REVELATION 19 - Ottawa New Testament Penteteuch and Psalms 1874

¹ Kahishquah‐ahyaug oonoo uhyeëen ningenoondaun keche‐inwawin debishkoo anwawaud nebewah ahnishenahbag, ewede keche‐kezhegoong oo‐oo keëkedoomahguk, Alleluia; Bemahjeëwawin, kuhya peshegandahgoozewin, kuhya kechetwahwezewin, kuhya mushkahwezewin oodebandaunun owh Tabaningad keKesha‐Muhnedoomenaun:

² Dabwamahgudenewun suh kuhya quuhyuk‐ezhewabudenewun ootebahkoonegawinun: oogetebahkoonaun muh enewh kache‐pezhegwahdezenejin equawun kahweenetoonejin uhkee oonje kepeshegwahdezenid, kuhya oogeähzhittah‐doodahwaun ewh keöonjegahtuhmahwemind oobuhmeetahgunun oomisqueemene.

³ Menuhwah dush keëkedoowug, Alleluia. Keöombahbuttane dush chahgezood kahgenig uhpena kahgenig.

⁴ Kuhya egewh neshtuhnuh ahshe‐newin katezejig kuhya egewh newin ahwaseeüg keöojecheengwunesawug keshahgushketuhwahwaud Kesha‐Muhnedoon namuhduhbenejin emuh oogemah‐wuhbewining, oo‐oo keëkedoowaud, Amen; Alleluia.

⁵ Inwawin dush kepeöonjeemahgud emuh oogemah‐wuhbewining, oo‐oo keëkedoomahguk, Mahmooyahwuhmik keKesha‐Muhnedoomenaun kuhkenuh kenuhwah wabuhmeetahgunemenag, kuhya kenuhwah quasag agahsandahgoozeyag kuhya kachetwahwandahgoozeyag.

⁶ Ningenoondaun debishkoo oodinwawinewah nebewah mahyahwunjeëdejig, kuhya azhemuhtwajewung nebewah neebeen, kuhya anwawaud keche‐ahnemikeeg, oo‐oo keëkedoomahguk, Alleluia; oogemahwe muh owh Tabaningad, Kesha‐Muhnedoo Mahyahmahwe‐mushkahwezid.

⁷ Oonahnegoozedah, kuhya moojegezedah, kuhya peshegandahgooähdah owh, zhuhyegwah muh debishkoosane ooweewekoodahdewin owh Mahnishtahnisheens, ahzhuh dush kezhetahwun enewh weewun.

⁸ Kepuhgedenuhmahwah owh equa cheähgwid wanesheshing wahbishkegin, pahneguk kuhya wuhyahbishkeguk: ewh dush wanesheshing wahbishkegin mesuh ooquuhyuk-ezhewabezewinewah egewh manoo‐ahnuhmeähjig.

⁹ Oo‐oo dush ningeïk, Oozhebeün, Shahwandahgoozewug egewh wahkoomindjig emuh oowewekoodahdewine wesenewining owh Mahnishtahnisheens. Oo‐oo dush ningeïk, Mesuh oonoo ekedoowinun duhyabwamahgudenegin oodekedoowinun Kesha‐Muhnedoo.

¹⁰ Ningeöojecheengwuhnesa dush emuh oosittaung cheshahgushketuhwug. Oo‐oo dush ningeïk, Kagoo benuh ezhechegakan: keeje‐buhmeetahgun muh nindow, kuhya pazhik egewh kejekewaüg ayahjig oodebahjemoowin Jesus. Shahgushketow Kesha‐Muhnedoo; chedebahjemind suh owh Jesus mesuh anuhnookeemahgak ewh aunwahjegawin oonje Oojechangoomaung.

¹¹ Ningewahwahbundaun dush ewh kezhik pahkahkoosing, benuh dush wuhyaubishkezid papazhegookunzhee; owh dush pamoomegood Ayaungwahmezid kuhya Duhyabwad keëzhenekahzoo, kuhya emuh quuhyuk ezhewabezewining ezhetebahkoonega, kuhya ezhemegahzoo.

