REVELATION 21 - Ottawa New Testament Penteteuch and Psalms 1874

¹ Ningewahbundaun dush ooshke‐kezhik kuhya ooshke‐uhkee: netum muh kezhik kuhya netum uhkee kemahjahmahgudoon, kah dush kayahbe keähyahmahgussenoon kechegumme.

² Neen dush John ningewahbundaun kechetwah‐oodanah, ooshke‐Jerusalem keche‐kezhegoong kepeöonje‐neesemahguk, emuh ahyaud Kesha‐Muhnedoo, wawazhechegahdag debishkoo owh nuhaungequa azhesuhsagahwejegahzood chewahbuhmaud oonahbamun.

³ Ningenoondaun dush keche‐inwawin ewede‐keche‐kezhegoong keöonzetahgwuk, oo‐oo keëkedoomahguk, Benuh gooshuh oowegewaum Kesha‐Muhnedoo duhnezemahgud emuh ayahwaud enenewug; oogahweeje‐kuhbashemaun dush enewh, oogahoodahnishenahbamenun dush, ween Kesha‐Muhnedoo tebenuhwa oogahweejewaun, kuhya oogahdooKesha‐Muhnedoomegoon enewh.

⁴ Kesha‐Muhnedoo dush oogahpangooshkinzhegwaäun enewh; kah dush kayahbe tahduhgoomahgussenoon neboowin, kah kuhya kushkandanduhmoowin, kah kuhya muhwewin, kah dush kuhnuhga gagoo wesugganduhmoowin tahduhgoomahgussenoon; kata‐uhyeëen muh keïshquahsanoon.

⁵ Owh dush namuhbuhbid emuh oogemah‐wuhbewining keëkedoo, Benuh, nindaunjetoonun kuhkenuh uhyeëen. Oo‐oo dush ningeïk, Oozhebeün; dabwamahgudoon muh oonoo ekedoowinun.

⁶ Oo‐oo dush ningeïk, Ahzhuh kekezhechegahda. Neen nindow Alpha kuhya Omega mahyahjesing kuhya wuhyaquahsing. Wanepuzh ningahmeenuhah owh kashkebahgwad ewh nebee wanjejewung emuh bemahdezewine mookejewuning.

⁷ Owh mamauzheëwad oogahdebandaunun kuhkenuh uhyeëen; NingahdooKesha‐Muhnedoomik suh owh kuhya neen ningahoogwissenun.

⁸ Egewh dush quatahjejig, kuhya duhyabwayanduhsegoog, kuhya egewh kagwahnesuhgandahgoozejig kuhya egewh nashewajig kuhya egewh pazhigwahdezejig kuhya egewh chahsuhkeejig, kuhya egewh wajecheengwuhnetuhwahjig muzzeneneen, kuhya kuhkenuh kakenuhwishkejig tahdebandahgoozewug emuh wazahwushkookunag ishkoota sahguheguning: mesuh ewh neezhing neboong.

⁹ Ningepenaunzekaug dush pazhik egewh neezhwahswe angenug takoonunjig enewh neezhwahswe oomoodansun mooshkenanig enewh neezhwahsweishquauj kooduggetoowinun, ningeguhnoonik dush oo‐oo keëzhid Oondahshaun, kegahwahbundahin dush owh nahaungequa, Mahnishtahnisheens wewun.

¹⁰ Ningeëzhewenik dush emuh oojechaugoomaung emuh kache‐ishpuhdenaug wahjewing, ningewahbundahik dush ewh kachetwahwandahgwuk oodanah, pahnuk Jerusalem, keche‐kezhegoong peöonje‐neeseemahguk emuh ahyaud Kesha‐Muhnedoo.

¹¹ Ayahmahguk dush oopeshegandahgoozewin Kesha‐Muhnedoo: azhewahsayahzid pazhigandahgoozid ahsin mesuh azhewahsayaug emuh, azhewahsayahzid suh Jasper ahsin, kuhya Crystaling ezhewaushkaähyahmahgud;

¹² Keche kewetahyahbekenegun dush keähta kache‐ishpaug, kemetahchenoon dush ahshe neezh keche‐ishquaundamun; emuh dush keche‐ishquaundaming keähyahwug metauswe ahshe neezh angenug, kuhya ezhenekahzoowinun keöozhebeëgahdanoon emuh, mesuh oodezhenekahzoowinewah egewh metauswe ahshe neezh puhkaun azheweenzoojig Israelitug:

¹³ Wahbunoong anuhkukayah neswe keche‐ishquaundamun; kewadinoong dush neswe keche‐ishquaundamun; shahwuhnoong dush neswe keche‐ishquaundamun; apungeshemook dush neswe keche‐ishquaundamun:

¹⁴ Ahnaum‐kewetuhyahbekenegun dush keähbewug metauswe ahshe neezh keche‐ahsineeg kahoonje‐uhyeenjesing emuh dush enewh ahsineen keöozhebeëgahdanewun oodezhenekahzoowinene enewh metauswe ahshe neezhenejin oodahpostleëmun Mahnishtahnisheens.

