween atuh oo‐oo, kuhya kemoojegezetahwahnaun owh Kesha‐Muhnedoo oonje owh Tabanemenung Jesus Christ, wah‐owh wanje‐meenegooyung ewh poonanemegoowin.

¹² Benuh dush, pazhik eneneeng kepeöonje‐peendegamahguk ewh mujjeëzhewabezewin oomah uhkeeng, kuhya mujjeëzhewabezewining kepeöonjeemahgud ewh neboowin; me suh wanje‐neboowaud kuhkenuh egewh enenewug, kuhkenuh muh kemujjeëzhechegawug:

¹³ (Nahnauzh tebahkoonegawin kepuhgedenegahdag keduhgoomahgud ewh mujje‐ezhewabezewin oomah uhkeeng: kahween ahnahwe enugginjegahdasenoon mujje‐ezhewabezewin uhpe ahyahsenook ewh tebahkoonegawin.

¹⁴ Pooch keöogemahkundahgamahgud ewh neboowin wuhyashkud owh Adam peenish egoo Moses, emuh ooweyowewaung egewh kahmujje‐ezhechegasigoog debishkoo kahmujjeëzhechegad owh Adam, mesuh wah‐owh ahyahwid oodezhenahgoozewin owh wahpeëzhahgoobunan.

¹⁵ Ewh suh azheähyaung ewh mujje‐ezhechegawin, kahween ezheähyahsenoon ewh shahwanjegawin. Kishpin muh nebewah keneboowaud oonje oomujjeëzhechegawin owh pazhik, ahwahshema ewh ooshahwanjegawin owh Kesha‐Muhnedoo, kuhya ewh shahwanjegawine‐meegewawin wanjeemahguk owh pazhik eneneeng Jesus Christ, nebewah bamahdezejig tahmeshenudene.

¹⁶ Kahween kahezhepazhigood owh kahmujjeëzhechegad, nahsaub tahezhewabussenoon ewh wanepuzh meegewawin: pazhik muh mujjeëzhewabezewining keöonjeemahgud ewh nahneboondewin, bahtuhyeënudoon dush ween mujjeëzhewabezewinun wanepuzh kawabenegahdagin cheoonje quuhyuk‐ezhewabezeëgoozing.

¹⁷ Kishpin pazhik enene kemujje‐ezhechegad keöonje‐oogemahkundahgamahguk neboowin owh pazhik oonje; ahwahshema suh egewh mahnindjig nebewah shahwanjegawin kuhya ewh quuhyuk‐ezhewabezeëgoozewine‐meegewawin tahoogemahwewug emuh bemahdezewining pazhik oonje, mesuh owh Jesus Christ.)

¹⁸ Benuh, kahezhenahneboomindwah kuhkenuh egewh enenewug, oonje pazhik mujjeëzhewabezewin; mesuh nahsaub wanepuzh kaëzhequuhyuk‐ezhewabezeëgoozewaud kuhkenuh cheöonjebemahdezewaud, oonje pazhik quuhyuk‐ezhewabezewin.

¹⁹ Debishkoo muh nebewah kahezhemujjeëzhewabezeindwah oonje ookahkaunzetuhmoowin owh pazhik enene, me suh kaëzhequuhyuk‐ezhewabezeïndwah nebewah oonje oonahittuhmoowin owh pazhik.

²⁰ Menuhwah dush kepeendegamahgud ewh tebahkoonegawin, cheöonjebahtuhyeënuk ewh mujjeëzhewabezewin. Kahduhzhe‐bahtuhyeënuk ewh mujjeëzhewabezewin, me emuh ashkum kahbahtuhyeënuk ewh shahwanjegawin:

²¹ Debishkoo kahezheöogemahkundahmahgamahguk ewh mujje‐ezhewabezewin cheneboong, mesuh nahsaub kaëzheöogemahkundahmahgamahguk ewh shahwanjegawin cheöonje‐quuhyuk‐ezhewabezeëgoozing emuh kahgega‐bemahdezewining oonje owh Jesus Christ Tabanemenung.