ROMANUN 16 - Ottawa New Testament Penteteuch and Psalms 1874

¹ Kedenenim chemenoo‐doodahwag owh Phebe kedahwamahnaun, bameetung ewh anuhmeähwin ewede Cencreäïng:

² Cheöodahpenag oonje owh Tabaningad, kadoodahdewahpun egewh anuhmeähjig, chenahduhmahwag dush wagoodoogwan wahenuhnookeegwan: kuhya ween oogenahdahmahwaun nebewah, kuhya goo neen ningenahdahmaug.

³ Anuhmekahwik Priscilla kuhya Aquila egewh wahdookahwejig emuh Jesus Christing:

⁴ Egewh kahpuggedenuhmoowaud tebenuhwa ooquagunewaun oonje ewh nebemahdezewin: nemahmooyahwahmaug, kahween neen atuh, egewh suh kuhya kuhkenuh anuhmeähjig mayuggezejig.

⁵ Ahnuhmekahwik kuhya egewh anuhmeähjig mahyahwunjeëdejig emuh oowegewaumewaung. Ahnuhmekahwik owh suhyahgeüg Epinetus, owh netum kahdabwayanemaud enewh Christun ewede Achaiaïng.

⁶ Ahnuhmekahwik owh Mary kahkeche‐ahnookeetuh-weyummingid.

⁷ Ahnuhmekahwik Andronicus kuhya Junia, egewh anuhwamugig kuhya kahweejewugig kekebahquahegahzooyaun, egewh kachetwahwandahgoozejig Apostleüg, egewh kuhya kahdebandahgoozejig emuh Christing chepwah neen debandahgoozeyaun.

⁸ Ahnuhmekahwik owh Amplias sahyahgeüg emuh Tabaningang.

⁹ Ahnuhmekahwik owh Urban wahdookoonung emuh Christing, kuhya Stachys suhyahgeüg.

¹⁰ Ahnuhmekahwik owh Apelles manwanemegood enewh Christun. Ahnuhmekahwik egewh dabandahgoozejig emuh Aristobulus oowegewauming.

¹¹ Ahnuhmekahwik owh Herodian nindenuhwamahgun. Anuhmekahwik egewh dabandahgoozejig emuh oowegewauming owh Narcissus, dahyabwayanemahjig enewh Tabaninganejin.

¹² Ahnuhmekahwik Tryphena kuhya Tryphosa, anookeetahwahjig enewh Tabaninganejin. Anuhmekahwik owh sahyahgeïnd Persis, kache‐ahnookeetuhwaud enewh Tabaninganejin.

¹³ Ahnuhmekahwik Rufus kahwuhwanahbuhmind emuh Tabanemenung, kuhya oogeen, me owh kuhya neen wageemug.

¹⁴ Anuhmekahwik Asyncritus, Phlegon, Hermas, Patrobas, Hermes, kuhya egewh wejekewaëmaug wahjewahjig.

¹⁵ Ahnuhmekahwik Philologus, kuhya Julia, Nereus, kuhya oodahwamaun, kuhya Olympas, kuhya kuhkenuh anuhmeähjig wahjewahjig.

¹⁶ Ahnuhmikoodahdik mamashquaud oojindeyag ewh pahnuk oojindewin. Kuhkenuh wahdookahzoojig emuh oodahmuhmeähwining owh Christ kedahnuhmekahgoowaug.

¹⁷ Benuh dush kepahgoosanemenim nejekewaëdoog, chekekenoowahjeägwah egewh wazhetoojig pukkaëdewinun kuhya wuhsittahwanindewinun bahnahjetoowaud ewh kuhgequawin kahkuhgekemegooyag: mewishkahwik dush.

¹⁸ Egewh muh oo‐oo azhewabezejig kahween oobuhmeetahwahsewaun enewh Tabanemenung Jesus Christ, oobuhmeetahnahwah atuh tebenuhwa oomesudahwaun, kuhya menoo‐kekedoowaud oodoonje‐wuhyazhemahwaun enewh kakebahdezenejin emuh oodaëning.

¹⁹ Kedabwatuhmoowinewah suh ookekandahnahwah kuhkenuh enenewug. Neminwandum dush kenuhwah oonje: kenunduhwanemenim dush chenebwahkahyag emuh menoo‐ezhewabezewining, kuhya chekekanduhsewag mujje‐uhyeewish.

²⁰ Owh Kesha‐Muhnedoo mahgewad pezaunewawin wuhyebah oogahbahnahjeäun enewh Satanun emuh ahnahmeëe kesittahwaung. Mahnoo kegahweejewegoonahwah ooshahwanjegawin owh Tabanemenung Jesus Christ. Amen.

²¹ Timotheus owh nahyahdahmahwid, kuhya Lucius, kuhya Jason, kuhya Sosipater, nindenuhwamahgunug, keduhnemekahgoowaug.

²² Neen Tertius kahoozhebeähmaun maunduh mahjebeëgun keduhnemekoonenim oonje owh Tabanemenung.

²³ Owh Gaius paundeguhzhid kuhya paundeguhnaud kuhkenuh anuhmeähnejin, keduhnemekahgoowah. Erastus ganuhwanjegad enewh shooneäun emuh keche‐oodanaung keduhnemekahgoowah, kuhya Quartus pazhik kejekewaënaun.

²⁴ Mahnoo kegahweejewegoonahwah kuhkenuh kenuhwah ooshahwanjegawin owh Tabanemenung Jesus Christ. Amen.

²⁵ Benuh dush owh kashketood chesoongekahbahweenag debishkoo ekedoomahguk neminwahjemoowin, kuhya ookuhgequawin owh Jesus Christ, kuhya ewh kahmezheshuh‐wahbunjegahdag mamaundahwuk kekanjegawin, kahkahjegahdag emuh kemoodezewining akoo mahje‐uhkeewung.

²⁶ Pejeenug dush mezheshuhwejegahda, kuhya emuh oodoozhebeëgawinewaung egewh aunwahjega‐wenenewug, debishkoo kahenahkoonegagoobunan owh kahyahgega‐bemahdezid Kesha‐Muhnedoo, keöonje‐wahbundahindwah kuhkenuh ahnooj azheweenzoojig bamahdezejig cheöonje-nuhittuhmoowaud ewh dabwayanduhmoowin:

²⁷ Owh Kesha‐Muhnedoo nasheka‐nebwahkaud tahpeshegandahgooze oonje owh Jesus Christ kahgenik. Amen.