ROMANUN 3 - Ottawa New Testament Penteteuch and Psalms 1874

¹ Ahneen dush wandezid owh Jew? ahneen dush anahbuttuk ewh kekenoowahje‐kishkezhegahzoowin?

² Nebewah mezewa gagoo: mamwach, ewh puhgedenuhmoowindwah oodekedoowinun owh Kesha‐Muhnedoo.

³ Ahneezh dush kishpin ahnind dabwayanduhsigwah? wenuhwah nuh dabwayanduhsigwah tahoonje‐bahnahdudene oodabwawin owh Kesha‐Muhnedoo?

⁴ Kahween bahpish tahezhewabussenoon: kagate tahdabwa owh Kesha‐Muhnedoo, ahnooween goo kuhkenuhwishkewaud kuhkenuh egewh enenewug; debishkoo azhebeëgahdag, Cheöonje‐quuhyukwandahgoozeyun emuh kedekedoowining, kuhya chepuhkinahgayun uhpe tabahkoonegooyunin.

⁵ Kishpin kemujje‐ezhewabezewinenaun oonje‐quuhyuk‐wandahgwudenig quuhyuk oodezhewabezewin owh Kesha‐Muhnedoo, ahneen kaëkedooyung? Mujje‐ezhewabeze nuh Kesha‐Muhnedeo ahyahzhittahwahewajin? (Eneneeng nindezhekekid.)

⁶ Kahween bahpish tahezhewabussenoon: kishpin muh azhewabukebun, ahneen Kesha‐Muhnedoo kageëzhetebah-koonung ewh uhkee?

⁷ Kishpin dush nahwuj bahtuhenudenig oodabwawin owh Kesha‐Muhnedoo oonje ewh nekuhkenuhwishkewin ween cheëonje‐peshegandahgoozid, ahneeshwin kayahbe ezhetebahkoonegooyaun debishkoo maje‐ezhewabezid?

⁸ Kah nuh ahwahshema kedahekedoosemin, (debishkoo egewh maje‐duzzhemenungoog enenungwah, ewh ekedooyung,) Mahnoo kedahmujje‐ezhechegamin cheöonje‐tuhgwishenoomahguk wanisheshing? oogoo quuhyuk nahneboomahwug.

⁹ Ahneen dush? nahwuj nuh kenuhwind kedahpeetandahgoozemin wenuhwah dush ween? Kah bah bahpish: ahzhuh muh kegewahbundahewamin, ewh kuhkenuh Jewyug kuhya mayuggezejig mujje‐ezhewabezewaud;

¹⁰ Debishkoo azhebeëgahdag, Kahween ahweyah quuhyuk‐ezhewabezese, kah kuhnuhga pazhik:

¹¹ Kahween ahweyah nesittootunse, kahween ahweyah oonunduhwanemahseen Kesha‐Muhnedoon.

¹² Kuhkenuh kepuhkatahwug, kah kuhnuhga ningood enahbudezesewug; kahween ahweyah menoo‐ezhechegase, kah, kuhnuhga pazhik.

¹³ Oogoondahgunewah debishkoo chebaguhmig bahyahkissingin enandahgwudene; oodanuhnewewaun oodahyoonahwaun chewuhyazhingawaud; oomujje‐mushkekemewah egewh mujje‐kenabigoog emuh ahnahmedoon ahtane:

¹⁴ Oodoonewaun mooshkenanewun ewh mujje‐kekedoowin kuhya kekaungawin:

¹⁵ Oosittahwaun kezhekahmahgudenewun chesegwabenuhmoowaud misque:

¹⁶ Bahnahdezewin kuhya ketemahgezewin duhgoomahgudenewun emuh oomeekunahwaung:

¹⁷ Kah dush oogekekanduhsenahwah ewh pezaunewawine meekun:

¹⁸ Kah kuhnuhga ookoosahsewaun enewh Kesha‐Muhnedoon.

