REVELATION 14 - Ottawa New Testament Penteteuch and Psalms 1874

¹ Ningeënaub edush, benuh dush pazhik Mahnishtahnisheens kenebahwe emuh Zion wahjewing, oogeweejewegoon dush ningoodwauk ahshe nemeduhnuh ahshe newin dushing metauswauk, kahkekenoowahjebeëgahzoonejin emuh ookuttikkooning Oosun oodezhenekahzoowine.

² Ningenoondaun dush inwawin ewede keche‐kezhegoong kahoonzetahgwuk, anwawamahguk debishkoo matwajewungin nebewah nebeen, kuhya anetahgoozid keche‐ahnemekee: kuhya ningenoondaun oodinwawinewah egewh matwawajegajig muhtwawatoowaud enewh oomuhtwawajegunewaun:

³ Tahnuhsug ooshke‐nuhguhmoowin kahnuhguhmoowaud emuh anahsuhme‐ahyahnig ewh oogemah‐wuhbewin, kuhya anahsuhmewaud egewh newin ahwaseeyug, kuhya egewh katezejig: Kah dush ahweyah ookushketooseen chetakekandung ewh nuhguhmoowin, egewh atuh ningoodwauk ahshe nemeduhnuh ahshe newin duhshing metauswauk oomah uhkeeng kahoonje‐kishpenuhnindjig.

⁴ Me suh oogoo kahweeneëdezoosegoog enewh equawun; kekekaungoowewug muh. Mesuh oogoo nwahpenuhnahjig enewh Mahnishtahnisheensun tebe goo pabahezhahnegwan; oogoo mahween magwa ahnishenahbakaug kahoonje‐kishpenuhnindjig, me suh oogoo netum sagukkenegahzoojig cheöonje‐peshegandahgooëmind enewh Kesha‐Muhnedoon kuhya enewh Mahnishtahnesheensun.

⁵ Kah dush gagoo wuhyazhingawin kemekummoowahsewug emuh oodoonewaung: kah dush kuhnuhga ningood ezhemujjeëzhewabezesewug anahsuhme‐ahyahnig oodoogemah‐wuhbewin Kesha‐Muhnedoo.

⁶ Ningewahbuhmah dush menuhwah pahzhik angen pemesad emuh nahwuhyeëe kezhegoong, ahyaud ewh kahgega‐minwahjemoowin chedebahjemootuhwaud enewh anduhnuhkenejin emuh uhkeeng, kuhya kuhkenuh enewh ahnishenahban, kuhya papukkaun azheweenzoonejin, kuhya papukkaun anwanejin, kuhya bamahdezenejin,

⁷ Kekeche‐pepahgid oo‐oo dush keëkedood, Koosik Kesha‐Muhnedoo, kuhya pezhegandahgooïk; zhuhyegwah gooshuh tuhgwishenoomahgud ootebahkoonewa‐kezhegudoom: oojecheengwuhnetuhwik owh kahoozehetood kezhik kuhya uhkee, kuhya kechegumme, kuhya wanjejewung nebeen.

⁸ Oogepenoopenuhnegoon menuhwah pazhik angenun, oo‐oo akedoonid, Ahzhuh kekahwesamahgud Babylon, Kekahwesamahgud, kachetwahwandahgwuk keche‐oodanah, oonje kemeenuhaud kuhkenuh ahnooj azheweenzoonejin ahnishenahban ewh nishkahdezewine shoowemin‐ahboo mesuh oopezhegwahdezewin.

⁹ Kuhya akoo nesewaud angen oogepenoopenuhnaun enewh, oo‐oo ekedood keche‐pepahgid, Kishpin ahweyah oojecheengwuhnetuhwaud enewh ahwaseeün kuhya enewh oomuzzenenemene, kuhya kekenoowahjeïnd ewh ookekenoowahjechegun emuh ookuttikoong gamuh emuh ooneenjeeng,

¹⁰ Mesuh owh kamenequad ewh shoowemin‐ahboo, mesuh oonishkahdezewin Kesha‐Muhnedoo, ewh pezheshig sahgenegahdag emuh oonishkahdezewine menequahjeguning; tahkooduggeäh dush emuh ishkootang kuhya emuh wazahwushkookunag anahsuhmewaud egewh manoo‐ezhewabezejig angenug, kuhya anahsuhmid owh Mahnistahnisheens:

