REVELATION 9 - Ottawa New Testament Penteteuch and Psalms 1874

¹ Akoo‐nahnunewaud dush angen kepootahjega, kuhya ningewahbuhmah pazhik ahnung kezhegoong oonje pungeshing emuh uhkeeng kepuhgumme‐bezood: kemeenah dush ewh ahbahpahkuhegun wahyaquahyahsenook wahnekaun ahbahpekuhegahdag.

² Oogenesahkoonaun dush ewh wahyaquahyahsenook wahnekaun; medush keöonje‐oombahbuttag emuh wahnekauning debishkoo azhepuhquanag keche‐ningahpekezegun; kuhya dush ketebikahbuhmenahgooze kezis, kuhya kezhik oonje kepuhquanag keche‐wahnekaun.

³ Magwa dush puhquanag keöonjewug keche‐puhpuhkinnag uhkeeng kepeëzhahwug: kemeenahwug dush ewh kushkeäwezewin, debishkoo azhekushkeäwezewaud egewh ookaude‐kenabigoog uhkeeng ayahjig.

⁴ Keënahwug dush chebahnahjetoosigwah uhkeeng wanjegingin mezhushk, kuhya gagoo wazahwushkuk, kuhya ahweyah metikoon, chebahnahjeähwaud atuh enewh enenewun kakenoowahjechegahzoosenegoon ewh oodahkookuhwuhsegun Kesha‐Muhnedoo emuh ookuttikooning.

⁵ Kahween kemeenahsewug chetanesahwaud, naunoo‐kezis atuh chekoodugeïndwah; keëzhekooduggeëwawug debishkoo owh ookaude‐kenabig azhekooduggeëwad uhpe pakittawahjin enenewun.

⁶ Uhpe dush oonoo kezhegudoon enenewug oogahnundoonaähnahwah ewh neboowin, kah dush oogahmekunsenahwah, oogahnunduhwandahnahwah cheneboowaud oogahoozhemegoonahwah dush ewh neboowin.

⁷ Egewh dush puhpuhkinnag keëzhenahgoozewug debishkoo egewh papazhegookunzheeg kazheetahjig chemegahding; emuh dush ooshtequaunewaung oogeähyahnahwah oogemah‐wewuhquaunun debishkoo oozahwah‐shooneäung, eneneeng dush keënuhdangwywug.

⁸ Equa oomenesiseeng keëzhenahgwudenewun oomenesissewaun, kuhya mezhebezhe‐webittaung keëzhenahgwuddenewun webittahwaun.

⁹ Tahnahsug pewahbekoo pahkahahquaunun oogeähyoonahwah emuh ookahkuhgunewaung, debishkoo anwawamahguk tetebetahbaunun nebewah papazhegookunzheeg uhpe apuhedewahjin emuh anduhzhe‐megahding kemuhtwayaungasawug.

¹⁰ Ookaude‐kenabigoog oozoowahwaun keëzhenahgwudenewun oozoowahwaun, kuhya keähtanewun enewh shemahgunun emuh oozoowahwaung; kekushkeäwezewug dush mujje‐doodahwahwaud enewh enenewun nahnoo‐kezis.

¹¹ Oogeähyahwahwaun dush enewh keche‐oogemaun, mesuh owh wahyaquaundemahsenook wahnekauning duhzhe angen, Abaddon azhenekahzood emuh Hebrew inwawining, emuh dush Greek inwawining Apollyon ezhenekahsoo.

¹² Pazhik ahnemezewin ahzhuh keïshquahsamahgud; benuh dush neezh ahnemezewinun kayahbe tahtuhgwishenoomahgudoon.

¹³ Akoo‐ningoodahchewaud angen kepootahjega, kuhya ningenoondaun inwawin oonje newoo‐dashkunayaug ewh oozahwah‐shooneäh‐sahsahgewejegun‐ahbik anahsuhmid Kesha‐Muhnedoo atag,

¹⁴ Keguhnoonah dush owh pazhik angen takoonung ewh pootahjegun, Ahbowh egewh newin angenug kabahquahegahzoojig emuh keche‐seebeeng Euphrates.

¹⁵ Keähbahahwug dush egewh newin angenug kahkezheetahjig ningoo‐tebahegun kuhya ningoo‐kezhik kuhya ningoo‐kezis kuhya ningoo‐kekenoonoowin, chenesahwaud gagah ahbetah enewh enenewun.

¹⁶ Pamoomegoojig shemahgunishug neezhwauk duhshing keche‐metauswauk keduhshewug; kuhya ningenoondum anduhshewaud egewh.

¹⁷ Emuh dush enahbunduhmoowining ningewahbuhmaug papazhegookunzheeg kuhya egewh pamoomegoojig, keäyoowaud emuh ookahkegunewaung enewh pahkahahquaunun ishkootang wanje‐oozhechegahdagin kuhya Jacinthing kuhya wazahwushkookunag mushkeke. Ooshtequaunewaun dush egewh papazhegookunzheeg, mezhebeshe-ooshtequauning keëzhenahgwuddenewun; kuhya emuh oodoonewaung kepeöonjesinene ewh ishkoota kuhya butta kuhya wazahwushkookunag mushkeke.

¹⁸ Oogoo dush nasejig oogenesahwaun gagah ahbetah enewh enenewun keähyoowaud ishkooda kuhya ewh butta, kuhya wazahwushkookenag mushkeke, kahoombahbuttag emuh oonje oodoonewaung,

¹⁹ Oomushkahwezewinewah muh dahgoomahgudene emuh oodoonewaung, kuhya emuh oozoowahwaung; kenabigoong muh keëzhenahgwudenewun oozoowahwaun, kuhya keöoshetequaunewunenewun oozoowahwaun, mesuh enewh ayoowahjin mujje‐doodahgawaud.

²⁰ Kuhya ahnind egewh enenewug kahnesegoosigoog enewh kooduggetoowinun kahween keäunuhwanindezoosewug oonje enewh oodahnookeewinewah ooneenjeewaung kahenuhnookeewaud, cheöojecheengwuhnetahwahsigwah enewh mujje‐muhnedoon kuhya oozahwah‐shooneäh, kuhya oozahwahbikoo, kuhya ahsine, kuhya metigoo‐muzzeneneen; enewh kashketoosenegoon chewahbenid, gamuh chenoonduhmenid gamuh chebemoosanid:

²¹ Kah kuhya keäunuhwanindezoosewug ooneshewawinewaun, oomujje‐mushkekekawinewaun, kuhya oopeshegwahdezewinewaun, kuhya enewh ookeemoodewinewaun.