ROMANUN 15 - Ottawa New Testament Penteteuch and Psalms 1874

¹ Kenuhwind gooshah anduhsheyung mashkahwezeyung kedahnahdahmoowahnahnig egewh shuhyahgwewejig, kah dush kedahminwandumeëdezoosemin.

² Kuhkenuh anduhsheyung kegahminwanduhmeähnaun keweeje‐duhnuhkeewamahgunenaun cheöonje‐soongekahbahweïnd emuh ahnuhmeähwining.

³ Pooch ween owh Christ kahween keminwanduhme-edezoose; debishkoo azhebeëgahdag, Oomujje‐guhnoonin-gawinun egewh kahmujje‐guhnoonikig ningepuhgummishkahgoonun.

⁴ Wagoodoogwanun suh enewh kuhyet kahoozhebeegahdagebunan chekekenooähmahgooyung keöonje‐oozhebeëgahdawun, kenuhwind emuh aunwahdanduhmoowining kuhya manoo‐daäshkahgamahguk kechetwah‐oozhebeëgunun cheöondenuhmaung ewh ahpanemoowin.

⁵ Benuh dush owh Kesha‐Muhnedoo mahgewad ewh aunwahdanduhmoowin kuhya ewh menoo‐daäwin kegahenanemegoowah nanahsaub cheënanduhmag, debishkoo ween Christ Jesus:

⁶ E‐ewh suh chepazhekwung ewh kedenanduhmoowinewah kuhya kedoonewah chepeshegandahgooäg Kesha‐Muhnedoo, enewh Wayoosemahjin owh Tabanemenung Jesus Christ.

⁷ Oo‐oo oonje‐oodahpenedeyook, nahsaub egoo kahezheöodahpenenung owh Christ, cheöonje‐peshegandahgooind owh Kesha‐Muhnedoo.

⁸ Nindekid suh, owh Jesus Christ oogeähnookeetuhwaun enewh kakenoowahje‐kishkezhegahzoonejin oonje oodabwawin owh Kesha‐Muhnedoo, chemushkahwesetood enewh wahweendahmahgawinun kahwahweenduhmoowindwah egewh kooseminahbuneeg:

⁹ Kuhya dush mayuggezejig chepeshegandahgooähwaud enewh Kesha‐Muhnedoon ooshahwanjegawin oonje; debishkoo azhebeëgahdag, Me oo‐oo kaöonje‐wahweenduhmoonaun emuh anduhzhe‐ahyahwaud egewh mayuggezejig, kuhya chenuhguhmootuhmaun kedezhenekahzoowin.

¹⁰ Menuhwah dush ekedoo, Oonahnegwanduhmook, kenuhwah mayuggezeyag, mahmahwe oodahnishenahbamun.

¹¹ Menuhwah dush, Wahwezhanemik owh Tabaningad, kuhkenuh kenuhwah mayuggezeyag; kuhya menoo-duhzhemik, kuhkenuh kenuhwah ahnishenahbawedoog.

¹² Menuhwah dush, ekedoo owh Esaias, Tahahyahmahgudene Jesse oodoojeebikemun, kuhya dush owh kapenahgoozid cheöogemahkundahwaud enewh mayuggezenejin; mesuh enewh kaähpanemahwahjin egewh mayuggezejig.

¹³ Ahpakish dush owh Kesha‐Muhnedoo mahgewad ahpanemoowin mooshkenashkoonenag ewh kuhkenuh moojegezewinun kuhya pezaunewawinun emuh dabwayanduhmoowining, chebahtuhyeënuk kedahpanemoowinewah oonje oomushkahwezewin owh Kache‐peenezid Oojechaug.

¹⁴ Neen dush tebenuhwa kedenaneminim, nejekewaedoog, ewh mooshkenashkahgooyag ewh shahwanindewin, kuhya kekanjegawin, kushketooyag dush chekuhgekindeyag.

¹⁵ Pooch, nejekewaëdoog, nahwuj anegook kegemahjebeähmoonenim, chemequanduhmooënuhgoog, oonje ewh shahwandahgoozewin kahmeezhid owh Kesha‐Muhnedoo.

¹⁶ Cheöobuhmeetahgunemid owh Jesus Christ chekuhgekemugwah egewh mayuggezejig, debahdooduhmaun ewh oominwahjemoowin owh Kesha‐Muhnedoo, cheöonje-menoo‐oodahpenindwah egewh mayuggezejig pagedenindjig emuh oobuhmeetahgawining, kepeeneëgoowaud enewh Keche‐Oojechaugwun.

