REVELATION 18 - Ottawa New Testament Penteteuch and Psalms 1874

¹ Uhpe dush kahishquahsag oonoo uhyeëen ningewahbuhmah menuhwah pazhik angen keche‐kezhegoong kahpeöonjebaud, kahahyaud keche‐kushkeäwezewin: kekeche‐wahsayah dush emuh uhkeeng apeech kahpeshegandahgoozid.

² Keche‐anegook dush kepepahge, oo‐oo keëkedood, Ahzhuh kekahwesamahgud kachetwahwandahgwuk oodanah Babylon, kekahwesamahgud suh, mujje‐muhnedoog oodoodanahwewah enandahgwud kuhya ookebahquahoode‐weguhmigoowah kuhkenuh wahnezejig oojechaugoomaug, kuhya ookebahquahoode‐weguhmigoowah kuhkenuh wahnezejig kuhya shaungandahgoozejig penasheyug.

³ Kuhkenuh muh egewh ahnooj azheweenzoojig ahnishenahbag oogemenequanahwah ewh oopezhegwahdezewine‐shoowemin‐ahboo ewh wanje‐nishkanemind; kuhya egewh emuh uhkeeng duhzhe keche‐oogemaug oogeweeje‐peshegwahdezemahwaun enewh, kuhya keche‐tebenuhwawezewug oomah uhkeeng duhzhe keche‐ahtahwa‐wenenewug oonje bahtuheënudenig oomenoo‐wesinewinun.

⁴ Ningenoondaun dush menuhwah pazhik inwawin keche‐kezhegoong kahoonzetahgwuk, oo‐oo keëkedoomahguk, Peöonje‐sahguhuhmook emuh anduhzhe‐ahyaud owh equa, nindahnishenahbamedoog, cheöonje‐weedookunsewag oomujje‐ezhewabezewinun, cheëzhekooduggetoosewag dush enewh ookooduggetoowinun.

⁵ Mujje‐ezhewabezewinun muh ayaugin emuh kepuhgummeähyahwun peenish egoo ewede keche‐kezhegoong, Kesha‐Muhnedoo dush oogemequandaunun enewh mujje‐ezhewabezewinun emuh ayaugin.

⁶ Ahzhittah‐dooduhwik nahsaub kahdoodoonag, neezhing dush menik doodahwik ewh kahdoodoonag; emuh oomenequahjeguning kahmooshkenabetood, neezhing menik seegenuhmahwik.

⁷ Menik kahpeshegandahgooëdezood, kuhya kahpezhegwahdezid, mesuh menik kooduggetoowin kuhya ketemahgezewin kameenag: oo‐oo muh ekedoo emuh oodaïng, Keche‐oogemahquang ninduhnub, kah dush neshegahwese, kah dush ningahwahbunduhseen koodugganduhmoowin.

⁸ Mesuh kaöonje‐oodissegood enewh ookooduggetoowinun ningoo‐kezheguk, neboowin, kuhya kushkanduhmoowin kuhya puhkuddawin; tahchahgahketa dush emuh ishkootang; mushkahweze muh owh Tabaningad Kesha‐Muhnedoo tabahkoonaud enewh.

⁹ Egewh dush uhkeeng duhzhe keche‐oogemaug kahweeje‐peshegwahdezemahjig kuhya kahweedegamahjig magwah kemenoo‐wesenenid oogahmuhwemahwaun kuhya tahahyahshequawug uhpe wuhyahbunduhmoowaud baquananig ewh chahgezood.

¹⁰ Wahsuh nebahwewaud oonje kootuhmoowaud ookooduggetoowin, oo‐oo tahekedoowug, Tuhyah, Tuhyah keche oodanah Babylon kachetwahwandahgwuk oodanah! ningoo‐tebahegunag suh kepuhgummishkahgoon kenahneboomegoowin.

¹¹ Kuhya dush egewh uhkeeng duhzhe keche‐ahtahwa‐wenenewug oogahmuhwemahwaun kuhya tahminjenahwazewug, oonje kayahbe kishpenuhtuhmahgoosigwah enewh enenewun ooduhnuhkahjegunewaun:

¹² Ewh suh oozahwah‐shooneäh, kuhya shooneäh, kuhya kache‐ahpeetandahgoozejig ahsineeg, kuhya enewh pearlun, kuhya wanesheshing wahbishkegin, kuhya oogemahwagin, kuhya sanebah, kuhya misquagin kuhya manoomahgoozid metig, kuhya ahnooj doowun oonahgunun keche‐ahwasee webittaung wanje‐oozhechegahdagin, kuhya ahnooj doowun oonahgunun keche‐quuhnauj‐metigoon wanje‐oozhechegahdagin, kuhya oozahwahbikoo‐oonahgunun kuhya pewahbikoo‐oonahgunun, kuhya quuhnauj ahsine-oonahgunun.

