ROMANUN 10 - Ottawa New Testament Penteteuch and Psalms 1874

¹ Nejekewaëdoog, ninkeche‐nundahwandum emuh nindaïng kuhya nindezheähnuhmeätuhwah Kesha‐Muhnedoo guhnooduhmoowug owh Israel, cheöonje‐bemahjeïndwah.

² Nindebahjemaug anewak aunwahjewug nundahwanemahwaud enewh Kesha‐Muhnedoon, kahween dush debishkoo puhgukkanjegawining.

³ Kekanduhsigwah muh Kesha‐Muhnedoo ooquuhyuk‐ezhewabezewin, pahbahahnookeewug cheühyeenjesetoowaud tebenuhwa ooquuhyuk‐ezhewabezewinewaun kahween kepuggedenedezoosewug emuh ooquuhyuk‐ezhewabezewining owh Kesha‐Muhnedoo.

⁴ Christ muh wuhyaquahahyahnig ewh tebahkoonegawin cheoönje quuhyuk‐ezhewabezeïndwah kuhkenuh duhyabwayandungig,

⁵ Moses muh oodebahdoodaun ewh quuhyuk‐ezhewabezewin emuh tebahkoonegawining anduhgoog, Owh enene andoodung oonoo uhyeëen tahoonje‐bemahdeze suh emuh.

⁶ Ewh dush quuhyuk‐ezhewabezewin emuh oonje dabwayanduhmoowining anduhgoog oo‐oo ekedoomahgud, Kagoo ekedookan emuh kedaïng, Ahwanan kaëzheöombishkaud ewede keche‐kezhegoong? (ewh suh chepenese-wenahpun enewh Christun;)

⁷ Gamuh, Ahwanan ahnahmuhkummig kaëzhaud? (ewh suh, neboowining cheöonje‐nahnaud enewh Christun.)

⁸ Ahneen dush akedoomahguk? Pashoowud ewh ekedoowin emuh anduhzhe‐ahyahyun, emuh kedooning, kuhya emuh kedaïng: me suh, ewh dabwayanduhmoowine‐ekedoowin, pabahdebahdooduhmaung:

⁹ Ewh kishpin wahweenud emuh kedooning owh Tabanemenung Jesus Christ, kuhya dabwayanduhmun emuh kedaïng ewh Kesha‐Muhnedoo keähbejebahaud oonje neboong, kegahbemahjeëgoo.

¹⁰ Mesuh ewh oodaëmah owh enene wanje‐dabwayandung cheöonjequuhyuk‐ezhewabezeïnd; oodoonemah wahweendahmahgamahgud cheöonje‐bemahjeëwang.

¹¹ Ekedoomahgud ewh kechetwah‐oozhebeëgawin, Ahwagwan duhyabwayanemahgwan enewh kahween tahahgujjeähse.

¹² Kah muh pekinnoong enanemahsewug owh Jew kuhya owh Greek: owh muh nahsaub Mahyahmahwe Tabaningad wahnuhdeze cheshahwanemaud kuhkenuh enewh nanaundoomegoojin.

¹³ Ahwagwan muh kanuhnaundoomahgwan Jehovahun tahbemahjeäh.

¹⁴ Ahneen dush kaëzhenuhnaundoomahwaud enewh kahdabwayanemahsewahjin? Ahneen dush kaëzhedabwayanemahwaud kishpin kenoonduhsigwah azhewabezenid? Ahneen dush kaëzhenoonduhmoowahpun, kishpin ahweyah debahjemoosig.

¹⁵ Ahneen dush kaöonje‐debahjemoowaud kishpin ahnoonahsewindwah? Debishkoo azhebeëgahdag, Kagate quuhnaujewunene oosittahwaun egewh pabahdebahdoodungig ewh pezaunewawine‐minwahjemoowin, egewh pahtoojig wanesheshing debahjemoowin!

¹⁶ Kah suh kuhkenuh oogebezinduhsenahwah ewh minwahjemoowin. Ekedoo muh Ezaias, Tabaningayun, ahwanan kahdabwayandung nindebahjemoowinenaun?

¹⁷ Me dush ewh dabwayanduhmoowin wanjeemahguk emuh noonduhmoowining, kuhya ewh noonduhmoowin wanjeemahguk emuh Kesha‐Muhnedoo oodekedoowining.

¹⁸ Nindekid suh dush, Kah nuh ween kenoondahgasewug? Aahe, kagate, oodinwawinewah mezewa uhkeeng ketabishkahne, kuhya oodekedoowinewah nahnauzh egoo ewede wuhyaquahkummegaug oo‐oo uhkee.

¹⁹ Nindekid suh goo, Kah nuh ween owh Israel kekekanduhse? Netum Moses ekedoo, Kegahnuhnishkahje-enenim chekeshahwanjegashkeyag oonje egewh ahyahnishenahbawesigoog, kuhya oonje egewh kakebahdezejig ahnishenahbag, kegahoonjenishkeënim.

²⁰ Keche‐nejeweze owh Esaias, oo‐oo dush ekedood, Ningemekahgoog egewh kahnundahwahbuhmesigoog; kuhya ningepuhgukkanemegoog egewh kahnunduhwanemesigoog.

²¹ Oo‐oo dush oodenaun enewh Israëlun, Kuhpa kezhik ningeshebenekatahwaug egewh kagaunzetungig kuhya ahyahgoonwatungig ahnishenahbag.