REVELATION 3 - Ottawa New Testament Penteteuch and Psalms 1874

¹ Oo‐oo ezhebeühmow owh oodanganemewaun Sardising duhzhe‐ahnuhmeähjig; Oonoo uhyeëen ekedoo owh ayahwaud neezhwahswe oojechaugoomun Kesha‐Muhnedoo, kuhya neezhwahswe ahnungoon; Nekekandaunun enewh kedahnookewinun ewh enanemegooyun chebemahdezeyun, ahnuhween goo nebooyun.

² Ahkahwahbin, kuhya mushkahwesetoon enewh uhyeëen kayahbe atagin, gagah wahneboomahgukkin: kah muh ningemekunsenun enewh keduhnookeewinun, ahpeche cheöonesheshing anahsuhmuhbid Kesha‐Muhnedoo.

³ Mequandun dush oonoo uhyeëen kahoodahpenuhmunin, kuhya kahnoonduhmunin, kuhya minjemandun, kuhya ahnuhwanindezoon. Kishpin dush ahkahwahbesewun, kegahpenaunzekoon debishkoo kamoodishkid, kah dush kegahkekanduhseen apeech kezheguk kabenaunzekoonaun.

⁴ Kedahyaunun punge oonoozoowinun pooch emuh Sardising kahweenetoosigoog enewh oodahgwewinewaun; ningahweedoosamigoog oogoo wahbishke‐koonuhyawaud: me muh apeetandahgoozewaud,

⁵ Owh dush kamahmauzheëwad me suh owh kawahbishke‐koonuhyad, kah dush ningahkuhseebeühmahwahse oodoonoozoowin emuh bemahdezewine‐muzzenuheguning, ningahwahweendaun dush oodezhenekahzoowin anahsuhmid Noos kuhya enewh oodangenemun.

⁶ Owh watuhwugaud, mahnoo oogahbezindaun ewh Keche Oojechaug anaud enewh dabandahgoozenejin emuh ahnuhmeähwining.

⁷ Oo‐oo dush ezhebeühmow oodangenemewaun Philadelphiaïng duhzhe ahnuhmeähjig; oonoo uhyeëen ekedoo owh Pahnezid, owh Duhyabwad, owh ayaung ewh oodahbahpekahegunene Davidun, owh nasahkoonegad, kah dush ahweyah kebahquahegase, kuhya kabahquahegad, kah dush ahweyah nesahkoonegase:

⁸ Nekekandaunun enewh kedahnookeewinun: Benuh, kegenesahkoonuhmoon ewh ishquaundam, kah dush ahweyah ookushketooseen chekebahquahung: punge muh kedahyaun mushkahwezewin, kegeguhnuhwandaun dush nindekedoowin, kah dush kegeähgoonwayanduhseen nindezhenekahzoowin.

⁹ Benuh kegahpuggedenuhmoon egewh debandahgoozejig emuh oodahnuhmeä‐weguhmigoong Satan, Jewyug nindahwemin adezoojig, ahwesigwah, kuhkenuhwishkewaud dush; benuh ningahezheäug chepenaunzekookwah cheöoje‐cheengwuhnetuhmoowaud anahsuhme‐ahyahyun, kuhya chekekanemikwah kesahgeënaun.

¹⁰ Oonje keguhnuhwanduhmun ewh neminwahdanduhmoowine‐ekedoowin, kuhya neen kegahguhnuhwanemin uhpe tagwishenoomahguk kuhgwatebanjegawin, mezewa oomah uhkeeng kaëzhekuhgwatebanemindwah kuhkenuh uhkeeng ayahjig.

¹¹ Benuh wuhyebah ningahtuhgwishin: minjemandun ewh ayahmun, ahweyah chemuhkummegoosik ewh kepukkenahga‐wewuhquaun;

¹² Owh mamauzheëwad ningahpuggedenuhmahwah chesuhkuhahgunewid emuh oodahnuhmeä‐weguhmigoong Nekesha‐Muhnedoom, kah dush wekah menuhwah tahsahguhunse: kuhya ningahoozhebeühmahwah oodoonoozoowin Nekesha‐Muhnedoom, kuhya azhenekahdanig ookecheoodanow Nekesha‐Muhnedoom, mesuh ooshke‐Jerusalem, keche‐kezhegoong wanjebahmahguk ewede anduhzhe‐ahyaud Nekesha‐Muhnedoom: kuhya ningahkekenoowahjeäh nindooshke‐oonoozoowin.

¹³ Owh watuhwugaud, oogahbezindaun ewh Keche‐Oojechaug anaud enewh dabandahgoozenejin emuh ahnuhmeähwining.

¹⁴ Oo‐oo dush ezhebeühmow oodangenemewaun Laodiceäïng duhzhe anuhmeähjig; oonoo uhyeëen ekedoo owh Amen owh ayaungwahmezid kuhya duhyabwad debahjemoo‐wenene, owh wanje‐mahjesing kuhkenuh menik Kesha‐Muhnedoo kahoozhetoojin:

¹⁵ Nekekandaunun kedahnookeewinun, tuhkizzoosewun kuhya kezhizzoosewun: ahpakish tuhkizzooyunbun gamuh kezhizzooyunbun.

¹⁶ Medush oonje‐ahbebeesooyun kuhya dush tuhkizzoosewun gamuh kezhizzoosewun, kegahshishishuhgwahnin oonje nindooning.

¹⁷ Oonje oo‐oo ekedooyun, Newahnuhdiz, kuhya ashkum bahtuhyeënudoon netebenuhwawezewinun, kah dush gagoo nemuhnazeseen; kekanduhsewun dush cheähnemezeyun, kuhya ketemahgezeyun, kuhya kuhkepeengwayun, kuhya pingwuhshahgedeyun:

¹⁸ Kekuhgaunzoomin chekishpenuhtuhweyun oozahwah‐shooneäh kahkuhgwaje‐kekanjegahzood emuh ishkootang, cheöonje‐wahöonje‐pesekoonuhyayun, chewahbunjegahdasenook ewh kepingwahshahgedewin kaöonje‐ahgujje-yunbun; kuhya ahtoon emuh kishkinzhegoong ewh ooshkinzhegoo‐mushkeke, cheöonje‐wahbeyun.

¹⁹ Kuhkenuh egewh suhyahgeügig nenuhneebikemaug kuhya nepuhzhunzhawaug: minwawezin dush ween, kuhya aunuhwanindezoon.

²⁰ Benuh, nenebow emuh ishquaundang, kuhya nepahpahgahkwahega: kishpin ahweyah noondung nindinwawin kuhya nesahkoonung ishquaundam, ningahpeendegahwah suh owh, kuhya ningahweedoopuhmah, kuhya ween egoo ningahweedoopuhmik.

²¹ Owh dush kamahmauzheëwad ningahpuggedenuhmahwah cheweeduhbemid emuh nindoogemah‐wuhbewining, debishkoo kuhya neen kemahmauzheëwayaun, kuhya weeduhbemug Noos emuh oodoogemah‐wuhbewining.

²² Owh watuhwugaud, mahnoo oogahbezindaun ewh Keche‐Oojechaug anaud enewh dabandahgoozenejin emuh ahnuhmeähwining.