ROMANUN 11 - Ottawa New Testament Penteteuch and Psalms 1874

¹ Nindekid dush, Oogewabenaun nuh Kesha‐Muhnedoo enewh oodahnishenahbamun? Kah bahpish tahezhewabussenoon. Kuhya neen muh nindIsraelitewh, emuh oomenekauning owh Abraham nindoondahdiz emuh oodoodawezewining owh Benjamin.

² Kahween owh Kesha‐Muhnedoo oogewabenahseen oodahnishenahbamun kezhah kahkekanemahjin. Kah nuh kekekanduhsenahwah ewh akedoomahguk kechetwah‐oozhebeëgawin enahjemind owh Elias? kahezheguhnoonaud enewh Kesha‐Muhnedoon ahnahmemaud enewh Israelun, oo‐oo keëkedood,

³ Tabaningayun, oogenesahwaun enewh kedaunwahjega‐wenenemun, kuhya oogebahnahjetoonahwah kesahsahgewejegunahbikoon, neen dush atuh nindishkoonegoo, kuhya oonundahwandahnahwah cheneshewaud.

⁴ Ahneen dush kahezhenuhquatahgood enewh Kesha‐Muhnedoon? Ningeguhnuhwanduhmahzoonug neezhwahswe duhsoo metauswauk enenewug, kahoojecheengwuhnetahwahsigoog enewh Baalun.

⁵ Me suh kuhya noongoom azhewabuk, ishkoonahwug egewh kahoonahbuhmindjig emuh shahwanjegawining.

⁶ Kishpin dush emuh shahwanjegawining, kahween kayahbe ahnookeewining oonjeemahgussenoon: kishpin dush oo‐oo ezheähyahsenoogebun kahween kayahbe shahwanjegawin shahwanjegawin tahgeähwunsenoon. Kishpin dush emuh ahnookeewining, kahween kayahbe shahwanjegawining oonjeemahgussenoon; kishpin dush oo‐oo ezheahyahsenoogebun kahween ahnookeewin ahnookeewin tahgeähwunsenoon.

⁷ Ahneen dush? Kahween Israel oogeöodahpenunseen ewh nanduhwandung; egewh atuh kahwuhwanahbuhmindjig oogeöodahpenahnahwah, kuhya dush kuhkenuh pakahnezejig kekuhkepeengwaähwug.

⁸ (Debishkoo azheheëgahdag, Kesha‐Muhnedoo oogepuggeduhnuhmoowaun nebahwine oojechaugoomah, ooshkinzhegoomahnun ewh chewahbesigwah, kuhya ootahwuggahmaunun chenoonduhsigwah;) nahnauzh egoo noongoom kezheguk.

⁹ David dush ekedoo, Nungwahgunayaubeeng kuhya tussoonahguning, kuhya pukkittashinowining, kuhya tebahahmahgoowining tahezheähyahneooduhdoopoowinewah:

¹⁰ Mahnoo ooshkinzhegoowaun tahkuhkepeengwamah-gudenewun chewahbesigwah, kuhya chenuhwagahbahwewaud moonzhug.

¹¹ Nindekid suh dush, Kepukkittashinoog nuh cheähpeche‐pungeshinoowaud? Kah bahpish tahezhewabussenoon: wenuhwah dush kepungeshinoowaud oonjeöodissegoowaud egewh mayuggezejig ewh bemahjeëgoowin cheoonje‐keshahwanjegaïndwah.

¹² Kishpin dush wenuhwah kepungeshinoowaud oonje wahnuhdezewaud egewh akeewejig, kuhya noondaush ahpeetandahgoozewaud oonje wahnuhdezewaud egewh mayuggezejig kah nuh ween ahwahshema ookeche‐ahpeetandahgoozewinewah tahoonjeezhewabussenoon?

¹³ Keguhnoonenim kenuhwah mayuggezeyag nindow muh oodahpostleëmewah egewh mayuggezejig, nekechetwahwetoon nindahnookewin:

¹⁴ Koonemah nindahwekoojeoombeäug egewh anuhwamugig, chebemahjeügwah ahnind.

¹⁵ Kishpin wenuhwah kewabenindwah oonje shahwandahgoozewaud egewh akeewejig, ahneen kaëzhewabuk keoodahpenindwah, mesuh ewh ahbejebahwin oonje neboowining?

¹⁶ Kishpin ewh natumemeenewungin peenuk, kuhkenuh andussing tahpeenud: kuhya kishpin ewh oojeebik peenuk, me kuhya enewh wuhtikwaunun.

