ROMANUN 12 - Ottawa New Testament Penteteuch and Psalms 1874

¹ Kepahgoosaneminim dush, nejekewaëdoog, oonje ooshahwanjegawining owh Kesha‐Muhnedoo, chepuggedenuhmag keyowewaun debishkoo bamahduk sahsahgewejegawin, pahnuk, kaöodahpenung owh Kesha‐Muhnedoo, mesuh oo‐oo enanduhmoowine kebuhmeetahgawinewah.

² Kagoo ween azhewabuk oomah uhkeeng nahsaub ezhewabezekagoon: quak‐ezhewabezeyook, ewh aunjesing kedenanduhmoowinewaun, chepuggukkanduhmag ewh oodenanduhmoowin owh Kesha‐Muhnedoo ewh wanisheshing, kuhya manwandahgwuk kuhya quayukwandahgwuk.

³ Kedenenim suh kuhkenuh menik anduhsheyag, (shahwandahgoozewin kahmeenegooyaun wanje‐kekedooyaun,) kagoo ahwahshema kechetwahwanindezookagoon dush ween kaënanindezooyagoobun; pezaun‐anduhmook, debishkoo owh Kesha‐Muhnedoo azhemuhmeenaud anduhshenid enenewun ewh dabwayanduhmoowin.

⁴ Azheähyahmung nebewah pukkawezewinun, pazhikwung dush weyowemah, kah dush kuhkenuh enewh pukkawezewinun nahsaub ahnuhnookeemahgussenoon:

⁵ Mesuh dush kuhya goo kenuhwind, ahnoo meshenooyung, pazhikwun weyowemah debandahgoozeyung emuh emuh Christing, kuhya mamashquaud kedebanindemin.

⁶ Papukkaun dush meegewawinun ahyahyung nahsaub anandahgwuk ewh shahwanjegawine‐weedookahgawin kahmahmeenegooyung, kishpin aunwahjegawin, umba aunwahjegadah debishkoo goo menik dabwayanduhmoowin meenegooyung;

⁷ Gamuh buhmeetahgawin, umba duzzhekundah kebuhmeetahgawinenaun: gamuh wah‐owh kakenooahmahgad tahkekenooähmahga;

⁸ Owh kagequad tahkuhgequa; owh mahgewad, mahnoo tahmeegewa emuh quuhyukwanduhmoowining; owh wagemahkundahgad, tahminwaweze; owh shawanjegad emuh minwanduhmoowining tahezheshahwanjega.

⁹ Kahween emuh sahgeëwawining tahduhgoomahgussenoon kuhkenuhwishkewin. Kuhgwahnesugganduhmook ewh mujje‐uhyeëewishewung; minjemenuhmook ewh wanesheshing.

¹⁰ Menoo‐sahgeëdeyook debishkoo kaëzhesahgeëdewahpun wawejekewaïndejig; ahwahshema mamashquaud kechetwahwanindik, dush ween kenuhwah ananindezooyag;

¹¹ Kagoo ketimishkekagoon emuh minwawezewining; kezheetishkahyook emuh kechechaugoowaung; buhmeetuhwik owh Tabaningad;

¹² Menoowahnegwanduhmook emuh ahpanemoowining: soonguhmunduhmook emuh ketemahgezewining zheebanduhmook emuh ahnnhmeähwining;

¹³ Mahmeegewayoog azhemuhnazewaud egewh manoo‐ahnuhmeähjig; shahwanemagwah egewh paundegajig emuh kewegewaumewaung.

¹⁴ Shahwanemik egewh quatuggeënagoog; shahwanjegayook, kagoo dush ween mujje‐guhnoonahkagoon.

¹⁵ Weeje‐moojegezetuhwik egewh mwahjegezejig, kuhya weeje‐muhwemik egewh mawejig.

¹⁶ Nahsaub uhyenanindeyook mamashquad. Kagoo pahbahmandunkagoon kachetwahwandahgwukkin, weedookahwik suh egewh tabussandahgoozejig. Kagoo ween nebwahkah‐wanindezookagoon.

¹⁷ Kagoo ahweyah enene ahzhittah‐mujje‐doodahwahkagoon. Weekoojetooyook enewh wanesheshingin emuh anahsuhmishkinzhegwawaud kuhkenuh enenewug.

¹⁸ Kishpin kashketooyag, menik suh kaëzhekushketooyag, pezaune‐weeje‐bemahdezemik kuhkenuh enenewug.

¹⁹ Kache sahgeëgooyag, kagoo nahnahquekagoon, poonanduhmook nishkahdezewin, oo‐oo muh ezhebeëgahda, Azhittahwahedewin neen nindebandaun; ningahtebahahmahga, ekedoo owh Jehovah.

²⁰ Kishpin suh dush puhkuddad owh shaunganemik, ahshum, kishpin kishkahbahgwad, meenuhowh, oo‐oo muh azhechegayun kegahookwissittoonun iskoota‐uhkuhkunzhan emuh oogijuhyeëe ooshtequauning.

²¹ Kagoo ween ewh mujjeühyeweezh kegahshahgooje-egooseen, shahgoojetoon dush ewh mujje‐uhyeewish emuh menoojegawining.