ROMANUN 2 - Ottawa New Testament Penteteuch and Psalms 1874

¹ Kahween gagoo kedahyaunseen kuhnoodahmahzoowin, Oh enene, ahwagwan ahyahwewunan tabahkoonegayun: ewh muh wanjetebahkoonud bakahnezid, kenahneboondaun suh goo tebenuhua keyow, keen muh tabahkoonegayun nahsaub kedezhechega.

² Nequuhyukwandahmin suh ewh dabwamahgudenig ootebahkoonegawin Kesha‐Muhnedoo azhetebahkoonaud enewh azhecheganejin oonoo uhyeëen.

³ Kedenandum nuh, Oh enene, tabahkoonudwah egewh andoodungig oonoo, keen dush nahsaub dooduhmun, kegahoozhindaun ootebahkoonegawin owh Kesha‐Muhnedoo?

⁴ Gamuh kebahpenoodaun nuh bahyahtuhenudenig oo-kesha‐wahdezewin kuhya oominwahdanduhmoowin kuhya oozebishkahje‐kedahzoowin owh Kesha‐Muhnedoo; kekanduhsewun ewh ooshahwanjegawin Kesha‐Muhnedoo ezhewenegooyun emuh aunwanindezoowining?

⁵ Oonje ewh mushkahwuk kuhya aunwanindezoomah-gussenook keda kemahwunjetuhmahzoon ewh nishkahdezewin emuh nishkahdezewine‐kezheguk kuhya chewah weenjegahdanig ooquuhyukoo‐tebahkoonegawin owh Kesha‐Muhnedoo;

⁶ Mesuh owh katebahahmahwaud kuhkenuh enewh enenewun debishkoo anandahgwudenig oodezhechegawinewah:

⁷ Enewh ahyaunwahjenejin mekinduhmenid menoo‐ezhewabezewin nunduhwanduhmenid peshegandahgoozewin kuhya kechetwahwezewin kuhya kahgega‐bemahdezewin, oogahmeenaun kahgega‐bemahdezewin:

⁸ Enewh dush kagaunzetumenejin, pwahyah‐dabwatuh-menejin ewh dabwawin, duhyabwatuhmenid dush ween ewh mujje‐ezhewabezewin, oogahmeenaun wesuggandahgoozewin kuhya nishkahdezewin.

⁹ Koodugganduhmoowin kuhya kushkanduhmoowin, kuhkenuh emuh oojechaugoowaung egewh enenewug mahkindungig mujje‐uhyeweesh, netum owh Jew, menuhwah kuhya owh mayuggezid;

¹⁰ Ewh dush ween peshegandahgoozewin, kuhya kechetwahwezewin, kuhya pezaunewawin oogahmeenaun kuhkenuh enewh enenewun mahkinduhmenejin ewh wanesheshing netum enewh Jewyun, menuhwah enewh mayuggezenejin.

¹¹ Kah muh pekinoong oodenanemahseen owh Kesha‐Muhnedoo enewh bamahdezejin.

¹² Menik muh kahmujje‐ezhechegajig ahyaunsigwah ewh tebahkoonegawin, ahyaunsigwah ewh tebahkoonegawin tahezhebahnahdezewug: kuhya dush menik kahmuj‐jeëzhechegajig emuh tebahkoonegawining, tebahkoonegawining tahezhetebahkoonahwug;

¹³ (Kah muh egewh nwaundungig ewh tebahkoonegawin quuhyuk‐ezhewabezesewug emuh anahsuhmuhbid owh Kesha‐Muhnedoo, egewh dush atuh mahkindungig ewh tebahkoonegawin tahquuhyuk‐ezhewabezeähwug.