¹⁷ Kishpin dush ahnind wuhtikwaunun kepoogoobejedahdag, kuhya keen ahnoo pagwuje‐metigooweyunbun, ketuhgoo‐ahjegahzooyun, kuhya mahmahwe keöodahpenuhmun ewh azheöojebikahwid kuhya azhepemetawid owh metig;

¹⁸ Kagoo muhmequahnuhdezookan duhzhinduhmun enewh wuhtikwaunun. Kishpin dush muhmequahnuhdezooyun, kahween kenetahweegetooseen oojeebik, oojeebik kenetahweegeëgoon.

¹⁹ Kegahekid dush, Kepoogoobejegahdanoon enewh wuhtikwaunun, neen chetuhgoo‐ahchegahzooyaun.

²⁰ Ahneengwuhnah; kedabwayanduhsigwah kahoonje-pookoobenindwah, keen dush dabwayanduhmun wanje soongekahbahweyun. Kagoo kechetwahwanindezookan, sagezin suh goo:

²¹ Kishpin Kesha‐Muhnedoo kebahnahjeäud enewh wanjedah wuhtikwaunun, koonemah kedahbahnahjeëgoowah kuhya kenuhwah.

²² Tebahbundun dush ooshahwanjegawin kuhya ookootahmegoozewin owh Kesha‐Muhnedoo: azhekootahmegoozid enuhkuhkayah egewh kahpungeshingig; azheshahwanjegad dush keen enuhkuhkayah, kishpin minjemanduhmun ooshahwanjegawin; kishpin dush ezhewabezesewun kuhya keen kegahpukka‐wabenegoo.

²³ Kuhya egewh, kishpin poonetoowaud oodahgoonwatuhmoowinewah, tahduhgoo‐ahchegahzoowug: ookushketoon muh owh Kesha‐Muhnedoo nayaub chetuhgoo‐ahsaud.

²⁴ Kishpin keen dabandahgoozeyunbun emuh puhgwuje‐metigoong, keäunj‐ahjegahzooyun emuh menoo‐metigoong emuh debandahgoozesewunbun: kah nuh ween ahwahshema tahezhewabussenoon, egewh dabandahgoozebuneeg emuh menoo‐metigoong nayaub chetuhgoo‐ahsindwah emuh tebenuhwa oometigoomewaung?

²⁵ Kah muh neminwanduhse, nejekewaëdoog, chekekanduhsewag maunduh muhmuhkauj kekanjegawin, (cheoonje‐nebwahkahwanemoosewag,) punge kuhkepeengwawin oodoodissegoonahwah egewh Israelitug, nahnauzh peendegawaud kuhkenuh egewh mayuggezejig.

²⁶ Me dush kabemahjeïndwah kuhkenuh emuh Israeling dabandahgoozejig: debishkoo azhebeëgahdag, Emuh Zioning tahpeöonjebah owh kabemahjeëwad, cheëkoonuhmoowaud enewh Jacobun oomujjeëzhewabezewinene:

²⁷ Me muh maunduh nekekindewin kaöozhetoomahwugwah, uhpe ekoonuhmoowugwah oomujje‐ezhewabezewinewaun.

²⁸ Emuh minwahjemoowining, sheenganemahwug kenuhwah oonje: wahwanahbunduhmoowining, sahgeähwug oosewahbuneen oonje.

²⁹ Emuh muh oomeegewawining kuhya oowuhwanah-bunjegawining owh Kesha‐Muhnedoo kahween duhgoosenoon ewh ahnezheetuhmoowin.

³⁰ Debishkoo muh kenuhwah kuhyet dabwayanemahsewagoobun owh Kesha‐Muhnedoo, noongoom dush shahwandahgoozeyag wenuhwah dabwayanduhsigwah oonje:

³¹ Mesuh kuhya wenuhwah kedabwayanduhsigwah, kenuhwah keshahwandahgoozewinewah cheöonjeshahwandahgoozewaud.

³² Kesha‐Muhnedoo muh oogekebahquahaun kuhkenuh emuh ahgoonwatuhmoowining, cheöonjeshahwanemaud kuhkenuh.

³³ Oh aqueenduhmahnig oenebwahkahwin kuhya ookekanjegawin owh Kesha‐Muhnedoo! tuhyakekanjegahdasenoonig ootebahkoonegawinun, kuhya oomeekunun kahween ahweyah oogahtamekunsenun!

³⁴ Ahwanan owh kahtakekandung oodenanduhmoowin owh Tabaningad? ahwananun dush kahkuhgeekemegoojin?

³⁵ Ahwanan dush netum kahmeenaud, nayaub dush tahtebahahmahwah?

³⁶ Ween muh kahoozhetood, ganuhwandung, kuhya dabandung kuhkenuh ahnooj gagoo: me suh ween chekeche‐peshegandahgoozid kahgenig. Amen.