REVELATION 20 - Ottawa New Testament Penteteuch and Psalms 1874

¹ Ningewahbuhmah dush pazhik angen keche‐kezhegoong kepeöonjebaud, takoonung ewh ahbahpekuhegun wanje‐kebahquahegahdag ewh wuhyaquaundemahsenook wahnekaun kuhya ewh keche‐ahneka‐pewahbik.

² Oogetuhkoonaun dush enewh keche‐mujje‐kenabigoon, kuhyet kahkenabegoowenejin me suh owh Mujje muhnedoo kuhya Satan azhenekahzood, kuhya oogeminjemahpenaun metauswauk kekenoonoowinun,

³ Kuhya oogeähpuggenaun emuh keche‐wahnekauning ewh wuhyaquaundemahsenook, oogekebahquahwaun dush kuhya oogeähtoon ewh ahkookewussegun emuh ahyahnid, menuhwah chewuhyazhemahsig enewh ahnishenahban nahnaush keïshquahsag enewh metauswauk kekenoonoowinun: keïshquahsanig dush wanebik tahahbahegahzoo.

⁴ Ningewahbundaunun dush enewh oogemah‐wuhbewinun, kuhya ningewahbuhmaug namuhduhbejig emuh, tebahkoonegawin dush kemeenahwug: ningewahbuhmaug dush oojechaugoowaun egewh kahkishkequaöondjig oonje oodebahjemoowin Jesus, kuhya oonje oodekedoowin Kesha‐Muhnedoo, kahoojecheengwunetahwahsegoog enewh ahwaseeün, kuhya enewh oomuzzenenememe, kuhya kahkekenoowahjechegahzoosegoog ookekenoowahjechegunene emuh ookuttikoowaung gamuh emuh ooneenjewaung; oogeweeje-bemahdezemahwaun kuhya oogeweej‐oogemahwemahwaun Christun metauswauk kekenoonoowinun.

⁵ Ahnind dush egewh naboojig kahween nayaub kebemahdezesewug nahnauzh ishquahsanig metauswauk kekenoonoowinun. Mesuh netum ahbejebahwin.

⁶ Shahwandahgooze suh kuhya kechetwahwandahgooze owh kapuggedemuhmahwind chedebandahgoozid emuh natumesing ahbejebahwining; kah suh oogoo neezhing ookushkeëgoosenuhwah neboowin, oosahsahgewejega‐wenenemewaun Kesha‐Muhnedoo kuhya Christ tahahpeetandahgoozewug, oogahweej‐oogemahwemahwaun metauswauk kekekenoonoowinun.

⁷ Uhpe dush keïshquahsag enewh metauswauk kekenoonoowinun, tahahbahegahzoo Satan emuh oonje kaduhzhe‐kebahquahegahzood.

⁸ Oogahahwewuhyazhemaun dush enewh kuhkenuh ahnooj azheweenzoonejin ahnishenahban ayahnejin emuh newing wandahnemuk oomah uhkeeng Gog kuhya Magog, chemahwunjeäud dush emuh kaduhzhe‐megahding: ashenuk ewh nagow emuh ahnahmebeeg atag mesuh kaëshenoowaud egewh.

⁹ Keëzhahwug dush emuh anegookookummegaug uhkee, oogekewetaushkahnahwah dush ookuhbashewinewaun egewh manoo‐ahnuhmeähjig kuhya ewh manwandahgwuk oodanah: keche‐kezhegoong dush keöonjebahmahgudene ishkoota, emuh anduhnuhkeed Kesha‐Muhnedoo, kechahgahkezoowug dush.

¹⁰ Kuhya Mujje‐muhnedoo kahwuhyazhemaud enewh, keähpuggenah emuh wazahwushkookunag ishkoota sahgeëguning, anduhzhe‐ahyaud ahwasee kuhya kakenuhwishkid aunwahjega‐wenene, emuh dush tahduhzhe‐kooduggeähwug kahzhegudenegin kuhya tabekudenegin kahgenig kuhya kahgenig.

¹¹ Ningewahbundaun keche oogemah‐wuhbewin wuhyahbishkaug, kuhya owh kahnuhmuhduhbid emuh, keöozhemoomahguk dush uhkee kuhya kezhik emuh anahsuhmid; kah dush ningooje kemekahjegahdasenoon kaähyahmahgukebun.

¹² Ningewahbuhmaug dush naboojig agahsandahgoozejig kuhya kachetwahwandahgoozejig nebahwewaud anahsuhmid Kesha‐Muhnedoo; kepahkesechegahdanoon dush muzzenuhegunun, menuhwah dush pazhik muzzenuhegun kepahkesechegahda, mesuh ewh bemahdezewine‐muzzenuhegun: ketebahkoonahwug dush egewh naboojig oonje enewh uhyeëen wazhebeëgahdagin emuh muzzenuheguning, anandahgwudenig oodahnookeewinewah.

¹³ Kechegummeeng keöonje‐puggedenegahzoowug egewh naboojig ayahpuneeg emuh, neboowining dush kuhya ahnahmuhkummig keöonje‐puggedenegahzoowug egewh naboojig emuh ayahpuneeg: Anduhshewaud dush keëzhete-bahkoonahwug debishkoo anandahgwudenig oodahnookeewinewah.

¹⁴ Neboowin dush kuhya ahnahmuhkummig keähpuggechegahdanoon emuh ishkoota sahguheguning. Mesuh neezhing neboong.

¹⁵ Ahwagwan kahmekahmoowahsewindan oodoonoozoowin wazhebeëgahdanig emuh bemahdezewine‐muzzenuheguning, keähpuggejegahzoo emuh ishkoota sahguheguning.