REVELATION 16 - Ottawa New Testament Penteteuch and Psalms 1874

¹ Ningenoondaun dush keche‐inwawin oonje keche‐ahnuhmeä‐weguhmigoong oo‐oo keënindwah egewh neezhwahswe angenug, Mahjaug, kuhya segwabenuhmoog emuh uhkeeng enewh oomoodansun emuh atanig oonishkahdezewin Kesha‐Muhnedoo.

² Owh dush netum keühnemahjah, kesegwabenung dush oomoodansim emuh uhkeeng; kekuhgwahnesugge-ooshingebissemewug egewh enenewug kahkekenoowahjeïndjig ewh ookekenoowahjechegun ahwasee, kuhya egewh kahoojecheengwuhnetahwahjig enewh oomuzzenenemene.

³ Akoo nesewaud dush angen oogesegenaun ewh oomoodansim emuh kechegummeeng; misqueeming keëzhenahgwud debishkoo oomisqueem kahnebood enene: kuhkenuh dush bamahdezejig emuh kechegummeeng keneboowug.

⁴ Akoo nesewaud dush angen oogesegenaun oomoodansim emuh azhetequayaug enewh seebeen kuhya emuh mwahkejewung enewh nebeen; kemisquewahgummewun.

⁵ Ningenoonduhwah dush owh angen ganuhwandung enewh neebeen, oo‐oo ekedood, Kequuhyuk‐ezhewabiz. Tabaningayun, keen ayahyun, kuhya ayahyunbun kegemenoochega oo‐oo keënahkoonegayun.

⁶ Oogeöonjegahtuhmahwahwaun muh oomisqueemene enewh manoo‐ahnuhmeähnejin kuhya enewh aunwahjega‐wenenewun, kegemeenahaug dush misque; mesuh anandahgoozewaud.

⁷ Ningeöonje‐noonduhwah dush menuhwah pazhik emuh sahsahgewejegun‐ahbikoong oondwawatung oo‐oo keëkedood, Mesuh kadezhewabuk, Tabaningayun Kasha‐Muhnedooweyun Mahyahmahwe‐mushkahwezeyun, dabwamahgudoon kuhya quuhyuk‐ezhewabudoon kedebahkoonegawinun.

⁸ Kuhya akoo‐newewaud angen oogeseegenaun ewh oomoodansim emuh kezisoong; kemeenah dush ewh kushkeäwezewin chechahgizwaud enewh enenewun ewh ishkoota.

⁹ Egewh dush enenewug kechahgezoowug apeech kezhetanig, oogemujje‐duhzhindahnahwah dush oodoonoozoowin Kesha‐Muhnedoo, wagemahkundung oonoo mahnahdahpenawinun; kah dush keähnuhwanindezoosewug chepeshegandahgooähwaud Kesha‐Muhnedoon.

¹⁰ Akoo nahnunewaud angen oogeseegenaun oodoomoodansim emuh oogijuhyeëe oonuhmuhduhbewining owh ahwasee; kekeche‐kushketebekudene dush emuh oodoogemahwewining, kuhya oogechechegoondahnahwah oodanuhnewewaun kahahpeeche‐kooduggetoowaud.

¹¹ Kuhya oogemujje‐duhzhemahwaun keche‐kezhegoong duhzhe Kesha‐Muhnedoon oonje kooduggetoowaud, kuhya oonje‐ooshengebeesemewaud, kah dush keäunuhwanindezoosewug enewh oomujje‐ezhewabezewinewaun.

¹² Akoo ningoodwahchewaud dush angen oogeseegenaun oodoomoodansim emuh azhetequayaug ewh keche-seebee Euphrates azhenekahdag; keïshkuttamahgud dush kepangookummegah anduhzhe nebeekahgoobun, cheöonje-wahwazhetuhmahwindwah egewh wahbunoong duhzhe keche‐oogemaug oomeekunahwaun.

¹³ Ningewahbuhmaug dush neswe wahnezejig oojechaugoomaug, oomukkukkeeng azhenahgoozewaud, peöonje‐sahguhumoowaudemuh oodooning owh keche‐mujje‐kenabig, kuhya oodooning owh ahwasee, kuhya oodooning owh kuhkenuhwishke‐aunwahjega‐wenene.

¹⁴ Mesuh mujje‐muhnedoog oojechaugoowaun, kemahmaundahwejegawug, oodezhahnahwaun dush kuhkenuh uhkeeng duhzhe keche‐oogemaun, ahwemahwunjeähwaud enewh chemegahzoonid, uhpe oomegahdewine‐kezhegudoom owh Mahyahmahwe‐mushkahwezid Kesha‐Muhnedoo.

¹⁵ Benuh, ninpetuhgwishin debishkoo tuhgwishing kamoodishkid. Shahwandahgooze suh owh akahwahbid, kuhya ganuhwandung oodahgwewinun, chepingwahshahgede‐bemoosasig, chewahbunduhmoowahsewind edush oodahgujjewin.

¹⁶ Oogemahwunjeäun dush enewh emuh Armageddon azhenekahdag emuh Hebrew inwawining.

¹⁷ Akoo neezhwahchewaud angen oogeseegenaun oodoomoodansim emuh mezhuh‐kezhegoong; kenoondahgwud dush keche‐inwawin keche‐kezhegoong duhzhe keche‐ahnuhmeä‐weguhmigoong, keöonzetahgwuk emuh atag ewh kecheoogemah‐wuhbewin, oo‐oo keëkedoomahguk, Ahzhuh kekezhechegahda.

¹⁸ Kenoondahgwudoon dush inwawinun, kuhya keähnemekeekah, kuhya kewahwahsuhmoo; kuhya kekeche‐cheengwakummegah, kah wekah keëzhecheengwakumme-gahsenoon akoo bemahdezewaud enenewug emuh uhkeeng, kahahpeech‐keche‐cheengwakummegaug.

¹⁹ Niswuhyuk dush keëzhenuhnahwishkah ewh keche‐oodanah; kekahwesamahgudenewun dush ookeche‐oodanahwewaun egewh mayugezejig: Kesha‐Muhnedoo dush oogemequandaun ewh kachetwahwandahgwuk Babylon, chemeenaud ewh ooshoowemin‐ahboo‐menequahjegun, mesuh ookeche‐nishkahdezewin.

²⁰ Keöozhemoomahgudoon kuhkenuh menisun, kah dush kemekahjegahdasenoon wahjewun.

²¹ Kezhegoong keöonje‐keche‐sasagun emuh anduhnuhkeewaud enenewug, pazhik keche‐tebahbishkoojegun keähpeetenuhgoozid anduhsoominuhgezid sasagun: enenewug dush oogemujje‐duhzhemahwaun Kesha‐Muhnedoon oonje kekooduggeëgoowaud sasagun; kekeche‐kuhgwahnesuggandahgwud suh kooduggetoowin.