¹² Debishkoo dush mashkookunag ishkoota keëzhenahgwudenewun ooshkinzhegoon, emuh dush ooshtequauning keähtanewun nebewah oogemah‐wewuhquaunun; Keöozhebeëgahdane dush ezhenekahzoowin, ewh kakanduhsig ahweyah, ween atuh goo tebenuhwa.

¹³ Oogeähgwin dush ewh puhpeensekowahgun kahkeendahbegenegahdanig emuh misqueeng: Oodekedoowin Kesha‐Muhnedoo, ezhenekahzoo.

¹⁴ Oogenoopenuhnegoon dush enewh shemahgunishun ewede keche‐kezhegoong ahyahnejin, pamoomegoonejin enewh wuhyahbishkezenejin papazhegookunzheen, kuhya agwenejin ewh wanesheshing wahbishkegin, wahyahbishkegukkuhya pahneguk.

¹⁵ Emuh dush oodooning keöonjesane kahnaug ahzhahwashk, mesuh ewh kaähyood chepukketawaud enewh mayugezenejin; pewahbikoo oogemah‐suhkuhoon oogahahyoon cheöogemahkundahwaud enewh: ootuhkookahdaun dush ewh shoowemin‐ahbookaun, mesuh ookeche‐nishkahdezewin owh Mahyahwahwe‐mushkahwezid Kesha‐Muhnedoo.

¹⁶ Oozhebeëgahdane dush emuh oopuhpeensekowahguning kuhya emuh oobwauming pazhik ezhenekahzoowin MESUH WAH‐OWH WADOOGEMAHMEGOOD ENEWH KECHE‐OOGEMAUN, KUHYA TABANEMAUD ENEWH TABANINGANEJIN.

¹⁷ Ningewahbuhmah dush pazhik angen nebahwid emuh kezisoong; kekeche‐pepahge dush, oo‐oo keënaud kuhkenuh enewh penaseeyun pabahmesanejin ewede nesahwe‐kezhegoong, Oondahshaug kuhya pemahwunjeëdeyook emuh ookeche‐ahshungawining owh Kache‐Kesha‐Muhnedoowid.

¹⁸ Chemeejeyag dush ooweyausewah egewh keche‐oogemaug, kuhya ooweyausewah menesenoo‐oogemaug, kuhya ooweyausewah egewh mashkahwezejig, kuhya ooweyausewah egewh papazhegookunzheeg, kuhya egewh pamoomegoojig, kuhya ooweyausewah kuhkenuh enenewug, egewh dabanindezoojig kuhya egewh dabanemindjig, egewh agausandahgoozejig kuhya kachetwahwandahgoozejig.

¹⁹ Ningewahbuhmah dush owh ahwasee, kuhya egewh uhkeeng duhzhe keche‐oogemaug, kuhya ooshemahguneshemewaun mahwunjeëdenid wemegahnahnid enewh pamoomegoonejin papazhegookunzheen, kuhya enewh ooshemahgunishemene.

²⁰ Ketuhkoonah dush owh ahwasee kuhya owh kakenuhwishkid aunwahjega‐wenene, kahmahmaundahwejegad anahsuhmid owh ahwasee, kahwuhyazhemaud dush enewh kahkekenoowahjechegahzoonejin ookekenoowahjechegun owh ahwasee, kuhya enewh kahoojecheengwuhnetahwahnejin enewh oomuzzenenemene. Oogoo nuhyazh keähpuggenahwug magwah bemahdezewaud emuh wazahwushkookunag ishkoota sahguheguning.

²¹ Egewh dush kahishkoonindjig oogenesegoonahwah oodahzhahwashkoom owh pamoomegood enewh papazhegookunzheen, ewh ahzhahwashk kahoonjesanig emuh oodooning; egewh dush penasheyug keöonje‐tabesenewug kemeejewaud ooweyausewah.