¹⁵ Owh dush kahguhnoozhid oogetuhkoonaun ewh oozahwahbikoo‐tebahegun‐ahtig chetebahung keche‐oodanah kuhya enewh keche‐ishquaundamun kuhya ewh kewetuhyahbekenegun,

¹⁶ Ketuhtebishkookeeskahmahgud oodanah, aquahmahguk dush me nahsaub anegookoodayahmahguk; oogetebahaun dush ewh keche‐oodanah tebahegun‐ahtig keähyood, mesuh metauswe ahshe neezhing duhshing metauswauk tebahegaunsun. Aquahmahguk kuhya anegookoodayahmahguk megoo nahsaub menik apeetahmahguk.

¹⁷ Oogetebahaun dush ewh kewetuhyahbekenegun, ningoodwauk ahshe newin duhsoonik, debishkoo azhetebuhegad enene, mesuh owh angen.

¹⁸ Jaspering keöonje‐oozhechegahda ewh kewetuhyahbekenegun; keöozahwah‐shooneähwun ewh oodanah, debishkoo wuhyaushkashkaug wahsachegunahbikoong azhenahgwuk.

¹⁹ Kesuhsagahwejegahzoowug egewh ahsineeg ahnaum kewetuhyahbekenegun kahahyahjig, ahnooj doowug kache‐ahpeetandahgoozejig ahsineeg. Netum ahsin mesuh Jasper; akoo‐neezhewaud dush mesuh Sapphire; akoo‐nesewaud mesuh Chalcedony; akoo‐newewaud, Emerald;

²⁰ Akoo‐nahnunewaud, mesuh Sardonyx; akoo‐ningoodwahchewaud mesuh Sardius; akoo‐neezhwahchewaud mesuh Crysolite; akoo‐nishwahchewaud mesuh Beryl; akoo‐shaunguhchewaud mesuh Topaz; akoo‐metahchewaud, mesuh Crysophrasus, akoo ahshe pazhik, mesuh Jacinth; akoo ahshe‐neezhewaud, mesuh Amethyst.

²¹ Enewh dush metauswe ahshe neezh keche‐ishquaundamun keähwunoon metauswe ahshe neezh pearlun; anduhsing dush keche‐ishquaundamun pazhik keähwun pearl; ewh dush meekun emuh oodanaung kepezheshigoo oozahwah-shooneähwun debishkoo wuhyaushkashkaug wahsachegun-ahbik.

²² Kah dush gagoo ningewahbunduhseen ahnuhmeä‐weguhmig: owh muh Tabaningad Kesha‐Muhnedoo Muhyahmahwe‐mushkahwezid kuhya owh Mahnistahnisheens mesuh egewh ahyahwewaud ewede duhzhe ahnuhmeä‐weguhmig.

²³ Emuh oodanaung kahween kenunduhwanemahse kezis gamuh tebike‐kezis chewahsayaug emuh, ewh muh oopeshegandahgoozewin Kesha‐Muhnedoo mesuh wanjewahsayaug emuh, kuhya Mahnishtahnisheens ewede duhzhe wahsayahzewin ahwe.

²⁴ Egewh dush ahnishenahbag bamahjeïndjig tahbemoosawug emuh magwa‐wahsayahnig; kuhya dush uhkeeng duhzhe keche‐oogemaug oopetoonahwah oopeshegandahgoozewinewah kuhya ookechetwahwezewinewah emuh.

²⁵ Kah dush kuhnuhga tahkebahquahegahdasenoon keche‐ishquaundamun kuhpa kezhik: kah mahween tahtebikussenoon emuh.

²⁶ Oogahpeetoonahwah dush emuh oopeshegandahgoozewinewah kuhya ookechetwahwezewinewah egewh ahnooj‐azheweenzoojig ahnishenahbag.

²⁷ Kah dush kuhnuhga tahpeendegamahgussenoon emuh gagoo wahnuk, kuhya gagoo wanjesing ewh kuhgwahnesuggezewin, gamuh wazhetood ewh kuhkenuhewishkewin: egewh atuh wazhebeöondjig emuh oobemahdezewine muzzenuheguning Mahnishtahnisheens.