REVELATION 17 - Ottawa New Testament Penteteuch and Psalms 1874

¹ Kepeëzhah dush pazhik egewh neezhwahswe angenug takoonungig enewh neezhwahswe oomoodansun, ningeguhnoonig dush oo‐oo keëzhid, Oondahshaun: kegahwahbundahin kaëzhenahneboomind owh kache‐peshegwahdezid equa namuhduhbid emuh anduhshe‐ahtanig nebewah nebeen:

² Mesuh owh kahweedookahgood enewh oomah uhkeeng duhzhe keche‐oogemaun kepeshegwahdezid; kuhya kekeooshquabeähwug egewh anduhnuhkeejig emuh uhkeeng, oonje kemenequawaud oopeshegwahdezewine‐shoowemin‐ahboom.

³ Ningeëzhewenik dush emuh oojechaugoomaung ewede puhgwuhduhkummig: ningewahbuhmah dush equa pemoomegood enewh mashkoozhenejin ahwaseeün, mezewa kahoozhebeëgahzoonejin mujje‐kezhwawine‐ezhenekahzoowinun, neezhwahchenig ooshtequaunun kuhya metahchewunenig oodashkunun.

⁴ Owh dush equa kemishkookoonuhya, kuhya madindung oozahwah‐shooneäh kuhya kache‐ahpeetandahgoozenejin ahsineen kuhya enewh pearlun, oogetuhkoonaun dush oozahwah‐shooneäh‐menequahjegun mooshkenag enewh ookuhgwahnesugge‐mujje‐ezhewabezewinun kuhya azheweenudenig oopeshegwahdezewinun.

⁵ Emuh dush ookuttikoong keöozhebeëgahdane ewh ezhenekahzoowin, Kemoodezewin, Kachetwahwandahgwuk Babylon, wagemegood enewh pazhegwahdezenejin equawun, kuhya oomah uhkeeng duhzh kuhgwahnesugge‐mujje‐ezhewabezewinun.

⁶ Ningewahbuhmah dush owh equa keöoshquabid kemenequad oomisqueemewah egewh manoo‐ahnuhmeähjig, kuhya oomisqueemewah egewh kahnesindjig oonje kedabwayanemahwaud Jesusun; uhpe dush wuhyahbuhmug ningekeche‐mahmahkahdandum.

⁷ Oo‐oo dush ningeïk owh angen, Ahneeshwin kemahmahkahdanduhmun? kegahwahweenduhmoon ewh ookemoodezewin owh equa, kuhya owh ahwasee kahpemoomegoojin, kahneezhwahchenenig ooshtequaunun, kuhya kahmetahchenenig oodashkunun.

⁸ Owh ahwasee kahwahbuhmud keähyah, kah dush kayahbe ahyahse; tahoonje‐oombishkah emuh wuhyaquahsasenook wahnekauning, kuhya tahezhah emuh nishewuhnahdezewining: egewh dush anduhnuhkejig emuh uhkeeng tahmahmahkahdanduhmoog, (menik anduhshewaud egewh wazhebeëgahdasenenig oodezhenekahzoowinewaun emuh bemahdezewine‐muzzenuheguning pahahkoo‐oozhechegahdag maunduh uhkee) uhpe wuhyahbuhmahwaud enewh ahwaseeün kahahyahnejin, ahzhuh kahishquah‐ahyahnejin, pooch edush kayahbe ahyah.

⁹ Benuh dush, oo‐oo nabwahkahmahguk enanduhmoowin. Enewh neezhwahswe ooshtequaunun ahwunoon neezhwahswe wahjewun emuh anduhzhe nuhmuhdubid owh equa.

¹⁰ Neezhwahchewug dush egewh keche‐oogemaug, nahnun ahzhuh kepungeshinoog, pazhik dush kayahbe ahyah, menuhwah dush pazhik kahween muhshe tuhgwishinse; uhpe dush tagwishing, wanebik tahahyah.

¹¹ Owh dush ahwasee ayahpun, kayahbe dush ayahsig mesuh owh akoo nishwahchewaud, ahwe dush pazhik egewh nauzhwahchejig, ezhah dush emuh nishwuhnahdezewining.

¹² Enewh dush metauswe oodashkunemaug kahwahbuhmudjig mesuh metauswe keche‐oogemaug, muhshe ayaunsegoog oogemahwewin; oodoodahpenahnahwah kushkeäwezewin ningoo‐tebahegunag cheweej‐oogemahwemahwaud enewh ahwaseeün.

¹³ Pazhigwunene suh oodenanduhmoowinewaun oogoo, oogahmeenahwaun dush ahwaseeün ookushkeäwezewinewaun kuhya oomushkahwezewinewaun.

¹⁴ Oogoo dush oogahmegahnahwaun enewh mahnishtahnisheensun, mahnishtahnisheens dush oogahmahmauzheaun enewh, ween muh ootebanemaun kuhkenuh enewh tabaninganejin kuhya wagemahkundahwaud enewh keche‐oogemaun: enewh dush wahjewahjin nundoomegoozewun, kuhya wahwanahbuhmegoozewun, kuhya aungwahmezewun.

¹⁵ Oo‐oo dush nindig, Enewh nebeen kahwahbunduhmunin, anduhzhe nuhmuhduhbid owh pazhigwahdezid equa, mesuh ayahwung egewh ahnishenahbag, kuhya waqueenoojig, kuhya ahnooj azheweenzoojig bamahdezejig, kuhya ahnooj anwajig.

¹⁶ Enewh metauswe oodashkunemaug kahwahbuhmudjig emuh ooweyowing owh ahwasee, mesuh egewh kasheenganemahjig enewh pazhigwahdezenejin equawun, oogahketemahgezeähwaun enewh kuhya oogahpingwah-shahgedeähwaun, oogahmeejenahwah dush ooweyausene, kuhya oogahchaugizwahwaun emuh ishkootang.

¹⁷ Owh suh Kesha‐Muhnedoo oogeähtuhmahwaun emuh oodaëning chedebishkoosetoonid oodenanduhmoowin, kuhya cheweedookuhdahdenid, kuhya chemeenahnid oodoogemahwinewaun enewh ahwaseeün, nahnauzh ketebishkoosanig Kesha‐Muhnedoo oodekedoowinun.

¹⁸ Owh dush equa kahwahbuhmud, mesuh ewh keche‐oodanah ewh oogemahkundahgoowaud egewh keche‐oogemaug emuh uhkeeng ayahjig.