REVELATION 2 - Ottawa New Testament Penteteuch and Psalms 1874

¹ Oo‐oo ezhebeühmow oodangenemewaun Ephesusing duhzhe‐anuhmeähjig; Mesuh oo‐oo akedood owh takoonaud enewh neezhwahswe ahnungoon emuh ookeche‐neenjeeng, owh bamoosad emuh nesuhwuhyeëe ahyahnig neezhwahswe wahsuhkoonanjegun‐ahtikoon;

² Nekekandaunun kedahnookeewinun, kuhya ewh anuhnookeeyun kuhya keminwahdanduhmoowin, kuhya azheminwanemahsewudwah egewh maje‐ezhewabezejig; kegekuhgwatebanemaug dush egewh nindahpostleëwemin adezoojig, kah dush denoowesewug, kegeëzhemekahwaug kuhkenuhwishkewaud:

³ Kuhya kegepwahwuhna, kuhya minwahdandum oowin ahyahmun kuhya kegeähnookee oonje nindezhenekahzoowin, kah dush kegeäunuhwanjegase.

⁴ Ningoodenoo dush kemahnahdanemin, ewh kewabenuhmun netum kesahgeëwawin.

⁵ Mequandun dush ween ewh kahoonje‐pungeshinun, kuhya aunuhwanindezoon, kuhya ahnooketun dush enewh natumesingin ahnookewinun; kishpin dush ezhechegasewun waweeb kegahpeöodissin, kuhya ningahmahjetoon kewahsuhkoonanjegun‐ahtikoom, kishpin aunuhwanindezoosewun.

⁶ Oo‐oo dush ween kedahyaun, sheenganduhmun oodezhechegawinewaun egewh Nicolaitanug, enewh kuhya neen shaungandahmaunin.

⁷ Owh watahwugaud, mahnoo oogahbezindaun ewh Keche‐oojechaugwun anahnid enewh dabandahgoozenejin emuh ahnuhmeähwining: Owh dush kamahmauzheëwad ningahpuggedenuhmahwah chemeejid enewh meenewinun azhemeenewid owh bemahdezewine‐metik, padukkezood nahwuhyeëe emuh ooketegahnanseming Kesha‐Muhnedoo.

⁸ Oo‐oo dush ezhebeühmow‐oodangenemewaun Smyrnaing duhzhe ahnuhmeähjig; oo‐oo ekedoo owh netum kuhya ishquauj, owh kahnebood, kayahbe dush bamahdezid;

⁹ Ninkekandaunun enewh kedahnookeewinun, kuhya kekooduggetoowinun, kuhya keketemahgezewin, (pooch kewahnuhdez) kuhya nekekandaun oomujje‐kezhwawinewah egewh Jewyug nindahwemin akedoojig, kah dush ahwesewug, debandahgoozewug atuh emuh oodahnuhmeä‐weguhmigoong owh Satan.

¹⁰ Kagoo kootunkan oonoo uhyeëen kaöonje‐kooduggetooyunin: benuh owh Mujje‐muhnedoo kegahpuggedenegoowah ahnind kenuhwah emuh kebahquahoode‐weguhmigoong, cheöonje‐kuhgwatebanemegooyag; metaussoogoon dush kegahkooduggetoom: Ahyaungwahmezin nahnauzh nebooyun, kegahmeenin dush ewh bemahdezewine‐oogemah‐wewuhquaun.

¹¹ Owh watuhwuggaud mahnoo oogahbezindaun ewh Keche‐Oojechaugwun azheguhnoonahnid enewh dabandahgoozenejinemuh ahnuhmeähwining; owh mamauzheewad kahween oogahbahnahjeëgooseen ewh menuhwah pazhik neboowin.

¹² Oo‐oo dush ezhebeühmow oodangenemewaun Pergamosing duhzhe ahnuhmeähjig; mesuh oo‐oo akedood owh ayaung ewh kache‐keenaug uhyeduhwuhyeëe azhekeenaug azhuhwashk.

¹³ Ninkekandaunun kedahnookeewinun, kuhya anduhnuhkeyun, emuh wawanuhbid Satan: kuhya cheminjemanduhmun nindezhenekahzoowin, kah dush kegeähgoonwatunseen nedabwayanemegoowin, uhpe enewh kezhegudoon kenesind owh Antipas owh manwawezid nebuhmeetahgun emuh anduhnuhkeeyag, anduhnuhkeed dush Satan.

