REVELATION 6 - Ottawa New Testament Penteteuch and Psalms 1874

¹ Ningewahbundaun dush uhpe Mahnishtahnisheens kahpahkenung pazhik ahkookeewuhsegun, kuhya ningenoondahwah pazhik egewh newin ahwaseeyug keïnwad debishkoo anwad ahnemikee oo‐oo keëkedood, Oondahshaun pewahbundun.

² Ningeënaub dush, benuh dush, ningewahbuhmah wuhyahbishkezid papazhegookunzhe: kuhya owh pamoomegood oogetuhkoonaun enewh metikwahbeen; kuhya oogemah‐wewuhquaun kemeenah: kesahguhum dush mahmahzheëwad, kuhya kayahbe wemahmauzheëwad.

³ Uhpe dush kahpahkinung menuhwah pazhik ahkookeewussegun, ningenoonduhwah menuhwah pazhik ahwasee oo‐oo ekedood, Oondahshaun kuhya pewahbundun.

⁴ Keühnesahguhum dush menuhwah pazhik papazhegookunzhe maskoozid: kuhya owh pamoomegood kemeenah kushkeäwezewin cheëkoonung pezaunezewin oonje oomah uhkeeng, chenesedewaud oomah uhkeeng ayahjig: kemeenah dush keche‐ahzhahwashk.

⁵ Uhpe dush kahpahkenung akoo nesing ahkookeewuhsegun ningenoondahwah menuhwah pazhik ahwasee oo‐oo cheëkedood. Oondahshaun kuhya pewahbundun. Ningeënaub dush, benuh dush ningewahbuhmah makuddawezid papazhegookunzhe, kuhya owh pamoomegood oogetuhkoonaun ewh tebahbishkoojegun.

⁶ Ningenoondaun ewh inwawin nahwuhyeëeng ahyahwaud egewh newin ahwaseeyug, oo‐oo ekedoomahguk, Ningoo‐tebahegauns enewh buhquazhegunushkoon pazhik shooneäuns tahenuhginda, kuhya nesoo tebahegaunsun barley pazhik shooneäuns tahenuhginda; kagoo dush bahnahjetookan ewh pemeta kuhya ewh shoowemin‐ahboo.

⁷ Uhpe dush kahpahkenung akoo newing ahkookuhwussegun, ningenoodaun oodinwawin menuhwah pazhik ahwasee oo‐oo ekedood, Oondahshaun kuhya pewahbundun.

⁸ Ningeënaub dush, kuhya ningewahbuhmah wazahwezid papazhegookunzhe, Neboowin dush keëzhenekahzoo owh pamoomegood, kuhya oogenoopenuhnegoon enewh ahnahmuhkummig ayahnejin: kemeenahwug dush ahnind ewh uhkee cheneshewawaud ahyoowaud ahzhahwashk, kuhya puhkuddawin kuhya ewh neboowin, kuhya enewh uhkeeng duhzhe ahwaseeyun.

⁹ Uhpe dush kahpahkenung akoo nahning ahkookeewussegun, ningewahbuhmaug emuh ahnahmuhyeëe sahsahgewejegun‐ahbikoong enewh oojechaugoowaun egewh kahnesindjig oonje oodekedoowin Kesha‐Muhnedoo kuhya oonje ewh debahjemoowin kahminjemenuhmoowaud.

¹⁰ Anegook dush kepepahgewug, oo‐oo keëkedoowaud. Ahneen menik Oh Tabaningayan, Pahnezeyun, kuhya Duhyabwayun, kapwahtebahkoonegayun kuhya kapwahnuhnahqueyun oonje keöonjegahtuhmahweyungidwah nemisqueemenaun egewh anduhnuhkeejig emuh uhkeeng.

¹¹ Wahbishke‐puhpeensekowahgunun kemeenahwug kuhkenuh anduhshewaud; keënahwug dush cheäunwabewaud kayahbe punge, nahnauzh nesemind kuhkenuh wejebahmeetahgunewaun kuhya wejekewaëwaun wahnesemindjin debishkoo wenuhwah kahezhenesindwah.

¹² Ningeënaub edush uhpe kahpahkenung ewh akoo ningoodwahching ahkookeewuhsegun, benuh dush kekeche‐cheengwakummegah; kuhya kemuhkuhdawahbekeze owh kezis debishkoo mushkemoodegining ahwasee oopewying wanje‐oozhechegahdag, kuhya misqueeng kezhenahgooze tebike‐kezis.

¹³ Uhkeeng dush keëzheüngeshinoog egewh kezhegoong duhzhe ahnungoog debishkoo azhepungeshinoowaud egewh atissoosegoog figoominug emuh oonje figoominahgahwunzheeng uhpe mamahdahshejin oonje kache‐nootinenig.

¹⁴ Kuhya ewh kezhik kemahjahmahgud debishkoo muzzenuhëgun tatebishkaugin; kuhya kuhkenuh enewh wahjewun, kuhya enewh menisun ningooche keëzhemahjewe-jegahdanoon.

¹⁵ Kuhya egewh uhkeeng duhzhe keche‐oogemaug kuhya egewh kache‐ahpeetandahgoozejig enenewug, kuhya egewh kachetwahwezejig, kuhya keche‐menesenoo‐oogemaug, kuhya mashkahwezejig enenewug, kuhya kuhkenuh egewh ahwahkaunewindjig, kuhya egewh dabanindezoojig, kekahzoowug emuh wahweembahbikauning kuhya wahjewing duhzhe ahzhebikoong;

¹⁶ Oo‐oo dush oogeëdahnahwah enewh wahjewun kuhya enewh ahzhebikoon, Nungwaheshenaum, kuhya kahzheshenaum chewahbuhmesewungid owh namuhduhbid emuh oogemah‐wuhbewining, kuhya owh nashkanemeyummingid Mahnishtahnisheens:

¹⁷ Zhuhyegwah muh debishkooswun oonishkahdezewinekezhegudoom; ahwanan dush kakushketood chenebahwid?