REVELATION 4 - Ottawa New Testament Penteteuch and Psalms 1874

¹ Kahishquah‐ahyaug oonoo ningeënaub, benuh dush ishquaundam keneesahkoonegahda oonje keche‐kezhegoong: netum dush inwawin kahnoonduhmaun, debishkoo pootahjeguning keïnwawamahguk guhnoonegooyaun; oo‐oo dush keëgooyaun, Oondaus oomah ishpeming peëzhahkun, kegahwahbundahin dush ween nahguj kaezhewabuk.

² Kazhetena ningeähyah emuh oojechaugoomaung: benuh dush, keühchegahda ewh oogemah‐wuhbewin ewede keche‐kezhegoong, pazhik dush kenuhmuhduhbe emuh oogemah‐wuhbewining.

³ Owh dush kahnuhmuhduhbid emuh keëzhenahgooze debishkoo Jaspering kuhya sardine‐ahsineeng; kuhya dush nuhgwahgun kekewetahsin emuh oogemah‐wuhbewining emeralding keëzhenahgwud.

⁴ Kuhya dush emuh kewetuhyeëe oogemah‐wuhbewining keähtanoon neezhtuhnuh ahshe newin oogemah‐wuhbewinun: emuh dush ahgweduhbewining ningewahbuhmaug nishtuhnuh ahshe newin katezejig nuhmuhduhbewaud, wahbishke‐koonuhyawaud, kuhya oogeähyahnahwah emuh ooshtequaunewaung oozahwah‐shooneäh‐oogemah‐wewuhquaunun.

⁵ Emuh dush oogemah‐wuhbewining oonjeemahgudoon enewh wahwahsuhmoowinun kuhya ahnemikeeg kuhya inwawinun: kuhya neezhwahswe wahsuhkoonanjegun‐ahtikoon kepiskunawun anahsuhmesing ewh oogemah‐wuhbewin, mesuh egewh neezhwahswe oojechaugwun Kesha‐Muhnedoo.

⁶ Emuh dush anahsuhmesing oogemah‐wuhbewin keahyahmahgud ewh wahsachegun‐ahbikoo‐kechegumme Chrystaling keëzhenahgwuk: kuhya nahwuhyeëe oogemah‐wuhbewining, kuhya emuh kewetuhyeëe keähyahwug newin ahwaseeyug mazewa‐ooshkinzhegoojig.

⁷ Mezhebesheeng keëzhenahgooze owh netum ahwasee, menuhwah pazhik peshekeensing keëzhenahgooze, menuhwah pazhik eneneeng keëzhenahgwudene oodangwy, menuhwah dush pazhik pabahmesad megezee keëzhenahgooze.

⁸ Kenaningoodwahsoo‐ningwegunawug egewh newin ahwaseeyug, kuhya peenjenuh kemezewa‐ooshkinzegoowug: kah dush aunwabesewug kahzhegudenegin kuhya tabekudenegin, oo‐oo ekedoowaud, Pahnezid, Pahnezid, Pahnezid Tabaningad Kesha‐Muhnedoo Mahyahmahwe Mushkahwezid owh ayahpunkuhya noongoom ayaud kuhya kapetuhgwishing.

⁹ Uhpe dush oogoo ahwaseeyug pashegandahgooähwahjin kuhya kachetwahweähwahjin kuhya muhyahmooyahwahmahwahjin enewh namuhduhbenejin emuh oogemah‐wuhbewining, enewh kuhyahgega‐bemahdezenejin.

¹⁰ Egewh neezhtuhnuh‐ahshe newin katezejig pungishinoog emuh anahsuhmuhbid owh namuhduhbid emuh oogemah‐wuhbewining, kuhyaooshahgushketuhwahwaun enewh kuhyahgega‐bemahdezenejin, kuhya oodahpuggedoonahwah eenewh oodoogemah‐wewuhquaunewaun anahsuhme‐ahyahnig ewh oogemah‐wuhbewin, oo‐oo ekekoowaud.

¹¹ Kedahpeetandahgooz, keen Tabaningayun, cheöodahpenuhmun peshegandahgoozewin kuhya kechetwawandahgoozewin kuhya kushkeäwezewin: keen muh kegeöozhetoonun kuhkenuh uhyeëen, keen minwanduhmun oonje duhgoomahgudoon kuhya keöonje‐oozhechegahdanoon.