¹⁷ Nindahyaun suh ewh kaöonje‐kechetwahwanemooyaunbaun oonje owh Jesus Christ enewh oonje uhyeëen dabandungin owh Kesha‐Muhnedoo.

¹⁸ Kah muh nekushketoose cheduhzhinduhmaun oonoo uhyeëen kahahnookeesig owh Christ cheëzhechegayaun, cheöonje‐bezinduhmoowaud egewh mayuggezejig emuh ekedoowining kuhya emuh ezhechegawining.

¹⁹ Oonje enewh keche‐kekenoowahjechegunun kuhya mahmaundahwejegunun, oonje oomushkahwezewining owh Keche‐oojechaug; Jerusaleming kemahjesing, nahnauzh ego Illiricuming, ningewahweenga‐debahdoodaun ewh oominwahjemoowin owh Christ.

²⁰ Aahe, ningewekoojetoon cheëzhedebahdooduhmaun ewh minwahjemoowin, kahween emuh Christ oodezhenekahzoowin kahwahweenjegahdanegebun, koonemah nindahgeöozhega pakahnezid enene kahduhzhemahje‐oozhegapun:

²¹ Debishkoo azhebeëgahdag, Egewh kahdebahjemootuhwahsewindebuneeg oodoonoozoowin oogahwahbundahnahwah: kuhya egewh kahnoonduhsigoog tahnesittootumoog.

²² Mesuh ewh kahkeche‐oondummeëgooyaun wahoodissenuhgoogebun.

²³ Kayahbe ahyaunsewaun kaduhzhe‐kuhgequayaun oomah enuhkuhkayah, kuhya keche‐nunduhwanduhmaun noongoom nebewah dussoo kekenoonoowinun wenaunze-koonuhgoogebun.

²⁴ Nuhmunj uhpe azhahwaunan ewede Spaining, kegahpeöodissinenim: nindenandum emuh chewahbuhmenuhgoog magwah pahbahmahdezeyaun, chemezissekahweyag anepesekuhmaun ewede anuhkayah, kishpin netum ahnahwe tabeganemooyaun weejewenuhgoog.

²⁵ Noongoom dush nindezhah ewede Jerusaleming chemahjetoowugwah egewh anuhmeähjig enewh manazewahjin.

²⁶ Keminwanduhmoog muh egewh Macedoniäing kuhya Achaiaïng ayahjig chemahwundoosetuhmoowahwaud enewh katemahgezenejin anuhmeähnejin ewede Jerusaleming ayahnejin.

²⁷ Kagate keminwanduhmoog; oomuzzenuhahmahwahwaun suh goo. Kishpin muh egewh mayuggezejig kemahdahoonindwah wajechauwandahgwudenegin ooduhyeemewaun, nunduhwandahgoozewug chemeenahwaud enewh uhkeeng duhzhe uhyeëen manazewahjin.

²⁸ Uhpe dush kekezheetooyaun maunduh, kuhya keähtooyaun maunduh meegewawin anduhzhe ahyahwaud, ningahpeëzhah ewede ahyahyag uhneëzhahyaun ewede Spaining.

²⁹ Kagate nepuggukkandaun, uhpe tagwishenaun emuh anduhzhe‐ahyahyag ningahpegegezin kuhkenuh anegookwaug shahwanjegawin anduhgoog emuh oominwahjemoowining owh Christ.

³⁰ Kepahgoosanemenim dush, nejekewaëdoog, oonje owh Tabaningad Jesus Christ, kuhya oonje oosahgeëwawin owh Keche Oojeechaug, cheweedookahweyag anuhmeätuhwagoon owh Kesha‐Muhnedoo kuhnooduhmahweyag;

³¹ Cheguhnuhwanemegooyaun oonje egewh duhyabwayanduhsigoog ewede Judeäïng ayahjig: kuhya egewh anuhmeähjig cheöodahpenuhmoowaud ewh meegewawin wahezheweetooyaun ewede Jerusaleming;

³² Emuh moojegezewining chepeëzhenaunzekoonenuhgoog enanemid Kesha‐Muhnedoo, mahmahwe chemenoo‐aunwabeyung.

³³ Benuh dush owh Kesha‐Muhnedoo mahgewad ewh pezaunewawin kegahweejewegoowah kenuhwah kuhkenuh.