¹¹ Azhepuhquananig anduhzhe‐kooduggeïndwah oombahbuttane kahgenig kuhya kahgenig, kah dush aunwabesewug kahzhegudenig kuhya tabekudenig, egewh wajecheengwuhnetahwahjig enewh ahwahseeün kuhya oomuzzennenemene, kuhya ahwagwan kakekenoowahjeähwindan oodezhenekahzoowine‐ookekenoowahjechegunene.

¹² Mesuh oo‐oo oominwahdanduhmoowinewah egewh manoo‐ahnuhmeähjig: Mesuh egewh ganuhwandungig ookuhgequawinun Kesha‐Muhnedoo, kuhya oodezhetwahwin Jesus.

¹³ Ningenoondaun dush ewh inwawin ewede kezhegoong oonzetahgwuk, oo‐oo keëgooyaun. Oo‐oo Oozhebeün, Shahwandahgoozewug suh egewh naboojig neboowaud magwah dabwayanemahwaud enewh Tabaninganejin noongoom kuhya kahgenig, Kagate suh ekedoo Keche‐Oojechaug heäunwabewaud ahnookesigwah, oonoopenuhnegoonahwah dush enewh oodahnookewinewaun.

¹⁴ Ningeënaub edush benuh dush wuhyahbishkaug ahnuhquud, kuhya oojig‐ahnuhquud pazhik kenuhmuhduhbe, Enene oogwissun keëzhenahgooze ayaud emuh ooshtequaunning oozahwah‐shooneäh‐oogemah‐wewuhquaun, kuhya oogetuhkoonaun ewh kahnaug kishkushkezhegun.

¹⁵ Menuhwah dush pazhik angen keöonje‐sahguhum emuh keche‐ahnuhmeä‐weguhmigoong, kekeche‐pepahge dush oo‐oo keënaud enewh namuhduhbenenid emuh oogij‐ahnuhquud, Mahjetaun ahyooyun kekishkushkezhegun, kuhya kishkushkezhegan; zhuhyegwah mahween debishkoosa uhpe kakishkushkezhegayun; ahzhuh muh wahbeta ewh kakishkushkezhegahdag emuh uhkeeng.

¹⁶ Me dush kemahje‐kishkushkezhegad emuh uhkeeng owh namuhduhbid emuh oogij‐ahnuhquud; medush kekishkushkezhegahda kuhee.

¹⁷ Menuhwah dush pazhik angen kepeöonje‐sahguhum emuh keche‐ahnuhmeä‐weguhmigoong keche‐kezhegoong atag, kuhya ween takoonung ewh kahnaug kishkiskezhegunahbik.

¹⁸ Menuhwah pazhik angen emuh sahsahgewejegun‐ahbikoong kepeöonje‐sahguhum, owh kashkeäwezekundung ewh ishkooda; kekeche‐pepahge dush, oo‐oo keënaud enewh takoonuhmenenid ewh kahnaug kishkushkezhegun, oo‐ookeëkedood, Mahje‐ahnookeen ahyooyun kahnaug kekishkushkezhegun, kuhya suhgukkenun enewh showeminun emuh uhkeeng; zhuhyegwah emuh ahpeche uhdittawun enewh uhkeeng duhzhe showeminun.

¹⁹ Owh dush angen kemahje‐ahnooke keähyood ookishkushkezhegun emuh uhkeeng, kuhya oogesuhgukkenaunun enewh uhkeeng duhzhe shooweminun, kuhya oogeähpuggedoonun emuh keche‐showemin‐ahbookauning, mesuh oonishkahdezewin Kesha‐Muhnedoo.

²⁰ Kuhya dush ewh shoowemin‐ahbookaun ketuhkookahjegahda ahgwahjuhyeë keche‐oodanaung misque dush keöonjejewun emuh shoowemin‐ahbookauning, peenish oonaubedoonabejegunewaun egewh papazhegookunzheeg, metauswauk ahshe ningoodwauswauk tebahegaunsun.