REVELATION 5 - Ottawa New Testament Penteteuch and Psalms 1874

¹ Kuhya ningewahbundaun emuh ookeche‐neenjeeng owh namuhduhbid emuh oogemah‐wuhbewining muzzenuhegun wazhebeëgahdag emuh peenjuhyeëe kuhya emuh ahgwahjuhyeëe, neezhwahjeeng dush keähkookeewuhse-chegahda.

² Kuhya ningewahbuhmah pazhik mashkahwezid angen oo‐oo ezhekeche‐pepahgid, Ahwanan apeetandahgoozid chepahkahkinung oo‐oo muzzenuhegun, kuhya chebookoopetood enewh ahkookeewussegunun?

³ Kah dush ahweyah keche‐kezhegoong kuhya oomah uhkeeng, kuhya ahnahmuhkummig kekushketoose chepahkahkinung ewh muzzenuhegun, gamuh cheguhnuhwahbundung.

⁴ Ningekeche‐muwh dush oonje kemekahwahsewind ahweyah apeetandahgoozid chepahkahkinung ewh muzzenuhegun, kuhya cheähgindung, kuhya cheguhnuhwahbundung.

⁵ Pazhik dush egewh katezejig oo‐oo nindig, Kagoo muhwekan; benuh gooshah owh Mezhebeshe dabandahgoozid emuh Judaïng, Oodoojeebikemun David, ookushketoon chepahkahkinung ewh muzzenuhegun, kuhya chepookoopetood enewh neezhwahswe ahkookeewussegunun emuh atagin.

⁶ Ningeënaub dush, benuh dush, emuh nahwuhyeëe ewh oogemah‐wuhbewin, kuhya ahyahwaud egewh newin ahwaseeyug, kuhya nahwuhyeëe ahyahwaud egewh katezejig kenebahwe Mahnishtahnisheens nindigo kahnesind, nauzhwahchenid oodashkunun kuhya nauzhwahsenenig ooshkinzhegoon, mesuh egewh neezhwahswe oojechaugwun Kesha‐Muhnedoo azhenahzhahoonjig emuh mezewakummig uhkee.

⁷ Kepeëzhah dush kuhya oogeöodahpenuhmoowaun ewh muzzenuhegun emuh oonje ookeche‐neenjening enewh namuhduhbenejin emuh oogemah‐wuhbewining.

⁸ Uhpe dush kahoodahpenung ewh muzzeneuhegun, egewh newin ahwaseeyug kuhya egewh neezhtuhnuh ahshe newin katezejig kepungeshinoog anahsuhmid Mahnishtahnisheens, kuhkenuh tuhkoonuhmoowaud enewh muhtwawajegunun, kuhya oozahwah‐shooneäh oomoodansun mwaushkenanig enewh menoomahgoojegunun, mesuh enewh oodahnuhmeähwinewaun egewh manoo‐ahnuhmeähjig.

⁹ Ooshke‐nuhguhmoowin dush keënuhuhmoowaud, oo‐oo keëkedoowaud, Kedahpeetandahgooz keen cheöodahpenuhmun ewh muzzenuhegun kuhya chepahkahkenahmun azheähkookeewussechegahdag: kegenesegoo muh, kuhya kegekishpinuhzhemim chedebanemeyummingid Kesha‐Muhnedoo tebenuhwa kemisqueem keähyooyun keöondeneyaung emuh ahyahwaud kuhkenuh ahnooj azheweenzoojig bamahdezejig, kuhya ahnooj anwajig kuhya kuhkenuh ahnishenahbag;

¹⁰ Kuhya kegeëzhemim chekeche‐oogemahwandahgoozeyaung kuhya chesahsahgewejega‐weneneweyaung ahnahsuhmuhbid Nekesha‐Muhnedoomenaun: ningahoogemahwemin suh dush emuh uhkeeng.

¹¹ Ningeënaub edush, kuhya ningenoondaunun oodinwawinewaun nebewah angenug kewetuhyeëe ewh oogemah‐wuhbewin, kuhya egewh ahwaseeyug kuhya egewh katezejig: me dush keduhshewaud metahching metauswauk mametauswauk kuhya metauswauk duhshing metauswauk.

¹² Oo‐oo keëkedoowaud, keche‐pepahgewaud, Ahpeetandahgooze Mahnishtahnisheens kahnesind cheöodahpenung kushkeäwezewin kuhya tebenuhwawezewin kuhya nebwahkahwin, kuhya mushkahwezewin, kuhya kechetwahwezewin, kuhya peshegandahgoozewin, kuhya shahwandahgoozewin.

¹³ Kuhya dush ningenoonduhwaug kuhkenuh bamahdezejig ayahjig ewede keche‐kezhegoong, kuhya uhkeeng kuhya ahnahmuhkummig, kuhya ayahjig oogedebeeg kechegummeeng kuhya kuhkenuh emuh ayahjig oo‐oo ekedoowaud, Mahnoo oogahahyaun shahwandahgoozewin kuhya kechetwahwezewin, kuhya peshegandahgoozewin kuhya kushkeäwezewin, owh namuhduhbid emuh oogemah‐wuhbewining, kuhya owh Mahnishtahnisheens kahgenig kuhya kahgenig.

¹⁴ Egewh dush newin ahwaseeyug keëkedoowug, Amen. Kuhya egewh neezhtuhnuh ahshe newin katezejig kepungeshinoog kuhya oogeöojecheengwuhnetahwahwaun enewh Kahyahgega‐bemahdezenejin.