¹⁹ Nekekandahmin gooshah nuhmunj akedoomahgudoogwan ewh tebahkoonegawin, ewh oodegoonahwah egewh dabandahgoozejig emuh tebahkoonegawining: kuhkenuh enewh oodoonemaunun chekebahkoosinenig, chekekandahgoozewaud mujje‐ezhewabezewaud dush kuhkenuh ayahjig oomah uhkeeng emuh anahsuhmuhbid Kesha‐Muhnedoo.

²⁰ Benuh dush tebahkoonegawine‐ezhechegawinun kahween ahweyah wahyahsewid tahoonje‐quuhyuk‐ezhewabezeähse emuh anahsuhmuhbid Kesha‐Muhnedoo; tebahkoonegawining muh wanje‐kekandahgwuk mujje‐ezhewabezewin.

²¹ Pecheenug dush wahbunjegahda ooquuhyuk‐ezhewabezeëwawin owh Kesha‐Muhnedoo, wanjeemahgussenook emuh tebahkoonegawining, ewh dabahjinjegahdag emuh tebahkoonegawining kuhya emuh aunwahjegawining;

²² Mesuh ewh ooquuhyuk‐ezhewabezeëwawin owh Kesha‐Muhnedoo, dabwayanduhmoowining wanjeemahguk azhe‐quuhyuk ezhewabezeïndwah kuhkenuh egewh duhyabwayanemahjig enewh Jesus Christun: kah muh pekinoong enanemahsewug:

²³ Kuhkenuh muh kemujje‐ezhechegawug kuhya kenoondasawug emuh oopeshegandahgoozewining owh Kesha‐Muhnedoo;

²⁴ Wanepuzh quuhyuk ezhewabezeïndwah ooshahwanjegawin oonje ketebahahmahgad owh Christ Jesus:

²⁵ Mesuh enewh kezhah kahahnoonahjin Kesha‐Muhnedoo chebemahjeëwanid oonje dabwayanduhmoowind oomisqueem, chemezheshuh‐wahbunjegahdanig ooquuhyuk‐ezhewabezeëwawin cheöonje‐kahbekahegahdagkuhyet mujjeezhewabezewinun, oonje ewh oominwahdanduhmoowin owh Kesha‐Muhnedoo;

²⁶ Cheöonjewahbunjegahdanig, noongoom ooquuhyuk‐ezhewabezeëwawin: cheöonje‐quuhyuk ezhewabezid, kuhya chequuhyuk‐ezhewabezeäud enewh duhyabwayanemahnejin enewh Jesusun.

²⁷ Ahneende dush muhmequahzoowin? Wabenegahda suh. Wagoonan ewh tebahkoonegawin wanje‐wabenegahdag? ahnookeewine tebahkoonegawining nuh? Kahween: dabwayanduhmoowine‐tebahkoonegawining atuh.

²⁸ Me dush wanjeëkedooyung, owh enene quuhyuk‐ezhewabezeïnd oonje ewh dabwayanduhmoowin ahyahsig enewh tebahkoonegawine ahnookewinun.

²⁹ Me nuh atuh enewh Jewyun waKesha‐Muhnedoomegoojin? kahween nuh kuhya enewh Mayuggezenejin? Menungakah, Mayuggezenejin kuhya wenuhwah:

³⁰ Pazhegoo suh owh Kesha‐Muhnedoo, kaquuhyuk-ezhewabezeäud enewh kakenoowahje‐kishkezhegahzoonejin oonje ewh dabwayanduhmoowin, kuhya enewh pwahyah‐kekenoowahje‐kis kezhegahzoonejin oonje ewh dabwayanduhmoowin.

³¹ Nebahnahjetoomin nuh ewh tebahkoonegawin oonje ewh dabwayanduhmoowin? Kah bahpish: ninduhyeenje-setoomin suh ewh tebahkoonegawin.