¹⁴ Uhpe dush mayuggezejig, ayaunsigoog ewh tebahkoonegawin, wenuhwah tebenuhwa oodenahdezewinewaung oonje‐dooduhmoowaud enewh uhyeëen wazhebeëgahdagin emuh tebahkoonegawining, oogoo, ahnoo ahyaunsigwah ewh tebahkoonegawin oodahyahnahwah peenjenah tebenuhwa ootebahkoonegawinewaun:

¹⁵ Wahbunduhewawaud tebahkoonegawine‐ahnookeewin wazhebeëgahdanig emuh oodaëwaung, mahmahwe tebahjemoomahgudenig ookekandezoowinewah, kuhya oonahnahgahdahwanduhmoowinewah bakish minwanduhmoomahgudenigin gamuh ahgoonwayanduhmoomahgudenigin;)

¹⁶ Ewh uhpe kezheguk owh Kesha‐Muhnedoo katebahkoondung ookemoodezewinewah egewh enenewug oonje owh Jesus Christ, debishkoo akedoomahguk neminwahjemoowin.

¹⁷ Benuh, keen Jew agooyun, kuhya apanemooyun ewh tebahkoonegawin, kuhya kachetwahwanindezooyun Kesha‐Muhnedoo oonje,

¹⁸ Kuhya kakanduhmun oodenanduhmoowin, kuhya kashketooyun chewuhwanahbunduhmun enewh wanesheshingin, kuhya ezhekekenooähmahgooyun emuh oonje tebahkoonegawining;

¹⁹ Kuhya enanindezooyun chenetah‐sahgahbegenudwah egewh emuh magwa puhsuhgishtibik ayahjig.

²⁰ Netah‐kuhgekemudwah egewh kakebahdezejig, netah‐kekenooähmahwudwah egewh ahbenoojeeyug, ayahyun ewh nebwahkahwandahgoozewin kuhya dabwawin emuh tebahkoonegawining.

²¹ Keen dush kakenooähmahwud pakahnezid, kah nuh ween kekekenooähmahdezoose? keen azhekuhgequayun enene chekeemoodesig, kekeemood nuh?

²² Keen akedooyun chepezhigwahdezesig owh enene, kepezhigwahdiz nuh? keen kagwahnesugganemudwah egewh muzzeneneeg, kekemoodenun nuh enewh uhyeëen debandahgwukin emuh oowegewaumewaung egewh muzzenenug?

²³ Keen mamikwahnedezooyun tebahkoonegawin kedoonje pahpenoodahwah nuh Kesha‐Muhnedoo ewh bahnahjetooyun tebahkoonegawin?

²⁴ Oodezhenekahzoowin suh owh Kesha‐Muhnedoo mujje‐duhzhinchegahdane emuh anduhzhe‐ahyahnid mayuggezenejin kenuhwah oonje, debishkoo azhebeëgahdag.

²⁵ Ewh muh kekenoowahje‐kishkezhegahzoowin ningood enahbuttud, kishpin guhnuhwanduhmun ewh tebahkoonegawin: kishpin dush bahnahjetooyun ewh tebahkoonegawin, kah ningood enahbuttussenoon kekekenoowahje‐kishkezhegahzoowin.

²⁶ Kishpin dush owh kakenoowahje‐kishkezhegahzoosig guhnuhwandung ewh tebahkoonegawine‐kuhgequawinun ahnoo goo kekenoowahje‐kishkezhegahzoosig, kah nuh ween kekekenoowahje‐kishkezhegahzoo tahuhyenanemahse?

²⁷ Kuhya owh kakenoowahje‐kishkezhegahzoosig, kishpin guhnuhwandung ewh tebahkoonegawin kegahtebahkoonik keen, ahnoo goo kekenoowahje‐kishkezhegahzooyun kuhya ayahyun ewh oozhebeëgun, banahjetooyun ewh tebahkoonegawin.

²⁸ Kah muh kagate Jew ahwese owh ahgwahjuhyeëe Jewewid; kah kuhya kekenoowahje‐kishkezhegahzoowin ahwunsenoon ewh ahgwahjuhyeëe atag emuh weyausemaung;

²⁹ Jew suh ahwe owh, peenjenuh Jewewid, kuhya kekenoowahje‐kishkezhegahzoowin ewh atag emuh oodaëmaung, kuhya oojechaugoomaung, kahween oozhebeëguning, manwanemeegoosig enewh enenewun, manwanemegood atuh enewh Kesha‐Muhnedoon.