¹³ Kuhya Cinnamon, kuhya manoomahgoojegunun, kuhya noomenegunun, kuhya frankincense, kuhya shoowemin‐ahboo, kuhya pemeda, kuhya wanesheshid buhquazhegun, kuhya mezeminans, kuhya ahwahkahnug kuhya mahnishtahnishug, kuhya papazhegookunzheeg, kuhya tetebetahbaunug, kuhya ahwahkaune enenewug, kuhya enewh oojechaugoowaun enenewug.

¹⁴ Kemahjahmahgudoon dush enewh menewinun kahkeche‐nunduhwanduhmunin emuh kejechaugoong, kuhya kemahjahmahgudoon kuhkenuh manoopoogwukkin kuhya wanesheshingin uhyeëen, kah dush menuhwah kegahmekunsenun.

¹⁵ Egewh ahtahwa‐wenenewug atahwajig oonoo uhyeeen kahtebenuhwawezeëgoojig enewh, wahsuh tahnebahwewug oonje kootummoowaud ookooduggetoowinun, muhwewaud kuhya nuhneenuhwetahgoozewaud,

¹⁶ Oo‐oo dush ekedoowaud Tuhyah! Tuhyah! ewh keche oodanah! kahahgwid ewh wanesheshing wahbishkegin, kuhya oogemahwagin, kuhya misquagin, kuhya oozahwah‐shooneäh uhmuhdindung kuhya kache‐ahpeetandahgoozenejin ahsineen kuhya pearlun!

¹⁷ Ningoo‐tebahegun muh keähpeche‐bahnahdudoon kuhkenuh oonoo keche‐tebenuhwawezewinun. Kuhkenuh dush nahbequaune‐oogemaug, kuhya kuhkenuh egewh pwahzejig emuh nahbequauning, kuhya egewh nahbequaune‐enenewug, kuhya kuhkenuh egewh dabandungig enewh nahbequaunun emuh kechegummeeng, wahsuh kenebahwewug,

¹⁸ Keähyahshequawug dush uhpe wuhyahbunduhmoowaud baquanag oonje chahgetag oodanah, oo‐oo keëkedoowaud, Ahneen Oodanah azhenahgwuk oo‐oo keche‐oodanah!

¹⁹ Weyuhgussa dush oogeähtoonahwah emuh oogijjuhyeëe ooshtequaunewaung, keähyahshequawaud kemuhwewaud kuhya kenuhneenuhwetahgoozewaud, oo‐oo keëkedoowaud, Tuhyah! Tuhyah! ewh kechetwahwandahgwuk oodanah, kahduhzhe‐tebenuhwawezeïndwah kuhkenuh dabandungig enewh nahbequaunun emuh kechegummeeng oonje-kechetwahwezemahguk! ningoo‐tebahegun muh kebahnahjechegahda.

²⁰ Moojegezin keen kezhik, kuhya moojegezeyook kenuhwah apostlewedoog kuhya aunwahjega‐wenenewedoog oonje bahnahduk; Kesha‐Muhnedoo muh oogeähzhittah‐doodaun ewh oodanah kahmujje‐doodahgooyag.

²¹ Pazhik dush kache‐mushkahwezid angen oogeöodahpenaun enewh ahsineen keche‐pootahgun‐ahbikoong azhenahgoozenejin, kepuhkoobe‐wabenaud dush emuh kechegummeeng, oo‐oo keëkedood, Mesuh anegook kaëzheneeswabenegahdag ewh keche‐oodanah Babylon, kah dush bahpish menuhwah tahmekahjegahdasenoon.

²² Kah dush menuhwah tahnoondahgoozesewug egewh matwawajegajig, kuhya naguhmoojig, kuhya egewh papegwajig, kuhya pwahtahjegajig emuh anduhzhe‐ahyahyun: owh dush natahwetood gagoo nuhmunj wazhetoogwan kahween tahmekahwahse emuh anduhzhe‐ahyahyun; kah dush tahnoondahgwussenoon pootahgun‐ahbik muhtwa‐pootahgamahguk anduhzhe ahyahyun,

²³ Kah dush wekah tahwahsuhkoonaseem emuh anduhzhe‐ahyahyun; kah dush wekah tahnoondahgoozese owh nahaungish kuhya nahaungequa emuh anduhzhe‐ahyahyun; kedahtahwa‐wenenemug kekechetwahwezepuneeg emuh uhkeeng: kuhkenuh muh ahnooj azheweenzoojig enenewug oogewuhyazhemegoonahwah kecheesuhkewinun.

²⁴ Emuh dush keche‐oodanaung kemekahjegahda oomisquemewah egewh aunwahjega‐wenenewug, kuhya egewh manoo‐ahnuhmeähjig, kuhkenuh dush egewh kahnesindjig emuh uhkeeng.