REVELATION 7 - Ottawa New Testament Penteteuch and Psalms 1874

¹ Kahishquah‐ahyaug oonoo ningewahbuhmaug newin angenug nebahwewaud emuh newing anuhkuhkayah wandahnemuk oomah uhkeeng, minjemenuhmoowaud ewh noodin newing wandahnemuk oomah uhkeeng, cheöonje‐noodinsenook emuh uhkeeng, gamuh kechegummeeng, gamuh emuh kuhnuhga ahweyah metigoong.

² Ningewahbuhmah dush menuhwah pazhik angen wahbuhnoong kepeöonjeed ayaud oodahkookeewuhsegun Bamahdezid Kesha‐Muhnedoo: anegook edush oogepepahgemaun enewh newin angenun kahmeeneminjin chebahnahjetoonid ewh uhkee kuhya ewh kechegummee,

³ Oo‐oo keëkedood, Kagoo bahnahjetookagoon ewh uhkee, gamuh kuhya ewh kechegummee, gamuh egewh metigoog, nahnauzh kekekenoowahjeüngwah oobuhmeetahgunun, Kekesha‐Muhnedoomenaun emuh ookutikoowaung.

⁴ Kuhya ningenoondaun anduhshewaud egewh kahkenooowahjeïndig: kekekenoowahjeähwug suh ningoodwauk‐ahshe‐nemeduhnuh ahshe newing metauswauk bamahdezejig ahnooj azheweezoonid oonejahnesun Israel.

⁵ Egewh Juda azheweenzoojig, metauswe ahshe neezhing metauswauk kekekenoowahjeähwug, Egewh dush Reuben azheweenzoojig, metauswe ahshe neezhing metauswauk kekekenoowahjeähwug. Egewh dush Gad azheweenzoojig, metauswe ahshe neezhing metauswauk kekekenoowahjeähwug.

⁶ Aser azheweenzoojig, metauswe ahshe neezhing metauswauk kekekenoowahjeähwug. Nepthalim azheweenzoojig, metauswe ahshe neezhing metauswauk kekekenoowahjeähwug. Manasseh azheweenzoojig, metauswe ahshe neezhing metauswauk kekekenoowahjeähwug.

⁷ Simeon azheweenzoojig, metauswe ahshe neezhing metauswauk kekekenoowahjeähwug. Levi azheweenzoojig, metauswe ahshe neezhing metauswauk kekekenoowahjeähwug. Issachar azheweenzoojig metauswe ahshe neezhing metauswauk kekekenoowahjeähwug.

⁸ Zabulon azheweenzoojig metauswe ahshe neezhing metauswauk kekekenoowahjeähwug. Joseph azheweenzoojig metauswe ahshe neezhing metauswauk kekekenoowahjeähwug. Benjamin azheweenzoojig metauswe ahshe neezhing metauswauk kekekenoowahjeähwug.

⁹ Kahishquah‐ezhewabuk oo‐oo ningeënaub, benuh dush keche‐nebewah mahyahmahwenoojig, ahweyah kakushketoosegebun chetaühgemaud, ahnooj azheweenzojig, kuhya pakaunezejig ahnishenahbag, kuhya ahnooj anwajig bamahdezejig kenebahwewug anahsuhme‐ahyahnig ewh oogemah‐wuhbewin, kuhya anahsuhmid Mahnishtahnisheens, kewahbishke‐koonuhyawaud, kuhya ketuhkoonahmoowaud palm‐minahgahwunzhe‐wuhtikwaunsun;

¹⁰ Anegook dush kepepahgewug, oo‐oo keëkedoowaud, Bemahjeëwa suh Kekesha‐Muhnedoomenaun oogemah‐wuhbewining namuhbuhbid, kuhya Mahnishtahnisheens.

¹¹ Kuhkenuh dush egewh angenug kenebahwewug kewetuhyeëe emuh atag ewh oogemah‐wuhbewin, kuhya keähyahwaud egewh katezejig kuhya egewh newin ahwaseeyug, kuhya kekahwesawug anahsuhme‐ahyahnig ewh oogemah‐wuhbewin, keshahgushketahwahwaud Kesha‐Muhnedoon.

¹² Oo‐oo dush keëkedoowaud Amen: Shahwandahgoozewin, kuhya peshegandahgoozewin, kuhya nebwahkahwin kuhya mahwooyahwawin, kuhya kechetwahwandahgoozewin, kuhya kushkeäwezewin, kuhya mushkahwezewin oogahahyaunun Kekesha‐Muhnedoomenaun kahgenig kuhya kahgenig. Amen.

¹³ Pazhik dush egewh katezejig kenuhquatum, oo‐oo keëzhid, Ahwananug oogoo wuhyahbishke‐koonuhyajig? ahneende dush wanjebahwaud?

¹⁴ Oo‐oo dush ningeënah, Nindoogemaum, keen kekekandaun, Oo‐oo dush ningeïk, Mesuh oogoo ahyahwejig emuh keche‐kooduggetoowining kahoonje‐sahgahungig, kuhya kahkesebegenungig enewh oodahgwewinewaun, kuhya kewahbishkegetoowaud emuh oomisqueeming Mahnishtahnisheens.

¹⁵ Mesuh wanje‐ahyahwaud anahsuhme‐ahyahnig oodoogemah‐wuhbewin Kesha‐Muhnedoo, kuhya buhmeetahwahwaud kahzhegudenegin kuhya tabekudenegin emuh ookeche‐ahnuhmeä‐weguhmigoong, owh dush namuhduhbid emuh oogemah‐wuhbewining oogahweeje‐dahmaun enewh.

¹⁶ Kah dush menuhwah tahpuhkuddasewug, kah kuhya tahkishkahbahgwasewug, kah dush oogahwesuggahkezegoosewaun enewh kezisoon, kah kuhya gagoo kezhahtawin.

¹⁷ Mahnishtahnisheens muh ayaud nahwuhyeëe oogemah‐wuhbewining oogahahshummaun enewh, kuhya oogahezhesuhgahbegenaun emuh mwahkejewunenig bemahdezewine nebee; kuhya Kesha‐Muhnedoo oogahwahweenga-pangooshkinzhegwaäun.