ROMANUN 14 - Ottawa New Testament Penteteuch and Psalms 1874

¹ Oodahpenik owh naneenuhmezid emuh oodabwayanduhmoowining, kahween chekahgwajemag enewh kakandahgoosenoogin kuhgwadwawinun.

² Pazhik muh enandum chepuhgedenuhmoowind chemeejepun ahnooj gagoo; menuhwah pazhik, shuhyahgweewid, oomejinun atuh enewh natuhweeggingin emuh ketegauning.

³ Kahween owh mahjid oogahneeshe‐bahpenooduhwahseen enewh mahjesinegoon; kahween kuhya owh mahjesig oogahmujje‐enanemahseen enewh mahjenejin; Kesha‐Muhnedoo suh oogeöodahpenaun enewh.

⁴ Ahwanan keen tabahkoonuhmahwud pakahnezid enene enewh oobuhmeetahgun? anahsuhmuhbenid tebenuhwa oodoogemaumun tahnebahwe gamuh tahpungeshin. Kagate tahminjemenegahzoo chenebuhwid: Kesha‐Muhnedoo muh ookushketoon chenebuhweäud.

⁵ Pazhik enene ahwahshewa ookechetwahwandaun pazhik kezhegud dush ween ahnind: menuhwah pazhik nahsaub oodenandaunun kuhkenuh kezhegudoon. Mahnoo kuhkenuh enenewug tahezhechegawug azhekekanduhmoowaud emuh tebenuhwa oodenanduhmoowinewaung ewh wanesheshing.

⁶ Owh kachetwahwandung ewh kezhegud, kechetwah-weäud enewh Tabaninganejin wanje‐kechetwahwandung, kuhya owh kachetwahwanduhsig ewh kezhegud, wekechetwahweäud enewh Tabanninganejin wanje‐kechetwahwanduhsig. Owh wahsinid, wekechetwahweäud enewh Tabaninganejin wanje‐wesinid, oomahmooyahwahmaun muh Kesha‐Muhnedoon; owh dush wahsenesig, wekechetwahweäud enewh Tabaninganejin wanje‐wesenesig kuhya oomahmooyahwahmaun enewh Kesha‐Muhnedoon.

⁷ Kah muh ahweyah menik anduhsheyung ween tebenuhwa oonje‐bemahdezese, kuhya kahween ahweyah enene ween tebenuhwa oonje‐neboose.

⁸ Kishpin gooshah bemahdezeyung, kebemahdezetuhwahnaun owh Tabaningad; kishpin dush nebooyung, kenebootahwahnaun owh Tabaningad; kishpin dush bamahdezewungan, gamuh kishpin naboowungan, ketebanemegoonaun owh Tabaningad.

⁹ Me muh kahoonje‐nebood Christ, kuhya kahoonje‐ahbejebaud kuhya nayaub kebemahdeze, chetebanemaud enewh kahneboonejin, kuhya enewh bamahdezenejin.

¹⁰ Wagoonan dush wanje‐tebahkoonud kejekewa? gamuh wagoonan wanje‐neshepahbenoodahwud kejekewa? kuhkenuh suh kenuhwind kegahnebahwemin anahsuhme‐ahyahnig ootebahkoonede‐wuhbewin owh Christ.

¹¹ Oo‐oo muh ezhebeëgahda, Azhebemahdezeyaun, ekedoo owh Tabaningad, kuhkenuh ningahoojecheengwuhnetahgoog, kuhya kuhkenuh enewh oodanenewhemaunun oogahwahweenduhmoowahwaun enewh Kesha‐Muhnedoon.

¹² Kuhkenuh dush kenuhwind anduhsheyung kegahdebahjindezoomin cheweenduhmoowung owh Kesha‐Muhnedoo ewh kahezhewabezeyung.

¹³ Kagoo dush menuhwah wetebahkoonedesedah; maunduh atuh enandundah, kagoo ahweyah enene oogahahtooseen pukkittashinoo‐metik gamuh gagoo kaöonje‐pungeshinenepun enewh wejekewaün.

¹⁴ Nekekandaun, azhepuggukkanduhmoonid owh Tabaningad Jesus Christ, kahween gagoo weenussenoon: kishpin atuh ahweyah weenandung gagoo, tahweenudene ewh.

¹⁵ Kishpin kejekewa maunandung kewesenewin, kahween kebemoosase emuh sahgeëdewining. Kagoo bahnahjeähkan oonje ewh kewesenewin, enewh kahnebootahwahjin owh Christ.

¹⁶ Kagoo dush ween ewh kemenoochegawin tahmujje-duhzhinjegahdasenoon:

¹⁷ Oodoogemahwewin owh Kesha‐Muhnedoo kahween wesenewin kuhya menequawin ahwunsenoon; me atuh quuhyuk‐ezhewabezewin, kuhya pezaunewawin, kuhya moojegezewin emuh Keche‐oojechaugoong.

¹⁸ Owh dush oonoo uhyeëen azhebuhmeetuhwaud enewh Christun ooodoodahpenegoon enewh Kesha‐Muhnedoon, kuhya oominwanemegoon enewh enenewun.

¹⁹ Umba wekoojetoodah enewh uhyeëen pezaunewawining anuhkuhkayah anuhnookeemahgukkin, kuhya enewh uhyeëen kaöonje‐soongekahbahweëdeyung.

²⁰ Kagoo bahnahjetookagoon ewh oodahnookewin owh Kesha‐Muhnedoo wesinewin oonje. Kagate suh peenudoon kuhkenuh wesenewinun; mahnahdudene suh dush owh enene gagoo wahsittahwanindezood wesinid.

²¹ Tahoonesheshin meejesewun weyaus, kuhya menequa-sewun shooweminahboo, gamuh kuhya gagoo kaöonje‐pukkittashing kejekewa, gamuh wuhsittahwandung, gamuh kanuhneepenezeëgood.

²² Kedahyaun nuh dabwayanduhmoowin? keen tebenuhwa ahyaun anahsuhmuhbid Kesha‐Muhnedoo. Shahwandahgooze suh owh kawuhsittahwanindezoosig ewh uhyeëe andoodung.

²³ Owh dush nindahahgoonwatum anandung tahnahneboomah kishpin wesinid, kah muh dabwayanduhmoowining oonje wesinese: wagoodoogwan muh dabwayandumoowining wanjebahmahgussenoogwan mujjeëzhewabud suh.