¹⁴ Punge dush kedoosittuhwanemin, ahyahwudwah ewede egewh manjemenungig ewh ookuhgequawin owh Balaam, kahkekenooähmahwaud enewh Balacun chepuggedenuhmahwahnid pukketashinoowin anahsuhmenid enewh Israel oonejahnesun, chemeejenid enewh uhyeëen suhyahsahgewenindwah egewh muzzeneneeg, kuhya chepezhegwahdezenid.

¹⁵ Kedahyahwaug dush egewh manjemenungig ookuhgequawinewah egewh Nicolaitanug, ewh uhyeëe shaunganduhmaun.

¹⁶ Ahnuhwanindezoon: kishpin ahnuhwanindezoosewun waweeb kegahpeöodissin, ningahmegahnaug dush egewh kaähyooyaun ewh ahzhahwashk emuh nindooning ayahmahguk.

¹⁷ Owh watuhwuhgaud, mahnoo oogahbezindaun ewh Keche‐oojechaug anaud enewh dabandahgoozenejin emuh ahnuhmeähwining; Ningahmeenah owh mamauzheëwad chemejid ewh kuhyahchegahdag manna, kuhya ningahmeenah wuhyahbishkahbikezoonejin ahsineen, emuh dush ahsineeng tahoozhebeëgahda ooshke‐ezhenekahzoowin kakanduhsig ahweyah me atuh owh mahnind.

¹⁸ Oo‐oo dush ezhebeühmow oodangenemewaun Thyatiraïng duhzhe ahnuhmeähjig; me suh oo‐oo ekedood Kesha‐Muhedoo oogwissun, ishkootang azhenahgwudenigin ooshkinzhegoon, kuhya enewh oosittun wanesheshing oozahwahbik azhenahgwudenegin;

¹⁹ Nekekandaunun enewh kedahnookeewinun, kuhya kesahgeëdewin, kuhya kebuhmeetahgawin, kuhya kedabwayanduhmoowin, kuhya keminwahdanduhmoowin, kuhya kedahnookeewinun; enewh dush ishquauj ahwahshema bahtuhënudoon dush ween enewh netum.

²⁰ Punge dush nindahyaunun wanje‐wuhsittuhwaneminaun, puggedenuhmahwud owh equa Jezebel, nindaunwahjega‐equawh adezood, chekekenooähmahwaud kuhya chewuhyazhemaud nimbuhmeetahgunun chepezhegwahdezenid, kuhya chemeejenid enewh uhyeëen kahsahsahgewetuhmahwindwah egewh muzzeneneeg.

²¹ Ningemeenah dush kezhegudoon uhpe kageäunuhwanindezoopun oonje oopeshegwahdezewin; kah dush keaunuhwanindezoose.

²² Benuh, ningahahpuggenah emuh nebahguning, kuhya enewh wahdookahgoojin emuh oopeshegwahdezewining ningahahpuggenaug emuh keche‐kooduggetoowining, kishpin aunuhwanindezoosigwah.

²³ Kuhya ningahnetuhmoowah oonejahnesun ewh neboowin; kuhya kuhkenuh egewh anuhmeähjig oogahkekandahnahwah neen ahweyaun owh kakandung enewh peenjenuh atagin kuhya oodaëmaun: kegahmeenenim kuhkenuh anduhsheyag debishkoo anandahgwuk kedahnookeewinewah.

²⁴ Kedenenim dush kenuhwah, kuhya ahnind ayahjig emuh Thyatiraïng, menik ayaunsegoog maunduh kuhgequawin, kahkekanduhsegoog enewh ookeemoodezewinun Satan, debishkoo akedoowaud. Kah dush kegahpemoonduhesenoonim kagoo pakaunuk pemoonjegawin.

²⁵ Ewh atuh ahzhuh ayahmag minjemanduhmook nahnauzh petuhgwishenaun.

²⁶ Owh dush kamahmauzheëwad, kuhya ganuhwandung nindahnookeewinun nuhnauzh ishquah‐bemahdezid, me suh owh kameenug mushkahwezewin chekushkeäud ahnooj azheweenzoonejin ahnishenahban:

²⁷ Kuhya oogahoogemahkundahwaun enewh, peewahbikoo‐suhkuhoon kaähyood; debishkoo oodoonahgunun owh wahbegune‐oonahguneka‐wenene tahezhepoopookooshinoog: debishkoo kahezhepuggedenuhmahwid Noos.

²⁸ Kuhya ningahmeenah enewh wahbun‐ahnung.

²⁹ Owh watuhwugaud, mahnoo oogahbezindaun Keche Oojechaug enaud enewh dabandahgoozenejin emuh ahnuhmeähwining.